ئێمە لە تۆرە کۆمەڵایەتیەکان

عێراق

وەقفی سوننی و مەرجەعێكی شیعەی عیراق سەبارەت بە جەژن پەیامێك بڵاودەكەنەوە

خەڵك- بەشی هەواڵ
هەریەكە لە دیوانی وەقفی سوننی عیراق و مەرجەعێكی ئایینی شیعەكان سەبارەت بە دیاری كردنی ڕۆژی جەژنی ڕەمەزانی پیرۆز داوا لە هاووڵاتیان دەكەن بۆ بینینی مانگ بگەڕێن، بەڵام هەریەكەیان ڕۆژێكی جیایان دیاری كردووە.

دیوانی وەقفی سوننی عیراق لە بەیاننامەیەكدا ئاماژەی بەوەكردووە، بەسەرۆكایەتی سەعد كەمبش، سەرۆكی دیوانی وەقفی سوننی، ئێوارەی ڕۆژی هەینی لە مزگەوتی (ام القری) لە كاتژمێر 6:30ی دادەنیشن بۆ چاودێری كردنی بینینی هیلالی مانگی شەوال.

لای خۆشیەوە، محەمەد مەهدی خالصی، یەكێك لە مەرجەعە شیعەكان لە عیراق لە بەیاننامەیەكدا ئاماژەی بەوەكردووە، “لەكاتی خۆرئاوابوونی ڕۆژی شەممە 29ی ڕەمەزان بۆ بینینی مانگی شەوال كۆدەبنەوە.

خالصی داواشی لە موسڵمانان كردووە چاودێری بینینی هیلالی مانگی شەوال بكەن و ڕاشیگەیاندووە، “نووسینگەی ئیمام لە حەوزەی عیلمی نەجەف پێشوازی لە پەیوەندیە تەلەفۆنیەكان و شایەتی دانی موسڵمانان لەسەر بینینی مانگ دەكات”.

سەرەڕای ئەوەی شیعە و سوننە لە دیاری كردنی یەكەم ڕۆژی مانگی ڕەمەزان لە عیراق جیاوازبوون و شیعەكان ڕۆژێك دواتریان كرد بە ڕەمەزان، بەوهۆیەوە لە دیاری كردنی یەكەم ڕۆژی جەژنی ڕەمەزانیش جیاوازن، بەڵام یەكێك لە مەرجەعە شیعەكانی لوبنان (فەزڵوڵڵا) ڕایگەیاندووە، كە ئێوارەی ڕۆژی هەینی بۆ بینینی مانگ دەگەڕێن.

عێراق

لە عیراق و هەرێم بەرزترین ژمارەی چاكبوونەوە لە كۆرۆنا تۆماركرا

خەڵك- بەشی هەواڵ
وەزارەتی تەندروستی عیراق ئاشكرای دەكات، 2834 حاڵەتی نوێی تووشبوون بە ڤایرۆسی كۆرۆنا تۆماركراوە و 2339 كەسیش چاكبوونەتەوە و هاوكات 77 كەسیش گیانیان لەدەستداوە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 16 هەزار و 531 پشكنینی تایبەت بە كۆرۆنا ئەنجام دراوە و دەركەوتووە 2834 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هاوكات لە سلێمانی 56 و هەولێر 218 و دهۆك 83 و كەركوك 75 حاڵەت تۆماركراوە.

ڕوونیشی كردۆتەوە، كە 2339 تووشبوو بە پەتاكە چاكبوونەتەوە، كە زۆرینەیان لە بەغدا بوون و هاوكات لە سلێمانی 54 كەس و هەولێر 84 و كەركوك 57 كەس چاكبوونەوە.

ڕاشیگەیاندووە، كە 77 كەس بە ڤایرۆسەكە گیانیان لەدەستداوە و بەوەش كۆی گشتی مردووان گەیشتۆتە 5 هەزار و 94 كەس.

بەردەوام بە لە خوێندنەوە

عێراق

بەرپرسێكی باڵای نووسینگەی سیستانی تووشی كۆرۆنا بووە

خەڵك – بەشی هەواڵ
بەرپرسێكی باڵای نووسینگەی عەلی سیستانیی گەورە مەرجەعی شیعەكانی عیراق تووشی كۆرۆنا بووە.

ئەمڕۆ چوار شەممە، ماڵپەڕی شەفەق نیوز لە زاری سەرچاوەیەكی شاری نەجەفەوە بڵاویكردەوە، محەمەد حسێن عەمیدی، بەرپرسی نوێنەرە بڕواپێكراوەكانی عەلی سیستانی تووشی ڤایرۆسی كۆرۆنا بووە.

ڕوونیشیكردەوە، دۆخی تەندروستی عەمیدی جێگیرە، كە هاوكات مامۆستای حەوزەی عیلمییە لە نەجەف.

پێشتریش جەواد شەهرستانی زاوا و وەكیلی گشتیی سیستانی لە ئێران، تووشی كۆرۆنا ببوو، بەڵام تا ئێستا هیچ زانیارییەك سەبارەت بە ئەگەری تووشبوونی گەورە مەرجەعی شیعەكان بە پەتاكە بڵاونەكراوەتەوە.

بەردەوام بە لە خوێندنەوە

عێراق

10 هاووڵاتی عیراقی لە نێو قوربانییانی تەقینەوەكانی لوبناندان

خەڵك – بەشی هەواڵ
ئەمڕۆ چوار شەممە مانگی سووری عیراقی ڕایگەیاند كە 10 هاووڵاتی عیراقی لە نێو قوربانییانی تەقینەوەكانی بەیروتی پایتەختی لوبناندان كە دوێنێ لە بەندەرێكی شارەكە ڕوویدا.

بە پێی ڕاگەیەندراوێكی ڕێكخراوەكە، 10 هاووڵاتی عێراقی لە تەقینەوەكاندا بیرندار بوون و ڕوونیشیكردەوە كە باری تەندروستی زۆربەیان جێگیرە.

لەلایەكی دیكەشەوە مستەفا كازمی سەرۆك وەزیرانی عیراق پەیوەندییەكی تەلەفۆنی لەگەڵ حەسان دیاب سەرۆك وەزیرانی لوبنان ئەنجام دا و بە هۆی تەقینەوەكانەوە سەرەخۆشی لێكرد.

هاوكات بڕیاریشی دا بە فڕۆكەیەك هاوكاری پزیشكی بەپەلە بگەیەنێتە لوبنان.

بەردەوام بە لە خوێندنەوە

کوردستان