ئێمە لە تۆرە کۆمەڵایەتیەکان

کوردستان

هاتووچۆی سلێمانی وادەی بەگەڕخستنی كامێرە جێگیرەكان ئاشكرا دەكات

خەڵك- بەشی هەواڵ
بەڕێوەبەری هاتووچۆى سلێمانی ڕایدەگەیەنێت، لەڕۆژانی داهاتودا كامێرا گەڕۆكەكان دەخرێنەوە كار‌، لەبارەی كامێرا جێگیرەكانیش دەڵێت” لەپێناو ڕێگریكردن لەڕووداوی هاتووچۆ، دووبارە ئەوانیش دەخەنەوەكار، چونكە تیژڕەوی  گیانی شۆفێرانی خستۆتە مەترسییەوە”.

عەمید فەرەیدون عومەر بەڕێوەبەری هاتوچۆی سلێمانی بە(ترافیك ئێف ئێمی) سەر بە بەڕێوەبەرایەتییەكەی ڕاگەیاندووە” پێش هاتنی كۆرۆنا بەنیازبوون كامێرا جێگیرەكان بخەنەوە كار، بەڵام بەهۆی ڕاگرتنی دەوامەوە كارەکەیان خستۆتە دوای جەژن،  لەبارەی وادەی خستنەوە كاری كامێراكانیش وتی:” لەهەوڵدان ڕەزامەندی وەربگرن‌ و لەداهاتوویەكی نزیكدا دەیانخەنەوە كار”.

لەبارەی ئەوەی ئەو كامێرا جێگیرانە كێشەی كارەبایان هەبێت، عەمید فەرەیدون دەڵێت:” سەرجەم كامێرا جێگیرەكان كە ژمارەیان (21) دانەیە، ڕاستەوخۆ كارەبایان بەستراوەتەوە بەكارەبای نیشتیمانی‌ و هیچ گرفتێكیان نییە”.

لەبارەی كێشەی سیستمی كامێرا جێگرەكانەوە، بەڕێوەبەری هاتووچۆی سلێمانی وتی:” ڕاستە سیستمەكە كۆنەو دەبێت ڕۆژانە كارمەندانی هاتووچۆ داتای كامێرەكان بەئامێرێكی گوازەرەوەی ئەلیكترۆنی بگەڕێننەوە بۆ هاتووچۆ، بەڵام چارەسەری ئەو گرفتەش هەیە، دەتوانرێت لەڕێگەی فایبەر ئۆپتیكەوە سەرجەم داتاو زانیارییەكان ڕاستەوخۆ پەیوەستبكرێت بە بەڕێوەبەرایەتی هاتووچۆوە ‌و لەداهاتووشدا كار بۆ ئەوە دەكەین”.

عەمید فەرەیدون دەڵێت”لەڕۆژانی داهاتوودا كامێرا گەڕۆكەكانیش دەخرێنەوە كار ‌و نیگەرانین لەوەی، بەهۆی تیژڕەویەوە ڕۆژانە چەندین حاڵەتی دڵتەزێن دروست دەبن،  دەمانەوێت ڕێگری بكەین لەزیان گەیاندن بەگیانی هاووڵاتیان، بۆیە پێمان خۆش نییە بەهۆی ڕووداوی هاتووچۆوە، هیچ ماڵێك پرسە بگێڕێت، یان شۆفێرێك زیان بەهاووڵاتیانی تر بگەیەنێت ‌و وەك ئەو ڕووداوەی ئەمڕۆی قەزای دووكان، كە دوو هاوڵاتی گیانیان لەدەستداو سەرجەم كارەبای قەزای دووكانیش بەو هۆیەوە بڕا، بۆ ڕێگریكردن لەهەر ڕووداوێكی هاتووچۆش كامێرا جێگرەكان ڕۆڵی خۆیان لەكەمكردنەوەی خێرایی شۆفێران دەگێڕن ‌و داواكارین شۆفێران لەپێناو گیانی خۆیان خێراییەكانیان كەم بكەنەوە”.

لەلایەكی ترەوە ڕائید ئاكام عەلی، بەرپرسی كامێراكانی چاودێریی هاتووچۆی سلێمانی لەبارەی سیستمی تۆماركردنی سەرپێچییەكانی تیژڕەویی ڕایگەیاندووە “ئەم سیستمە نوێیە هەموو جۆرە ژمارەیەك تۆمار دەكات، سەرپێچی ژمارەی هەولێر و دهۆك بە ئیمەیڵ بۆیان دەنێرین، بۆ ناوەڕاست و خوارووی عیراقیش ئەرشیفی دەكەین، بۆ ژمارە کاتییەكانیش لامان دەمێنێتەوە هەتا كاتێك دێت بۆ ژمارە بەستن”.

کوردستان

وێنە.. لە شارەزوور ژمارەیەك گەنجی خۆبەخش بەشێك لە هێما شكاوەكانی هاتوچۆی سنوورەكە و نوێدەكەنەوە

خەڵك – یەحیا حبیب

ئەمشەو دووشەممە، ژمارەیەك لە گەنجانی شارۆچكەی شارەزوور هەستان بە چاككردنی بەشێك لە هێما شكاوەكانی هاتوچۆی سنوورەكە و نوێكردنەوە و دانانی لەزگەی درەوشاوەی هاتوچۆ بۆ هێماكان.

كاروان كەریم، یەكێكە لەو گەنجە خۆبەخشانە و بە (تۆڕی میدیایی خەڵك)ی ڕایگەیاند، “ئێمە لە سۆنگەی بەرپرسیارێتیمانەوە لەگەڵ ستافێك لە گەنجی ماندوو نەناسی سنوورەكە هەڵدەستین بە چاكردنەوەی ئەو هێمای هاتوچۆیانەی كە شكاون بە هەر هۆكارێك یان خراپ بوون، لەگەڵ ئەوەشدا لەزگەی درەوشاوەی شەو لەو هێمایانە دەدەین كە شۆفێر پێویستە ئاگاداری بێت لە پێشییەوە چی هەیە “.

ئەو گەنجە خۆبەخشە وتیشی، “ڕێگای شارەزوور، دەربەندیخان و ئیدارەی گەرمیان و مەرزی پەروێزخان و سەیدسادق و پێنجوێن و پارێزگای هەڵەبجە پێكەوە دەبەستێت، بۆیە زۆرینەی شۆفێرەكان دەكرێت نوێ بن وە شارەزار ڕێگا نەبن”.

كاروان كەریم ئاماژەی بەوەشكرد، “چاككردنی هێماكان و نوێكرنەوەی لەزگەی هاتوچۆ سوودێكی باشی دەبێت بەتایبەت لە شەواندا، چونكە هێماكانی هاتوچۆ لەگەڵ شۆفێراندا دەدوێت و بەمەش ڕووداوی نەخوازراوی هاتوچۆ لە ناوچەكە زۆر كەمتر دەكات”.

 

بەردەوام بە لە خوێندنەوە

کوردستان

قەڵادزێ.. بەهۆی دەمەقاڵێوە دوو كەس بریندار بوون

خەڵك – بەشی هەواڵ

بەڕێوەبەرایەتی پۆلیسی ڕاپەڕین ڕایدەگەیەنێت: ئەمڕۆ دوو بریندار گەیەنرانە نەخۆشخانەی قەڵادزی كە شوێنی فیشەك و چەقۆ بەسەر جەستەیانەوە بووە.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ڕایگەیاند: ئێوارەی ئەمڕۆ دوو بریندار گەیەنرانە نەخۆشخانە كە یەكێك لە بریندارەكان بەناوی ( ع . ح . م ) لەدایك بووی ساڵی 1997 پیشەی كاسب، دانیشتووی قەڵادزێ گەڕەكی كارەبا شوێنەواری دوو فیشەك بە هەردوو قاچییەوە هەیە و بریندارەكەی تریش شوێنەواری چەقۆ بەسەر جەستەیەوە هەیە.

پۆلیسی ڕاپەڕین ڕوونیشیكردووەتەوە، بەوتەی یەكێك لە بریندارەكان بەهۆی دەمەقاڵێ شەڕ لەنێوان ئەوان و چەند گەنجێكی تر دروستبووە و دواتر ئاڵۆزی كەوتووەتە نێوانیان و چەكی جۆری دەمانچە و چەقۆ بەكار هاتووە.

بەڕێوەبەرایەتی پۆلیسی ڕاپەڕین ئاشكراشیكردووە، دۆسیەی لێكۆڵینەوە بە ماددەكانی 405 /31 لە یاسایی سزادانی عیراقی و ماددەی 413 لە یاسای سزادانی عیراقی ڕێكخراوە و لێكۆڵینەوەش بەردەوامە.

بەڕێوەبەرایەتی پۆلیسی ڕاپەڕین ئاماژەی بەوەشداوە، بە بڕیاری دادوەر 3 كەس لە هەردوو لایەن ڕاگیركران و دوای ڕووداوەكەش مەفرەزەكانیان لە نووسینگەی نەهێشتنی تاوانی پشدەر و پۆلیسی فریاكەوتنی پشدەر گەیشتوونەتە شوێنی مەبەست و دەستبەجێ ڕووداوەكەیان كۆنتڕۆڵكردووە و دەستیش گیراوە بەسەر چەكی بەكارهاتوو و چەقۆكەدا.

بەردەوام بە لە خوێندنەوە

کوردستان

فەرهاد پیرباڵ دامەزرایەوە

خەڵك – بەشی هەواڵ

بە فەرمانی مەسرور بارزانی سەرۆكی حكومەتی هەرێم فەرهاد پیرباڵ وەك مامۆستای زانكۆی سەلاحەدین دامەزرایەوە.

د. فەرهاد پیرباڵ مامۆستای زانكۆ ماوەی زیاتر لە ساڵ و نیوێكە لە كارەكەی دوورخراوەتەوە، ئەمڕۆش بە فەرمانی ژمارە (1354) لە 28/7/2020 كە واژۆی د. ئومێد سەباح سەرۆكی دیوانی ئەنجومەنی وەزیرانی هەرێمی لەسەرە ئاماژە بەوەكراوە لەسەر فەرمانی سەرۆكی ئەنجومەنی وەزیران بڕیاریانداوە بە دامەزراندنەوەی (د.فەرهاد پیرباڵ عومەر) بەناونیشانی (مامۆستا) بە شێوەی هەمیشەیی) لەسەر میلاكی وەزارەتی خوێندنی باڵا و توێژینەوەی زانستی / زانكۆی سەڵاحەدین / كۆلیژی پەرەوەردە. بەمووچە و دەرماڵەی شایستە لە ڕێكەوتی دەستبەكاربوونی.

د. فەرهاد پیرباڵ لە بارەی دووبارە دامەزراندنەوەی لە لاپەڕەی فەڕمی خۆی لە تۆڕی كۆمەڵایەتی فەیسبوك دەڵێت:”ٳنشا‌ءاللە دەچمەوە خزمەتی قوتابیەكانم، سوپاسی هەمووان دەكەم،، تكایە بگات بەدەستی سەرۆك زانكۆی سەلاحەددین دكتۆر جەوهەر: لە بڕیارەكە نووسراوە “دامەزراندنەوە”. ئەمەش واتە دیارە من پێشتر فەسڵكرابووم و ساڵێك و 8 مانگە یەك فلس مووچەی زانكۆشم وەرنەگرتووە.. ئێستا بەم بڕیارەی سەرۆك حكوومەت، سەرلەنوێ، وەك ئەوەی تازە لە پاریس هاتبوومەوە لە 1994 دامەزرام لە زانكۆ.”.

بەردەوام بە لە خوێندنەوە

کوردستان