ئێمە لە تۆرە کۆمەڵایەتیەکان

خۆشەویستی

كه‌ له‌ كه‌پڵه‌كه‌ت جیابویته‌وه‌، هه‌رگیز ئه‌م 6 خاڵه‌ ئه‌نجام مه‌ده‌

خێزان

زۆرجار كچان و كوڕان له‌ پاش كۆتای هاتنی په‌یوه‌ندیه‌ خۆشه‌ویستیه‌كانیان، كۆمه‌ڵێك هه‌ڵسوكه‌وتی هه‌ڵه‌ ئه‌نجام ده‌ده‌ن كه‌ له‌ بنه‌ڕه‌تدا نابێت ئه‌نجامی بده‌ن، له‌م بابه‌ته‌دا دیارترین ئه‌و هه‌ڵانه‌ ده‌ستنیشان ده‌كه‌ین:

 

-ناردنی نامه بۆ ئه‌و كه‌سه‌ی په‌یوه‌ندیه‌كه‌ت له‌گه‌ل دابڕیووه‌ به‌ ماوه‌یه‌كه‌ی كه‌م له‌ دابڕانه‌كه‌، به‌تایبه‌تیش گه‌ر بۆی بنوسیت كه‌ چه‌ندی بیر ده‌كه‌ت و خه‌فه‌تباری ئه‌ویت، چونكه‌ ئه‌وه‌ هێنده‌ی دیكه‌ تۆی پێده‌شكێت له‌ به‌رامبه‌ر ئه‌ودا.

-هه‌ر له‌ ماڵه‌وه‌ مه‌مێنه‌ره‌وه‌و بچۆره‌ ده‌ره‌وه‌ پیاسه‌یه‌ك بكه‌، چونكه‌ زۆرێك له گه‌نجان له‌ پاش كۆتایی هاتنی په‌یوه‌ندیه‌كانیان به‌به‌رده‌وامی له‌ ماڵه‌وه‌ ده‌مێننه‌وه‌، كه‌ ئه‌وه‌ش خه‌فه‌ت و ناڕه‌حه‌یان زیاتر ده‌كات.

-مه‌به‌ به‌ بار به‌سه‌ر هاوڕێكانته‌وه‌ له‌ رێگه‌ی ناڵین و گریانی به‌رده‌وامه‌وه‌ له‌ گه‌ڵیاندا، ده‌كرێت پێكه‌وه‌ كێشه‌كانتان له‌گه‌ڵ باس بكه‌ن، به‌ڵام نه‌ك به‌به‌رده‌وامی بنالێنیت و ئه‌وانیش بێزار بكه‌یت.

-به‌شێك له‌ گه‌نجان له‌ پاش كۆتای هاتنی په‌یوه‌ندیه‌كه‌یان به‌ ته‌واوی خۆیان سه‌رخۆش ده‌كه‌ن و شه‌وه‌كه‌ به‌وه‌ به‌سه‌ر ده‌به‌ن، كه‌ ئه‌وه‌ش كارێكی هه‌ڵه‌یه‌و زیانێكی زۆریشتان پێده‌گه‌یه‌نێت.

-خۆردانی زۆر، به‌شێك له‌ گه‌نجان و به‌تایبه‌تیش كچان به‌هۆی ئه‌و خه‌فه‌ته‌ی هه‌یانه‌، زۆر ده‌خۆن یاخود به‌شێكیشیان هیچ ناخۆن، له‌ هه‌ردوو دۆخه‌كه‌دا كارێكی ناته‌ندروست و خراپه‌.

-وه‌ستان له‌ خولیاكان: له‌ كاتی كۆتای پێهێنانی په‌یوه‌ندیه‌كاندا باشترین كار ئه‌وه‌یه‌ خۆت به‌و خولیایانه‌وه‌ سه‌رقاڵبكه‌یت كه‌ حه‌زت پێیانه‌، نه‌ك به‌هۆی ئه‌وه‌وه‌ واز له‌ خولیاكانتیشت بهێنیت، به‌ڵكوو پێچه‌وانه‌كه‌ی بكه‌.

ریکلام

خۆشەویستی

سێ جۆری عاشقبوون کە هەموو کەسێک لە ژیانیدا پێیدا تێپەڕ دەبێت

خێزان

لەماوەی ژیانماندا چەندینجار عاشق دەبین و توشی خۆشەویستی دەبین و دوای جیادەبینەوە، هەندێ‌ جار دیسان دەگەرێینەوە بۆلای هەمان كەس و هەندێ‌ جاریش ناگەڕێینەوەو بەدوای ئەشقێكیتردا دەگەڕێین.  هەندێ‌ كەس لەژیانمان دەرەكەین و هەندێ‌ كەسی تریش دەكەینە ژیانمانەوە بەم جۆرە بەردەوام دەبین لە ژیانماندا بەڵام زانستی فیسیۆلۆجی دەڵێت هەمو كەسێك لەژیانیدا دەتوانێت 3 جار عاشق ببێت و سێ‌  ئەزمونی جیاوازی لە ژیانیدا هەبێت.

ئەو سێ جارەش بریتەی لە:

 

– خۆشەویستی ئەفسانەیی:

 

یەكەمین خۆشەویستی هەمیشە لە سەرەتای ژیانەوە دەیدۆزینەوە لە كاتێكدا كە تەمەنێكی كەممان هەیە و لەژێر كاریگەری چیرۆكە ئەفسوناویەكان و خورافاتەكانداین و هەوڵدەدەین لەژیانی خۆماندا بەرجەستەی بكەین، لەم پەیوەندیەدا ئامادەین قوربانی بەهەموو شتێكی ژیانمان بدەین لە پێناویداو پێمان وایە هیچ شتێك لە عەشقەكەمان گەورەتر نیە و زۆر بە زەحمەت گوێ‌ لەقسەی دەوروبەر دەگرین.

 

– خۆشەویستی ئاڵۆز:

 

خۆشەویستی دووەم لە ژیانماندا ئاڵۆزترین خۆشەویستیە چونكە پێمان وایە ئەزمونێلی باشمان لە پەیوەندی و تاقیكردنەوەكانی پێشومان وەرگرتوە و دڵنیاین كە پەیوەندی ئەم جارەمان تەواو جیاواز دەبێت چونكە هاوبەشێكی تەواو جیاوازمان هەڵبژاردوە لەوەی پێشومان ‌ لانی كەم وا بیر دەكەینەوە! هەمو هەوڵێكی خۆمان دەدەین بۆ سەركەوتنی پەیوەندیەكەمان لەگەڵ ئەوەی هەرچیەك دەكەین هەر دەدۆرێین و سەركەوتو نابین پەیوەندیەكەمان دەبێتە تراژیدیایەكی تەواو جگە لە چەند ساتێكی كەم لە بەختەوەری، بۆیە جارێكیتر توشی شكست دەبین مانەوە لەو پەیوەندیە بەفیڕۆدانی كاتە!

ئەوەی لەم پەیوەندیە فێری دەبین ئەوەیە كە پێویستە چەنێك خۆشەویستی دەدەین بەهەمان شێوەش وەری بگرینەوە!

 

– خۆشەویستی ئاقڵانە (پێگەیشتو):

 

خۆشەویستی سێیەم كاتێك لەژیانماندا دەردەكەوێت كە ئێمە تەواو ڕادەستبوین و خۆمانبەدەستەوە داوە لە دوبارە دۆزینەوەی خۆشەویستی، كەسێكی تەواو جیاوازە لە خەیاڵەكانمان دێتە ژیانمانەوە کە  هیچكات بە مێشكدا نەهاتوە كە بكەوێتە داوی خۆشەویستی لەگەڵ كەسێكی لەو جۆرە! بەڵام خۆشەویستیەكی تەواو جیاواز دەبێت و هەستەكانی ناخمان وەسف ناكرێت بەهیچ وشەیەك،  لەوئاستەی ژیانماندا دەگەینە ئەو باوەڕەی كە هیچ شەرت و پێشبینیەكمان بۆ كەسی بەرامبەر نامێنێت بەڵكو كەسەكە چۆنە بەو جۆرە قبوڵی دەكەین و كات بە گۆڕانی كەسەكەوە ناكوژین و  ئاقڵانە بیردەكەینەوەو ژیان و خۆشەویستی سادەتر وەردەگرین، ئەم خۆشەویستیە فێرمان دەكات كە كەسانی واقعی بین و لەوە تێبگەین کە هیچ كەسێك كامیل نیە و ژیان بەو جۆرە قبوڵ كەین كە هەیە.

بەردەوام بە لە خوێندنەوە

خۆشەویستی

ئایا لە هاوسەرگیریدا تەمەن شەرتە؟ زانست وەڵام دەداتەوە

خێزان

زۆرجار دەبیستین کە دەوترێت لە هاوسەرگیریدا تەنها خۆشەویستی شەرتە نەک تەمەن و جیاوازی تەمەن ڕۆڵێکی ئەوتۆی نییە، ئەمەی خوارەوە ئەنجامی توێژینەوەیەکی زانستیە لەسەر ئەو پرسە.

 

بەپێی توێژینەوەیەک کە لە زانکۆی Emory لە  ویلایەتی ئەتڵەنتا لە  ئەمریکا، ئەنجام دراوە، دەرکەوتووە تا جیاوازی تەمەن زیاتر بێت ئەگەری جیابونەوەش زیاترە.

لە توێژینەوەکەدا کە لەسەر ٣٠٠٠ هاوسەر کراوە، ئەوە دەرکەوتووە کە گەر جیاوازی تەمەن ٥ ساڵ بێت ئەگەری جیابونەوە ١٨٪یە و گەر ١٠ ساڵ بێت ئەگەری جیابونەوە ٣٠٪یە و گەر ٢٠ ساڵ جیاواز بن ئەگەری جیابونەوە ٩٥٪ ە.

جگە لەوەش گەر لە نێوان ژن و مێرددا جیاوازی گەورە هەبێت لە خوێندەواری و بڕوانامە، ئەگەری جیابونەوە ٤٣٪ زیاد دەکات.

 

بەپێی توێژینەوەکە باشترین جیاوازی تەمەن بۆ هاوسەرگیری ١ بۆ ٣ ساڵە کە ئەگەری جیابونەوە تێیاندا ٣٪یە.

 

بەردەوام بە لە خوێندنەوە

خۆشەویستی

٩ ئامۆژگاری لەو کەسانەی سەرەتای پەیوەندیان هەر شەڕ بووە و ئێستا بەختەوەرن

خێزان

ئەمەی خوارەوە کۆمەڵێک ئامۆژگارییە لەو کەسانەی لە پەیوەندیەکەیاندا بە ماوەی ئاڵۆزدا تێپەڕیون و خەریکبووە جیاببنەوە، بەڵام دواتر کێشەکانیان تێپەڕاندووە و ئێستا بەختەوەرن، گەر تۆش دەتەوێت سوود لە ئەزمونی ئەوان وەربگریت ڕەچاوی ئەم خاڵانە بکە:

 

– گەر شتێکت بە دڵ نەبوو یەکسەر بیڵێ و لە دڵتدا کەڵەکەی مەکە کە دواتر بتەقیتەوە.

– کارە ڕۆتینتاتەکانی ژیانی ڕۆژانەتان بەیەکەوە بکەن، وەک نانخواردن و وەرزشکردن و گەرماوکردن.

– ترست لەوە نەبیت کە خودی خۆت بیت و هەوڵمەدە کە نواندن بکەیت و خۆت وەک کەسی دیکە نیشان بدەیت، چونکە دواتر دەردەکەوێت و زیانی زیاترە

– هیچکاتێک لە پەیوەندیدا خۆت مەکە بەقوربانی و با شتەکان هاوبەش بن، بۆیە نابێت خۆت لەبیر بکەیت چونکە تا سەر ناتوانیت بەرگە بگریت.

– بەردەوام ڕەخنە لە بەرامبەرەکەت مەگرە و شتە باشەکانیت لەبیربێت و وەسفی بکە و پێی بلی کە باشییەکانی چین.

– پەیوەندیە سۆزداریەکان پشتگوێ مەخەن و هەمیشە ماچ و باوەش و دەربڕینی خۆشەویستی بە تازەیی بهێڵنەوە

– هەستەکانتان بۆیەک دەرببڕن و مەیشارنەوە

– واقعی بە بەرامبەر هاوسەرەکەت و داوای شتی زیادە و نا واقعی لێمەکە

– سوپاسگوزاربە بەرامبەر بەوەی هەتە

بەردەوام بە لە خوێندنەوە

کوردستان