ئێمە لە تۆرە کۆمەڵایەتیەکان

کوردستان

ئەنجوومەنی پارێزگای هەولێر كار بۆ لامەركەزیەتی كارگێڕی و دارایی دەكات

خەڵك-ئارام سەردار
ئەندامێكی ئەنجوومەنی پارێزگای هەولێر ڕایدەگەینێت، بڕیارە دوای جەژن لێژنەی ئامادەكردنی ڕەشنووسی پڕۆژەی لامەركەزیەت سەردانی ئەنجوومەنی پارێزگای هەولێر بكات و لەگەڵ ئەوەین دەسەڵاتی ئەنجوومەنی پارێزگاكان فراوانتر بكرێت، بەچەسپاندنی لامەركەزیەتی ئیداری و دارایی.

غازی عەلی، ئەندامی ئەنجوومەنی پارێزگای هەولێر لەبارەی پرسی لامەركەزیەت بۆ پارێزگاكان بە(خەڵك)ی ڕاگەیاند، لامەركەزیەتی ئیداری و دارایی خۆی دەبینێتەوە لەیاسای ژمارە ۳ی ساڵی ۲۰۰۹ی ئەنجوومەنی پارێزگاكانی هەرێم، كە هەڵبژاردنی بۆ كرا و ئێستاش ئێمە چاوەڕوانی ئەوەین كەوا چۆن پرسی لامەركەزیەت بچەسپێندرێت، چونكە لەیاساكە بەڕوونی باسی لەچەسپاندنی لامەركەزیەتی ئیداری و دارایی كردووە.

دەشڵێت: “ئەوەی لەڕابردوو پەیڕەوكراوە لامەركەزیەت نەبووە و خوێندنەوەی ئەنجوومەنی پازێزگاكانیش نەبووە، نەپێدانی دەسەڵات بوو بە یەكە ئیداریەكان، چونكە لەهەرێمی كوردستانیش دەسەڵاتەكان قۆڕغكراوە لەحكومەت كەسێك كە سەرۆكە، لەپارێزگاكان كەسێك كە پارێزگارە، ئەوەی تر كە هەیە تەنها بۆ جوانكردنی سیمای دیمووكراسیە نەوەك بەخشینی جەوهەری دیموكراسی، بۆ ئەمەش پێویستمان بە هەمواری یاسای ژمارە ۳ی پارێزگاكان هەیە، چونكە هەندێ كەلێن هەیە لەیاساكە تاوەكو لامەركەزیەت بەتەواوەتی بچەسپێندرێت و ماددەكانی بوونەتە بەردەست لاببرێن.

غازی عەلی ئاماژەی بۆ ئەوەشكرد، بۆ ئەوەی دەسەڵاتێكی تۆكمەشت هەبێت پێویستت بەلامەركەزیەتی ئیداری و دارایی هەیە بۆ ئەوەی هاووڵاتی تێیدا سودمەندبێت و خزمەتگوزاریەكان خێراتر بێت و دارایی ئەو پارێزگایەش شەفافتر دەبێت.

ڕوونیشی كردەوە، لەم پڕۆژە هەموارەی یاسای ئەنجوومەنی پارێزگاكان داوامانكردووە دەسەڵاتی ئەنجوومەنی پارێزگاكان فراوانتر بكرێت و دەسەڵاتەكانی حكومەت شۆڕبكرێتەوە بۆ یەكە كارگێڕیەكان.

جەختیشی كردەوە، بڕیارە دوای جەژن لێژنەی ئامادەكردنی ڕەشنووسی پڕۆژەی لامەركەزیەت سەردانی ئەنجوومەنی پارێزگای هەولێر بكات و ئەو كاتیش ئێمە بۆچوونی خۆمان دەبێت و لەگەڵ ئەوەین دەسەڵاتی ئەنجوومەنی پارێزگاكان فراوانتر بكرێت.

کوردستان

هەپەگە؛لە هەفتانین و خواكورك و دێرسیم چالاكییان ئەنجامداوە و سێ سەرباز كوژرا

خەڵك – بەشی هەواڵ

ناوەندی ڕاگەیاندنی هێزەكانی پاراستنی گەل- هەپەگە ڕایدەگەیەنێت، لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامدا.

ئەمڕۆ ناوەندی ڕاگەیاندنی هێزەكانی پاراستنی گەل-هەپەگە لە ڕاگەیەنراوێكدا بڵاویكردەوە، لە دوو ڕۆژی ڕابردوودا لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامداوە و سێ سەرباز كوژرا.

 

دەقی ڕاگەیەنراوەكەی هەپەگە :
هەفتانین
گەریلاكانی یەژاستار لە چوارچێوەی هەنگاوی شۆڕشگێریی جەنگی هەفتانین، ڕۆژی ١٥ی ئەم مانگە كاتژمێر ٠٣:٥٠ خولەكی دوانیوەڕۆ، دژی سوپای تورك لە گردی شەهیدان چالاكیی نیشانشكێنیان ئەنجامدا، لەو چالاكییەدا سەربازێك كوژرا.

خواكورك
ڕۆژی ١٦ی ئەم مانگە كاتژمێر ٠٤:٠٠ی بەرەبەیان، هێزەكانمان لە چوارچێوەی هەنگاوی شۆڕشگێریی شەهید باگەڕ و شەهید ڕۆنیا-دا، لە گردی شەهید دەروێش دژی سوپای داگیركەری تورك چالاكییان ئەنجامدا، لە چالاكییەكەدا مۆڵگە و حەشارگەی دووژمن كرانە ئامانج، بەڵام ژمارەی كوژراو بریندارەكان ڕوون نەبووەتەوە.

دێرسیم
سوپای داگیركەری تورك لە نزیك گوندی چاكماكلی لە ناوچەی خۆزاتی دێرسیم بارەگایەك دروست دەكات، گەریلاكانی یەژاستار ڕۆژی ١٤ی ئەم مانگە كاتژمێر ٠٨:٠٠ی بەیانی دژی پاسەوانانی بارەگاكە چالاكییان ئەنجامدا، لەم چالاكییەدا دوو سەربازی دووژمن كوژران و دووی دیكەش برینداربوون، یەكینەكەمان بە سەلامەت گەڕایەوە شوێنی خۆی.

هێرشی ئاسمانیی
فڕۆكە جەنگییەكانی سوپای داگیركەری تورك، ڕۆژی ١٤ی ئەم مانگە كاتژمێر ٠١:٠٠ی بەرەبەیان ناوچەی خانتوری هەفتانین، ڕۆژی ١٥ی ئەم مانگە كاتژمێر ٠٥:٠٠ی ئێوارە ناوچەی بەكتۆریا و هەروەها ڕۆژی ١٥ی ئەم مانگەش كاتژمێر ١٠:٣٠ خولەكی شەو گردی ئامێدی لە ناوچەی ئامێدی سەربە دهۆك-یان بۆردوومانكرد.

بەردەوام بە لە خوێندنەوە

کوردستان

هەولێر؛دزێك دەستگیركرا كە ماددەی هۆشبەریشی بەكارهێناوە

خەڵك – بەشی هەواڵ
بەڕێوەبەرایەتیی پۆلیسی پارێزگای هەولێر ڕایدەگەیەنێت ، دوای كۆكردنەوەی زانیاری و بەدواداچوون كەسێكیان دەستگیركرد ، كە تۆمەتبارە بە دزینی 2 ماتۆڕسكیل، دەشڵێت،”لە ماڵەكەیدا دەست بەسەر ماددەی هۆشبەر و كەرەستەكانی بەكارهێنانی و جلوبەرگی سەربازی بە پلەی عەمید گیرا”.

بەڕێوەبەرایەتیی پۆلیسی پارێزگای هەولێر لە ڕاگەیەنراوێكدا ، كە وێنەیەكی دەست (خەڵك) كەوتووە ڕایگەیاندووە، تیمەكانمان دوای كۆكردنەوەی زانیاری و بەدواداچوون، لە ماوەی كاتژمێرێكدا لە گەڕەكی پۆلیسان كەسێكیان بە ناوی (س.ع) بە تۆمەتی دزینی 2 ماتۆڕسكیل دەستگیر كرد.

ڕاشیگەیاندووە، لە ماڵەكەیدا ماددەی هۆشبەر و كەرەستەی بەكارهێنانی ماددە هۆشبەرەكان و دەمانچەیەك و 2 ماتۆڕسكیلەكە و كۆمەڵێك فیشەك و هەندێك (جلوبەرگی سەربازی بە پلەی عەمید) دەستیان بەسەردا گیرا.

ئاماژە بۆ ئەوەشكراوە، تۆمەتباری ناوبراو بەپێی ماددە (446) لە یاسای سزادان بەند كرا و دۆسیەیەكی دیكەی سەربەخۆش لەسەر تۆمەتبار كرایەوە بەپێی ماددە (14)ی هۆشبەرەكان، لەبەر ئەوەی ماددەی هۆشبەری بەكارهێنابوو.

بەردەوام بە لە خوێندنەوە

کوردستان

تەقینەوەیەك لە كەركوك ڕویدا

 

خەڵك- بەشی هەواڵ

تەقینەوەیەك لە كەركوك ڕویدا و سەرچاوەیەكی ئەمنیش دەڵێت، ڕووداوەكە جگە لە زیانی ماددی، قوربانی لێنەكەوتۆتەوە.

دوانیوەڕۆی ئەمڕۆ پێنج شەممە، سەرچاوەیەكی ئەمنی لە شاری كەركوك ڕایگەیاند”تەقیتەوەیەك لە ناوەڕاستی شاری كەركوك و لە نزیك كۆلێژی یاساوە ڕویدا”.

بەوتەی سەرچاوەكە”تەقینەوەكە بەهۆی كەوتنەخوارەوەی گوللـەیەكی هاوەنەوە بووە لە نزیك كۆلێژی یاسا لە ناوەڕاستی كەركوك”، ڕەتیشكردەوە جگە لە زیانی ماددەی، ڕووداوەكە هیچ قوربانییەكی لێكەوتبێتەوە.

پێشتر سەرچاوەكان لە شاری كەركوك، ئاماژەیان بە تەقینەوەیەك كرد لە نزیك كۆلێژی یاسا لە شارەكە، بەبێ‌ ئەوەی زانیاریی لەبارەی سروشتی تەقینەوەكەوە بخەنەڕوو.

بەردەوام بە لە خوێندنەوە

کوردستان