ئێمە لە تۆرە کۆمەڵایەتیەکان

کوردستان

پەیوەندی بە كۆرۆناوە هەیە
تەندروستی كەركوك پەیامێك بۆ هاووڵاتیان دەنێرێت

خەڵك- بەشی هەواڵ
بەڕێوەبەری تەندروستی كەركوك پەیامێك بۆ هاووڵاتیان دەنێرێت و داوایان لێدەكات پابەندی 8 ڕێنمایی بن، تا بەدووربن لە توشبوون بە ڤایرۆسی كۆرۆنا.

ئەمڕۆ هەینی زیاد خەڵەف، بەڕێوەبەرى گشتی تەندروستی كەركوك بە وەكالەت، لە بەیاننامەیەكدا ڕایگەیاند”وڵات بە قۆناغێكی سەختدا تێدەپەڕێت و ژمارەی تووشبوانی كۆرۆنا لە پارێزگەكانی تر ڕوو لە زیادبوونە، ئێمە جیاكراوەنیین لەوانی تر، بۆیە دەبێت ئەوە بزانیین كە نەخۆشییەكە لە هەموو شوێنێك هەیە و تائێستاش چارەەسەرێك و ڤاكسینێكی كاریگەر بۆ ئەو نەخۆشییە نەدۆزراوەتەوە، تاكە چەك كە لەدەستماندا بێت، بۆ بەرەنگاربوونەوەی نەخۆشییەكە و زاڵبوونه بەسەریدا، یەكخستنی هەوڵەكان و خاوكردنەوەی بڵاوبوونەوەیەتی دوای ئەوەی ڕێگرییەكان بونە ئەستەم”.

بە وتەی زیاد خەڵەف”پابەندبوون بە ڕێنماییە تەندروستییەكان كە لەلایەن شانەی قەیرانەوە دەرچوون، لەڕێی قەدەغەی هاتووچۆ و مانەوە لە ماڵەكان و پابەندبوونە بە خۆدوورخستنەوە لەوانی تر بە ڕووبەری زیاتر لە مەترێك، بە تایبەت لە شوێنی كاركردن و كۆگا گشتییەكان”.

بەڕێوەبەری تەندروستی كەركوك داوای لە هاووڵاتیان كرد”خۆیان بەدووربگرن لە شوێنە قەرەباڵغەكانی وەك ئاهەنگ و پرسە و بۆنە كۆمەڵایەتی و ئاینییەكان، و پابەندبن بە بەستنی كەمامە لەكاتی چوونە دەرەوەیان لە ماڵەكان”.

زیاد خەڵەف، ئامۆژگاری هاووڵاتیان دەكات بە “پابەندبوون بە پاكوخاوێنی خۆیی و بە تایبەتیش شۆردنی دەستەكان و دەستنەبردن بۆ دەمووچاو و پاككردنەوەی تەوالێت و پاكوخاوێنی گشتی و دووركەوتنەوە لە ئاژەڵەكان و قەڵاچۆكردنی سەگە بەرەڵڵاكان”.

بەڕێوەبەری گشتی تەندروستی كەركوك، هۆشداریی دەدات لە پابەندنەبوون بەو ڕێنماییانە كە بە وتەی ئەو”داهاتوو ناكرێت پێشبینی بكرێت، ئەزموونی وڵاتی تر مزگێنی بەخش نیین و زەنگی هاتنەبەری كارەساتێكی تەندروستی لێدەدەن” داواشی لە خەڵكی كەركوك كرد”پابەندبن بەبڕیاری قەدەغەكردنی هاتووچۆ، بە تایبەتيش لەدوای ڕۆژووشكاندن”.

 

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان