ئێمە لە تۆرە کۆمەڵایەتیەکان

ئابوری

زانكۆیەكی هەرێم لەسەر دەستكاریكردنی دەرماڵەی فەرمانبەران هاتەدەنگ

خەڵك – بەشی هەواڵ
سەرۆكی زانكۆی پۆلیتەكنیكی سلێمانی ڕایدەگەیەنێت، دەستكاریكردنی دەرماڵەی ئەو چینە شانبەشانی وەزارەتی پەروەردە، كە خەمخۆرترین چینن بۆ پێشكەوتنی زانست و پێگەیاندنی نەوەیەكی ئاست بەرز لە بنەماكانی پەروەردە و فێربوون، دەرخەری ئەوەیە كە خاوەنی بڕیار لای گرنگ نیە ئاستی زانستی لە كۆمەڵگەكەدا بەرەوكوێ و بە چی ئاڕاستەیەك دەڕوات.

پ.ی.د.ئالان فەرەیدون عەلی ئەمین، سەرۆكی زانكۆی پۆلیتەكنیكی سلێمانی لە پەیامێكدا بەبۆنەی هاتنەوەی جەژنی ڕەمەزانی پیرۆز ڕایگەیاندووە، پیرۆزبایی هاتنەوەی جەژنی ڕەمەزانی پیرۆز لە هەموو لایەك دەكەم و هیوادارم ئەم جەژنە ببێتە مایەی خێر و خۆشی و دوورخستنەوەی دەرد و بەڵاكانی سەر كوردستانەكەمان.

دەشڵێت: “ئەو دەنگۆیانەی باس لە بڕینی دەرماڵەی فەرمانبەران و مامۆستایانی سەر بە وەزارەتی خوێندنی باڵا و توێژینەوەی زانستی دەكرێن، لێرەوە بە ڕاشكاوی دەڵێین، دەستكاری كردنی دەرماڵەی ئەو چینە، كە شانبەشانی وەزارەتی پەروەردە خەمخۆرترین چینن بۆ پێشكەوتنی زانست و پێگەیاندنی نەوەیەكی ئاست بەرز لە بنەماكانی پەروەردە و فێربوون، دەرخەری ئەوەیە كە خاوەنی بڕیار لای گرنگ نیە ئاستی زانستی لە كۆمەڵگەكەدا بەرەوكوێ و بە چی ئاڕاستەیەك دەڕوات و چەند زیانی گەورە بە ئاستی زانستی نەوەكانی ئایندەمان دەگات”.

دەقی پەیامەكەی سەرۆكی زانكۆی پۆلیتەكنیكی سلێمانی :
بەرێزان مامۆستایان و فەرمانبەران و خوێندكارانی زانكۆی پۆلیتەكنیكی سلێمانی
بەناوی خۆم و سەرجەم ئەندامانی ئەنجومەنی زانكۆی پۆلیتەكنیكی سلێمانییەوە، پیرۆزبایی هاتنەوەی جەژنی رەمەزانی پیرۆز لە هەمووتان ئەكەم وە ئەم جەژنە بكاتە مایەی خێرو خۆشی و دورخستنەوەی دەردو بەڵاكانی سەر كوردستانەكەمان.
بەرێزان
بە دەرفەتێكی گونجاوی دەزانم لە دەستپێكی نارەزایەتییەكان بۆ ئەو دەنگۆیانەی باس لە بڕینی دەرماڵەی فەرمانبەران ومامۆستایانی سەر بە وەزارەتی خوێندنی باڵاو توێژینەوەی زانستی دەكرێن، رای خۆمان وەكو سەرۆكایەتی و ئەنجومەنی زانكۆ دەرببڕین و لێرەوە بە ڕاشكاوی دەڵێین، دەستكاری كردنی دەرماڵەی ئەو چینەوە كە شانبەشانی وەزارەتی پەروەردە خەمخۆرترین چینن بۆ پێشكەوتنی زانست و پێگەیاندنی نەوەیەكی ئاست بەرز لە بنەماكانی پەروەردەو فێربوون، دەرخەری ئەوەیە كە خاوەنی بڕیار لای گرنگ نیە ئاستی زانستی لە كۆمەڵگەكەدا بەرەوكوێ و بە چی ئاڕاستەیەك دەڕوات و چەند زیانی گەورە بە ئاستی زانستی نەوەكانی ئایندەمان دەگات.
هەربۆیە لە ئێستاوە وەكو سەرۆك و ئەنجومەنی زانكۆی پۆلیتەكنیكی سلێمانی نارازیبوونی خۆمان لە هەنگاوێكی لەو جۆرە دەردەبڕین و شانبەشانی مامۆستایان و فەرمانبەرانی زانكۆمان داوا ئەكەین رێز لە ئەرك و خزمەتەكانی زانكۆ بگیرێت .
لەراستیدا دەمەوێ بشڵێم، لەماوەی رابردووداو خوێندنی تەكنیكی لە كوردستان هەنگاوی گرنگی بڕی، لە پەیمانگای دایك “پەیمانگای تەكنیكی سلێمانی”یەوە، بگات بەوەی كە لە ئێستادا تەنها زانكۆی پۆلیتەكنیكی سلێمانی خاوەنی ١٣ كۆلێج و پەیمانگابێت و بە هەوڵی دڵسۆزانی لە مامۆستایان و فەرمانبەران و خوێندكارەكانیشی هەنگاوی جددی و ئەكادیمی بنێت، نیشانەی ئەوەیە كە بەرپرسانی ئەم زانكۆیە لە سەرەتاوە تاوەكو دەگا بە ئێمە وە لە دەستبەكاربوونی ئێمە وەكو سەرۆكی زانكۆ هەروەها وەكو ئەنجومەنی ئێستای زانكۆكە، زۆر بە باشی و دڵسۆزانە كارەكانمان ئەنجامداوەو نە خۆمان و نە هێشتوومانە كەسی دیكەش بە چەوتی كارەكان ببەن بەڕێوە، بەڵكوو رامان وایە زۆرجار بڕیارە چەوتەكان بریتین لەلێسەندنەوەی دەسەڵاتە كارگێڕی و داراییەكان و قۆرخكارییە كارگێڕی وداراییەكانە.
دووبارە دەڵێین جەژنتان پیرۆزبێت و بە هیواین پێكەوە خۆپارێزییەكان جێ بەجێ بكەین ،جارێكیتریش لە نزیكەوە بە مامۆستایان و فەرمانبەران و خوێندكارانمان لەنێو كەمپەكانی زانكۆمان بەیەكتر شاد ببینەوە ، وە هەر لێرەوە بەڵێن ئەدەین كە كار بكەین بۆی خوێندكاران بە سەركەوتویی ئەمساڵی خوێندن تێ پەڕێنن وە ساڵی خوێندن نەفەوتێت.
هەمیشە سەركەوتووبن.
پ.ی.د.ئالان فەرەیدون عەلی ئەمین
سەرۆكی زانكۆی پۆلیتەكنیكی سلێمانی

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو كەمێك بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 8ی‌ تەمووزی 2020 كەمێك بەرز بووەتەوە، بەشێوەیەك نرخی‌ نەوتی برێنت بە 42 دۆلار و 95 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 47 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

چارەنووسی مووچەی مانگەكانی ( 3 و 4 و 5 و 6) ئاشكراكرا

خەڵك- بەشی هەواڵ
بەرپرسێكی باڵای حكومەتی هەرێمی كوردستان ئاشكرای دەكات، كە قۆناغی دووەم و سێیەمی بایۆمەتری دەستپێدەكات و دەشڵێت: “مووچەكانی مانگی  3 و 4 و 5 و 6 پەیوەندییان بە یاسای چاكسازییەوە نییە”.

ماوەی چەند ڕۆژێكە ترس و دڵەڕاوكێ‌ لای فەرمانبەران دروست بووە سەبارەت بە دەنگۆی ئەوەی گوایە مووچەی ئەو (4) مانگەی ئەمساڵ بەهۆی جێبەجێ‌ كردنی یاسای چاكسازییەوە نادرێن و بەهۆی ئەوەی لە مانگی تەمموز (7)ەوە دەچێتە بواری جێبەجێ‌ كردنەوە، مووچەش هەر لەو مانگەوە دەدرێت.

د.عەبدولحەكیم خەسرەو، سكرتێری لیژنەی باڵای جێبەجێكردنی یاسای چاكسازی لە ئەنجوومەنی وەزیرانی هەرێم لە بەرنامەیەكی تەلەفزیۆنیدا ڕایگەیاند، سبەینێ چوار شەممە 8-7-2020 قۆناغی دووەم ‌و سێیەمی سیستەمی بایۆمەتری دەچێتە بواری جێبەجێكردنەوە، كە سوودێكی زۆری دەبێت بۆ ڕێكخستنەوەی سیستەمی میلاكاتی وەزارەتەكان ‌و ڕێكخستنەوە سیستەمی مووچە‌ و نەهێشتنی ئەوەی پێى دەوترێ‌ بندیوار.

ڕاشیگەیاند، كە جێبەجێ‌ كردنی یاساكە لە مانگی (7)ەوە پەیوەندی نییە بە دابەشكردنی مووچەوە و مووچە بەردەوام دەبێت و ئەنجوومەنی وەزیران خۆی بڕیار دەدات كەی مووچە دابەش بكرێت.

سەبارەت بە دەرماڵەكان ئاماژەی بەوەكرد، بە سەرجەم دەرماڵەكانی فەرمانبەراندا دەچنەوە، كە نزیكەی 24 جۆر دەرماڵە هەیە و 56%ی مووچە بۆ دەرماڵەكان دەڕوات.

د.عەبدولحەكیم خەسرەو دەڵیت: “دەبێت پێداچوونەوە بە دەرماڵەكاندا بكرێت، بەڵام دەرماڵە جێگیرەكانی وەكو بڕوانامە و خێزان و منداڵ و پایە بە یاسا دراون و دەستكاری ناكرێن”.

بەردەوام بە لە خوێندنەوە

ئابوری

دابەشكردنی دوو مووچە ڕەتدەكرێتەوە
بەغدا هێشتا مووچەی مانگی حوزەیرانی دابەشنەكردووە

خەڵك- بەشی هەواڵ
ئەندامێكی لیژنەی دارایی لە پەرلەمانی عیراق، ڕەتیدەكاتەوە وەزارەتی دارایی بتوانێت مووچەی هەردوو مانگی حوزەیران و تەمموز بەیەكەوە دابەش بكات.

فەیسەڵ عیساوی ئەندامی لیژنەی دارایی پەرلەمانی عیراق لە لێدوانێكی ڕۆژنامەوانیدا ڕایگەیاند:”دابەشكردنی مووچەی مانگەكانی حوزەیران و تەمموز بە یەكەوە بەدووردەزانرێت، چونكە پارەی نەختینە لەبەردەستدا نییە”.

بە وتەی ئەو پەرلەمانتارە:”قەیرانی دارایی باڵی بەسەر ڕەوشی عیراقدا كێشاوە، بەڵام لەگەڵ ئەوەشدا زۆربەی كێشەكان چارەسەركراون و دەستكراوە بە كۆكردنەوەی پارە بۆ هەموو وەزارەتە ئەمنی و ئیدارییەكانی دەوڵەت”.

فەیسەڵ عیساوی دەڵێت:”بەر لە كۆتایی مانگی تەمموز، مووچەی مانگی حوزەیران دابەشدەكرێت، بەڵام ناكرێت دوو مووچە بەسەر یەكەوە دابەش بكرێت، چونكە پارەی نەختینە بەهۆی دابەزینی نرخی نەوتەوە بەردەست نییە”.

10 ڕۆژ زیاترە دابەشكردنی مووچەی مانگی حوزەیرانی فەرمانبەرانی ژمارەیەك وەزارەتی حكومەتی فیدراڵ دواكەوتووە و تائێستا دابەشنەكراوە.

بەردەوام بە لە خوێندنەوە

کوردستان