ئێمە لە تۆرە کۆمەڵایەتیەکان

کوردستان

كەنەكە، جەژنی ڕەمەزان لە گەلی كورد و جیهانی ئیسلامی پیرۆز دەكات

خەڵك-بەشی هەواڵ

كەنەكە پیرۆزبایی جەژنی ڕەمەزان لە گەلی كوردستان وجیهانی ئیسلامی دەكات و لە ڕاگەیەنراوێكدا ئاماژە بۆ ئەوە دەكات، سبەینێ جەژنە، جەژنی ڕەمەزانە، بەداخەوە جەژنی ئەمساڵ لە ڕەوشێكی زۆر ئاڵۆزدا دەكرێت، جەژنی ئەمساڵ بە قۆناغێكی مێژووییدا بەسەر گەلی كوردستان و گەلانی جیهاندا تێپەڕدەبێت.

دەقی ڕاگەیەنراوەكە
جەژنی ڕەمەزان لە گەلی كوردستان و هەموو جیهانی ئیسلامی پیرۆزبێت

سبەینێ جەژنە، جەژنی ڕەمەزانە. بەداخەوە جەژنی ئەمساڵ لە ڕەوشێكی زۆر ئاڵۆزدا دەكرێت. جەژنی ئەمساڵ بە قۆناغێكی مێژووییدا بەسەر گەلی كوردستان و گەلانی جیهاندا تێپەڕدەبێت. ئێستا دنیا بە گشتی بەرامبەر پەتای كۆرۆنا لە هەوڵێكی زۆردایە. مخابن خەڵك ناتوانن ئەم جەژنە بەشێوەیەكی ئاسایی بكەن و ماڵ بە ماڵ بگەڕێن و پیرۆزبایی لە یەكتر بكەن. ئەم قۆناغە بۆ گەلانی جیهان چارەنووسازە. بەڵام لە هەموو حاڵێكدا جەژن بە واتاكانی خۆیەوە پیرۆز دەكرێت. جەژن لەم رۆژە سەختانەدا هێزێكە و ئیرادەیەكی زیاتر بە خەڵك دەدات تا لەبەردەم نەخۆشی و بۆ ئاواكردنی ژیانێكی باشتر بە ئاشتی بەختەوەریی.

لەم دۆخە ئاڵۆزەشدا دوژمنانی ئێمە ڕاناوەستن و بەردەوامن لە هێرشەكانیان. لە باكور و ڕۆژئاواو باشوری كوردستان، هێرشی قڕكردن و لەناوبردن هەر بەردەوامە. دەوڵەتی توركیا بەشێكی ڕۆژئاوای كوردستانی داگیركردووەو دەیەوێ هەموو دەستكەوتەكانی گەلەكەمان لەو پارچەدا لەناوبەرێت. دەمێكیشە رووی لە باشووری كوردستان كردووە و رۆژ دوای رۆژ داگیركارییەكانی لەو بەشەشدا فراوانتر دەكات. ئەمە لە كاتێكدا كە باشووری كوردستان خۆی لە قەیرانی قووڵدایە. لە ڕۆژهەڵاتیش دۆخی ئاڵۆز هەر بەردەوامە. ڕۆژانە بە ناوی پاراستنی سنوورەوە كۆڵبەرو كاسبكاری كورد دەكوژرێن. لە لایەكی دیشەوە گرتن و ئەشكەنجەو لەسێدارەدان بەردەوامن.

لەبەرامبەر هێرش و داگیركاریشدا بەرخۆدانێكی بێوێنە دەكرێت. شەڕی ئازادی و بەرخۆدانی گەلی ئێمە بە هەموو شێوازێك بەردەوامە. بێگومان گەلی كورد لە هەرچوار پارچەی كوردستان و لە هەموو شوێنێكی تر، ئەو خەڵكەی جاران نین. ئێستا هۆشیارەو لە ناو تێكۆشانێكی نەتەوەیی دیموكراتكی سەردەمیدایە. ئیدی نە دەرۆزەكەری بەردەرگای زۆردارانەو نە بەو درۆیانە دەخەڵەتێ و نە ژێردەستیش قبوڵ دەكات. ئیدی هیوای بە خۆی و رێبەرایەتی خۆی و تێكۆشانی خۆی هەیە.

ئێمە بەهیواین و لەو بڕوایەشداین كە گەلی كوردستان لە دەرفەتێكی نزیكدا بە ئارامی و ئاشتی و ئازادیی، جەژن و ئاهەنگی شادیی دەگێڕێ. بەم بۆنەیەوە جەژنی رەمەزان، سەرەتا لە زیندانیان و جەنگاوەرانی ئازادی، لە گەلی كوردستان و تەواوی جیهانی ئیسلامیی پیرۆزدەكەین.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان