ئێمە لە تۆرە کۆمەڵایەتیەکان

کوردستان

خۆپیشاندان لە دهۆك دەستی پێكردەوە و چەند كەسێك دەستگیركران


خەڵك – بەشی هەواڵ
ئێوارەی ئەمڕۆ لە بەردەم بەندینخانەی زركا لە شاری دهۆك ژمارەیەك لە هاووڵاتیان و مامۆستایان و چالاكوانانی مەدەنی بۆ ئازادكردنی (بەدەل بـەرواری) دەستیان بە گردبوونەوە كرد،بەڵام ژمـارەیەك مـامـۆستا و چـالاكـوان دەستـگیركران.

بەپێی زانیارییەكان، ژمارەیەك لە مامۆستایان و ڕۆژنامەنووسان چوونە بەردەم دادگای دهۆك و داوای ئازادكردنی بەدەل بەرواریان كرد، كە شەوێك بەر لە خۆپیشاندانەكەی 16ی ئایار دەستگیركرابوو، بەڵام پۆلیس هەریەك لە (مێھڤان بەروشكی ) و (یٔومێد حاجی ) و (دلشاد گوھەرزی)ی دەستگیركرد، كە پێشتر ئەوانیش لە خۆپیشاندانەكەدا دەستگیركرابوون و ئازادكربوون.

كەناڵی (سپێدە)ی زمانحاڵی یەكگرتووی ئیسلامی كوردستان بڵاویكردەوە، ئێوارەی ئەمڕۆ شەممە 23-5-2020 بەهۆی گردبوونەوەیان بۆ ئازادكردنی (بەدەل بـەرواری) لە دهـۆك ژمـارەیەك مـامـۆستا و چـالاكـوان دەستـگیركران.

هاوكات ئەنجوومەنی ناڕازی پەیامێك ئاڕاستەی خەڵكی دهۆك دەكەن و داوایان لێ دەكەن، كە دان بەخۆیاندا بگرن تا دوای جەژن بۆ ئەوەی خۆپێشاندانەكان لە هەموو شار و شارۆچكەكان لەیەك كاتدا بكرێن.

هەفتەی ڕابردوو خۆپیشاندانێكی فراوان لە دهۆك لەلایەن مامۆستان و فەرمانبەرانەوە دژی دواكەوتنی مووچە ئەنجام درا و ژمارەیەك مامۆستا و چالاكوان و ڕۆژنامەنووس دەستگیر كران، كە دواتر ئازادكران جگە لە (بەدەل بەرواری) كە تا ئێسا لە زیندانە.

کوردستان

لیژنە هاوبەشەکەی  یەکێتی و گۆڕان کۆدەبێتەوە


خەڵك – بەشی هەواڵ
بڕیارە ئەمڕۆ یەك شەممە، لیژنەی هاوبەشی یەکێتیی نیشتمانیی کوردستان و بزوتنەوەی گۆڕان لە سلێمانی کۆبێتەوە.

ئەو لیژنە هاوبەشە کە شاناز ئیبراهیم ئەحمەد ئەندامی دەستەی کارگێڕی یەکێتی و شەماڵ عەبدولوەفا ئەندامی خانەی ڕاپەراندنی گۆڕان سەرۆکایەتی دەکەن، پرسی ئاڵوگۆڕی پۆستە ئیدارییەکان و پەیوەندییەکانی هەردوو حزب تاووتوێ دەکەن.

سەرۆکی ئیدارەی گەرمیان، جێگری پارێزگار و قایمقامی هەڵەبجە، جێگری سەرۆکی ئیدارەی راپەڕین لە نێو ئەو پۆستانەدان کە لە نێواین یەکێتی و گۆڕاندا یەکلایی نەکراونەتەوە.

بەردەوام بە لە خوێندنەوە

کوردستان

تووشبوویەکی کۆرۆنا لە سلێمانی گیانی لە دەست دا


خەڵك – بەشی هەواڵ
ئەمڕۆ یەک شەممە، تووشبوویەکی دیکەی کۆرۆنا کە نە خۆشی درێژخایەنی هەبووە، لە سلێمانی گیانی لە دەست دا.

د. ئازاد ھەورامی بەڕێوبەری نەخۆشخانەی شەهید تاهیر عەلی والی بەگ ڕایگەیاند بەرەبەیانی ئەمڕۆ پیاوێکی تەمەن 69 ساڵ کە نەخۆشی درێژخایەنیشی هەبووە، بە ھۆی كۆرۆنا گیانی لە دەست دا.

بە پێی ئامارە فەرمییەکانی وەزارەتی تەندروستی تا ئێستا 241 تووشبووی کۆرۆنا لە هەرێمی کوردستان گیانیان لە دەست داوە کە 208یان لە سلێمانی بوون.

بەردەوام بە لە خوێندنەوە

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان