ئێمە لە تۆرە کۆمەڵایەتیەکان

کوردستان

ڕێكەوتن لەسەر نەوت و گومرگ دەكرێت
شاندەكەی هەرێمی كوردستان دەچێتەوە بۆ بەغدا

خەڵك- بەشی هەواڵ
پەرلەمانتارێكی كورد لە پەرلەمانی عیراق ڕایدەگەیەنێت، شاندێكی حكومەتی هەرێمی كوردستان جارێكی تر ڕاستەوخۆ لەدوای پشووی جەژن سەردانی بەغدا دەكات، بە وتەی سەرچاوەیەكیش شاندەكە ڕێكەوتن لەسەر ڕادەستكردنی داهاتەكانی نەوت و خاڵە گەمرگییەكان دەكات لەگەڵ حكومەتی فیدراڵ لەبەرانبەر ناردنی مووچەی فەرمانبەرانی هەرێم و پشك و شایستە داراییەكان.

حەسەن ئاڵی پەرلەمانتاری كورد لە پەرلەمانی عیراق، بە (خەڵك)ی ڕاگەیاند:”هەنگاوی ناردنی 400 ملیار دينار لەلایەن بەغداوە، هەنگاوێكی ئەرێنییە ڕووەو چارەسەركردنی كێشە و ناكۆكییەكان و بەستنی ڕێكەوتنێك لەنێوان بەغدا و هەولێر”.

بە وتەی حەسەن ئاڵی”شاندەكەی حكومەتی هەرێم لەسەر هەموو دۆسێكان گفتووگۆ لەگەڵ مستەفا كازمی سەرۆك وەزیران و عەلی عەبدولئەمیر عەللاوی وەزیری دارایی دەكات، لە سەردانەكەشدا رێكەوتنی هەمەلایەنە لەنێوان هەردوولادا دەكرێت”.

بەپێی ماڵپەڕی (بغداد الیوم)ی عیراقيش، سەرچاوەیەك لە حكومەتی هەرێمی كوردستان ڕایگەیاندووە”مەسرور بارزانی سەرۆكی حكومەت، ئەندامانی حكومەتەكەی ڕاسپاردووە هەماهەنگی لەگەڵ بەغدا بكەن و دۆسێی هەموو داهاتەكانی هەرێمی كوردستان بخەنەڕوو، تا لەلایەن لیژنە پسپۆڕەكانەوە وردبینیان تێدا بكرێت”.

سەرچاوەكە دەڵێت”هەرێمی كوردستان  داهاتی 250 هەزار بەرمیل نەوتى ڕۆژانە  و داهاتی تەواوەتی خاڵە گومرییەكان ڕادەست دەكات، تا لەبەرانبەردا حكومەتی فیدراڵ مووچەی فەرمانبەران و پێشمەرگە و شایستە داراییەكانى تر ڕەوانە بكات”.

لە 22ی ئایاری 2020، وەزارەتی دارایی عیراق ڕەوانەكردنی 400 ملیار دیناری بۆ مووچەی مانگی نیسانی فەرمانبەرانی هەرێمی كوردستان، ڕاگەیاند.

 

کوردستان

هەولێر؛دزێك دەستگیركرا كە ماددەی هۆشبەریشی بەكارهێناوە

خەڵك – بەشی هەواڵ
بەڕێوەبەرایەتیی پۆلیسی پارێزگای هەولێر ڕایدەگەیەنێت ، دوای كۆكردنەوەی زانیاری و بەدواداچوون كەسێكیان دەستگیركرد ، كە تۆمەتبارە بە دزینی 2 ماتۆڕسكیل، دەشڵێت،”لە ماڵەكەیدا دەست بەسەر ماددەی هۆشبەر و كەرەستەكانی بەكارهێنانی و جلوبەرگی سەربازی بە پلەی عەمید گیرا”.

بەڕێوەبەرایەتیی پۆلیسی پارێزگای هەولێر لە ڕاگەیەنراوێكدا ، كە وێنەیەكی دەست (خەڵك) كەوتووە ڕایگەیاندووە، تیمەكانمان دوای كۆكردنەوەی زانیاری و بەدواداچوون، لە ماوەی كاتژمێرێكدا لە گەڕەكی پۆلیسان كەسێكیان بە ناوی (س.ع) بە تۆمەتی دزینی 2 ماتۆڕسكیل دەستگیر كرد.

ڕاشیگەیاندووە، لە ماڵەكەیدا ماددەی هۆشبەر و كەرەستەی بەكارهێنانی ماددە هۆشبەرەكان و دەمانچەیەك و 2 ماتۆڕسكیلەكە و كۆمەڵێك فیشەك و هەندێك (جلوبەرگی سەربازی بە پلەی عەمید) دەستیان بەسەردا گیرا.

ئاماژە بۆ ئەوەشكراوە، تۆمەتباری ناوبراو بەپێی ماددە (446) لە یاسای سزادان بەند كرا و دۆسیەیەكی دیكەی سەربەخۆش لەسەر تۆمەتبار كرایەوە بەپێی ماددە (14)ی هۆشبەرەكان، لەبەر ئەوەی ماددەی هۆشبەری بەكارهێنابوو.

بەردەوام بە لە خوێندنەوە

کوردستان

تەقینەوەیەك لە كەركوك ڕویدا

 

خەڵك- بەشی هەواڵ

تەقینەوەیەك لە كەركوك ڕویدا و سەرچاوەیەكی ئەمنیش دەڵێت، ڕووداوەكە جگە لە زیانی ماددی، قوربانی لێنەكەوتۆتەوە.

دوانیوەڕۆی ئەمڕۆ پێنج شەممە، سەرچاوەیەكی ئەمنی لە شاری كەركوك ڕایگەیاند”تەقیتەوەیەك لە ناوەڕاستی شاری كەركوك و لە نزیك كۆلێژی یاساوە ڕویدا”.

بەوتەی سەرچاوەكە”تەقینەوەكە بەهۆی كەوتنەخوارەوەی گوللـەیەكی هاوەنەوە بووە لە نزیك كۆلێژی یاسا لە ناوەڕاستی كەركوك”، ڕەتیشكردەوە جگە لە زیانی ماددەی، ڕووداوەكە هیچ قوربانییەكی لێكەوتبێتەوە.

پێشتر سەرچاوەكان لە شاری كەركوك، ئاماژەیان بە تەقینەوەیەك كرد لە نزیك كۆلێژی یاسا لە شارەكە، بەبێ‌ ئەوەی زانیاریی لەبارەی سروشتی تەقینەوەكەوە بخەنەڕوو.

بەردەوام بە لە خوێندنەوە

کوردستان

پەیوەندی بە كۆرۆناوە هەیە
هەولێر، پزیشكێكی پسپۆڕ داوایەك لە هاووڵاتیان دەكات

خەڵك- بەشی هەواڵ
پزیشكێكی پسپۆڕی هەناو لە پارێزگەی هەولێر، داوا لە هاووڵاتیان دەكات، ڕەچاوی دەركەوتنی نیشانەكانی تووشبوون بە ڤایرۆسی كۆرۆنا بكەن و نكوڵی لە بوونی نەخۆشییەكە نەكەن و سەردانی پزیشكی پسپۆڕ بكەن، هۆشداریش دەدات لەوەی نەخۆش لەخۆیەوە چارەسەر بكاربهێنێت.

بەپێی نوسراوێك كە لە پەیجی لقی هەولێری سەندیکای پزیشکان و لەلایەن (د. زانا دزەیی) پسپۆڕی هەناو بڵاوكراوەتەوە:”وەک پزیشکێک کە لە نزیکەوە ئاگاداری بارودۆخی نەخۆشەکانی تووشبوو بە ڤایرەسی کۆڕۆنا و نەخۆشیی کۆڤید_١٩م، زۆربەی ئەو حاڵەتانەی کە بەداخەوە بوونەتە ھۆی مردن بە تایبەت لە گەنجەکان، تا ڕاددەیەکی زۆر پەیوەندی بەوە ھەیە کە کەسی تووشبوو درەنگ چووەتە لای پزیشک یان درەنگ لە نەخۆشخانە خەوێندراوە و لە سەرەتاوە نکۆڵێ لە نەخۆشییەکە کردووە و بە بێ گەڕانەوە بۆ پزیشکی پسپۆڕ و ڕاوێژکار، لە خۆیەوە عیلاجی بەکارھێناوە و تا گەیشتۆتە قۆناغێکی مەترسییداری نەخۆشییەکەو بەداخەوە کار لەکار ترازاوە و نەتواندراوە ھیچی بۆ بکرێت”.

هەر لە نویسنەكەدا هاتووە:”بۆیە ھەرکاتێ زانیت حاڵەتەکەت قورسە بەتایبەت ئەگەر ھەناسەتەنگیی و سنگ ئێشەی تووند و تێکچوونی بیر و ھزر و شین بوونەوەی پەنجە و لێوەکانت لەگەڵ بوو، یان تایەکی زۆر کە بە دەرمان دانەبەزێت، یان ئەوانەی تەمەنیان لە سەرووی شەست ساڵە، ئەوانەی قەڵەون و نەخۆشیی درێژخایەنی وەک دڵ و شەکرە و نەخۆشیی سیی و ھەناسە و سست بوونی گورچیلە و شێرپەنجەیان ھەیە، پێویستە بە زووتریین کات سەردانی نەخۆشخانە یان پزیشکی پسپۆڕ بکەن بۆ ئەوەی لە مەترسیی بەدووربن”.

ئەو پزیشكە لە كۆتایی نوسینەكەدا، تكای وایە هەموو لایەك ڕەچاوی ئەو خاڵانە بكەن، تا خودا هەموو لایەك بپارێزێت”.

بەردەوام بە لە خوێندنەوە

کوردستان