ئێمە لە تۆرە کۆمەڵایەتیەکان

کوردستان

هەپەگە؛ ڤیدیۆی تێكشكانی شۆفڵێكی سوپای توركیا و كوژرانی كۆنترا بڵاودەكاتەوە


خەڵك – بەشی هەواڵ
هێزەكانی پاراستنی گەل ڕایدەگەیەنێت، هەنگاوی شۆڕشگێری جەنگی هەفتانین لە هەرێمی مەتینای سەر هەرێمەكانی پاراستنی میدیا بەردەوامە دەشڵێت،” لە چالاكیەكدا شۆفڵێكی هێزەكانی سوپای توركیا تێكشكێندرا و كۆنترایەكیش كوژرا”.

هێزەكانی پاراستنی گەل – هەپەگە لە ڕاگەیەنراوێكدا بڵاویكردەوە لە چوارچێوەی هەنگاوی شۆڕشگێری جەنگی هەفتانین، كە لە هەرێمی مەتینای سەر هەرێمەكانی پاراستنی میدیا بەردەوامە، ڕۆژی ٢٣ی نیسان لە كاتژمێر 3:15 خولەك هیزەكانیان لە دژی سوپای توركیا لە ناوچەی نێوان دەریی داوەتیا و شەهید شێخمووس چالاكیەكیان ئەنجامدا.

ڕاشیگەیاندووە، لەو چالاكیەدا شۆفڵێكی هێزەكانی توركیا تێكشكێندرا و كۆنترایەكیش كوژرا، یەكینەكانیشيان كە چالاكیەكەیان ئەنجامداوه بە سەلامەنی گەڕانەوە ناوەندەكانی خۆیان.

لینكی ڤیدیۆكە :

کوردستان

تووشبوویەکی کۆرۆنا لە سلێمانی گیانی لە دەست دا


خەڵك – بەشی هەواڵ
ئەمڕۆ یەک شەممە، تووشبوویەکی دیکەی کۆرۆنا کە نە خۆشی درێژخایەنی هەبووە، لە سلێمانی گیانی لە دەست دا.

د. ئازاد ھەورامی بەڕێوبەری نەخۆشخانەی شەهید تاهیر عەلی والی بەگ ڕایگەیاند بەرەبەیانی ئەمڕۆ پیاوێکی تەمەن 69 ساڵ کە نەخۆشی درێژخایەنیشی هەبووە، بە ھۆی كۆرۆنا گیانی لە دەست دا.

بە پێی ئامارە فەرمییەکانی وەزارەتی تەندروستی تا ئێستا 241 تووشبووی کۆرۆنا لە هەرێمی کوردستان گیانیان لە دەست داوە کە 208یان لە سلێمانی بوون.

بەردەوام بە لە خوێندنەوە

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان

خشتەی تاقیكردنەوەكانی 12ی ئامادەیی و خوێندنی ئیسلامی و پیشەیی بڵاوكرایەوە


خەڵك – بەشی هەواڵ

وەزارەتی پەروەردەی حكومەتی هەرێمی كوردستان خشتەی تاقیكردنەوەكانی پۆلی 12ى ئامادەیی بۆ هەردوو قۆناغی زانستی و وێژەیی و خوێندنی ئیسلامی و پیشەیی بڵاوكردەوە، بە گوێرەی خشتەكەش تاقیكردنەوە وەزارییەكان شەممەی داهاتوو 11ی تەمووز دەستپێدەكەن و 5ی ئاب كۆتا تاقیكردنەوە دەكرێت.

وەزارەتی پەروەردەی هەرێمی كوردستان لە ڕاگەیەنراوێكدا ئەوەیخستەڕوو، خولی یەكەمی تاقیكردنەوەكانی پۆلی 12ی ئامادەی بۆ هەردوو بەشی زانستی و پیشەیی و هەروەها خوێندنی ئیسلامی و پیشەیی لە ڕۆژی شەممەی داهاتوو 11ی تەمووز دەستپێدەكات و ڕۆژی 5ی ئاب تاقیكردنەوەكان كۆتایی پێدێت.

 

 

بەردەوام بە لە خوێندنەوە

کوردستان