ئێمە لە تۆرە کۆمەڵایەتیەکان

کوردستان

هەپەگە؛لەبارەی چالاكییەكیان لەجۆلەمێرگ ڕاگەیەنراوێكی بڵاوكردەوە

خەڵك – بەشی هەواڵ

هێزەكانی پاراستنی گەل ڕایدەگەیەنێت ، لە ناوچەی دەراوی تاڵ گەریلاكانیان ناوەندێكی سوپای توركیان كردە ئامانج و ژمارەیەك سەرباز كوژران و برینداربوون، كە ژمارەیان نەزانرا.

هێزەكانی پاراستنی گەل- هەپەگە لە ڕاگەیەنراوێكدا بڵاویكردەوە، لە چوارچێوەی هەنگاوی شۆڕشگێری شەهید باگەر و شەهید رۆنیادا هێزەكانیان لە ٢٤ی ئایار كاتژمێر 12 لە سەر ڕێگای جۆلەمێرگ، لە ناوچەی دەراوی تاڵ ناوەندێكی سوپای توركیایان كردووەتە ئامانج.

ڕاشیگەیاندووە، لە نزیكەوە بە شێوەیەكی سەركەوتوو لە هێزەكانی دوژمن دراوه، لەو چالاكیيەدا ژمارەیەك سەرباز كوژران و بریندار بوون كە ژمارەیان نەزانرا.

ئاماژەبۆ ئەوەشكراوە، ڕۆژی ٢٦ی ئایار كاتژمێر 10:30 خولەك فڕۆكە جەنگیيەكان دەوروبەری گوندی رووسێی سەر بە هەرێمی هەفتانینیان بوردومان كرد، هەروەها ٢٧ی ئایار كاتژمێر 4:30 خولەكیش فڕۆكە جەنگیەكان ناوچەی ساجای سەر بە هەرێمی زاپیان بوردومان كرد.

ئەوەشخراوەتەڕوو، لەو بوردومانانەدا هیچ زیانێك بەر هێزەكانیان نەكەوتووە.

 

کوردستان

تووشبوون بە كۆرۆنا لە ڕۆژێكدا 400 كەسی تێپەڕاند

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 404 حاڵەتی تووشبوون بە كۆرۆنا تۆماركراوە و 11 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٢٢٩٦ پشكنین ئەنجام دراوە و دەركەوتووە لە هەولیر ٢١٨ كەس و سلێمانی 35 كەس و لە گەرمیان ٢٩ كەس و دهۆك 101 و هەڵەبجە 21 كەس تووشی كۆرۆنا بوون.

ئاشكراشی كردووە، كە ١٦٠ كەس چاكبوونەوە و 11 كەسیش گیانیان لەدەستداوە.

بەردەوام بە لە خوێندنەوە

کوردستان

سبەینێ‌ لە سلێمانی گەڕەكێك بێ‌ كارەبا دەبێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ئاگاداری هاووڵاتیانی دانیشتووی گەڕەكی بەختیاری دەكات، كە سبەینێ‌ بەهۆی بەستنی پێوەری زیرەكەوە بێ‌ كارەبا دەبن.

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە، ئاگاداری دانیشتوانی گەڕەكی (بەختیاری) نزیك بەڕێوەبەرایەتی گشتی شارەوانیەكان، فیدەری (۱۹) دەكەین، سبەینێ پێنج شە‌ممە (6/8/2020) پێوەری زیرەكی كارەبایان بۆ دەبەسترێت.

دەشڵێت: “سبەینێ لە كاتژمێر (7 ی بەیانی بۆ 12ی نیوەڕۆ) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

جەختیشی كردۆتەوە، بەستنی پێوەرەكە بێ بەرامبەر و هیچ بڕە پارەیەك لە هاووڵاتی وەرناگیرێت و خەرجییەكەی لەسەر حكومەتە.

ڕوونیشی كردۆتەوە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

کوردستان

لە نزیك پردی كۆبانێ‌ ئۆتۆمبێلێك ئاگری گرت

خەڵك- بەشی هەواڵ
هاتووچۆی سلێمانی ڕایدەگەیەنێت، كە لە نزیك پردی كۆبانێ‌ ئۆتۆمبێلێك لە جۆری تایبەت ئاگری گرتووە، بەڵام زیانی گیانی نەبووە.

بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، ئێوارەی ئەمڕۆ چوار شەممە ئۆتۆمبێلێك لەجۆری شۆفرلێت بلایزەر، لەسەر شەقامی بازنەیی مەلیك مەحمود نزیك پردی كۆبانێ ئاگری گرت و سووتا.

ڕاشیگەیاندووە، زیانی گیان بەدواوە نەبووە، تەنها زەرەری ماددی بەر ئۆتۆمبێلەكە كەوتووە.

بەردەوام بە لە خوێندنەوە

کوردستان