ئێمە لە تۆرە کۆمەڵایەتیەکان

ئابوری

“پارەی بەغدا بۆ مووچەیە”
لەسەر مووچەی فەرمانبەران هۆشداری بە حكومەتی هەرێم دەدرێت

خەڵك- بەشی هەواڵ
دوای ئەوەی میدیاكانی پارتی لە زاری سەرچاوەیەكی حكومەتی هەرێمەوە بڵاویانكردەوە، كە ئەو 400 ملیارەی لە بەغداوە هاتووە دەدرێتەوە بە قەرزی مووچەی مانگی پێشوو، پەڕلەمانتارێكی كورد لە بەغدا هۆشداری دەدات و دەڵێت: “هەر دەستكاریكردنێكی ئەو پارەیەی لەبەغداوە دێت، یاریكردنە بە ئاگر”.

د. ڕێبوار كەریم مەحمود، ئەندامی پەڕلەمانی عیراق لە ڕوونكردنەوەیەكدا ئاماژەی بەوەكردووە، هەر دەستكاریكردنێكی ئەو پارەیەی لەبەغداوە دێت، یاریكردنە بە ئاگر، چونكە ئەو پارەیە بۆ مووچەی فەرمانبەرانە.

ڕاشیگەیاندووە، ئەمە ناو دەنێن چی؟ هەرێم نیازی وایە (٤٠٠) ملیار دینارەكەی بەغدا بداتەوە بە قەرزی (۱۱) سەرمایەدار لەجیاتی ئەوەی قەرزی زیاتر لە یەك ملیۆن و 250 هەزار مووچەخۆر بداتەوە.

دەشڵێت: “وادیارە لەگەڵ حكومەتی هەرێم هیچ سوودی نییە، بۆیە داوا لەو (۱۱) سەرمایەدارە دەكەم، كە گوایە ئەم مانگە قەرزیان داوە بە حكومەت، قبوڵی نەكەن لە پارەی مووچەی خەڵك قەرزەكانیان پێبدرێتەوە”.

لای خۆشیەوە، سەركەوت شەمسەدین، ئەندامی پەڕلەمانی عیراق لە هەژماری خۆی لە فەیسبووك نووسیویەتی، “ئەگەر حكومەت ئەم گاڵتەجاڕییە ڕانەگرن، ناچارین لەگەڵ پەڕلەمانتارانی عیراق كاربكەین بۆ ڕاگرتنی ئەو پارەیە لە بەغداوە تا میكانیزمێكی تر دەدۆزرێتەوە بۆ گەیاندنی مووچە بە فەرمانبەران”.

ئەمە لەكاتێكدایە، كە حكومەتی عیراق بڕی 400 ملیار دیناری بۆ مووچەی مانگی نیسان-ی فەرمانبەرانی هەرێم بۆ هەرێم نارد و میدیاكانی پارتی-ش ڕایانگەیاند، كە ئەو پارەیە دەدرێتەوە بە قەرزی سەرمایەداران و كۆمپانیاكانی نەوت و بانكە بازرگانیەكان.

پارەی بەغدا بۆ موچەیە_ هەر دەستکاریکردنێکی ئەو پارەیەی لە بەغداوە دێت، یاریکردنە بە ئاگر. ئەو پارەیە بۆ موچەی فەرمانبەرانە. _ ئەمە ناو دەنێن چی هەرێم نیازی وایە (٤٠٠) ملیار دینارەکەی بەغدا بداتەوە بە قەرزی (۱۱) سەرمایەدار لەجیاتی ئەوەی قەرزی زیاتر لە (۱.۲٥٠.٠٠٠) یەک ملیۆن و دوسەدو پەنجا هەزار موچەخۆر بداتەوە. _ وادیارە لەگەڵ حکومەتی هەرێم هیچ سودی نیە، هەربۆیە داوا لەو (۱۱) سەرمایەدارە دەکەم کە گوایە ئەم مانگە قەرزیان داوە بە حکومەت، قبوڵی نەکەن لە پارەی موچەی خەڵك قەرزەکانیان پێبدرێتەوە. د.رێبوار کریم محمودپەرلەمانتاری عیراق

Posted by Dr-Rebwar Karim Mahmood on Sunday, May 31, 2020

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو كەمێك بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 27ی ئەیلولی 2020، بەشێوەیەك بووە كە نرخی‌ نەوتی برێنت بە 41 دۆلار و 83 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 5 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

پێدانی پێشینەی خانووبەرە بۆ فەرمانبەران و هاووڵاتیان دەستی پێكرد

خەڵك- بەشی هەواڵ
بانكی ڕافیدەینی عیراقی پێدانی پێشینەی خانووبەرەی بە فەرمانبەران و هاووڵاتیان دەستپێكرد و ڕایگەیاند، كە دەتوانن لە سەرجەم پارێزگاكان سەردانی لقی بانكەكە بكەن.

بانكی ڕافیدەین لە ڕاگەیەنراوێكدا ئاماژەی بەوەكردووە، كە لقەكانی بانكەكەمان لە سەرجەم پارێزگاكان ڕاسپێردراون تاوەكو ئاسانكاری بكەن و ڕێكارەكان ئاسان بكەن لەبەردەم هاووڵاتیان تاوەكو بتوانن پێشینەی نیشتەجێبوون بۆ دروست كردنی خانوو یان نوێكردنەوە و بنیاتنانەوەی خانوو وەربگرن.

ڕاشیگەیاندووە، قەرزەكە بۆ فەرمانبەران و هاووڵاتیانیشە، كە دەگاتە 50 ملیۆن دینار بۆ دروست كردنی خانوو لەسەر پارچە زەوییەك، بەڵام بۆ نوێكردنەوە و بنیاتنانەوە بۆ فەرمانبەران بڕی 50 ملیۆن دینارە و بۆ هاووڵاتیان بڕی 30 ملیۆن دینارە.

ئاماژەی بەوەشكردووە، كە هاووڵاتیان و فەرمانبەران دەتوانن سەردانی لقی بانكەكان بكەن لە سەرجەم پارێزگاكان بۆ سوود وەرگرتن لە پێشینەكە.

پێدانی پێشینە و قەرزەكانی بانكی ڕافیدەین هەموو ئەو فەرمانبەر كوردانەش دەگرێتەوە، كە مووچەیان لەسەر دامەزراوە فیدڕاڵییەكانی عیراق یان لەسەر سەرۆكایەتی كۆمار و پەڕلەمانە لەگەڵ فەرمانبەران و هاووڵاتیانی كورد لە شاری كەركوك و ناوچە كوردستانییەكانی دەرەوەی ئیدارەی هەرێم.

بەردەوام بە لە خوێندنەوە

ئابوری

پارەكە لە بەغداوە گەیشت و دەست بە دابەشكردن دەكرێت

خەڵك- بەشی هەواڵ
پارێزگای هەولێر ئاشكرای دەكات، كە شایستە داراییەكانی جوتیاران گەیشتۆتە هەولێر و سبەینێ‌ دەست بە دابەشكردنی دەكرێت.

هێمن سەید موڕاد، بەڕێوبەری چاودێری بازرگانی هەولێر لە ڕاگەیەنراوێكدا ئاماژەی بەوەكرد، سبەینێ‌ یەك شەممە، چەكی شایستە داراییەكانی جوتیاران دابەشدەكرێت.

ڕاشیگەیاند، لەپێناو دروست نەبوونی قەرەباڵغی بۆ ماوەی دوو ڕۆژ بەردەوام دەبێت.

ئاشكراشی كرد، ڕۆژی یەك شەمە لەژمارە پسوولەی 140 تاوەكو 440 و لەڕۆژی دوو شەممە لە ژمارە پسووڵەی 441 تاوەكو 846 دابەشدەكرێت .

بەردەوام بە لە خوێندنەوە

کوردستان