ئێمە لە تۆرە کۆمەڵایەتیەکان

کوردستان

پەڕلەمانتارێكی گۆڕان: لە نزیك ناوچەكانی داعش پاڵاوگەی نەوت دروست دەكرێت


خەڵك – بەشی هەواڵ
پەڕلەمانتارێكی گۆڕان باس لەوە دەكات كە لە ناوچەیەكی ژێر دەسەڵاتی هەرێمی كوردستاندا كار بۆ دروستكردنی پاڵاوگەیەكی نەوت دەكرێت كە نزیكە لە پێگەكانی داعش و بە گومانەوە لە مەبەستی دروستكردنی ئەو پاڵاوگەیە دەڕوانێت.

شیرین ئەمین ئەندامی فراكسیۆنی گۆڕان لە پەڕلەمانی كوردستان لە ڕاگەیەندراوێكدا كە لە ڕێی لاپەڕەی خۆی لە تۆڕی كۆمەڵایەتی فەیسبووكەوە بڵاویكردووەتەوە ڕایگەیاند “لەنزیک ناوچەی پەڵکانە کە جێو پێگەی داعش و گروپە چەکدارەکانە کار بۆدانانی پاڵاوگەیەکی نەوت دەکرێت”.

پەڕلەمانتارەكە دەڵێت: “لەکاتێکدا ڕۆژانە خەلەوخەرمانی جوتیارانی کورد لەناوچە کێشەلەسەرەکان دەسوتێنرێ، هێرش دەکرێتە سەر پێشمەرگە و گوندە کوردنیشینەکان، هەندێ جوڵە بۆ ئێمەی پەرلەمانتار جێی گومانن”.

هەروەها نووسیوێتی: “ئاشکرایە ناوچەی پەڵکانەی نزیک خورماتوو، سنوری شاخی غەڕە جێ پێگەی داعش و گروپە چەکدارەکانە، بەڵام لە نزیک ئەو ناوچەیە و لە ژێر دەسەڵاتی هەرێم، کار بۆ دانانی پاڵاوگەیەکی گەورەی نەوت دەکرێ و کاری تێدا دەکرێ”.

پەڕلەمانتارەكەی گۆڕان ئەوەشی خستووەتەڕوو كە بەپێی بەدواداچوونەکانیان “ئەو پاڵاوگەیە زیاتر لە ساڵێکە کاری تێدا دەکرێ و زۆری نەماوە تەواو ببێت، چەندین ملیۆن دۆلاری تێدا خەرج کراوە”.

شیرین ئەمین ڕاشیگەیاند كە “ئەوەی جێی گومانە، ئەو ناوچەیە نەوتی تێدا نیە، تا پاڵاوگەی بۆ دابنرێ، جگە لە ناوچەی پەڵکانەی ژێر دەسەڵاتی داعش نەبێ، ئایا دانانی پاڵاوگە بۆ پاڵاوتنی نەوتی کوێ یە؟ پاشان ناوچەکە کە لەڕووی ئەمنیەوە ئاڵۆزە، چۆن ئەو پارە زۆرە لەدروستکردنی پاڵاوگە لە ناوچەیەکی ناسەقامگیردا خەرج کراوە؟ پاڵاوگەکە هی کێ یە؟”.

پەڕلەمانتارەكە دەشڵێت: “ئەم پرسە زۆر نیشانەی پرس بەدوای خۆیدا دێنێت”.

تا ئێستا هیچ لایەنێكی فەرمی ڕوونكردنەوەی لەو بارەیەوە نەداوە.

ریکلام

کوردستان

لیژنە هاوبەشەکەی  یەکێتی و گۆڕان کۆدەبێتەوە


خەڵك – بەشی هەواڵ
بڕیارە ئەمڕۆ یەك شەممە، لیژنەی هاوبەشی یەکێتیی نیشتمانیی کوردستان و بزوتنەوەی گۆڕان لە سلێمانی کۆبێتەوە.

ئەو لیژنە هاوبەشە کە شاناز ئیبراهیم ئەحمەد ئەندامی دەستەی کارگێڕی یەکێتی و شەماڵ عەبدولوەفا ئەندامی خانەی ڕاپەراندنی گۆڕان سەرۆکایەتی دەکەن، پرسی ئاڵوگۆڕی پۆستە ئیدارییەکان و پەیوەندییەکانی هەردوو حزب تاووتوێ دەکەن.

سەرۆکی ئیدارەی گەرمیان، جێگری پارێزگار و قایمقامی هەڵەبجە، جێگری سەرۆکی ئیدارەی راپەڕین لە نێو ئەو پۆستانەدان کە لە نێواین یەکێتی و گۆڕاندا یەکلایی نەکراونەتەوە.

بەردەوام بە لە خوێندنەوە

کوردستان

تووشبوویەکی کۆرۆنا لە سلێمانی گیانی لە دەست دا


خەڵك – بەشی هەواڵ
ئەمڕۆ یەک شەممە، تووشبوویەکی دیکەی کۆرۆنا کە نە خۆشی درێژخایەنی هەبووە، لە سلێمانی گیانی لە دەست دا.

د. ئازاد ھەورامی بەڕێوبەری نەخۆشخانەی شەهید تاهیر عەلی والی بەگ ڕایگەیاند بەرەبەیانی ئەمڕۆ پیاوێکی تەمەن 69 ساڵ کە نەخۆشی درێژخایەنیشی هەبووە، بە ھۆی كۆرۆنا گیانی لە دەست دا.

بە پێی ئامارە فەرمییەکانی وەزارەتی تەندروستی تا ئێستا 241 تووشبووی کۆرۆنا لە هەرێمی کوردستان گیانیان لە دەست داوە کە 208یان لە سلێمانی بوون.

بەردەوام بە لە خوێندنەوە

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان