ئێمە لە تۆرە کۆمەڵایەتیەکان

عێراق

كۆمیسیۆن بەیاننامەیەك لەبارەی ئەنجامی جیاكردنەوەی دەنگەكان بڵاودەكاتەوە

خەڵك- بەشی هەواڵ
كۆمیسیۆنی هەڵبژاردنەكان، رەتیدەكاتەوە ئەنجامی ئەژماركردنەوە و جیاكردنەوەی دەستی دەنگەكانی راگەیاندبێت كە پێشتر لە پارێزگاكاندا بەڕێوەچوو.

لەیس جەبر وتەبێژی فەرمی كۆمیسیۆنی هەڵبژاردنەكان لە بەیاننامەیەكدا رایگەیاند”كۆمیسیۆنی سەربەخۆی هەڵبژاردنەكان، هیچ ئەنجامێكی پرۆسەی جیاكردنەوە و ئەژماركردنەوەی دەستی كە لە پارێزگاكاندا بەڕیوەچوو رانەگەیاندووە، ئەوەی لە بارەی ئەنجامی پرۆسەكەشەوە لە تۆڕە كۆمەڵایەتییەكان بڵاوكراوەتەوە، دوورە لە راستییەوە”.

هەر بەپێی بەیاننامەكە”كۆمیسیۆن هیچ ئەنجامێكی جیاكردنەوە و ئەژماركردنەوەی دەستی ئەو وێستگانەی رانەگەیاندووە كە پێشتر لە پارێزگاكانی (كەركوك- سلێمانی- هەولێر- دهۆك- نەينەوا- سەڵاحەدین- ئەنبار-واست- دیوانیە-موسەننا-زیقار- میسان- بەسرە) سكاڵایان لەسەر هەبوو”.

وتەبێژی كۆمیسۆنی باڵای هەڵبژاردنەكان لە بەیاننامەكەدا رایگەیاندووە”ئەنجومەنی كۆمیسیاران كە لە دادوەران پێكهاتووە، لەدوای تەواوكردنی ناوەند و وێستگەكانی ئەو پارێزگایانەی تانە و سكاڵایان لەسەر هەبوو، ئەنجامی كۆتایی تەواوەتی پرۆسەكە رادەگەیەنێت، لەئێستاشدا كارەكانیان بەردەوامن، وێڕای كاركردن لە ناوەند و وێستگەكانی هەڵبژاردن لە دەرەوەی وڵات”.

جەبر داوای لە تەواوی میدیاكانی عیراق كردبوو، لەكاتی بڵاوكردنەوەی زانیارییەكاندا وردبن و پشت بە سەرچاوە سەرەكییەكان ببەستن و پشت بەو زانیارییە بێ‌ بنەمایانە نەبەستن كە لەڕێی تۆڕە كۆمەڵایەتییەكانەوە بڵاودەكرێنەوە.

عێراق

پێویستە لەپاڵ وەفدە حکومییەکە، وەفدێکی سیاسی بچێتە بەغداد

خەڵک-ئارام سەردار

 

بڕیاردەری لیژنەی دارایی و ئابووری ڕایدەگەیەنێت، چوونی وەفدی هەرێم بۆ بەغدا زۆر گرنگە، بەباشی دەزانین لەپاڵ ئەو وەفدە وەفدێکی سیاسی بچێتە بەغدا.

 

محەمەد سەعدەدین، بڕیاردەری لیژنەی دارایی و ئابووری لەپەڕلەمانی کوردستان بە (خەڵک)ی ڕاگەیاند، پێشتر دانوستان لەنێوان هەولێر و بەغداد بەردەوام بوو و سەرکەوتووش بوون لەچارەسەرکردنی کێشەکان، هەروەها بۆ پلانی ستراتیژی بوودجەی ساڵەکانی ٢٠٢١ و ٢٠٢٢ و ٢٠٢٣ ڕێککەوتنیان هەبوو، بەڵام لەبابەتی یاسای قەرز هەندێ فڕاکسیۆن ڕای جیاوازیان هەبوو لەچوارچێوەی هەنگاوەکانی حکومەت بۆ چارەسەری کێشەکان کاریان نەکرد، ئەمەش جێگای نیگەرانی خەڵکی کوردستان و سەرکردایەتی سیاسی کورد بوو.

 

دەشڵێت، چوونی وەفدی هەرێم بۆ بەغدا زۆر گرنگە، بەباشی دەزانین لەپاڵ ئەو وەفدە وەفدێکی سیاسی بچێتە بەغدا، بۆ ئەوەی چۆن هەردوو حکومەت دەگەنە ڕێککەوتن بۆ چارەسەری کێشەکان، کوتلە جیاوازەکانیش لەحزبەکان هەمان ڕایان هەبێت و جارێکی تر ئەوەی ڕوویدا لەپەڕلەمان دووبارە نەبێتەوە.

 

لەبارەی ناردنی ٣٢٠ ملیار دینارەکە وتی، دەبێت تا ٢٠٢١ مانگانە ٣٢٠ ملیار دینارەکە ڕەوانە بکرێت، هۆکاری دواکەوتنەکەی بەهۆی کێشەی سیولە بوو لەبەغداد، ئێستا چارەسەربووە و عیراق دوای دابەشکردنی مووچەی خۆیان پشکی هەرێم لەمووچەی فەرمانبەران دەنێرێت.

بەردەوام بە لە خوێندنەوە

ئۆتۆمبێل و تەکنەلۆژیا

بەنیازبوون بیگوازنەوە بۆ هەرێم
340 تۆن ئۆتۆمبێلی هەڵوەشاوە دەستیبەسەرداگیرا

خەڵك-بەشی هەواڵ

 

ئاسایشی نیشتمانی عیراق ڕایدەگەیەنێت، دەستیان بەسەر 24 ئۆتۆمبێلی بارهەڵگردا گرتووە كە 24 ئۆتۆمبێلی هەڵوەشاوەیان هەڵگرتبوو، بەنیازبوون بە قاچاخ بۆ هەرێمی كوردستانی بگوازنەوە.

ئاسایشی نیشتمانی عیراق لە ڕاگەیەنراوێكدا كە ئەمڕۆ سێ شەممە بڵاویكردەوە، ئاماژە بۆ ئەوە دەكات، لە ڕۆژئاوای نەینەوا دەستیان بەسەر 340 تۆن ئۆتۆمبێلی هەڵوەشاوە (سكراب)دا گرتووە كە بەنیازبوون بە قاچاخ ڕەوانەی هەرێمی كوردستانی بكەن.

ئاشكراشیكرد، لە ڕۆژئاوای پارێزگای نەینەوا دەستیان بە چڕكردنەوەی هەوڵێكی مەیدانی كردووە، دوای بەدەستهێنانی فەرمانە دادوەرییەكان، دەستیان بەسەر 24 ئۆتۆمبێلی بارهەڵگردا گرتووە كە 24 ئۆتۆمبێلی هەڵوەشاوە (سكراب)یان هەڵگرتبوو، بەنیازبوون بە قاچاخ بۆ هەرێمی كوردستان بەپێچەوانەی ڕێنماییەكان و وەرگرتنی ڕەزامەندی بیگوازنەوە.

ئاشكراشیكرد، شۆفێری سەرجەم ئۆتۆمبێلە بارهەڵگرەكان دەستگیركراون و وتەیان لێوەرگیراوە، دانیشیان بەوەداناوە كاری قاچاخچێتی دەكەن و بەنیازبوون ئەو ئۆتۆمبێلە سكرابانە بە یەكێك لە بازرگانەكانی هەرێمی كوردستان بفرۆشن.

جەختی لەوەش كردەوە، لە ئێستادا سەرجەم تۆمەتبارەكان و ئۆتۆمبێلەكانیان ڕەوانەی لایەنی پەیوەندیدار كراون بۆئەوەی ڕێكاری یاساییان بەرامبەر بگیرێتەبەر.

بەردەوام بە لە خوێندنەوە

عێراق

تەندروستی عیراق ڕێژەی ئەو ڤاكسینە ئاشكرا دەكات كە وەریدەگرێت

خەڵك – بەشی هەواڵ

وەزارەتی تەندروستی و ژینگەی عیراق لەسەر وەرگرتنی ڤاكسینی كۆرۆنا ڕوونكردەوە دەدات.

ڕیاز حلفی بەڕێوەبەری گشتی فەرمانگەی تەندروستی لە وەزارەتی تەندروستی و ژینگەی عیراق ڕایگەیاند، عیراق رێژەی 20%ی ئەو ڤاكسینە وەردەگرێت كە لە وڵاتانی جیهان بەرهەمدەهێنرێت.

ئەمەش لە كاتێكدایە، تیدرۆس ئەدهانۆم گبریسۆس، سەرۆكی ڕێكخراوی تەندروستی جیهانی ئەمڕۆ 23/11/2020 ڕایگەیاند:گەشبینن بەرانبەر بە سەركەوتنی تاقیكردنەوەكانی ڤاكسینی دژە كۆرۆنا، مانای وایە ڕوناكییەكە لەوپەڕی تونێلەكەوە زیاتر پشنگ دەدات، لە هەمان كاتدا مەترسییەكی ڕاستەقینە هەیە هەژار و نەداران بكەونە ژێر دەست و پێوە لەپێناو دەستخستنی ڤاكسینەكان ڤایرۆسی كۆرۆنا.

بەردەوام بە لە خوێندنەوە

کوردستان