ئێمە لە تۆرە کۆمەڵایەتیەکان

کوردستان

واشنتن: هەرێمی كوردستان بەشداریی لە دیالۆگی ستراتیژی نێوان ئەمریكا و عیراقدا دەكات


خەڵك- بەشی هەواڵ
باڵیوزی ئەمریكا لە بەغدا دەڵێت، هەرێمی كوردستان بەشداریی لە دیالۆگی ستراتیژی نێوان ئەمریكا و عیراقدا دەكات كە وابڕیارە لەم مانگەدا سازبكرێت، سەرۆكی حكومەتی هەرێمی كوردستانیش جەخت لەسەر پێویستی ڕەچاوكردنی بەرژەوەندی هەموو پێكهاتەكان دەكاتەوە لە دیالۆگەكەدا.
بەپێی ڕاگەیەندراوێك كە لەلایەن سەرۆكایەتی حكومەتی هەرێمی كوردستانەوە بڵاوكرایەوە”ئەمڕۆ سێشەممە مەسروور بارزانی سەرۆكی حكومەتی هەرێمی كوردستان پێشوازی كرد لە ماتیۆ تولەر باڵیۆزی ئەمەریكا لە عَراق و لە دیدارەكەدا كە ستیڤن فەیگن كونسوڵی گشتی ئەمەریكا لە هەولێر ئامادەی بوو”.

هەر لە ڕاگەیەندراوەكەدا هاتووە” بارودۆخی عییراق و ناوچەكە و پەرەپێدانی پەیوەندییەكانی هەرێمی كوردستان و ئەمەریكا تاوتوێ كرا ن و باڵیۆزی ئەمەریكا لە عیراق ئاماژەی بە گرنگیی دیالۆگی ستراتیجی نێوان ویلایەتە یەكگرتووەكانی ئەمەریكا و عیراق كرد، كە بڕیارە لەم مانگەدا ئەنجام بدرێت و هەرێمی كوردستانیش تێێدا بەشدار دەبێت”.

بە وتەی تۆلەر”ئەوان هەموو هەوڵێك بۆ یارمەتیدانی عیراق و هەرێمی كوردستان دەدەین ، بەتایبەتیش بۆ تێپەڕاندنی ئەم دۆخە ئابوورییە سەختەی كە بە هۆی بڵاوبوونەوەی كۆرۆناوە هاتووەتە ئاراوە”.

لەبەرانبەردا سەرۆكی حكومەتی هەرێمی كوردستان جەختی لەسەر گرنگی بەشداریی هەرێمی كوردستان كردەوە لە دایالۆگی ستراتیجی نێوان عیراق و ئەمەریكا “بە شێوەیەك كە ئەنجامەكانی لە بەرژەوەندی گشتی تەواوی پێكهاتەكانی عیراقدا بێت”.

کوردستان

هەشت تووشبوو لەژێر چاودێری چڕدان
بەڕێوەبەری گشتی تەندروستی هەولێر: 50 تووشبووی ڤایرۆسی كۆرۆنا تەندروستیان ناجێگیرە


خەڵك – بەشی هەواڵ

بەڕێوەبەری گشتی تەندروستی هەولێر ڕایدەگەینێت:”50 تووشبووی ڤایرۆسی كۆرۆنا باری تەندروستیان ناجێگیرە، لەناو ئەوانەشدا 8 نەخۆش لەژێر چاودێری چڕدان”.

د. دلۆڤان محەمەد بەڕێوەبەری گشتی تەندروستی هەولێر بە دەنگی ئەمریكای ڕاگەیاندووە:” ئەوانەی كە ئێستا سەردانی نەخۆشخانەكان دەكەن زیاتر بەركەوتەن و نیشانەی نەخۆشیەكەیان هەیە و هەڵگری ڤایرۆسەكەن و ڕێژەی مردنیش بەراورد بە پێشوو زیادیكردووە، لە پێش 19 ی ئایار یەك كەس مردووە، بەڵام دوای 19 ی ئایار 28 كەس مردوون”.

بەڕێوەبەری گشتی تەندروستی هەولێر وتیشی” تا ڕۆژی 4 ی ئەم مانگە 580 نەخۆش لە نەخۆشخانەكاندان لە نێویاندا ئەوانەی كە هەناسەتەنگی و كۆكەیان هەیە و بە قورسی نەخۆشیەكەیان گرتووە 50 نەخۆشن كە باری تەندروستیان ناجێگیرە، لەناو ئەوانەشدا 8 نەخۆش لەژێر چاودێری چڕدان”.

د. دلۆڤان محەمەد ڕوونیشیكردەوە:” گرنگی قەدەغەی هاتوچۆ ئەوەیە كە خەڵك زیاتر لە ماڵەوە دەمێننەوە و بەركەوتە كەمدەبێتەوە و ئەو خەڵكەی كە هەڵگری ڤایرۆسەكە بێت ناچێتە شوێنی قەرەباڵغ، بەپێی ئەو داتایانەی تائێستا لەبەردەستدایە لە ماوەی ئەو دوو ڕۆژەی ڕابردوودا (پێش 4ی ئەم مانگە) ژمارەی تووشبووان دابەزیوە بۆ نیوەی ئەو ژمارەیەی ڕۆژانی پێشتر بەڵكو كەمتریش لەوەی كە چەند ڕۆژێك بەر لە ئێستا تۆمار كرابوو، ئەوەش بەهۆی كاریگەری قەدەغەی هاتوچۆوە بوو كە ژمارەكان بەرەو كەمی ڕۆیشت.”

بەردەوام بە لە خوێندنەوە

کوردستان

گەنجێك لەڕووباری سیروان خنكا


خەڵك – بەشی هەواڵ

لێپرسراوی ڕاگەیاندنی پۆلیسی گەرمیان ڕایدەگەیەنێت: گەنجێك لە كاتی مەلەكردندا لە ڕووباری سیروان خنكا.

مقەدەم عەلی جەمال قدووری لێپرسراوی ڕاگەیاندنی پۆلیسی گەرمیان ڕایگەیاند: ئێوارەی ئەمڕۆ یەك شەممە لە شارەدێی (باوەنوور)ی سەر بە شارۆچكەی كەلار گەنجێك بەناوی (كەیوان عەلی عەبدولقادر ) لەدایكبووی 1993 دانیشتووی شارەدێی باوەنوور لەكاتی مەلەكردندا خنكا.

لێپرسراوی ڕاگەیاندنی پۆلیسی گەرمیان ئەوەشیسختەڕوو: بەوتەی كەسوكاری ناوبراو بەمەبەستی مەلەكردن لەگەڵ هاوڕێكانی ڕوویان لە ڕووباری سیروان كردووە لەكاتی مەلەكردندا خنكاوە.

مقەدەم عەلی جەمال قدووری ئاماژەی بەوشدا: لەئێستادا تیمەكانی بەرگری شارستانی گەیشتوونەتە شوێنی ڕووداوەكە و دەستیان بەگەڕان كردووە و تائێستا تەرمی ناوبراویان نەدۆزیوەتەوە.

بەردەوام بە لە خوێندنەوە

کوردستان

كفری.. پۆلیسێك ڕفێندرا


خەڵك – بەشی هەواڵ

ئەمشەو لەلایەن ژمارەیەك چەكداری نەناسراوەوە لەسەر پڕۆژەیەكی ئاو لەنێوان جەبارە- كفری، هاووڵاتییەكی دانیشتووی كفری كە پیشەی پۆلیسە ڕفێندرا.

ئامانج عەبدولڕەزاق، لێپرسراوی كۆمیتەی جەبارەی یەكێتیی نیشتمانیی كوردستان بە ماڵپەڕی فەڕمی حزبەكەی ڕاگەیاند: هاووڵاتییەك كە پیشەی پۆلیسە و ناوی (ك. ف) و دانیشتووی كفریە لەنێوان شارۆچكەی كفری – جەبارە ڕفێندراوە.

لێپرسراوی كۆمیتەی جەبارەی یەكێتی وتیشی: بەپێی زانیارییە سەرەتاییەكان ئەو كارە لەلایەن گروپی تیرۆریستی داعشەوە ئەنجامدراوە.

بەردەوام بە لە خوێندنەوە

کوردستان