ئێمە لە تۆرە کۆمەڵایەتیەکان

کوردستان

مەسعود بارزانی پەیامێكی بڵاوكردەوە

خەڵك – بەشی هەواڵ

سەرۆكی پارتی دیموكراتی كوردستان لە ساڵیادی شۆڕشی گوڵان جەخت لە پەیامی پێكەوەژیان و ئاشتیخوازیی گەلی كوردستان دەكاتەوە و ڕایدەگەیەنێت، خەڵكی كوردستانیش لەوە دڵنیا دەكەینەوە كە شۆڕش و خەبات و قوربانیدانیان بە فیڕۆ ناچێت.

مەسعود بارزانی، سەرۆكی پارتی دیموكراتی كوردستان لە ساڵیادی شۆڕشی گوڵان پەیامێكی بڵاوكردەوە و ڕایگەیاندووە، شۆڕشی گوڵان هەڵگری پەیام و ئامانجەكانی شۆڕشی مەزنی ئەیلوول بوو یەكێكە لە قۆناغە گرنگەكانی بەرخودانی پێشمەرگە و گەلی كوردستان.
دەشڵێت ،” شۆڕش سەلماندی كە ئەگەر لە قۆناغێكدا خەباتی گەلی كوردستان تووشی وەستان و نسكۆ هاتبێت ئەوە ئیرادەی تێكۆشانی گەلی كوردستان هیچ كات نەشكاوە و بە گوڕوتینێكی تازە سەرهەڵدەداتەوە”.
لەیادی چل و چوارەمین ساڵی شۆڕشی گوڵاندا مەسعود بارزانی ڕاشیگەیاندووە، جەخت لە پەیامی پێكەوەژیان و ئاشتیخوازیی گەلی كوردستان دەكەینەوە و خەڵكی كوردستانیش لەوە دڵنیا دەكەینەوە، كە شۆڕش و خەبات و قوربانیدانیان بە فیڕۆ ناچێت.

پەیامی سەرۆك بارزانی لە ساڵیادی شۆڕشی گوڵان
بەناوی خودای بەخشندە و میهرەبان
لە یادی شۆڕشی گوڵاندا پێزانینم بۆ ڕۆڵ و ماندووبوون و ئاوارەیی و گیانفیدایی هەموو ئەو تێكۆشەر و پێشمەرگە قارەمانانە هەیە، كە بەشداری شۆڕشی گوڵان بوون و مێژوو و شانازییان بۆ گەلی كوردستان دروست كرد. هەزاران سڵاو بۆ گیانی پاكی شەهیدانی شۆڕشی گوڵان و هەموو شەهیدانی كوردستان.
شۆڕشی گوڵان هەڵگری پەیام و ئامانجەكانی شۆڕشی مەزنی ئەیلوول بوو و، یەكێكە لە قۆناغە گرنگەكانی بەرخودانی پێشمەرگە و گەلی كوردستان و سەلماندی كە ئەگەر لە قۆناغێكدا خەباتی گەلی كوردستان تووشی وەستان و نسكۆ هاتبێت ئەوە ئیرادەی تێكۆشانی گەلی كوردستان هیچ كات نەشكاوە و بە گوڕوتینێكی تازە سەرهەڵدەداتەوە.
پەیامی شۆڕشی گوڵان كە لە بیست و شەشی ئایاری 1976ـدا هەڵگیرسا، پەیامی بەردەوامی و كۆڵنەدان و پێداگری بوو لە مافە ڕەواكانی گەلەكەمان و درێژكراوەی شۆڕشەكانی تری گەلی كوردستان بوو. بەرهەمی شۆڕشی گوڵان یەكڕیزیی هێز و لایەنەكانی گەلەكەمان بوو بۆ ڕاپەڕین و فیدڕاڵی و فرەلایەنی و هەڵبژاردن و بەرپابوونی دامودەزگەی هەرێمی كوردستان كە هەر هەمووی دەستكەوتی گرانبەهان و بە خوێن و فرمێسك و هاتوونەتە دی. لەیادی چل و چوارەمین ساڵی شۆڕشی گوڵاندا جەخت لە پەیامی پێكەوەژیان و ئاشتیخوازیی گەلی كوردستان دەكەینەوە و خەڵكی كوردستانیش لەوە دڵنیا دەكەینەوە كە شۆڕش و خەبات و قوربانیدانیان بە فیڕۆ ناچێت.
مسعود بارزانی
25ـی 5ـی 2020

کوردستان

یاسین مەحمود ڕەشید بروسكەیەكی ماتەمینی ئاڕاستەی سیداد بارزانی دەكات

خەڵك – بەشی هەواڵ

یاسین مەحمود ڕەشید سەرۆكی یەكێتی وەبەرهێنەرانی كوردستان – سلێمانی بروسكەیەكی ماتەمینی ئاڕاستەی سیداد بارزانی دەكات، بەبۆنەی كۆچی دوایی هاوژینی (عەبدولموهەیمین شێخ سولەیمان) ئامۆزایان.

 

دەقی بروسكەكە:

 

بەناوی خوای مەزن و دلۆڤان

بروسكەی ماتەمینی

بەرێز؛ جەنابی كاك سیداد بارزانی

لەدەستدانی ئەندامێكی دیار و تێكۆشەری بنەماڵەسەربەرزەكەتان هاوژینی بەڕێز (عەبدولموهەیمین شێخ سولەیمان)ی ئامۆزاتان، لە دڵەوە خەمباری كردووین، پرسەو سەرەخۆشی خۆمانتان ئاڕاستە دەكەین، لە یەزدانی گەورەو باڵادەست خوازیار و دوعاخوازین، كۆچكردوو جێی بەهەشت بێ و تەمەنی درێژی بۆ جەنابتان جێهێشتبێت.

جارێكی دیكە سەرخۆشی خۆم و سەرجەم وەبەرهێنەرانی كوردستان بە تایبەت ئاڕاستەی جەنابی سەرۆك مەسعود بارزانی دەكەین و هیواخوازی لەشساخی و تەمەن دڕێژین بۆ بەرێزیان و دوا ناخۆشی بنەماڵەكەتان بێت.

انا للە و انا الیە راجعون

براتان

یاسین مەحمود ڕەشید
سەرۆكی یەكێتی وەبەرهێنەرانی كوردستان – سلێمانی

بەردەوام بە لە خوێندنەوە

ئابوری

“بەشێكی زۆری هاووڵاتیان لە نەوتی سپی بێبەش دەبن”

خەڵك – بەشی هەواڵ

ئەندامێكی لیژنەی وزە و سامانە سروشتییەكانی پەرلەمانی كوردستان ڕایدەگەیەنێت: بەشێكی زۆری هاووڵاتیان لە نەوتی سپی بێبەش دەبن.

كاروان گەزنەیی ئەندامی لیژنەی وزە و سامانە سروشتییەكانی پەرلەمانی كوردستان ڕایگەیاند، ئەمساڵیش بەهەمانشێوەی ساڵانی ڕابردوو هاووڵاتیان لە نەوتی سپی بێبەش دەبن، لەكاتێكدا حەوت مانگ لەمەوبەر كێشەكە بە 15 ملیۆن دۆلار چارەسەر دەبوو.

جێی ئاماژەیە، لەلایەن حكومەتی عیراقەوە بڕی 150 ملیۆن لیتر نەوتی سپی بۆ هاووڵاتیانی هەرێم دیاری كراوە و ڕۆژانە ڕەوانەی شارەكانی هەرێم دەكرێت و لە ئێستاشدا لە پارێزگای سلێمانی و ناوچە ساردەكانی دهۆك دەست بە دابەشكردن كراوە، بەڵام دابەشكردنەكە لەو شوێنانە دەستی پێكردووە كە ساڵی پار دابەش كردن تێیدا وەستابوو بەمەش ئەمساڵ بەشێكی زۆر لەو هاووڵاتیيانەی كە پار نەوتیان وەرگرتووە بێبەش دەبن لەوەرگرتنی ئەو بڕە نەوتە.

بەردەوام بە لە خوێندنەوە

کوردستان

لوتكە: 10 كۆچبەری كورد ئەشكەنجە دراون

خەڵك – بەشی هەواڵ

دەزگای لوتكە بۆ كاروباری ئاوارە و پەنابەران ڕایدەگەیەنێت، لەلایەن پۆلیسی كراوتیاوە، 10 كۆچبەری كورد ڕووبەڕووی لێدان و ئەشكەنجە بوونەتەوە و سەگیش بەردراوەتە یەكێك لەكۆچبەرە ژنەكان.

دەزگای لوتكە بۆ كاروباری ئاوارە و پەنابەران لە ڕاگەیەنراوێكدا ڕایگەیاند، 10 كۆچبەری كورد كە چەند جارێك هەوڵی گەیشتنیان داوە بۆ ئەڵمانیا، لەلایەن پۆلیسی كرواتیاوە ڕووبەڕووی لێدان و ئەشكەنجە بوونەتەوە و سەگی پۆلیسیش بەرداوەتە گیانی ژنێك، كەلوپەل و مۆبایل و پارەكانیان لێسەندوون لەپێناو تۆمارنەكردنی هیچ بەڵگەیەك لەلایەن كۆچبەرەكانەوە.

بەپێی ڕاگەیەنراوەكەی دەزگای لوتكە، یەكێك لە كۆچبەرەكان ڕایگەیاندووە، لە بۆسنەی پایتەخت نیشتەجێن و لەسەر ئەركی خۆیان نان و شوێنی مانەوە دابیندەكەن، بەهۆی وەرزی سەرماوە تەندروستی زۆرینەیان ناجێگیرە، ناشزانن بردراون بۆ چ زیندانێك بەڵام لەوێ ئەشكەنجەیان داون و لە درەنگانی شەودا لە چیایەكی بۆسنە بەجێیانهێشتوون، هەموو جارێكیش هەشت كاتژمێر بەبێ هیچ ئامێرێكی زیرەك بەپێ ڕۆیشتوون.

باسی لەوەشكردووە، ئەوان 10 كەسن كە لە نێویاندا ئافرەتێك و منداڵێكیان لەگەڵدایە و تەمەنیان لە نێوان 16-45 ساڵانە، بەشێكیان نەخۆشی درێژخایەنیان لەگەڵدایە، لەلایەن پۆلیسی كرواتیاشەوە، پەنجەمۆر و واژۆ بە كۆچبەرەكان دەكەن سەرەڕای ئەوەش دواتر دیپۆرتی بۆسنەیان دەكەنەوە.

دەزگای لوتكە بۆ كاروباری ئاوارە و پەنابەران ئاماژەی بەوەشكردووە، پەنابەرەكان داوا دەكەن دەنگیان بگاتە لایەنی پەیوەندیدار، لەپێناو دەركەوتنی ڕەفتارەكانی پۆلیسی كرواتیا.

بەردەوام بە لە خوێندنەوە

کوردستان