ئێمە لە تۆرە کۆمەڵایەتیەکان

کوردستان

“سوپای حزبیمان قبوڵ نییە و نامانەوێت وەكو هەرێمی كوردستان هەر حزبێك و هێزی چەكداری خۆی هەبێت”

خەڵك-بەشی هەواڵ

 

سەرۆكی پارتی ڕۆژی دیموكراتی كوردی سوریا ڕایدەگەیەنێت، ئەمریكییەكان پێیان ڕاگەیاندووین، خوازیاری یەكڕیزیی كوردی سووریان.

كۆفان كەنعو سەرۆكی پارتی ڕۆژی دیموكراتی كوردی سوریا لە لێدوانێكی ڕۆژنامەنووسیدا ڕایگەیاند، نزیكەی 12 هەزار شەهید و 22 هەزار بریندارمان بۆ بەرگریكردن لە ناوچەكەمان داوە، بە چاوی خۆمان دیمان كە عەفرین و سەرێ كانی و گرێ سپی لەلایەن توركیا و بەرهەڵستكارانی سووریاوە داگیركران و هێشتا ئەو داگیركارییەش درێژەی هەیە.
وتیشی”هەموو ڕۆژێك هاووڵاتیانمان بە دەستی داگیركەران دەكوژرێن و ئاوارە دەكرێن، لە حاڵێكدا ئەنجومەنی نیشتمانی هێشتا بەشێكە لە هاوپەیمانیی بەرهەڵستكارانی سوریا”.

ئاماژەی بۆ ئەوەش كرد، وەكو حزبێك كە لە یەكێتی نوێدا بەشداریمان كردووە داوا لە دۆستانی ئەنەكەسە دەكەین بەبێ پێش مەرج و بە لەبەرچاو نەگرتنی بەرژەوەندی حزبی داهاتوو میللەتەكەمان بخەینە پێش چاومان.

ئاشكراشیكرد، هێزەكانی ڕۆژ ڕۆڵەكانی ئەم نیشتمانەن و جیاوازییەك لەنێوان ئەوان و هێزەكانی سوریای دیموكراتدا نییە، ئێمە سوپای حزبیمان قبوڵ نییە و نامانەوێت وەكو هەرێمی كوردستان هەر حزبێك و هێزی چەكداری خۆی هەبێت.

ڕوونیشیكردەوە، ڕێزمان بۆ هێزەكانی ڕۆژ هەیە، ئەگەر ڕۆژێك بگەڕێنەوە كوردستان دەبێت ببنە بەشێك لە هێزی سەربازی ئێستا لە كوردستانی سوریا و تێكەڵی هێزەكانی سوریای دیموكرات ببن، چونكە هێزێكی چەكدار جگە لەم هێزە لە كوردستانی سوریا بوونی نییە، بەو چەشنەی كە هێزی عەرەب و ئاشووری و ئەرمەنیش لەژێر چەتری هێزەكانی سوریای دیموكراتیكدا كۆبوونەتەوە.

کوردستان

وەزارەتی تەندروستی وەڵامی پەرلەمانتار ڕێزان شێخ دلێر دەداتەوە

خەڵك – بەشی هەواڵ
وەزارەتی تەندروستی هەرێمی كوردستان ڕوونكردنەوەیەكی دەربارەی لێدوانێكی ڕێزان شێخ دلێر پەرلەمانتاری یەكێتی لە بەغدا بڵاوكردەوە كە ڕایگەیاندبوو هەولێر پشكی سلێمانی لە دەرمان و پێداویستییە پزیشكییەكانی حكومەتی عێراق نانێرێت.

ئەمەش دەقی ڕوونكردنەوەكەی وەزارەتی تەندروستییە:

ڕوونکردنەوەیەك لەسەر قسەکانی (ڕێزان شێخ دلێر) بۆ ڕای گشتی

دوای بڵاوبوونەوەی لێدوانێکی پەرلەمانتاری عێراقی (ڕێزان شێخ دلێر) لە سۆشیاڵ میدیا گوایە هاوکاریەکانی وەزارەتی تەندروستی عێراق نەگەیشتووە بە پارێزگای سلێمانی، بۆ ئەم مەبەستە بە پێویستی دەزانین ڕای گشتی ئاگادار بکەینەوە کە هاوکاریەکان لە وەزارەتی تەندروستی عێراقی فیدڕاڵ بێت یان هەر لایەنێکی نێودەوڵەتی بۆ هەموو شوێنەکان لەسەر هەمان فەرمانی وەزاری بە فەرمی و شەفافیەتەوە دابەشکراوە.

سەبارەت بە دەرمان و پێداویستی پزیشکی لە وەزارەتی تەندروستی عێراقی فیدڕاڵ لەلایەن دەزگای (کیمادیا) بە سیستەمێکی ڕاستەوخۆ بۆ کۆگاکانی پارێزگاکان ڕەوانە دەکرێت ئەگەر هاوکاری یان بەشە دەرمانی هەرێمی کوردستان بێت بەهیچ شێوەیەك نایەتەوە هەولێر.

سەبارەت بە هاوکاریە ماددیەکانی تەندروستی عێراق کە بڕی (٥,٣) سێ ملیار و پێنچ سەد ملیۆن دینار بوو بۆ هەر پارێزگایەك (١) یەك ملیار دینار دانرابوو لەگەڵ (٥٠٠) ملیۆن دینار بۆ دیوانی وەزارەت بەڵام لەسەر فەرمانی بەڕێز جەنابی سەرۆك وەزیرانی هەرێم تەنانەت ئەو بودجەیەش بۆ سنووری پارێزگای سلێمانی تەرخانکرا بۆ پارێزگای سلێمانی و پارێزگای هەڵەبجە و ئیدارەی گەرمیان و ئیدارەی ڕاپەڕین. لەگەڵ ئەوەی چەندین جاری تر بوددجەکانی حکەمەتی هەرێمی کوردستان بە بەرزترین ڕێژە بۆ پارێزگای سلێمانی و پارێزگای هەڵەبجە و ئیدارەی گەرمیان و ڕاپەڕین خەرجکراوە سەرەڕای دابینکردنی بوددجەکانی دیکەی زیادەکی تایبەت بۆ سلێمانی کە دواهەمین جاریان دوو هەفتە بەر لە ئێستا بوو بە بڕی (٢) دوو ملیار دینار لە لایەن بەڕێز جەنابی سەرۆکی حکومەتی هەرێمی کوردستان لەبەر ڕەوشی کۆڕۆنا لەم سنوورە دابینکرا، وە بودجەی تایبەت بۆ قەزای دەربەندیخان و قەزای پێنجوێن دابینکراوە لە کاتێکدا هێچ بودجەیەکی تری تایبەت بۆ هیچ پارێزگا و قەزایەکی تر دابین نەکراوە، هەموو ئەو بڕە پارانەش بە نوسراوی وەزارەتی دارایی تەرخان کراوە و دابەشکراوە.

لەسەر ڕاسپاردەی بەڕێز جەنابی سەرۆك وەزیرانی هەرێم هاوکاری دروستکردنی نەخۆشخانەیەکی ئەڵمانی لە هەرێمی کوردستان، وەزارەتی تەندروستی بڕیاری دا تەرخان بکرێت بۆ شاری سلێمانی، ئەمە جگە لەوەی هاوکاری و پاڵپشتیکردنی نێوان پارێزگاکان بەردەوام هەیە لە (مناقلە) کردنی هەر پێداویستیەك لە نێوان پارێزگاکان لە پێناو ڕانەوەستانی خزمەتگوزاریەکان وەکو تێستی تاقیگە و پێداویستیە پزیشکیەکان ئەمەش ئەم راستیە دەردەخات کە بۆ خزمەتگوزاری مرۆیی هیچ جیاکاریەك ناکرێت لە نێوان هیچ شوێنێك چونکە بۆ نەخۆش و ‌هاوڵاتیە لە هەر شوێنێك بێت، بەڵام بەداخەوە ئەم پەڕلەمانتارە بەڕێزە بۆ چەواشەکردنی ڕاستیەکان و شێواندنی ئەو خزمەتە گەورەیەی حکومەتی هەرێم لە پێناو دروستکردنی جیاکاری بۆ ڕاکێشانی هەست و سۆزی شەقام بۆ بەرژەوەندی کەسی خۆی هەوڵێکی نەزۆك دەدات بوختان و فیتنە بخاوتە ناو ئەم کارە مرۆییە پیرۆزە لە کاتیكدا دەیتوانی پرسیاری لە بەڕێز وەزیری دارایی بکردایە یان بەرپرسی کۆگای ناوەندی دەرمانی هەرێم کە هەر خۆی سەربەلایەنی فڕاکسیۆنەکەی خۆیەتی کە ئایا هاوکاری و پێداویستیەکان چۆن دابەشکراوە و یان ئاماژەی بە لێدوانەکانی بەڕێز بەڕێوەبەری گشتی تەندروستی سلێمانی بکردایە کە لە چاوپێکەوتنەکان چۆن سوپاسی سەرۆکی حکومەتی هەرێمی کوردستانی کرد بۆ بەهاناوەهاتنی شاری سلێمانی، وە دوای ئەو لێدوانە لە پەیوەندی تەلەفۆنی لەگەڵ بەڕێز وەزیری تەندروستی هەرێم بەڕێز (د. حسن التمیمی) نیگەرانی خۆی دەربڕی بەرامبەر ئەو قسانەی بە ناوی بەڕێزیان کراوە.

لە کۆتاییدا ئومێدەواربووین کە ئەم بەڕێزە لە کاتی سەردانی بۆ لای بەرپرسانی عێراق هەوڵی دابینکردن و هاوکاری کردبا نەوەك داوای جیاکاری و شێواندنی ڕاستیەکانی کردبا ئێمەش وەك وەزارەتی تەندروستی بە ئەرك و کاری خۆمانی دەزانین خزمەتگوزاری و پێداوستی بۆ هەموو هەوڵاتیەك لە هەرێمی کوردستان دابین بکەین لە هەمان کاتیشدا گرنگە هاوڵاتی بەرچاوی ڕوون بێت و ڕاستیەکان وەك خۆی بزانێت.

ڕاگەیاندنی وەزارەتی تەندروستی
حکومەتی هەرێمی کوردستان
٩ تەمووز ٢٠٢٠

بەردەوام بە لە خوێندنەوە

کوردستان

بەبڕیاری مەكتەبی سیاسی، سەرۆكی فراكسیۆنی یەكێتی گۆڕدرا

خەڵك – بەشی هەواڵ
بەبڕیاری مەكتەبی سیاسی یەكێتیی نیشتمانیی كوردستان زیاد جەبار كرایە سەرۆكی فراكسیۆنی یەكێتی لە پەرلەمانی كوردستان.

لەبارەی بڕیارەكەی مەكتەبی سیاسی یەكێتییەوە زیاد جەبار پەرلەمانتاری فراكسیۆنی یەكێتی بە میدیای فەرمی حزبەكەی راگەیاند: ئەمڕۆپێنج شەممە بەشێوەیەكی ڕەسمی پێمڕاگەیەندرا كە لەلایەن مەكتەبی سیاسی یەكێتیی نیشتمانیی كوردستانەوە بڕیاردراوە پۆستی سەرۆكی فراكسیۆنی یەكێتی لەپەرلەمان وەربگرم.

وتیشی: بڕیارەكەی مەكتەبی سیاسی لەكۆبوونەوەی 1ی ئەم مانگەدا دراوەو نوسراوەكەیان رەوانەی فراكسیۆنی یەكێتی كردووە لەپەرلەمان، بۆیە دەبێت فراكسیۆنی یەكێتی لەپەرلەمان كۆبوونەوەیەك ئەنجامدات و دواتر دەستبەكار دەبم.

زیاد جەبار لەبارەی سەرۆكی لیژنەی دارایی پەرلەمان كە لەئێستادا سەرۆكییەتی وتی: لەكۆبوونەوەی فراكسیۆنی یەكێتیدا بڕیار لەوە دەدرێت لەو شوێنە دەمێنمەوە یان پەرلەمانتارێكی ترمان ئەو پۆستە وەردەگرێت.

لە دەستپێكی ئەم خوولەی پەرلەمانەوە تا ئێستا، جەمال حەوێز سەرۆكی فراكسیۆنی یەكێتی بووە.

بەردەوام بە لە خوێندنەوە

کوردستان

نزیكەی 50 كەس لە گرتووخانەی گەرمیان تووشی كۆرۆنا بوون

خەڵك – بەشی هەواڵ
نزیكەی 50 كەس لە گرتووخانەی گەرمیان تووشی ڤایرۆسی كۆرۆنا بوون و باری تەندروستییان جێگیرە.

ئەمڕۆ پێنج شەممە د.سیروان محه‌مه‌د به‌رێوەبه‌ری گشتی ته‌ندروستی گه‌رمیان ڕایگەیاند، ‌48 کەس لە گرتووخانەی گەرمیاندا تووشی ڤایرۆسی كۆرۆنا بوون.

لە نێو گرتووخانەکەدا جێگایەك بۆ تووشبووەكان جیاكراوەنەوە كە تەندروستییان جێگیرە و تیمی تەندروستیش چاودێریان دەكات.

بەردەوام بە لە خوێندنەوە

کوردستان