ئێمە لە تۆرە کۆمەڵایەتیەکان

کوردستان

سەرۆکی زانکۆی پۆلیتەکنیکی سلێمانی: لەبڕینی دەرماڵەی موچەخۆرانی وەزارەتى خوێندنی باڵا ناڕازین

خەڵک – بەشی هەواڵ

سەرۆکی زانکۆی پۆلیتەکنیکی سلێمانی ڕایدەگەیەنێت، دەستکاری کردنی دەرماڵەی موچەخۆرانی وەزارەتى خوێندنی باڵا، دەرخەری ئەوەیە کە خاوەنی بڕیار لای گرنگ نیە، چەند زیانی گەورە بە ئاستی زانستی نەوەکانی ئایندە دەگات، بۆیە ناڕازین لەبڕینی دەرماڵەی موچەخۆرانی وەزارەتى خوێندنی باڵا.

 

پ.ی.د.ئالان فەرەیدون، سەرۆکی زانکۆی پۆلیتەکنیکی سلێمانی لەپەیامێکدا ڕایگەیاند، دەستکاری کردنی دەرماڵەی موچەخۆرانی وەزارەتى خوێندنی باڵا، کە شانبەشانی وەزارەتی پەروەردە خەمخۆرترین چینن بۆ پێشکەوتنی زانست و پێگەیاندنی نەوەیەکی ئاست بەرز لە بنەماکانی پەروەردەو فێربوون، دەرخەری ئەوەیە کە خاوەنی بڕیار لای گرنگ نیە، ئاستی زانستی لە کۆمەڵگەکەدا بەرەوکوێ و بە چی ئاڕاستەیەک دەڕوات و چەند زیانی گەورە بە ئاستی زانستی نەوەکانی ئایندە دەگات.

 

ئاماژە بەئەوەشدەکات، هەربۆیە لە ئێستاوە وەکو سەرۆک و ئەنجومەنی زانکۆی پۆلیتەکنیکی سلێمانی نارازیبوونی خۆیان لە هەنگاوێکی لەو جۆرە دەردەبڕن و شانبەشانی مامۆستایان و فەرمانبەرانی زانکۆیان داوا دەکەن ڕێز لە ئەرک و خزمەتەکانی زانکۆ بگیرێت .

 

دەقی پەیامەکە:

 

بەرێزان مامۆستایان و فەرمانبەران و خوێندکارانی زانکۆی پۆلیتەکنیکی سلێمانی
بەناوی خۆم و سەرجەم ئەندامانی ئەنجومەنی زانکۆی پۆلیتەکنیکی سلێمانییەوە، پیرۆزبایی هاتنەوەی جەژنی رەمەزانی پیرۆز لە هەمووتان ئەکەم وە ئەم جەژنە بکاتە مایەی خێرو خۆشی و دورخستنەوەی دەردو بەڵاکانی سەر کوردستانەکەمان.

بەرێزان

 

بە دەرفەتێکی گونجاوی دەزانم لە دەستپێکی نارەزایەتییەکان بۆ ئەو دەنگۆیانەی باس لە بڕینی دەرماڵەی فەرمانبەران ومامۆستایانی سەر بە وەزارەتی خوێندنی باڵاو توێژینەوەی زانستی دەکرێن، رای خۆمان وەکو سەرۆکایەتی و ئەنجومەنی زانکۆ دەرببڕین و لێرەوە بە ڕاشکاوی دەڵێین، دەستکاری کردنی دەرماڵەی ئەو چینەوە کە شانبەشانی وەزارەتی پەروەردە خەمخۆرترین چینن بۆ پێشکەوتنی زانست و پێگەیاندنی نەوەیەکی ئاست بەرز لە بنەماکانی پەروەردەو فێربوون، دەرخەری ئەوەیە کە خاوەنی بڕیار لای گرنگ نیە ئاستی زانستی لە کۆمەڵگەکەدا بەرەوکوێ و بە چی ئاڕاستەیەک دەڕوات و چەند زیانی گەورە بە ئاستی زانستی نەوەکانی ئایندەمان دەگات.

 

هەربۆیە لە ئێستاوە وەکو سەرۆک و ئەنجومەنی زانکۆی پۆلیتەکنیکی سلێمانی نارازیبوونی خۆمان لە هەنگاوێکی لەو جۆرە دەردەبڕین و شانبەشانی مامۆستایان و فەرمانبەرانی زانکۆمان داوا ئەکەین رێز لە ئەرک و خزمەتەکانی زانکۆ بگیرێت .

 

لەراستیدا دەمەوێ بشڵێم، لەماوەی رابردووداو خوێندنی تەکنیکی لە کوردستان هەنگاوی گرنگی بڕی، لە پەیمانگای دایک “پەیمانگای تەکنیکی سلێمانی”یەوە، بگات بەوەی کە لە ئێستادا تەنها زانکۆی پۆلیتەکنیکی سلێمانی خاوەنی ١٣ کۆلێج و پەیمانگابێت و بە هەوڵی دڵسۆزانی لە مامۆستایان و فەرمانبەران و خوێندکارەکانیشی هەنگاوی جددی و ئەکادیمی بنێت، نیشانەی ئەوەیە کە بەرپرسانی ئەم زانکۆیە لە سەرەتاوە تاوەکو دەگا بە ئێمە وە لە دەستبەکاربوونی ئێمە وەکو سەرۆکی زانکۆ هەروەها وەکو ئەنجومەنی ئێستای زانکۆکە، زۆر بە باشی و دڵسۆزانە کارەکانمان ئەنجامداوەو نە خۆمان و نە هێشتوومانە کەسی دیکەش بە چەوتی کارەکان ببەن بەڕێوە، بەڵکوو رامان وایە زۆرجار بڕیارە چەوتەکان بریتین لەلێسەندنەوەی دەسەڵاتە کارگێڕی و داراییەکان و قۆرخکارییە کارگێڕی وداراییەکانە.

 

دووبارە دەڵێین جەژنتان پیرۆزبێت و بە هیواین پێکەوە خۆپارێزییەکان جێ بەجێ بکەین ،جارێکیتریش لە نزیکەوە بە مامۆستایان و فەرمانبەران و خوێندکارانمان لەنێو کەمپەکانی زانکۆمان بەیەکتر شاد ببینەوە ، وە هەر لێرەوە بەڵێن ئەدەین کە کار بکەین بۆی خوێندکاران بە سەرکەوتویی ئەمساڵی خوێندن تێ پەڕێنن وە ساڵی خوێندن نەفەوتێت.


هەمیشە سەرکەوتووبن.

پ.ی.د.ئالان فەرەیدون عەلی ئەمین
سەرۆکی زانکۆی پۆلیتەکنیکی سلێمانی

ریکلام

کوردستان

سەرۆكایەتی یەكێتی: هێزە سیاسییەكانی كوردستان بەشداربن لە بوژاندنەوەی شنگال

خەڵك – بەشی هەواڵ

سەرۆكایەتی یەكێتیی نیشتمانیی كوردستان لە شەشەمین ساڵیادی جینۆسایدی شنگالدا بە پێویستی دەزانێت هێزە سیاسییەكانی كوردستان، شانبەشانی حكومەتی عیراق و كۆمەڵی نێودەوڵەتی، بەشداری بكەن لە پڕۆسەی بوژاندنەوەی شنگال و گەڕاندنەوەی دانیشتووانە ڕەسەنەكەی بۆ زێدی باب و باپیرانیان.

سەرۆكایەتی یەكێتیی نیشتمانیی كوردستان ڕایگەیاند: لە شەشەمین ساڵیادی كارەساتی شنگال و جینۆسایدی ئێزدییان، بە خەمێكی قووڵەوە، یادی شەهیدان و قوربانیانی ئەو تاوانەی‌ دەرهەق بە گەلەكەمان كرا بەرز ڕادەگرین، پشوودرێژی و ورە و باوەڕ بە ئایندەیەكی گەشتر بۆ كەسوكاریان دەخوازین و داواكارین لایەنە پەیوەندارەكانی كۆمەڵی نێودەوڵەتی، حكومەتی عیراق و هەرێمی كوردستان پەلە بكەن لە ناساندنی كارەساتی شەنگال وەك تاوانی جینۆساید و لەبەردەم دادگایەكی باڵادا، ڕێكخراوی تیرۆریستیی دەوڵەتی ئیسلامی و تاوانبارەكانیان و ئەوانەش كە كەمتەرخەم و هۆكاربوون بۆ‌ ڕوودانی كارەساتەكە، بە سزا بگەیەنن.

سەرۆكایەتی یەكێتیی نیشتمانیی كوردستان ئەوەشیخستووەتەڕوو: سەرباری گەورەیی كارەساتەكە و دوای تێپەڕبوونی شەش ساڵ بەسەر ڕۆژی ڕەشی ٣ی٨ی٢٠١٤، هێشتا برینی خوشك و برا ئێزدییەكانمان سارێژ نەبووە. دەیان هەزار خێزان داڕماون. هەزاران كچ و مناڵ و پیاوی ئێزدی بێ سەروشوێنن و دەیان هەزار پیر و بریندار لە ئاوارەیی كەمپەكاندا و دوور لە زێدی خۆیان، دوور لە ئازیزانیان، خراپترین ڕۆژگار دەگوزەرێنن. لە دۆخێكی وا تاڵدا، ئەركی هەموو لایەكمانە‌ دوور لە دروشمبازیی، سنوورێك بۆ ئەم دۆخە خراپەی ژیانی ئێزدییەكانی پاش جینۆساید دابنێین و پشتیوان بین لە ئاسایی كردنەوەی ژیانی خەڵك لە شنگال‌ و دوور لە ململانێ و بەرژەوەندیی تەسكی حزبی، ئێزدییان و ناسنامەی گەلی خۆمان و كولتوری پێكەوەژیان و فرەیی ئاینیی بپارێزێن.

سەرۆكایەتی یەكێتیی نیشتمانیی كوردستان ڕوونیشیدەكاتەوە، بە پێویستی دەزانین هێزە سیاسییەكانی كوردستان، شانبەشانی حكومەتی عیراق و كۆمەڵی نێودەوڵەتی، بەشداری بكەن لە پڕۆسەی بوژاندنەوەی شنگال و گەڕاندنەوەی دانیشتووانە ڕەسەنەكەی بۆ زێدی باب و باپیریان. ئەركی حكومەت و لایەنە پەیوەندارەكانە بەوپەڕی هەستكردن بە بەرپرسیاریەتی، دۆزینەوەی خوشك و برا ئێزدییە بێسەروشوێنەكراوەكان بكاتە كاری لەپێشینەی خۆی. ئەركی هەمووشمانە كە ئەو ڕۆژانە و شەهیدانی ئێزدی و شەهیدانی ڕووبەڕووبوونەوەی داعش لەیاد نەكەین و دڵنیاین كە قوربانیدانی هێزەكانی پێشمەرگە و یەكڕیزیی خەڵكی كوردستان ڕێگەی نەدا پیلانی تری داعش لە قڕكردن و داگیركاریی بۆ سەر كوردستان سەربگرێت.

لە ڕاگەیەنراوەكەدا ئەوەش هاتووە، ئێمە لە سەرۆكایەتیی یەكێتیی نیشتمانیی كوردستان لە كاتێكدا مەزڵومییەت و قوربانیدانی ئێزدییەكان بەوپەڕی بەرز دەنرخێنین، بەڵێنی هاوكاری و پشتیوانیی تەواویان بۆ دووپات دەكەینەوە و ڕایدەگەیەنین: خەباتی ئێمە لەپێناو پاراستن و بەدیهاتنی داوا ڕەواكانی ئەوان و ئامانجی تەواوی كۆمەڵانی خەڵكی كوردستانە.

بەردەوام بە لە خوێندنەوە

کوردستان

كازمی بۆ ئێزدییەكان: دەبێت دادپەروەری ڕێڕەوی خۆی وەربگرێت

خەڵك – بەشی هەواڵ

سەرۆك وەزیرانی عیراق پێشوازی لە شاندێك كرد كە پێكهاتبوون لە كچ و ژنانی كوردی ئێزدیی ڕزگاربووی دەستی تیرۆریستانی داعش لە شنگال و گوندی كۆچۆ و ناوچەكانی دەرووبەری و ڕایگەیاند “دەبێت دادپەروەری ڕێڕەوی خۆی وەربگرێت”.

نووسینگەی ڕاگەیاندنی سەرۆك وەزیرانی عیراق ڕایگەیاند:” مستەفا كازمی ئیدانەی ئەو تاوانە وەحشیگەریەی كرد كە دەرهەق بە كوردانی ئێزدی كراوە لەو ڕۆژە شومەدا لە 3ی ئابی 2014 لەسەر دەستی تیرۆریستانی داعش”.

نووسینگەی كازمی ئاماژەی بەوەش كردووە، ئەوەی ئێزدییەكان ڕووبەڕووی بوونەتەوە، دووبارە نابێتەوە، “ئەو تاوانە قێزەونەش بووە جێگەی گرنگی و ڕاكێشانی سۆزی ڕای جیهانی. جیهان هەموو لەپاڵ دۆزەكەیان وەستان”.

سەرۆك وەزیرانی عیراق دووپاتیشی كردووەتەوە، كە كاردەكەن بۆئەوەی ئەو تاوانە بە زیندوویی بمێنێتەوە بۆ نەوەكانی داهاتووش، “بۆئەوەی وەحشیەتی داعش و قارەمانیەتیی هێزە ئەمنییەكان بزانن كە بەسەر تیرۆردا سەركەوتن و خاكیان ڕزگاركرد و یەكێتی و سەروەریی عیراقیان پاراست”.

نووسینگەی ڕاگەیاندنی سەرۆك وەزیرانی عیراق ئەوەشیخستەڕوو، مستەفا كازمی بەڵێنیدا بە جددی بگەڕێت بەدوای ئێزدییە ڕفێندراوەكان و هەوڵی نێودەوڵەتی بدرێت بۆئەوەی جارێكی تر بگەڕێنەوە نێو كەسوكارەكانیان، وتیشی، “دەبێت دادپەروەری ڕێڕەوی خۆی وەربگرێت، ئەزموونی ئێزدییەكان سەخت و دژواربووە، بەڵام دەبێتە فاكتەری هیوا بە داهتوویەكی باشتر بۆ وڵات، كە ڕێز لە هاووڵاتی و شكۆیان بگرێت بەبێ هیچ جیاكارییەك”.

جێی ئاماژەیە، ئەمڕۆ دووشەممە 3ی ئابی 2020، شەش ساڵ بەسەر پەلاماری تیرۆریستانی داعش بۆ سەر شنگال و دەوروبەری تێدەپەڕێت. سەرەڕای كوژرانی سەدان و دەربەدەربوونی هەزاران كوردی ئێزدی، هەزاران ئافرەت و منداڵی كوردی ئێزدی لەلایەن داعشەوە بێسەروشوێن كران.

بەردەوام بە لە خوێندنەوە

کوردستان

وەزارەتی ناوخۆ قەدەغەی هاتوچۆی ڕاگەیاند

خەڵك – بەشی هەواڵ

وەزارەتی ناوخۆی هەرێم لە ڕاگەیەنراوێكدا ڕایگەیاند: قەدەغەی هاتوچۆ لەنێوان پارێزگاكاندا وەك خۆی دەبێت و لەنێوان پارێزگاكانی هەرێمی كوردستان و عیراقیشدا بۆ ماوەی هەفتەیەك بەتەواوی ڕادەگیرێت.

وەزارەتی ناوخۆی هەرێم ئاماژەی بەوەشدا، شوێنە گشتییەكانی وەك پارك، كافتریا و چایخانەكان دادەخرێن.

 

بەردەوام بە لە خوێندنەوە

کوردستان