ئێمە لە تۆرە کۆمەڵایەتیەکان

کوردستان

بە ڤیدیۆ؛هەپەگە چالاكییەكی لە گردی شەهید شێخ مووس بڵاودەكاتەوە

خەڵك – بەشی هەواڵ

هێزەكانی پاراستنی گەل-هەپەگە ڕایدەگەیەنێت، گەریلاكانیان لە گردی شەهید شێخ مووس چالاكیەكیان ئەنجامداو گورزێكی كوشتندە لە سەنگەر و حەشارگەكانی سوپای توركیا درا و لە ٤ سەرباز كوژران و ٣ سەربازی دیكەش برینداربوون.

هێزەكانی پاراستنی گەل-هەپەگە لە ڕاگەیەنراوێكدا بڵاویكردەوە، ٢٥ی ئازاری ئەمساڵ لە كاتژمێر 12.30 خولەك هێزەكانیان لە هەرێمی هەفتانین لە دژی سوپا لە گردی شەهید شێخ مووس چالاكیەكیان ئەنجامدا.

ڕاشیگەیاندووە، لەو چالاكیەدا گورزێكی كوشتندە لە سەنگەر و حەشارگەكانی سوپای توركیا درا و لە ئەنجامدا ٤ سەرباز كوژران و ٣ سەربازی دیكەش بریندار بوون و دواتر سوپا سەربازە كوژراو و بریندارەكانی بە هەلیكوپتەری سكۆرسكی لە ناوچەكە دوور خستەوە.

لە ڕاگەیەنراوەكەداهاتووە، سوپای توركیا لە دوای چالاكییەكە لە ڕێگەی فڕۆكە جەنگییەكانیانەوە ناوچەكەیان بوردومان كرد.

لينكى ڤیدیۆكه:

 

کوردستان

ئەم هەواڵە نوێدەكرێتەوە..
خۆپیشاندانی سەرتاسەری مامۆستایان دەستیپێكرد

خەڵك- بەشی هەواڵ

ئەمڕۆ شەممە لە یەكەم رۆژی دەستپێكردنی ساڵی نوێی خوێندن لە شاری سلێمانی مامۆستایان نەچوونە هۆڵەكانی خوێندن و خۆپیشاندانیان دەستپێكرد.

پەیامنێری (خەڵك) لە شوێنی خۆپیشاندانەكەدا وتی: خۆپیشاندەران لە پێش بەڕێوەبەرایەتی پەروەردەی رۆژئاوا كۆبوونەتەوە و خۆپیشاندانیان سازكردووە و خەڵكی دیكەشیان لەگەڵدایە.

ئاماژەی بەوەشكرد خۆپیشاندەران داوای خەرجكردنی موچەكانیان دەكەن كە ماوەی چەند مانگە پێیان نەدراوە لەگەڵ دابەشكردنی موچە مانگانە لە كاتی خۆیدا.

هاوكات لە شاری كەلار و كۆیەش خۆپیشاندانی مامۆستایان دەستیپێكردووە و لەبەردەم بەڕێوەبەرایەتییەكانی پەروەردەی شارەكانیاندا كۆبوونەتەوە.

هاوكات بڕیارە لە شاری هەڵەبجە و رانیەش خۆپیشاندانی مامۆستایان بەڕێوەبچێت.
زانیاری نوێتر…

بەردەوام بە لە خوێندنەوە

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان

بەڕێوەبەری گشتی پەروەردەی سلێمانی پشتیوانی لە خۆپیشاندانی مامۆستایان دەكات

خەڵك-بەشی هەواڵ

 

بەڕێوەبەری گشتی پەروەردەی سلێمانی ڕایدەگەیەنێت، لەگەڵ كردنەوەی دەرگای خوێندنگەكان لە سنووری پارێزگای سلێمانی، هەوڵدەدەن خۆیان لەگەڵ ڤایرۆسی كۆرۆنا ڕابهێنن و بیكەنە بەشێك لە ژیانیان.

ئەمڕۆ یەك شەممە 27-9-2020 دڵشاد عومەر بەڕێوەبەری گشتی پەروەردەی سلێمانی، لە كۆنگرەیەكی ڕۆژنامەوانی و لە یەكێك لە خوێندنگەكانی سلێمانی دەستپێكردنی پڕۆسەی خوێندنی ساڵی 2020- 2021ی بۆ خوێندكارانی پۆلی 12ی ئامادەیی و قۆناغەكانی یەك و دووی بنەڕەتی ڕاگەیاند.

ناوبراو ئاشكرایكرد، ئەمڕۆ دەستدەكرێتەوە بە پڕۆسەی نوێی خوێندن بۆ خوێندكارانی پۆلی 12ی ئامادەیی و یەك و دوو بنەڕەتی و 10ی 10ش قۆناغەكانی تر دەستپێدەكەنەوە كە ماوەی 14 ڕۆژ بەردەستە، ئەگەر سەركەوتوو بن دەتوانن قۆناغەكانی تریش بهێننەوە بۆ ناو خوێندنگەكان.

ئاماژەی بۆ ئەوەش كرد، دەبێت ڤایرۆسی كۆرۆنا بكەین بە بەشێك لە ژیانمان و ژیان ئاسایی بكەینەوە، كارو كەسابەت باش بێت، ڕەوشی ئابووری وڵات باش بێت ئاشتەوایی بەدوادادێت.

بەڕوەبەری پەروەردە پشتیوانی خۆشی بۆ ئەو مامۆستایانە دەربڕی كە ئەمرشۆ خۆپیشاندان دەكەن و وتیشی”هەوڵ دەدەین هەموو مافەكانتان بۆ جێبەجێ بكرێت و ئێمەش بەشێكین لە ئێوە، چونكە پاشەكەوت و لێبڕین ئێمەشی گرتووەتەوە”..

بەردەوام بە لە خوێندنەوە

کوردستان