ئێمە لە تۆرە کۆمەڵایەتیەکان

کوردستان

هەولێر: قەدەغەی تەواوەتی هاتووچۆ پیادە دەکرێت


خەڵک-ئارام سەردار

جێگری پارێزگاری هەولێر ڕایدەگەیەنێت، جگە لەتیمەکانی تەندروستی و هێزەکانی ناوخۆ، واتە بەهیچ شێوەیەک ڕێگاپێدان بۆ هیچ کەسێکی تر نیە، بڕیارەکە ڕۆژنامەنوسانیش دەگرێتەوە کە هاتووچۆناکەن، چونکە هیچ حاڵەتێکی ڕووماڵکردنمان نابێت.

هێمن قادر جێگری پارێزگاری هەولێر لەمیانی کۆنفڕانسێکی ڕۆژنامەوانیدا لەوەڵامی پرسیارێکی (خەڵک) سەبارەت بە هاتووچۆی ڕۆژنامەنوسان لە سێ ڕۆژی جەژن ڕایگەیاند، بەیانی ژمارە ۳٥ی وەزارەتی ناوخۆی حکومەت زۆر ڕوون و ئاشکرایە کەوا قەدەغەی هاتووچۆ بەشێوەی تەواوەتی دەبێت و هیچ تایبەتمەندیەک نەکراوە بۆ هیچ کەسێک جگە لەتیمەکانی تەندروستی و هێزەکانی ناوخۆ، واتە بەهیچ شێوەیەک ڕێگاپێدان بۆ هیچ کەسێکی تر نیە.

دەشڵێت، ئێمە هیچ حاڵەتێکمان نیە بۆ ئەوەی تۆ بێیت ڕووماڵی بکەی، بۆیە وابەباش زانرا قەدەغەکە سەرتاسەری بێت و لەکۆبوونەوی خۆشمان لە پارێزگا بڕیارمانداوە کەوا هێزەکانمان بڵاوە پێ دەکەین و هیچ هاتووچۆیەک ناکرێت بەپیادە بێت یان ئۆتۆمبێل.

جێگری پارێزگار، ئاماژەی بۆ ئەوەشکرد، لەکاتی بوونی حاڵەتی ڕووماڵکردن هاوکاری دەزگاکان دەکرێت، هێزە ئەمنیەکانیش ئەو ئەزموونەیان هەیە کەوا هاوکاری دەزگا ڕاگەیاندنەکان بکەن لەکاتی پێویست.

کوردستان

لیژنە هاوبەشەکەی  یەکێتی و گۆڕان کۆدەبێتەوە


خەڵك – بەشی هەواڵ
بڕیارە ئەمڕۆ یەك شەممە، لیژنەی هاوبەشی یەکێتیی نیشتمانیی کوردستان و بزوتنەوەی گۆڕان لە سلێمانی کۆبێتەوە.

ئەو لیژنە هاوبەشە کە شاناز ئیبراهیم ئەحمەد ئەندامی دەستەی کارگێڕی یەکێتی و شەماڵ عەبدولوەفا ئەندامی خانەی ڕاپەراندنی گۆڕان سەرۆکایەتی دەکەن، پرسی ئاڵوگۆڕی پۆستە ئیدارییەکان و پەیوەندییەکانی هەردوو حزب تاووتوێ دەکەن.

سەرۆکی ئیدارەی گەرمیان، جێگری پارێزگار و قایمقامی هەڵەبجە، جێگری سەرۆکی ئیدارەی راپەڕین لە نێو ئەو پۆستانەدان کە لە نێواین یەکێتی و گۆڕاندا یەکلایی نەکراونەتەوە.

بەردەوام بە لە خوێندنەوە

کوردستان

تووشبوویەکی کۆرۆنا لە سلێمانی گیانی لە دەست دا


خەڵك – بەشی هەواڵ
ئەمڕۆ یەک شەممە، تووشبوویەکی دیکەی کۆرۆنا کە نە خۆشی درێژخایەنی هەبووە، لە سلێمانی گیانی لە دەست دا.

د. ئازاد ھەورامی بەڕێوبەری نەخۆشخانەی شەهید تاهیر عەلی والی بەگ ڕایگەیاند بەرەبەیانی ئەمڕۆ پیاوێکی تەمەن 69 ساڵ کە نەخۆشی درێژخایەنیشی هەبووە، بە ھۆی كۆرۆنا گیانی لە دەست دا.

بە پێی ئامارە فەرمییەکانی وەزارەتی تەندروستی تا ئێستا 241 تووشبووی کۆرۆنا لە هەرێمی کوردستان گیانیان لە دەست داوە کە 208یان لە سلێمانی بوون.

بەردەوام بە لە خوێندنەوە

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان