ئێمە لە تۆرە کۆمەڵایەتیەکان

عێراق

وەزارەتی بەرگری؛ بۆ ڕێگری لە تەشەنەی ڤایرۆسى كۆرۆنا دەوامی كردە تەناوب


خەڵك – بەشی هەواڵ

وەزارەتی بەرگری عیراق ڕایدەگەیەنێت ، بۆ ڕێگری لە بڵاوبوونەوەی ڤایرۆسی كۆرۆنا دەوامی یەكە و سەرجەم فەرمانبەرانی وەزارەتەكەی كردەوە تەناوب بۆ كەمكردنەوەی قەرەباڵغی لە دام و دەزگاكانی سەر بەو وەزارەتەكەی.

جومعە عناد سەعدون ، وەزیری بەرگری عیراق لە ڕاگەیەنراوێكدا بڵاویكردۆتەوە، لە سەر ڕاسپاردە و پاڵپشتی سەرۆكوەزیران بۆ ڕێگری لە بڵاوبوونەوەی ڤایرۆسی كۆرۆنا لە نێو یەكەكانی سەر بە وەزارەت بڕیاردرا بە كەمكردنەوەی دەوامی فەرمی بەشێوەی تەناوب.

لە ڕاگەیەنراوەكەدا هاتووە، ئەم بڕیارە سەرجەم هێزەكانی سەر بە وەزارەتی بەرگری عیراق دەگرێتەوە، دەوامی فەرمی دەبێتە نیوە بە شێوەی ڕۆژ نا ڕۆژێك و مۆڵەتیش بەهەمان شێوە دەبێت.

عێراق

بەوێنە؛ بەرپرسێكی ئەمنی لە كەركوك بە كۆرۆنا گیانی لەدەستدا


خەڵك- بەشی هەواڵ
بەرپرسێكی ئەمنی لە شاری كەركوك بە ڤایرۆسی كۆرۆنا گیانی لەدەستدا.

بەپێی هەواڵی میدیا عیراقییەكان، ئەمڕۆ یەك شەممە، عەقید معمر عوبەیدی، بەڕێوەبەری پۆلیسی شارەدێی ڕەشاد لە باشووری شاری كەركوك بەهۆی تووشبووونی بە ڤایرۆسی كۆرۆنا گیانی لەدەستداوە.

ئەمە لەكاتێكدایە، كە فەرمانگەی تەندروستی كەركوك ڕایگەیاند، كە ئەمڕۆ 41 حاڵەتی تووشبوون بە كۆرۆنا تۆماركراوە و 4 كەسیش گیانیان لەدەستداوە.

بەردەوام بە لە خوێندنەوە

عێراق

دەسەڵاتی فڕۆكەوانی عیراق دەربارەی گەشتەكان ڕوونكردنەوەیەكی بڵاوكردەوە


خەڵك- بەشی هەواڵ
دەسەڵاتی فڕۆكەوانی شارستانی عیراق ئاشكرای دەكات، هەموو هەوڵێك دەدەین بۆ ڕێكخستنی گەشتە ئاسمانییەكان بۆ گەشتیارانی بەرەگەز عیراقی لە ناوخۆ و دەرەوەی وڵات.

دەسەڵاتی فڕۆكەوانی شارستانی عیراق لە ڕاگەیەنراوێكدا ئاماژەی بەوەكردووە، دەیانەوێت بۆ رای گشتیی رایبگەیەنن، بەتایبەتی گەشتیارانی بەرەگەز عیراقیی لە ناوخۆ و دەرەوەی وڵات، كە هەوڵی تەواومان خستۆتەگەڕ لەگەڵ لایەنە پەیوەندیدارەكان لەپێناو پێشكەشكردنی تەواوی ئاسانكارییە پێویستەكان بەمەبەستی ڕێخۆشكردن بۆ ئەنجامدانی گەشتەكانیان.

ئاماژەی بەوەشكردوە، بڕیاری كۆتایی تایبەت هەڵپەساردن و درێژكردنەوەی ماوەی ڕاگرتنی گەشتە ئاسمانییەكان هەتا 15ی ئەم مانگە، بێجگە لە گەشتە تایبەتەكان بۆ گەڕاندنەوەی عیراقییەكان و ئەو هاووڵاتیانەی گەشتكردنیان پەسەندكراوە بۆ ئەو وڵاتانەی خاوەنی رەگەزنامەی دووەمن تێیدا، لەسەر بڕیاری لیژنەی باڵای تەندروستی و سەلامەتی نیشتیمانی بووە.

جەختیشدەكاتەوە، پابەنددەبن بە تەواوی بڕیارەكانی لایەن و دەسەڵاتدارە باڵاكانی عیراق سەر بە ئەنجوومەنی وەزیران و لیژنەی باڵای تەندروستی و سەلامەتی نیشتیمانی، هەتا گەیشتن بە هەر رێكارێكی نوێی تایبەت بە جموجوڵی ئاسمانی لە وڵاتەكەدا و گەڕانەوەی بۆ دۆخی ئاسایی.

بەردەوام بە لە خوێندنەوە

عێراق

لە نەجەف 81 كەس چاكبوونەوە


خەڵك- بەشی هەواڵ
بەڕێوەبەرایەتی گشتی تەندروستی نەجەف ئاشكرای دەكات، كە 81 كەس چاكبوونەتەوە.

بەڕێوەبەرایەتی تەندروستی نەجەف لە ڕاگەیەنراوێكدا ئاماژەی بەوەكردووە، 81 كەس دوای تووشبوونیان بە ڤایرۆسی كۆرۆنا و مانەوەیان لە نەخۆشخانە چاكبوونەوە.

ڕاشیگەیاندووە، ئەو نەخۆشانە چارەسەری تەواویان لە نەخۆشخانە وەرگرتووە و دوای ئەوەی دەركەوتووە پشكنینەكانیان پاك بوون و ڕەوانەی ماڵەوە كراونەتەوە.

بەپێی دواین ئاماری وەزارەتی تەندروستی عیراق تا ئێستا 60 هەزار و 479 كەس تووشی ڤایرۆسەكە بوون و 33 هەزار و 17 كەس چاكبوونەوە و 306 كەسیش مردوون.

بەردەوام بە لە خوێندنەوە

کوردستان