ئێمە لە تۆرە کۆمەڵایەتیەکان

کوردستان

ئەنجوومەنی سەرتاسەری مامۆستایانی ناڕازی پەیامێكی ڕاگەیاند


خەڵك – بەشی هەواڵ
ئەنجوومەنی سەرتاسەری مامۆستایانی ناڕازی داوای دەستبەجێ ئازادكردنی دەستگیركراوانی خاوەن هەڵوێستی پارێزگای دهۆك دەكات و ڕایدەگەیەنێت، “دامودەزگا ئەمنیەكان بەشێوازێكی سەركوتكەرانە وەڵامیان دانەوە، كە لە ڕەفتاری دەزگاكانی بەعسی ڕووخاو دەچێت”.

ئەنجوومەنی سەرتاسەری مامۆستایانی ناڕازی بەیاننامەیەكی بڵاوكردەوە و ڕایگەیاندووە، ئەمڕۆ لەكاتێكدا خەڵك و مامۆستایان لە خراپترین دۆخی ئابوریدان، مامۆستایان و فەرمانبەرانی دهۆك لەخۆپیشاندانێكی مەدەنیدا بوێرانە دژایەتی خۆیان بۆ ستەم و بێ مووچەیی دەربڕی.

ڕاشیگەیاندووە، “دامودەزگا ئەمنیەكان بەشێوازێكی سەركوتكەرانە وەڵامیان دانەوە، كە لە ڕەفتاری دەزگاكانی بەعسی ڕووخاو دەچێت”.

ئەنجوومەنی سەرتاسەری مامۆستایانی ناڕازی داوای دەستبەجێ ئازادكردنی دەستگیركراوانی خاوەن هەڵوێستی مەردانەی پارێزگای دهۆك دەكەن.

ئەمەی خوارەوەش دەقی بەیاننامەكەیە:

بەیاننامەی ئەنجومەنی سەرتاسەری مامۆستایانی ناڕازی
مامۆستایانی سەربەرز
هاوڵاتیانی هەرێمی كوردستانان
ئەمڕۆ مامۆستایان و هاوڵاتیانی خاوەن هەڵوێستی پارێزگای دهۆك، مەردانەو بوێرانە هەڵوێستی خۆیان دژی ستەم و بێ موچەیی دەربڕی و خۆپیشاندانێكی مەدەنیان ڕێكخست، بەڵام بەداخەوە دەسەڵاتدارانی هەرێم زۆر نابەرپرسانە و بەشێوازی دەسەڵاتە سەركوتكەرەكان وەڵامیان دانەوە و ژمارەیەكی زۆری مامۆستا و چالاكوانیان دەستگیركرد، ئەمە لە كاتێكدایە كە خەڵك و مامۆستایان لە خراپترین دۆخی ئابوریدان .
بۆیە ئێمە لە ئەنجومەنی مامۆستایانی ناڕازی بەتوندی ئیدانەی ئەم ڕەفتارانە دەكەین كە دووبارەكردنەوەی ڕەفتاری دەزگاكانی بەعسی ڕووخاوە، كە بەداخەوە دیارە نەبوەتە وانەیەك بۆ ئەم دەسەڵاتەش
لێڕەوە داوای دەستبەجێ ئازادكردنی دەستگیركراوانی خاوەن هەڵوێستی مەردانەی پارێزگای دهۆك دەكەین ، پێویستە دەسەڵاتداران لە جیاتی دەستگیركردن و سەركوتكردن هەوڵی چارەسەركردنی گرفتەكان بدەن ، چونكە دواجار ئەوە دەسەڵاتەستەمكارەكانن لەناو دەچن نەوەكو خەڵك
لە كۆتایدا دەڵێین
خۆشبەختانە ناڕەزایی گەشتۆتە گشت كونجێكی ئەم هەرێمە و ئەمەش نیشانەی قۆناغێكی نوێی نارەزاییەتیە و كۆتایی هاتنی دەسەڵاتی ستەمكاریە
ئەنجومەنی سەرتاسەری مامۆستایانی ناڕازی
16/5/2020

کوردستان

لە سبەینێوە كێشەی بێ ئاوی زۆر شوێنی سلێمانی چارەسەر دەبێت
پارێزگاری سلێمانی: بەشێكی گرنگی وێستگەی ئاوی سەرچنار خرایەوەگەڕ


خەڵك – بەشی هەواڵ

پارێزگاری سلێمانی ڕایدەگەیەنێت: دوای تەرخانكردنی بودجەی فریاگوزاری لەلایەن حكومەتی هەرێمی كوردستان و وەزارەتی داراییەوە بەشێكی گرنگی وێستگەی ئاوی سەرچنار خرایەوەگەڕ.

هەڤاڵ ئەبوبەكر پارێزگاری سلێمانی لە لاپەڕەی فەڕمی خۆی لە تۆڕی كۆمەڵایەتی فەیسبوك نووسیویەتی:” بەسوپاسەوە؛ بەهیممەتی مەردانەی بەڕێوەبەر و ئەندازیار و تەكنیكار و كارمەندانی دڵسۆزو خۆنەویستی بەڕێوەبەرێتیی ئاوی سلێمانی و وێستگەی ئاوی سەرچنار،‎ دوای جیاكردنەوە و ڕاگرتنی ئەو بەشانەی زیانیان بەركەوتووە دەست بە چاكردنەوەی بۆری سەرەكیی گواستنەوە و دابەشكردنی ئاوی سلێمانی كرا.

پارێزگاری سلێمانی ئاماژەی بەوەشداوە:” بەشێوەیەكی كاتیی و بۆ ئەوەی هاووڵاتیان بێئاونەبن بۆ ماوەیەكی درێژ، جوامێرانە بەشێكی گرنگیی وێستگەكەیان خستەوەگەڕ و لە سبەینێوە كێشەی زۆر شوێنی سلێمانی چارەسەر دەبێت و دوای تەرخانكردنی بودجەی فریاگوزاریش لەلایەن حكومەتی هەرێمی كوردستان و وەزارەتی داراییەوە كەلەلایەن پارێزگاری سلێمانییەوە داواكراوە، هەوڵی چارەسەركردنی تەواوی شكان و خستنەوەگەڕی وێستگە و هێڵەكان دەدرێت”.

بەردەوام بە لە خوێندنەوە

کوردستان

داوای لێبوردن و پێدانی مۆڵەتی درێژخایەن بۆ زیندانیان دەكرێت


خەڵك – بەشی هەواڵ

ڕێكخراوێك داوا لە سەرۆكایەتییەكانی هەرێمی كوردستان دەكات، بۆ ڕێگریكردن لە ڕوودانی كارەسات لە زیندانەكان بەهۆی زۆربوونی ڤایرۆسی كۆرۆنا بڕیار لە لێبوردن و مۆڵەتی درێژخایەن بۆ زیندانیان بدرێت.

ڕێكخراوی دیداری ئاشتی بۆ مافی مرۆڤ لە ڕاگەیەنراوێكدا ڕایدەگەیەنێت: ڕۆژانە چاودێری ڕەوشی زیندانیانمان كردووە بەداخەوە ڤایرۆسی كۆڕۆنا لە ناو زیندانیان بڵابووەتەوە مەترسی و دڵەڕاوكێ خستووەتە نێو زیندانیان و كەسوكارەكانیان بۆیە داواكارین لێتان كاری ئەم لیژنەیەی لە لایەن سەرۆكی حكومەتە پێكھات بۆ لێبوردنی تایبەت بە زیندانیان خێرا بكرێت و ھەرچی زووە بخرێتە بواری جێبەجێكردن و یاسایی تایبەتیش بە بەكارھێنەرانی ماددەی ھۆشبەر بخرێتە بواری جێبەجێكردن بۆ ھەرجی زووە ڕێگری كردن لە كارەسات لە زیندانەكان بەھۆی زۆربوونی ڤایرۆسی كۆرۆنا.

 

دەقی ڕاگەیەنراوەكە:

بۆ بەڕێزان

-سەرۆكایەتی ھەرێمی كوردستان

-سەرۆكایەتی پەرلەمانی ھەرێمی كوردستان

-سەرۆكایەتی حكومەتی ھەرێمی كوردستان

-سەرۆكایەتی مافی مرۆڤی ھەرێمی كوردستان

-سەرۆكایەتی داواكاری گشتی ھەرێمی كوردستان

-سەرۆكایەتی ئەنجومەنی دادوەری ھەرێمی كوردستان

بابەت-لێبوردن و مۆڵەتی درێژخایەن بۆ زیندانیان

پاش ئەوەی وەكو ڕێكخراوی دیداری ئاشتی بۆ مافی مرۆڤ ڕۆژانە چاودێری ڕەوشی زیندنیانمان كردووە بەداخەوە ڤایرۆسی كۆڕۆنا لە ناو زیندانیان بڵابۆتەوە مەترسی و دڵەڕاوكێ خستۆتە نێو زیندانیان و كەسوكارەكانیان بۆیە داواكارین لێتان كاری ئەم لێژنەیەی لە لایەن سەرۆكی حكومەتە پێكھات بۆ لێبوردنی تایبەت بە زیندانیان خێرا بكرێت و ھەرچی زووە بخرێتە بواری جێبەجێكردن و یاسایی تایبەتیش بە بەكارھێنەرانی مادەی ھۆشبەر بخرێتە بواری جێبەجێكردن بۆ ھەرجی زووە ڕێگری كردن لە كارەسات لە زیندانەكان بەھۆی زۆربوونی ڤایرسی كۆڕۆنا.

 

لەگەڵ ڕێزمان…

ڕێكخراوی دیداری ئاشتی بۆ مافی مرۆڤ

٠٧٥٠٧٢١٧٨٠٠

بەردەوام بە لە خوێندنەوە

کوردستان

سەیدسادق.. تووشبوویەكی تری كۆرۆنا گیانی لەدەستدا


خەڵك – بەشی هەواڵ

لێپرسراوی ڕاگەیاندنی قائیمقامیەتی سەیدسادق ڕایگەیاند: توشبوویەكی تر بە ڤایرۆسی كۆرۆنا گیانی لەدەستدا.

تەها ئەحمەد لێپرسراوی ڕاگەیاندنی قائیمقامیەتی سەیدسادق بە (تۆڕی میدیایی خەڵك)ی ڕاگەیاند: ئەو تووشبووەی گیانی لەدەستداوە پیاوێكی تەمەن 40 ساڵە و دانیشتووی شارۆچكەی سەیدسادقە و پاش چەند ڕۆژێك داخڵ بوون و خەواندنی لە نەخۆشخانەی سلێمانی گیانی لەدەستدا.

لێپرسراوی ڕاگەیاندنی قائیمقامیەتی سەیدسادق ئەوەشیخستەڕوو: ئەمە دەیەمین حاڵەتی گیان لەدەستدانە بە ڤایرۆسی كۆرۆنا لە سنووری شارۆچكەكەیاندا.

بەردەوام بە لە خوێندنەوە

کوردستان