ئێمە لە تۆرە کۆمەڵایەتیەکان

کوردستان

بایكۆتی تاقیكردنەوەكانی وەرزی دووەم لە هەرێمی كوردستان دەستیپێكرد


خەڵك-بەشی هەواڵ

مامۆستایەك ڕایدەگەیەنێت، داوا لە هاوكارەكانمان دەكەین بۆ وەرگرتنەوەی مافی خوراومان، بایكۆتی تاقیكردنەوەكان بكەن.
بەهۆی دواكەوتنی مووچەكانیان بەشێك لە مامۆستایان و فەرمانبەران لە حكومەتی هەرێم نیگەرانن و بەپێی بڕیارێكی وەزارەتی پەروەردەش سەرەتای مانگی داهاتوو تاقیكردنەوەكان دەستپێدەكات و بەشێك لە مامۆستایانیش داوای بایكۆتی تاقیكردنەوەكان دەكەن، ئەمەش لەكاتێكدایە، حكومەتی عیراق بە بڕیارێك كۆتایی بە خوێندنی ئەمساڵ هێنا و وەرزی یەكەمی خوێندنی كردە پێوەر بۆ ئەمساڵی خوێندن.

ئەركان ئەحمەد جاف مامۆستا لە ئامادەیی ئەحمەد موختار جاف لە سەنتەری پارێزگای هەڵەبجە بە (خەڵك)ی ڕاگەیاند، بەشێكی زۆری مامۆستایانی‌ ئامادەییەكەمان لە چەند ڕۆژی ڕابردوودا و لە ڕاگەیەندراوێكدا، بایكۆتی تاقیكردنەوەكان و ڕادەستنەكردنی پرسیار بە ئیدارەی خوێندنگەكەمان ڕاگەیاند و داواشمان لە هاوپیشەكانمان كردووە لەماوەی 48 كاتژمێردا و لە ڕاگەیاندراوی تایبەتی خۆیاندا، هەڵوێستی خۆیان بخەنەڕوو.

وتیشی”لەپێناو گەیشتن بە مافەكانمان، سوورین لەسەر هەڵوێست و داواكارییەكانمان و بەردەوامین لە ڕادەستنەكردنی پرسیارەكان بە ئیدارەی خوێندنگەكەمان و داواش لە مامۆستایانی بەڕێز دەكەین، هەریەكە و لە ئیدارەی قوتابخانەكانی خۆیاندا، هەوڵبدەن هەڵوێستی خۆیان ڕابگەیەنن و دڵنیاشتان دەكەین كە بەیەك هەڵوێستیمان لە گەیشتن بەمافەكانمان نزیكتر دەبینەوە”.
ئاشكراشیكرد، تاكو ئێستا زۆرینەی مامۆستایانی ئامادەیی هەڵەبجەی ئێواران، قوتابخانەی سازگاری بنەڕەتی، ئامادەیی باڵامبۆ، قوتابخانەی سەردەشتی بنەڕەتی و بەشێك لە مامۆستایانی قوتابخانەی شەهید ئەنوەری موهەندیس بایكۆتینا ڕاگەیاندووە و چاڵێنجی تەواوی خوێندنگە و قوتابخانەكانیش دەكەین بۆ ئەو مەبەستە.

ناوبراو جەختی لەوەش كردەوە، تاكو ئێستا بەڕێوەبەرایەتی پەروەردەی هەڵەبجە هیچ هەڵویستێكی ڕوونیان نییە.

لای خۆشییەوە بەڕێوەبەری خوێندنگای باڵامبۆ لە پەیامێكدا ئاماژە بۆ ئەوە دەكات، گەورەترین هەڵەیە دوای دوو مانگ دابڕان لە خوێندن و بێ هیچ ئامادەسازیەك خوێندكار تاقیكردنەوە پێ بكەی .

وتیشی”لەم فەزا سیاسیە شێواوەداو لەم نەبوونی و بێ مووچەییەداو لەم كەرەنتینە و ناسەقامگیریە تەندروستیدا پێم ناڵێن چۆن قوتابی دەتوانێت نمرە بەدەست بهێنێت، هەر بۆیە پێویستە قوتابیان و دایبابانیان دەنگ هەڵبڕن و داوای چارەسەرێكی دی بكەن، چونكە ئەنجامدانی تاقیكردنەوە لەمكاتەدا جگە شكستێكی دەروونی و زانستی هیچ لێكەوتەیەكی ئەرێنی لەسەر خوێندكار دروست ناكات، پێویستە وەك یەكەم ئۆرگانیش وەزارەتی پەروەردە چارەسەری بەدیل عەرزبكات و لەم نائومێد بوونە قوتابیان قوتار بكات”.

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان

خشتەی تاقیكردنەوەكانی 12ی ئامادەیی و خوێندنی ئیسلامی و پیشەیی بڵاوكرایەوە


خەڵك – بەشی هەواڵ

وەزارەتی پەروەردەی حكومەتی هەرێمی كوردستان خشتەی تاقیكردنەوەكانی پۆلی 12ى ئامادەیی بۆ هەردوو قۆناغی زانستی و وێژەیی و خوێندنی ئیسلامی و پیشەیی بڵاوكردەوە، بە گوێرەی خشتەكەش تاقیكردنەوە وەزارییەكان شەممەی داهاتوو 11ی تەمووز دەستپێدەكەن و 5ی ئاب كۆتا تاقیكردنەوە دەكرێت.

وەزارەتی پەروەردەی هەرێمی كوردستان لە ڕاگەیەنراوێكدا ئەوەیخستەڕوو، خولی یەكەمی تاقیكردنەوەكانی پۆلی 12ی ئامادەی بۆ هەردوو بەشی زانستی و پیشەیی و هەروەها خوێندنی ئیسلامی و پیشەیی لە ڕۆژی شەممەی داهاتوو 11ی تەمووز دەستپێدەكات و ڕۆژی 5ی ئاب تاقیكردنەوەكان كۆتایی پێدێت.

 

 

بەردەوام بە لە خوێندنەوە

کوردستان

ژووی ئۆپراسیۆنەكانی كەركوك ڕۆژانی یەك شەممە و دوو شەممەی كردە پشوو


خەڵك – بەشی هەواڵ
ژووری ئۆپراسیۆنەكانی كەركوك چەند بڕیارێكی نوێی دەركرد كە دەوامی فەرمانگە حكومییەكان بۆ 25% كەمكرایەوە و ڕۆژانی یەك شەممە و دوو شەممەشی كردە پشوو.

ژووری ئۆپراسیۆنەكانی كەركوك لەڕاگەیەنراوێكدا ڕایگەیاند: دوای تاووتوێكردنی دۆخی پارێزگاكە بڕیاردرا كە قەدەغەی هاتوچۆ لە كاتژمێر 5ی بەیانییەوە بۆ 4ی ئێوارە هەڵگیرێت.

ژووری ئۆپراسیۆنەكانی كەركوك ڕوونیشیكردووەتەوە: دەوامی فەرمانگەكان بۆ 25% فەرمانبەرانی كەمكرایەوە و ڕۆژانی یەك شەممە و دوو شەممە لە ڕۆژانی هەفتە كرایە پشوو.

هەروەها ئەوەشخراوەتەڕوو: دەروازەكانی شار بەداخراوی دەمێننەوە.

بەردەوام بە لە خوێندنەوە

کوردستان