ئێمە لە تۆرە کۆمەڵایەتیەکان

کوردستان

باس لە كۆكردنەوەی بەڵگەكان دەكات
دەست پاكی هەرێم: لێكۆڵینەوە لەسەر بردنەدەرەوەی شەش ملیار یورۆ دەكەین

خەڵك- بەشی هەواڵ
سەرۆكی دەستەی دەست پاكی لەهەرێمی كوردستان دەڵێت” سەبارەت بە دەنگۆی ناردنەدەرەوەی بڕی شەش ملیار یۆرۆ لەهەرێمی كوردستانەوە بۆ دەرەوەی وڵات، لە ئێستادا بەڵگەكان بەشێكی لای ئەوانە و بەشێكی لای داواكاری گشتییە، بۆ ئەوەی بزانین ئەو دەنگۆیەش ڕاستە یان نا، لەقۆناغی كۆكردنەوەی زانیاری و لێكۆڵینەوەدان.

حاكم ئەحمەد ئەنوەر سەرۆكی دەستەی دەست پاكی لە هەرێمی كوردستان بە دەنگی ئەمریكایی ڕاگەیاندووە”حكومەتی هەرێم گرنگی بەباتی بردنەدەرەوەی شەش ملیار یورۆ داوە داوایان كردووە لێكۆڵینەوەی سەرەتایی بكەین، هیچ فشارێكمان لەسەر نییە بەپێچەوانەوە هەموو لایەك تەئكیدلەسەر ئەوە دەكەنەوە بابەتەكە لێكۆڵینەوەی تێدا بكرێت و ڕاستییەكان ئاشكرا بكرێن، ئێمەش دوای لێكۆڵینەوەكان ئەنجامەكە بۆ ڕای گشتی دەخەینەڕوو.”

بە وتەی حاكم ئەحمەد ئەنوەر”بابەتەكە لە ڕاگەیاندنەكان بڵاو كرایەوە و لەلایەن پەرلەمانتارێكی بەڕێزەوە كەبەڵگەی دەست كەوتووە، پێش ئەوەی ئەو بابەتە بڵاو ببێتەوە، ئێمە هیچ زانیارییەكمان لەسەر ئەو بابەتە نەبوو، واتە بڵاوبوونەوەی ئەو بابەتە زیاتر لە میدیاكانەوە وروژێنرا، بابەتی بردنەدەرەوەی شەش ملیار یۆرۆ ئاڕاستەی ئێمە نەكراوە، بەڵام دواتر لەلایەن پەرلەمانتارێكی بەڕێزەوە كە لەلیژنەی دەستپاكی پەرلەمان ئیش دەكات بۆی ناردین ، ئێمە دوای ئەوە دەستمان كرد بە بەدواداچوون”.

سەرۆكی دەستەی دەست پاكی دەڵێت”ئەو كەسەی كە بابەتەكەی وروژاندووەو بەڵگەكانی داوەتە داواكاری گشتی و ئەو لایەنەشی كە تۆمەتباركراون بە ناردنی پارەكە لە هەرێمی كوردستانە، وەتا ئەندازەیەكی باش دەتوانرێت دوای لێكۆڵینەوەیەكی ورد بزانیین ئایا ئەسڵی بابەتەكە چۆنە، چونكە ئەو بڕە پارەیەی كە قسەی لێدەكرێت پارەیەكی زۆرە و دەكاتە 7 تا 8 ملیار دۆلار، حكومەتی هەرێمی كوردستانیش گرنگی داوە بە بابەتەكە و داوای لە لایەنە پەیوەندیدارەكان كردووە، چ ئێمە بین یان داواكاری گشتی، هەموومان بەیەكەوە لێكۆڵینەوەی سەرەتایی بكەین لە بابەتەكە لەگەڵ بوونی بەڵگەكان دەتوانرێت وە لێكۆڵینەوە زیاتر پەرەی پێ ی بدرێت تا دەگاتە ئاستێك كە بەپێی یاسابە ڕێكارەكانی هەرێمی كوردستان مامەڵەی لەگەڵدا بكرێت”.

حاكم ئەحمەد ئەنوەر پێیوایە “جارێ تەنیا سەرەتای كۆكردنەوەی بەڵگەیە، بەڵام ئەگەر بابەتەكە بچێتە قۆناغی تاوانكارییەوە ئەوە بەدڵنیاییەوە دەستەی دەستپاكی دەزگای پسپۆڕە بەو بابەتە، ئەنجامەكە بۆ ڕای گشتی بڵاودەكاتەوە”.

کوردستان

دوواین ئاماری تووشبووانی كۆرۆنا لە ڕۆژئاوای كوردستان

خەڵك-بەشی هەواڵ

 

بەڕێوەبەرایەتی تەندروستی ئیدارەی خۆسەری لە ڕۆژئاوای كوردستان ڕایدەگەیەنێت، ئەمڕۆ یەك شەممە 39 تووشبووی نوێ لە ناوچەكانی باكوری سوریا تۆماركراون و دوو تووشبووش گیانیان لەدەستداوە.

بەڕێوەبەرایەتی تەندروستی ئیدارەی خۆسەری لە ڕۆژئاوای كوردستان لە ڕاگەیەنراوێكدا ئاماژە بۆ ئەوە دەكات، لە 24 كاتژمێری ڕابردوودا 39 تووشبووی نوێی كۆرۆنا لەناوچەكانی ئیدارەی خۆسەر تۆماركراون كە زۆرترینیان لە قامشلۆ 9 تووشبوو، حەسەكە 17 تووشبوو و لە شارۆچكەی گركێ لەگی-یش 4 تووشبوو تۆماركراون.

ئاشكراشیدەكات، دوو تووشبووی كۆرۆنا لە كۆبانی گیانیان لەدەستداوە و 7 تووشبووی دیكەش چاكبوونەتەوە و كۆی گشتی تووشبووانیش گەیشتە هەزار و 398 كەس.

بەردەوام بە لە خوێندنەوە

کوردستان

ئەم هەواڵە نوێدەكرێتەوە..
خۆپیشاندانی سەرتاسەری مامۆستایان دەستیپێكرد

سلێمانی ـ نزار جەزا

ئەمڕۆ شەممە لە یەكەم رۆژی دەستپێكردنی ساڵی نوێی خوێندن لە شاری سلێمانی مامۆستایان نەچوونە هۆڵەكانی خوێندن و خۆپیشاندانیان دەستپێكرد.

پەیامنێری (خەڵك) لە شوێنی خۆپیشاندانەكەدا وتی: خۆپیشاندەران لە پێش بەڕێوەبەرایەتی پەروەردەی رۆژئاوا كۆبوونەتەوە و خۆپیشاندانیان سازكردووە و خەڵكی دیكەشیان لەگەڵدایە.

ئاماژەی بەوەشكرد خۆپیشاندەران داوای خەرجكردنی موچەكانیان دەكەن كە ماوەی چەند مانگە پێیان نەدراوە لەگەڵ دابەشكردنی موچە مانگانە لە كاتی خۆیدا.

ناڕازییەکان کە مامۆستایان ڕابەرییان دەکەن لەبەردەم بەڕێوەبەرایەتی پەروەردەی ڕۆژئاوای سلێمانی گردبوونەتەوە و دروشمی جۆراوجۆر دەڵێنەوە.

بڕیارە پاش کەمێکی دیکە بەڕێپێوان بەڕێبکەون بۆ بەردەم بینای پارێزگای سلێمانی و لەوێ بەیاننامەی خۆیان بخوێننەوە و تێیدا کۆی داواکارییەکانیان دەخەنەڕوو و هەنگاوی دواتریان ئاشکرادەکەن.

هاوكات لە شاری كەلار و كۆیەش خۆپیشاندانی مامۆستایان دەستیپێكردووە و لەبەردەم بەڕێوەبەرایەتییەكانی پەروەردەی شارەكانیاندا كۆبوونەتەوە.

هاوكات بڕیارە لە شاری هەڵەبجە و رانیەش خۆپیشاندانی مامۆستایان بەڕێوەبچێت.
زانیاری نوێتر…

بەردەوام بە لە خوێندنەوە

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان