ئێمە لە تۆرە کۆمەڵایەتیەکان

ئابوری

“حكومەت تەنها مووچەی پاشەكەوتكراو قەرزدارە”

خەڵك- بەشی هەواڵ
ئەندامێكی پەڕلەمانی كوردستان ئاشكرای دەكات، كە حكومەت تەنها مووچەی پاشەكەوتكراوی فەرمانبەران قەرزدار و دەشڵێت: “وتنی قەرزاری ٢٧ ملیار دۆلار ناڕاستە”.

سۆران عومەر، ئەندامی پەڕلەمانی كوردستان لە فراكسیۆنی كۆمەڵی ئسلامی لە هەژماری خۆی لە فەیسبووك ڕایگەیاندووە، حكومەت تەنھا قەرزێك، كە لەگەردنێتی مووچەی پاشەكەوتكراو و نەدراوی مووچەخۆرانە بۆ ساڵەكانی ٢٠١٥ و ٢٠١٦ و ٢٠١٧ و ٢٠١٨ و ٢٠٢٠ .

دەشڵێت: “لە ١٢/٩/٢٠١٩ بەنووسراوی فەرمی داوام كردوە ئەگەر حكومەت قەرزارە بڕی قەرزەكە چەندە؟ لەكوێ ئەو قەرزانە كراوە؟ بۆ چی سەرف كراوە؟ كامە لیستی قەرزەكانە؟ حكومەت جورئەتی نەبووە وەڵام بداتەوە، چونكە ڕاست ناكات كە قەرزارە بەو ژمارەی ئەیڵێن!”.

وەك سۆران عومەر ڕوونی كردۆتەوە، حكومەت لە ٢٠١٤ بڕی ١٠ ملیار دۆلاری بانكە بازرگانی و ئەھلی و حكومیەكانی دەرھێنا و تا ئێستە نازانرێ چیلێكردوە! لەكاتێكدا ٢٠١٤ بەتێكڕا نرخی نەوت ٩٢ دۆلار بووە!

جەختیشی كردۆتەوە، “وتنی قەرزاری ٢٧ ملیار دۆلار ناڕاستە و بۆ ئەوەیە بە بەھانەی ئەم قەرزاریە درێژە بەتاڵانكردنی داھاتی نەوت و ناوخۆ بدەن “.

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو كەمێك بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 27ی ئەیلولی 2020، بەشێوەیەك بووە كە نرخی‌ نەوتی برێنت بە 41 دۆلار و 83 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 5 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

پێدانی پێشینەی خانووبەرە بۆ فەرمانبەران و هاووڵاتیان دەستی پێكرد

خەڵك- بەشی هەواڵ
بانكی ڕافیدەینی عیراقی پێدانی پێشینەی خانووبەرەی بە فەرمانبەران و هاووڵاتیان دەستپێكرد و ڕایگەیاند، كە دەتوانن لە سەرجەم پارێزگاكان سەردانی لقی بانكەكە بكەن.

بانكی ڕافیدەین لە ڕاگەیەنراوێكدا ئاماژەی بەوەكردووە، كە لقەكانی بانكەكەمان لە سەرجەم پارێزگاكان ڕاسپێردراون تاوەكو ئاسانكاری بكەن و ڕێكارەكان ئاسان بكەن لەبەردەم هاووڵاتیان تاوەكو بتوانن پێشینەی نیشتەجێبوون بۆ دروست كردنی خانوو یان نوێكردنەوە و بنیاتنانەوەی خانوو وەربگرن.

ڕاشیگەیاندووە، قەرزەكە بۆ فەرمانبەران و هاووڵاتیانیشە، كە دەگاتە 50 ملیۆن دینار بۆ دروست كردنی خانوو لەسەر پارچە زەوییەك، بەڵام بۆ نوێكردنەوە و بنیاتنانەوە بۆ فەرمانبەران بڕی 50 ملیۆن دینارە و بۆ هاووڵاتیان بڕی 30 ملیۆن دینارە.

ئاماژەی بەوەشكردووە، كە هاووڵاتیان و فەرمانبەران دەتوانن سەردانی لقی بانكەكان بكەن لە سەرجەم پارێزگاكان بۆ سوود وەرگرتن لە پێشینەكە.

پێدانی پێشینە و قەرزەكانی بانكی ڕافیدەین هەموو ئەو فەرمانبەر كوردانەش دەگرێتەوە، كە مووچەیان لەسەر دامەزراوە فیدڕاڵییەكانی عیراق یان لەسەر سەرۆكایەتی كۆمار و پەڕلەمانە لەگەڵ فەرمانبەران و هاووڵاتیانی كورد لە شاری كەركوك و ناوچە كوردستانییەكانی دەرەوەی ئیدارەی هەرێم.

بەردەوام بە لە خوێندنەوە

ئابوری

پارەكە لە بەغداوە گەیشت و دەست بە دابەشكردن دەكرێت

خەڵك- بەشی هەواڵ
پارێزگای هەولێر ئاشكرای دەكات، كە شایستە داراییەكانی جوتیاران گەیشتۆتە هەولێر و سبەینێ‌ دەست بە دابەشكردنی دەكرێت.

هێمن سەید موڕاد، بەڕێوبەری چاودێری بازرگانی هەولێر لە ڕاگەیەنراوێكدا ئاماژەی بەوەكرد، سبەینێ‌ یەك شەممە، چەكی شایستە داراییەكانی جوتیاران دابەشدەكرێت.

ڕاشیگەیاند، لەپێناو دروست نەبوونی قەرەباڵغی بۆ ماوەی دوو ڕۆژ بەردەوام دەبێت.

ئاشكراشی كرد، ڕۆژی یەك شەمە لەژمارە پسوولەی 140 تاوەكو 440 و لەڕۆژی دوو شەممە لە ژمارە پسووڵەی 441 تاوەكو 846 دابەشدەكرێت .

بەردەوام بە لە خوێندنەوە

کوردستان