ئێمە لە تۆرە کۆمەڵایەتیەکان

کوردستان

كەجەكە ڕاگەیەنراوێكی بڵاوكردەوە

خەڵك – بەشی هەواڵ

كۆما جڤاكێن كوردستان ڕایدەگەیەنێت ، دەوڵەتی توركیا هەرشتێك كوردی بیربخاتەوە هێرش دەكاتە سەری دەست بەسەر شارەوانییەكاندا دەگرێت و گڵكۆی گەریلاكان دەشێوێنێت ، دەشڵێت”گەلێ كورد نابێت بڵێت ئێمە چیمان لەدەست دێت، كورد گەلێكی كاریگەرە لە توركیا و ڕۆژهەڵاتی ناوڕاست دەتوانێت وەڵامی هەبێت”.

كۆما جڤاكێن كوردستان- كەجەكە لە ڕاگەیەندراوێكدا بڵاویكردەوە، ئاكەپە دوای ئەوەی كە لە حوزەیرانی ٢٠١٥ دا هەدەپە بەندی هەڵبژاردنی تێپەڕاند و لە دەسەڵات دووریخستەوە، لەو ڕۆژەوە هێرشەكانی لەبەرانبەر گەلی كورد زیادی كرد، بۆیە ئەگەر لەدژی ئەم دەسەڵاتە تێكۆشان نەكرێت، ئەم هێرشانە هەتا بێدەنگركردن و قڕكردنی هەموو كورد بەردەوامی پێدەدات.
ڕاشیگەیاندووە،

دەقی ڕاگەیەنراوەكەی كەجەكە :
ئامانجی دیكتاتۆری فاشیستی ئاكەپە و مەهەپە لەناوبردنی هێزە دیموكراتەكان و لەناوبردنی ئەوانە، ئامانجی سەرەكیشی كوردە كە گەورەترین هێزی دینامیكی توركیایە، لەبەرئەوەش خۆی لەبەرانبەر هیچ هێزێك ناگرێت كە وەك ئە بیرناكاتەوە و بە كودەتا تاوانباری دەكات، دەسەڵاتی فاشیستی ئاكەپە و مەهەپە ڤایرۆسی كۆرۆنا بۆ فراوانكردنی سیاسەتی قڕكردنی دژی گەلی كورد بەكاردەهێنێت، لە كاتی ڤایرۆسی كۆرۆنادا كاری سەرەكی دامەزراندنی قەیوم لەسەر شارەوانیەكان بوو، لەم دواییانەدا دەستی بەسەر زۆر شارەوانیدا گرت، ئەمەش بە شێوەیەكی ئاشكرا ڕاگەیاندنی ئەوەیە كە ، بە ناسنامەی كورد نابێت كە سیاسەت و كاری شارەوانی بكرێت، تاكە تاوانی ئەو شارەوانیانە ئەوەیە كە بە ناسنامەی كوردی خۆیان كار دەكەن، دەستیان لە ناسنامەی كوردی هەڵنەگرتووە و بە ناسنامەی كورد وەك ئیرادەی هەرێمی كاری شارەوانی دەكەن.

لەدرێژەی ڕاگەیەندراوەكەدا هاتووە: سیاسەت و عەقلیەتیان ئەوەیە ئەوانەی بە ناسنامەی كورد سیاسەت دەكەن، دەستگیركرد، شارەوانیەكانمان گرت و ئەگەر ئێوە لەسەر ئەم هەڵوێستە بەردەوام بن، بەردەوامی بە گرتن دەدەم، بە شێوەیەكی ئاشكرا ئەم عقلیەتەیان خستووەتە بەرچاو، ئەمەش كوردبوون وەك تاوانێك پیشان دەدات، بێگۆمان دەتوانێت بە ئاشكرا بە كەسێك بڵێت، تۆ كوردی و تاوانباری، بەم شێوەیە هەموو شتێك بە ناوی كوردەوە تاوانە و بەم شێوەیە كوردیتی وەك تاوان لەقەڵەمدەدات.

لەبارەی شێواندنی گڵكۆی گەریلاكانەوە كەجەكە دەڵێت: گۆڕستانی گەریلا لەبەرئەوەی كوردیتی وەبیردەهێننەوە، دەبێتە ئامانجی هێرشەكان، هێرش دەكاتە سەر منداڵانی كورد، لەبەرئەوەی بە ناسنامەی كوردی خۆیان دەژین، ئایا ئەو هێرشەی كە لە نسێبین كردی، دەتوانێت هێرشی بەو جۆرە لە ناوچەكانی تری توركیا بكات و هێرش بكاتە سەر منداڵان؟

لە ڕاگەیەندراوەكەدا ئاماژە بە هێرشەكانی ئاكەپە بۆسەر پێگەی سیاسیی هەدەپە كراوە و هاتووە: ئاكەپە دوای ئەوەی كە لە حوزەیرانی ٢٠١٥ دا هەدەپە بەندی هەڵبژاردنی تێپەڕاند و لە دەسەڵات دووریخستەوە، هێرشەكانی لەدژی كورد زیادتر كرد و لەگەڵ دوژمنانی كورد هاوپەیمانی بەست، لەو ڕۆژەوە هێرشەكانی لەبەرانبەر گەلی كورد زیادی كرد، هەموو ڕۆژێك بە سەدان جار دوژمنایەتی كوردی زیادتر كرد، ئەگەر لەدژی ئەم دەسەڵاتە تێكۆشان نەكرێت، دوژمنایەتی لەدژی گەلی كورد زیاتر دەكات، ئەم هێرشانەش هەتا بێدەنگركردن و قڕكردنی هەموو كورد بەردەوامی پێدەدات.

لە كۆتایشدا هاتووە: لەدژی دوژمنێكی بەم شێوەیە پێویستە لە هەموو دەڤەرێك بە تایبەتی لە باكوری كوردستان ڕێكخستن و تێكۆشان فراوان بكرێت، لە گوند لە كۆڵانەكان خۆیان خۆیان بەڕێوەببەن و هەرچیەك پێویست بێت بكرێت، پێویستە هەموو جێگایەك ببێتە گۆڕەوانی تێكۆشان و ڕێكخستن، سەرەتا ژن و گەنجان، بەرپرسیاریەكی گەورە لەسەر شانی هەموو كوردێك هەیە كە بە شێوەیەكی مێژوویی تێبكۆشن، پێویستە هیچ كوردێك نەڵێت كە چیم لە دەست دێت؟ هەموو كوردێك شتێكی لەدەست دێت، تێكۆشانی مێژوویی دەیان ساڵە ئەم عەقلیەتە و ڕێو و ڕێبازەی خستووەتە بەرچاو، لە هەموو گوندێك، لە هەموو كۆڵانێك ئەو عەقلیەتە هەیە كە بتوانێت ڕێكخستنی خۆیان دروست بكەن و دەست بە جووڵە بكەن، تێكۆشانی مان و نەمانی نەتەوەیەك لە شوێنێكی تر داواناكرێت، كورد بە تەنها نەك لە توركیا بەڵكو لە هەموو ڕۆژهەڵاتی ناوەڕاست كۆمەڵگایەكی زانا و هێزێكی دیموكراتن، خاوەن كەسایەتیەكن كە دەتوانن ئەم شتە بكەن.

کوردستان

وێنە.. لە شارەزوور ژمارەیەك گەنجی خۆبەخش بەشێك لە هێما شكاوەكانی هاتوچۆی سنوورەكە و نوێدەكەنەوە

خەڵك – یەحیا حبیب

ئەمشەو دووشەممە، ژمارەیەك لە گەنجانی شارۆچكەی شارەزوور هەستان بە چاككردنی بەشێك لە هێما شكاوەكانی هاتوچۆی سنوورەكە و نوێكردنەوە و دانانی لەزگەی درەوشاوەی هاتوچۆ بۆ هێماكان.

كاروان كەریم، یەكێكە لەو گەنجە خۆبەخشانە و بە (تۆڕی میدیایی خەڵك)ی ڕایگەیاند، “ئێمە لە سۆنگەی بەرپرسیارێتیمانەوە لەگەڵ ستافێك لە گەنجی ماندوو نەناسی سنوورەكە هەڵدەستین بە چاكردنەوەی ئەو هێمای هاتوچۆیانەی كە شكاون بە هەر هۆكارێك یان خراپ بوون، لەگەڵ ئەوەشدا لەزگەی درەوشاوەی شەو لەو هێمایانە دەدەین كە شۆفێر پێویستە ئاگاداری بێت لە پێشییەوە چی هەیە “.

ئەو گەنجە خۆبەخشە وتیشی، “ڕێگای شارەزوور، دەربەندیخان و ئیدارەی گەرمیان و مەرزی پەروێزخان و سەیدسادق و پێنجوێن و پارێزگای هەڵەبجە پێكەوە دەبەستێت، بۆیە زۆرینەی شۆفێرەكان دەكرێت نوێ بن وە شارەزار ڕێگا نەبن”.

كاروان كەریم ئاماژەی بەوەشكرد، “چاككردنی هێماكان و نوێكرنەوەی لەزگەی هاتوچۆ سوودێكی باشی دەبێت بەتایبەت لە شەواندا، چونكە هێماكانی هاتوچۆ لەگەڵ شۆفێراندا دەدوێت و بەمەش ڕووداوی نەخوازراوی هاتوچۆ لە ناوچەكە زۆر كەمتر دەكات”.

 

بەردەوام بە لە خوێندنەوە

کوردستان

قەڵادزێ.. بەهۆی دەمەقاڵێوە دوو كەس بریندار بوون

خەڵك – بەشی هەواڵ

بەڕێوەبەرایەتی پۆلیسی ڕاپەڕین ڕایدەگەیەنێت: ئەمڕۆ دوو بریندار گەیەنرانە نەخۆشخانەی قەڵادزی كە شوێنی فیشەك و چەقۆ بەسەر جەستەیانەوە بووە.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ڕایگەیاند: ئێوارەی ئەمڕۆ دوو بریندار گەیەنرانە نەخۆشخانە كە یەكێك لە بریندارەكان بەناوی ( ع . ح . م ) لەدایك بووی ساڵی 1997 پیشەی كاسب، دانیشتووی قەڵادزێ گەڕەكی كارەبا شوێنەواری دوو فیشەك بە هەردوو قاچییەوە هەیە و بریندارەكەی تریش شوێنەواری چەقۆ بەسەر جەستەیەوە هەیە.

پۆلیسی ڕاپەڕین ڕوونیشیكردووەتەوە، بەوتەی یەكێك لە بریندارەكان بەهۆی دەمەقاڵێ شەڕ لەنێوان ئەوان و چەند گەنجێكی تر دروستبووە و دواتر ئاڵۆزی كەوتووەتە نێوانیان و چەكی جۆری دەمانچە و چەقۆ بەكار هاتووە.

بەڕێوەبەرایەتی پۆلیسی ڕاپەڕین ئاشكراشیكردووە، دۆسیەی لێكۆڵینەوە بە ماددەكانی 405 /31 لە یاسایی سزادانی عیراقی و ماددەی 413 لە یاسای سزادانی عیراقی ڕێكخراوە و لێكۆڵینەوەش بەردەوامە.

بەڕێوەبەرایەتی پۆلیسی ڕاپەڕین ئاماژەی بەوەشداوە، بە بڕیاری دادوەر 3 كەس لە هەردوو لایەن ڕاگیركران و دوای ڕووداوەكەش مەفرەزەكانیان لە نووسینگەی نەهێشتنی تاوانی پشدەر و پۆلیسی فریاكەوتنی پشدەر گەیشتوونەتە شوێنی مەبەست و دەستبەجێ ڕووداوەكەیان كۆنتڕۆڵكردووە و دەستیش گیراوە بەسەر چەكی بەكارهاتوو و چەقۆكەدا.

بەردەوام بە لە خوێندنەوە

کوردستان

فەرهاد پیرباڵ دامەزرایەوە

خەڵك – بەشی هەواڵ

بە فەرمانی مەسرور بارزانی سەرۆكی حكومەتی هەرێم فەرهاد پیرباڵ وەك مامۆستای زانكۆی سەلاحەدین دامەزرایەوە.

د. فەرهاد پیرباڵ مامۆستای زانكۆ ماوەی زیاتر لە ساڵ و نیوێكە لە كارەكەی دوورخراوەتەوە، ئەمڕۆش بە فەرمانی ژمارە (1354) لە 28/7/2020 كە واژۆی د. ئومێد سەباح سەرۆكی دیوانی ئەنجومەنی وەزیرانی هەرێمی لەسەرە ئاماژە بەوەكراوە لەسەر فەرمانی سەرۆكی ئەنجومەنی وەزیران بڕیاریانداوە بە دامەزراندنەوەی (د.فەرهاد پیرباڵ عومەر) بەناونیشانی (مامۆستا) بە شێوەی هەمیشەیی) لەسەر میلاكی وەزارەتی خوێندنی باڵا و توێژینەوەی زانستی / زانكۆی سەڵاحەدین / كۆلیژی پەرەوەردە. بەمووچە و دەرماڵەی شایستە لە ڕێكەوتی دەستبەكاربوونی.

د. فەرهاد پیرباڵ لە بارەی دووبارە دامەزراندنەوەی لە لاپەڕەی فەڕمی خۆی لە تۆڕی كۆمەڵایەتی فەیسبوك دەڵێت:”ٳنشا‌ءاللە دەچمەوە خزمەتی قوتابیەكانم، سوپاسی هەمووان دەكەم،، تكایە بگات بەدەستی سەرۆك زانكۆی سەلاحەددین دكتۆر جەوهەر: لە بڕیارەكە نووسراوە “دامەزراندنەوە”. ئەمەش واتە دیارە من پێشتر فەسڵكرابووم و ساڵێك و 8 مانگە یەك فلس مووچەی زانكۆشم وەرنەگرتووە.. ئێستا بەم بڕیارەی سەرۆك حكوومەت، سەرلەنوێ، وەك ئەوەی تازە لە پاریس هاتبوومەوە لە 1994 دامەزرام لە زانكۆ.”.

بەردەوام بە لە خوێندنەوە

کوردستان