ئێمە لە تۆرە کۆمەڵایەتیەکان

کوردستان

حكومەتی هەرێم: هیچ بڕە پارەیەك بۆ مووچەی مانگی ڕابردووی فەرمانبەرانی هەرێم لەلایەن بەغداوە نەنێردراوە

خەڵك – بەشی هەواڵ

فەرمانگەی میدیا و زانیاری حكومەتی هەرێمی كوردستان لە ڕوونكردنەوەیەكدا ڕایدەگەیەنێت:”لە هەندێ لە پەیجەكان، هەواڵێكی بێ بنەما و دوور لە ڕاستی دەربارەی مووچەی فەرمانبەرانی وەزارەتی پەروەردە بڵاو كراوەتە، كە گوایە پارەكەی لە مانگی دوو گەیشتووە و ئەمڕۆ دەست بە دابەشكردنی كراوە”.

فەرمانگەی میدیا و زانیاری حكومەتی هەرێمی كوردستان ئاماژەبەوەش دەدات:”ئەم هەواڵە بەمەبەستی چەواشەكاری و بە لاڕێدا بردنی بیروڕای گشتی بڵاو كراوەتەوە. بانكی ناوەندیی عیراق – لقی هەولێر سەر بە حكومەتی فیدراڵە و تەنیا تایبەت نییە بە مووچەی فەرمانبەرانی هەرێمی كوردستان، بەڵكو ڕۆژانە مامەڵەی بانكی و نەختینەیی لەگەڵ بانكەكانی هەرێم و بانكە ئەهلییەكان هەیە. تەنانەت ئەو پارەیەی‌ كە لە خەڵكیش بە قەرز وەرگیراوە، بە زۆری لە ڕێگەی ئەو بانكانەیە”.

فەرمانگەی میدیا و زانیاری حكومەتی هەرێمی كوردستان ئەوەشدەخاتەڕوو:”تا ئێستا هیچ بڕە پارەیەك بۆ مووچەی مانگی ڕابردووی فەرمانبەرانی هەرێمی كوردستان لە لایەن بەغداوە نەنێردراوە”.

 

دەقی ڕوونكردنەوەكە:

 

روونكردنەوەیەك بۆ رای گشتی

لە هەندێ لە پەیجەكان، هەواڵێكی بێ بنەما و دوور لە راستی دەربارەی مووچەی فەرمانبەرانی وەزارەتی پەروەردە بڵاو كراوەتە، كە گوایە پارەكەی لە مانگی دوو گەیشتووە و ئەمڕۆ دەست بە دابەشكردنی كراوە.

ئەم هەواڵە بەمەبەستی چەواشەكاری و بە لاڕێدا بردنی بیروڕای گشتی بڵاو كراوەتەوە. بانكی ناوەندیی عێراق – لقی هەولێر سەر بە حكومەتی فیدراڵە و تەنیا تایبەت نییه بە مووچەی فەرمانبەرانی هەرێمی كوردستان، بەڵكو رۆژانە مامەڵەی بانكی و نەختینەیی لەگەڵ بانكەكانی هەرێم و بانكە ئەهلییەكان هەیە. تەنانەت ئەو پارەیەی‌ كە لە خەڵكیش بە قەرز وەرگیراوە، بە زۆری لە رێگەی ئەو بانكانەیە.

لقی هەولێری بانكی ناوەندیی عێراق هەروەها سەرپەرشتیی تەمویلكردنی پارەی بانكی ناوەندیی عێراق – لقی موسڵیش دەكات.
لقی هەولێری بانكی ناوەندیی عێراق لە رۆژی ٣ی ئایاری ٢٠٢٠ لە روونكردنەوەیەكدا چوارچێوەی كار و ئەركی خۆی بۆ رای گشتی بڵاو كردووەتەوە.

تا ئێستا هیچ بڕە پارەیەك بۆ مووچەی مانگی رابردووی فەرمانبەرانی هەرێمی كوردستان لە لایەن بەغداوە نەنێردراوە. لەم كاتە ھەستیارەدا، دابینكردنی مووچەی فەرمانبەران لە ئەولەوییەتی كارەكانی حكومەتی هەرێمی كوردستان دایە، بەڵام بەداخەوە، هەندێ سایت و پەیجی ناحەز و دڵرەش بەمەبەستی بەلاڕێدابردنی راستییەكان و بۆ بەرژەوەندیی تەسكی كەسانێك ئەم جۆرە هەواڵانە بڵاو دەكەنەوە.

خەڵكی هەرێم كوردستان زۆر لەوە وشیارترە كە كەسان و لایەنێك بتوانن بە موزایده كرد‌ن‌ بە قووتی خەڵكەوه،‌ بۆ بەرژەوەندی و ئامانجی سیاسیی خۆیان بەكاریان بێنن.

فەرمانگەی میدیا و زانیاری
حكومەتی هەرێمی كوردستان
٢٠٢٠/٥/١٨

کوردستان

وەزارەتى خوێندنی باڵا و توێژینەوەی زانستى چەند بڕیارێکی نوێی دەرکرد

خەڵک – بەشی هەواڵ

وەزارەتى خوێندنى باڵاو توێژینەوەى حکومەتى هەرێمى کوردستان چەند بڕیارێکی تایبەت بەو خوێندکارانە دەرکرد، کە لە دەرەوەى وڵات، بەکالۆریۆس و ماستەرو دکتۆرا دەخوێنن و بەهۆى بڵاوبونەوەى پەتاى کۆرۆنا و ڕێکارەکانى تەندروستى و ڕاگەیاندنى قەدەغەى هاتوچۆ، گەڕاونەتەوە هەرێمى کوردستان یاخود هێشتا لە دەرەوەى وڵاتن.

 

وەزارەتى خوێندنى باڵاو توێژینەوەى حکومەتى هەرێمى کوردستان لە فەرمانێکى وەزاریدا بە ژمارە (٥٨٥٤) لە ڕێکەوتى (٢٠٢٠/٧/٧) بە ئیمزاى د. ئارام محمد قادر وەزیرى خوێندنى باڵا و توێژینەوەى زانستى تایبەت بەو خوێندکار/ قوتابیانەى لە دەرەوەى وڵات، بەکالۆریۆس و ماستەرو دکتۆرا دەخوێنن و بەهۆى بڵاوبونەوەى پەتاى کۆرۆنا و ڕێکارەکانى تەندروستى و ڕاگەیاندنى قەدەغەى هاتوچۆ، گەڕاونەتەوە هەرێمى کوردستان یاخود هێشتا لە دەرەوەى وڵاتن چەند بڕیارێکى گرنگى دەرکرد.

 

بەردەوام بە لە خوێندنەوە

کوردستان

جوتیارە نمونەییەکە لە(خەڵک)ەوە پلانێک بۆ ساغکردنەوەى بەرهەمی کشتوکاڵیی ناوخۆ دەخاتەڕوو

خەڵک – نزار جەزا

جوتیارێکی نمونەیی باس لەزۆربوونی بەرهەمە کشتوکاڵییەکان دەکات، بۆیە لەناوخۆی هەرێمی کوردستان پارە ناکەن، لەبەرئەوە بەپێویستی دەزانێت، کە حکومەتی هەرێم لەدەرەوەی هەرێم بازاڕیان بۆ بدۆزێتەوە و لەناوخۆشدا سەرمایەدارەکان کارگەی بۆ دروستبکەن، چونکە هەرێمی کورستان خۆڕسکانە خەرێکە خۆی کەرتی کشتوکاڵ دەبوژێنێتەوەو.

 

ئازاد محەمەد، کە بە جوتیارە نمونەییەکە ناسراوە بە(خەڵک)ی ڕاگەیاند، بەشێوەیەکی گشتی بەرهەمە کشتوکاڵییەکان پارە ناکەن، نرخیان زۆر کەمە، بۆ نمونە کیلۆیەک بامیە پێشتر بە چوار هەزار دینار بوو بەڵام ئێستا بەهەزار دینارە، دوێنێ ٢٠ دۆنم زەوی کە شوتی تێدا چاندووە، بە ٤٥٠ هەزار دینار بەشوانێک فرۆشتووە بۆئەوەی حەیوانی تێ بکات، لەکاتێکدا هەشت ملیۆن دیناری تێچووبوو.

 

ئەوەشی خستەڕوو، ئێستا خەڵکانێکی زۆر لەکوڕ و کچی گەنج و تازە دەرچووکانی زانکۆ و پەیمانگاکان و جوتیاران و خەڵکانی دیکەش ڕوویانکردۆتە کشتوکاڵکردن، بۆیە بەرهەمێکی زۆری کشتوکاڵ دەگاتە بەرهەم و ئەم بەرهەمانەش کە زۆر بوو نرخیان دادەبەزێت.

 

باسی لەئەوەشکرد، ئەم دۆخەى ئێستا زۆر باشە و خۆڕسکانە کەرتی کشتوکاڵ خەریکە دەبێتە کەرتێکی گرنگ و دەتوانرێت جێگەى کەرتی نەوت بگرێتەوە، بەڵام دەبێت حکومەت بازاڕی بۆ بدۆزێتەوە، چونکە ئەگەر حکومەت خەمی جددی لێ نەخوات، بەرهەمە کشتوکاڵییەکان لەناوخۆدا خەساردەبن و جوتیارانیش کە هەر زەرەر بکەن، جارێکی تر بیر لەکشتوکاڵ ناکەنەوە.

 

ئاماژەى بەئەوەشدا، لەحاڵەتێکدا کە نەوت نەمێنێت یان وەک ئێستا نرخەکەی دابەزیبێت و وڵات لەقەیرانی داراییدابێت، ئەگەر سنوور لەکوردستان داخرا، بەناچاری دەبێت هانا بۆ کشتوکاڵی ناوخۆ ببەن، بۆیە پێویستە زووتر کەرتی کشتوکاڵ گرنگی پێ بدرێت و بازاڕێک بۆ ساغبوونەوەى بدۆزرێتەوە.

 

ناوبراو وتیشی: لەجیاتی ئەوەی سەرمایەدارەکان خەرکی دروستکردنی بینابن، با بێن کۆمەڵێک کارگە دروستبکەن، دواتریش حکومەت و سەرمایەدارەکان ناچاردەبن کە بازاڕی لەدەرەوەی وڵات بۆ بدۆزنەوە.

 

دەشڵێت: حکومەتى هەرێم دەبێت پلان دابنێت و هەر وڵاتێک بەرهەمی لێ وەرنەگرێت، با حکومەتى هەرێمیش بەرهەمی لێ نەکڕێت، واتە بۆچی هەرێم کاڵاوشمەک لە وڵاتان بکڕێت و ئەوان لەهەرێمی نەکڕن.

 

ناوبراو لەبارەى چۆنیەتی ساغکردنەوەی خەیار و تەماتەى ناوخۆ ئاماژەى بەئەوەدا، ئەگەر دەسەڵاتی هەبووایە ڕیگری لە هاتنەناوەوەی دۆشاو و خەیارشۆر دەکرد، لەبەرئەوەی بەهەزاران دوکان و مارکێت هەیە، کە ڕۆژانە دۆشاوی تەماتە و خەیارشۆر دەفرۆشن، بۆیە دەکرێت  لەجیاتی دۆشاوی تەماتە و خەیارشۆری وڵاتان، بەرهەمی ناوخۆیی بفرۆشرێت، ئەمەش بەدروستکردنی ژمارەیەک کارگەی لەقتونان دەکرێت.

 

ئەوەشی خستەڕوو، بەدروستکردنی ئەم کارگانە، بەرهەمی خۆماڵی دەنێردرێتە دەرەوە و بەرهەمی خۆماڵی ساغ دەبێتەوە و هەلی کاریش بۆ گەنجان دەڕەخسێت، هەروەها کەرتی کشتوکاڵ دەبوژێتەوە و ژێرخانی ئابووریش گەشە دەکات.

بەردەوام بە لە خوێندنەوە

کوردستان

دوو ڕۆژ پشكنینی كۆرۆنا لە گەرمیان ڕادەگیرێت

خەڵك – بەشی هەواڵ
بە هۆی پاكژكردنەوەی تاقیگەی تایبەت بە كۆرۆنا، دوو ڕۆژ پشكنین لە گەرمیان ڕادەگیرێت.

بەڕێوەبەرایەتی گشتی تەندروستی گەرمیان ڕایگەیاند بەمەبەستی ڕێکخستەوە و پاکژکردنەوەی تاقیگەی تایبەت بە کۆرۆنا لە گەرمیان، ئەمڕۆ پێنجشەمە و سبەی ھەینی، ھیچ پشکنینێک ئەنجام نادرێت و نمونە لە ھاوڵاتیان وەرناگیرێت.

ناوبەناو تاقیگەكانی پشكنینی كۆرۆنا لە هەرێمی كوردستان بە دەرمانی تایبەت پاكژدەكرێنەوە بۆ سەلامەتی كادیرانی تەندروستی و ئەو هاووڵاتییانەش كە سەردانی تاقیگەكان دەكەن.

بەردەوام بە لە خوێندنەوە

کوردستان