ئێمە لە تۆرە کۆمەڵایەتیەکان

کوردستان

سەرۆكی فراكسیۆنی پارتی: چارەسەركردنی قەیرانەكان لەسەرووی ئیرادەی ئێمەوەیە

خەڵك-بەشی هەواڵ

 

سەرۆكی فراكسیۆنی پارتی لە پەرلەمانی كوردستان ڕایدەگەیەنێت، لەڕابردوو هەموو ڕێگاكان تاقیكرانەوە، چ ڕێگە لە ڕێگەی برایەتی و ئارامی و تێگەیشتن، دروستر و پێشوازی كراوتر نیە لای خەڵكی كوردستان.

ئومێد خۆشناو سەرۆكی فراكسیۆنی پارتی دیموكراتی كوردستان لە هەژماری خۆی لە فەیسبوك بڵاویكردەوە، ئێستا لەلایەك كێشەیەكی جیهانی ڤایرۆسی كوڕۆنا بەرۆكی گرتووین، لەلاكەیتر وەك هەر وڵاتێكیتری نەوت كە سەرچاوەی داهاتە دابەزینی نرخی نەوت كاریگەری لەسەر دارایی كردووین، لەو لاشەوە ئەو غەدرەی بەغدا لە هەرێمی كوردستانی دەكات، كاریگەری زۆری لەسەر ژیان و بازاڕو كەسابەتی خەڵكی كوردستان كردووە.

ئاشكراشیكرد، ئێمە یەك قەیرانمان نیە، بەڵكو لەنێو چەند قەیرانێكین، هیچ یەكێك لەو قەیرانانە، نەخوڵقانی و نەچارەسەریشی بەدەست ئێمە نیە و هەموو لەسەرووی ئیرادەی ئێمەوەیە.

ڕوونیشیكردەوە، سەرباری هەموو ئەو گرفتانە، خۆمان هاتووین گرفتێكیتریشمان سەرباركردووە، ئەویش هەڵمەتێكی ڕاگەیاندنی یەكتر شكاندن و ناشرینكردنی یەكترە، ئەوەش لەهەموو ئەو گرفتانەی هەنە كاریگەری زێتری كردووەتەوەسەر باری دەروونی خەڵك، بۆیە خەڵكی كوردستان سەلماندی بەرگەی هەموو ناخۆشیەك دەگرێ و خۆڕاگرە، بەڵام پێناچێ چیتر بەرگەی كێشەی ناوخۆیی بگرێ و قبوڵی بكات.

خۆشناو جەختی لەوەش كردەوە، باشترین كار لەو جەژنە ساردو سڕەی خۆپارێزیەو بەڕەچاوكردنی ئارامی دەروونی هاووڵاتیان و ڕێزگرتن لە خواستی جەماوەرو پەند وەرگرتن لە ڕابردوو، ڕاگرتنی ئەو هەڵمەتە میدیایە خراپەیە لەدژی یەكتر، یەكگرتووی و یەكڕیزی و تەبایی و برایەتی، ئایندەی دیارەو نا تەبایی و كێشە دروستكردن و پەلاماری یەكتر ئایندەی نادیارەو چوونە نێو تونێلێكی تاریكەو ئەوسەرت لێدیارنیە چ دەگوزەرێ.

کوردستان

تووشبوویەكی كۆرۆنا لە ڕاپەڕین گیانی لە دەست دا

خەڵك – بەشی هەواڵ
تووشبوویەكی كۆرۆنا لە دەڤەری ڕاپەڕین گیانی لە دەست دا كە پیاوێكی تەمەن 63 ساڵە.

بە پێی زانیارییەكان ئەو هاووڵاتییە ماوەی 10 لە نەخۆشخانە مابووەوە بۆ چارەسەركردن، بەڵام بە كاریگەری ڤایرۆسی كۆرۆنا گیانی لە دەست دا.

بەوەش ژمارەی حاڵەتەكانی مردن بە كۆرۆنا لە ڕاپەڕین گەیشتە 10 كەس كە پێنج ژن و پێنج پیاون.

تا ئێستا 287 حاڵەتی تووشبوون بە كۆرۆنا لە ئیدارەی ڕاپەڕین تۆمار كراوە کە 176یان پیاوە و 104 کەسی دیکەیان ژنن و حەوتیشیان منداڵن.

بەردەوام بە لە خوێندنەوە

کوردستان

حزبێكی توركمان دروشمی “كەركوك توركە و هەر بە توركیش دەمێنێتەوە” لەسەر دیواری بارەگاكەی دەنووسێت

خەڵك – بەشی هەواڵ
هێزێكی لیوای 61ی سەر بە سەرۆك وەززیرانی عیراق چوونە سەر بارەگای بارەگایەکی تورکمانەکان و داوای سڕینەوەی دروشمێکی سەر دیواری بارەگاكەیان لێدەكەن كە نووسویانە “كەركوك توركە و هەر توركیش دەمێنێتەوە”.
درەنگانێكی شەوی ڕابردوو هێزێكی سەر بە لیوای 61 كە ئەركی پاراستنی ئاسایشی كەركوكی لەسەرشانە، چوونە سەر بارەگای پارتێكی توركمانەكان داوایان لێكردن ئەو دروشمە بسڕنەوە كە لەسەر دیواری بارەگاكەیان نووسیویانە.
لە دروشمەكەدا نووسراوە “كەركوك توركە و هەر بە توركیش دەمێنێتەوە”.
بە پێی زانیارییەكان، بۆ ڕێگرتن لە دروستبوونی گرژی ئەرشەد ساڵحی سەرۆكی بەرەی توركمانی دەستوەردانی كردووە و هێزە عیراقییەكە كشاونەتەوە، بەڵام سوورن لەسەر ئەوەی دەبێت دروشمەكە بسڕنەوە.

بارەگاکە شوێنی گروپێکی توندڕەوی تورکمانەکانە و لە ئاڵاکەیاندا وێنەی گورگەبۆرەکانی تێدایە کە تورکە ڕەگەزپەرستەکان وەك دروشمی خۆیان بەرزی دەکەنەوە، لە نێویشیاندا بزووتنەوەی ڕەگەزپەرستی “مەهەپە” لە تورکیا، کە بەردەوام نکوڵی لە بوونی کورد دەکات و لە ڕابردووشدا داوای کردبوو ئاڵای تورك لەسەر قەندیل هەڵبکرێت.

بەردەوام بە لە خوێندنەوە

کوردستان

فرسەت سۆفی: بەرهەمهێنانی چارەسەری كۆرۆنا لە هەولێر دەستكەوتێكی مەزنە بۆ مرۆڤایەتی

خەڵك – بەشی هەواڵ
فرسەت سۆفی پارێزگاری هەولێر دەستخۆشی لە كۆمپانیایەكی دەرمان دەكات لە هەولێر كە دەرمانی چارسەركردنی تووشبووانی ڤایرۆسی كۆرۆنای بەرهەمهێناوە و ئەو هەنگاوەش بە دەستكەوتێكی مەزن بۆ مرۆڤایەتی وەسف دەكات.

نووسینگەی د. فرسەت سۆفی پارێزگاری هەولێر سوپاسنامەیەکی بە ناوی پارێزگای هەولێرەوە ئاڕاستەی كۆمپانیای ئاوامێدیكا كرد كە دەرمانی فابیڤیر”Favipiravir”ی بەرهەمهێناوە و ئەمەش دەقەكەیەتی:

بەناوی پارێزگای هەولێر، سوپاسی کۆمپانیای ئاوامێدیکا بۆ بەرهەمهێنانی دەرمان لەهەولێر دەکەین کە توانییان بە هاوکاری سەنتەرە پسپۆڕییە جیهانییەکان بەسەرکەوتوویی دەرمانی دژە ڤایرۆسی فابیڤیر”Favipiravir”ی بۆ چارەسەری توشبووانی کۆرۆنای نوێ (کۆڤید-١٩) بەرهەمبهێنن.

سەربەرز و خۆشحاڵین كە کۆمپانیایەکی گەورە لەهەولێر، دەستکەوتێکی گەورەی بۆ شارەکەمان دەستەبەر کردووە، لەم کات و ساتەدا بەهەمهێنانی ئەمجۆرە دژە ڤایرۆسە دەستکەوتێکی مەزنە بۆ شارەکەمان و تەواوی مرۆڤایەتی، بۆیە بەناوی پارێزگای هەولێر، پیرۆزباییەکی گەرم لە خەڵکی شاری هەولێر دەکەین و سوپاس و دەستخۆشیەکی زۆریش بۆ بەڕێوەبەران و تەواوی ستاف و کارمەندانی کۆمپانیای ئاوامێدیکا بۆ بەرهەمهێنانی دەرمان، دووپاتی دەکەینەوە بە هەموو شێوەیەک پاڵپشت و هاوکاریانین.

دەرمانی دژە ڤایرۆسی فابیڤیر “Favipiravir”ی بۆ چارەسەری توشبووانی کۆرۆنا، لە ڕوسیا و یابان و زۆر وڵاتی دیکە تاقیکراوەتەوە و سەرکەوتنی باشی بەدەستهێناوە، ئێستاش لە پرۆتۆکۆڵی وەزارەتی تەندروستی عێراق دانی پێدانراوە و بۆ چارەسەری حاڵەتی مام ناوەند و تووندی تووشبووانی ڤایرۆسی کۆرۆنا بەکاردهێنرێت.

بەردەوام بە لە خوێندنەوە

کوردستان