ئێمە لە تۆرە کۆمەڵایەتیەکان

ئابوری

مەلا بەختیار؛ كوردستان لەڕووی ئابووریەوە گەیشتۆتە بنبەست

خەڵك – بەشی هەواڵ

ئەندامێكیئەنجومەنی باڵای سیاسی و بەرژەوەندی یەكێتی نیشتمانی كوردستان ڕایدەگەیەنێت ، وەك پێشتر لە كۆبونەوەكان باسمان كرد سیاسەتی ئابووری حكومەت هەڵەیە، ژێرخانمان لاوازە و دابەشكردنی دەیان هەزار پارچە زەوی ‌و دامەزراندنی سەدان هەزار كەس بەبێ‌ نەخشە، كوردستانی دووچاری قەیران‌ و هەرەسی دارایی دەكات.

مەلا بەختیار، ئەندامی ئەنجومەنی باڵای سیاسی و بەرژەوەندی یەكێتی نیشتمانی كوردستان لە هەژماری تایبەتی خۆی لە فەیسبوك ڕایگەیاندووە، ئێستا كوردستان لەڕووی ئابووریەوە گەیشتۆتە بنبەست، حكومەتێك دوای (29) ساڵ حوكمڕانی نەتوانێت‌ مووچە دابین بكات، هۆیەكەی تەنها ئەوە نییە بەغداد پارە نادات ، لەبنچینەدا هەڵەكان لەهەناوی سیاسەتی ئابووری حكومەتدا لە كابینەی یەكەمەوە تا دوا كابینە پەنگی خواردووە.

دەشڵێت ،”داهاتی كوردستان لەدوای نەوت بەرامبەر خۆراك، زیادی كردووە و بازاڕ بوژاوەتەوە و باجی كەلوپەلی هاوردە و باج زۆرترە (پێش كۆرۆنا)، كەچی، دەبینرێ‌، لەدوای ڕوخاندنی بەعسەوە، كە (17%-15%)ی بودجە هەبووە، مووچە هەبووە، نەوتی كوردستانیش زیاتر لە (10) ساڵە دەفرۆشرێ‌، سەرەڕای ئەوەش، قەیران بیناقاقای گرتوین حكومەتەكانمان، بەدەست كێشەگەلێكەوە دەناڵێنێ”‌.

ڕاشیگەیاندووە، مادام لەم عیراقەدا حكومەتێكی دیموكراسی نییە ‌و لە ساڵانی ئایندەش نابێ‌، دڵنیابن، ڕێكەوتنی نوێش تا سەر بڕ ناكات ، ڕەنگە بەشێوەیەكی كاتیی بۆ ئەم مانگە و دوای ئەمەش، بەشێوەیەكی كاتیی بۆ چەند مانگێكی تریش كێشەی مووچە چارەسەر بكرێت، بەڵام هەمیشە مەترسی ئابووری ‌و سیاسیەكانی عیراقمان لەسەر دەبێت.

چارەسەری بوێرانەی
قەیرانی كوردستان، یان لێقەومان؟
مەلا بەختیار
لەسەردەمی كابینەی شەشدا، لە كۆبونەوەیەكدا، یەكێتی‌و پارتی، بەیٔامادەبونی سەرۆك وەزیران (د.بەرهەم)‌و وەزیری دارایی (بایز تاڵەبانی) هەردوو مەكتەبی سیاسی لە سەرۆكایەتی حكومەتدا، لەسەر قەیرانی دارایی كۆبوبوینەوە. باسی یٔاستەنگە داراییەكان دەكرا. من هێندەم وت:
سیاسەتی یٔابوری حكومەت هەڵەیە. ژێرخانمان لاوازەو دابەشكردنی دەیان هەزار پارچە زەوی‌و دامەزراندنی سەدان هەزار كەس، بەبێ‌ نەخشە، كوردستان دوچاری قەیران‌و هەرەسی دارایی دەكات؛ هەروەكو پڵنگەكانی یٔاسیا. بایز تاڵەبانی گوتی: راست یٔەكات.. باقی یٔامادەبوان، كەوتنە بیركردنەوە لە چارەسەرو پرسیاركردن!
یٔێستا كوردستان، لەڕووی یٔابوریەوە گەیشتۆتە بنبەست. حكومەتێك دوای (29) ساڵ حوكمڕانی نەتوانێ‌ موچە دابین بكات، هۆیەكەی تەنها یٔەوە نییە، بەغداد پارە نادات. تەنانەت یٔەوەش هەڵەیە هۆكارەكەی لەوەدا ببینرێ‌، كوردستان (250) هەزار بەرمیل نەوتی ناردووە یان نەناردووە بۆ بەغداد. لەبنچینەدا هەڵەكان لەهەناوی سیاسەتی یٔابوری حكومەتدا لە كابینەی یەكەمەوە تا دوا كابینە پەنگی خواردووە. پەرلەمانیش، بەدرێژایی خولەكانی، نەیتوانیووە لەكێشەو قەیرانی حكومەتەكان بپێچێتەوە. بیرمان نایەت، هەتا (1997) كە نەوت بەرامبەر خۆراك سەریگرت، خۆ كوردستان، دینارێكی لە عێراق وەرنەدەگرت.. كەچی چەند ساڵێك موچەش هەر دەدرا.
داهاتی كوردستان، لەدوای نەوت بەرامبەر خۆراك، زیادی كردووەو بازاڕ بوژاوەتەوەو باجی كەلوپەلی هاوردەو باج زۆرترە (پێش كۆرۆنا). كەچی، دەبینرێ‌، لەدوای روخاندنی بەعسەوە، كە (17%-15%)ی بودجە هەبووە، مووچە هەبووە، نەوتی كوردستانیش زیاتر لە (10) ساڵە دەفرۆشرێ‌، سەرەڕای یٔەوەش، قەیران بیناقاقای گرتوین. حكومەتەكانمان، بەدەست كێشەگەلێكەوە دەناڵێنێ‌. لەوانە:
یەكەم: سیستەمی حوكمڕانی، نەكراوەتە سیستەمێكی هاوچەرخی سەردەمی جیهانگیری-یٔینتەرنێت.
دووەم: دەستوری هەمیشەیی گەلپەسەند لەكوردستاندا، نییە.
سێهەم: ژێرخانی یٔابوری، تا یٔێستاش، پشت بە داهات‌و بەرهەمی دەرەوە دەبەستێ‌.
چوارەم: حیزبایەتی‌و پشك پشكێنە، سەپێنراوەتە سەر پەرلەمان‌و حكومەت.. هەتا دوا پۆست‌و پلە.
پێنجەم: بیروكراسیەت‌و مشەخۆری، بونەتە مێمڵی خوێنبەرەكانی حكومەت.
شەشەم: گەندەڵی، نەك چارەسەر نەكراوە، بەڵكو خەریكە چینی گەندەڵ پێكدێ‌ لە: كۆمپانیای نهێنی، سەرانە سەندن، هێزی چەكداری گەندەڵپارێزی، كۆنترۆڵكردنی گومرگەكان، دزین‌و هەراجكردنی نەوت، بەرتیل وەرگرتن، دەستەگەری حیزبی-یٔابوری. لوشینی سەدان ملیۆن دۆلاری مانگانەی شیرینی نەوت، خۆپەرستی‌و هەلپەرستی، گوێنەگرتن لە رەخنەو غروری سیاسی‌و دەسەڵاتخوازی..تاد.
حەوتەم: دیفاكتۆی دوو دەڤەریش، بەهۆی لاوازی متمانە، قوڵنەكردنی پەیوەندی حیزبایەتی، بەدینەهێنانی هاوسەنگی‌و نەبونی دەستوری گەلپەسەندەوە، هۆكاری دوو هێزین..
سەرەڕای یٔەو راستیانە، جەخت دەكەینەوە كەوا:
سەرباری هەموو ناكۆكیەكان، هەموان پێویستە یٔەو راستییە بزانن، هەموو لایەك، لەناو یەك پاپۆڕدان. شەپۆل‌و زریان.. خەریكە هەڵدەكەن. لەكاتێكی وادا، یٔۆباڵێكی گەورەیە، بە بیانوی لاوەكی، كۆبونەوەی سەرەكی دوابخرێ‌. نەك پێویستە كۆبونەوەكان لەنێوان لایەنە سەرەكی‌و لایەنەكانی دیكەدا بكرێ‌، بەڵكو دەبێ‌ هەموو لایەكیش یٔامادە بێ‌، دان بە هەڵەو كەمتەرخەمیەكانی خۆیدا بنێ‌. كەمترین یٔامادەییش بۆ چارەسەری كێشەكان، رەخنە لەخۆگرتنی لایەنەكانە. رەخنەی راستگۆیانە.. نەك پینەوپەڕۆ. یٔینجا دەشبێ‌، بیر لە پرۆژەی هاوبەشی چارەسەركردنی كێشەكان بكرێتەوە. پرۆژەیەكی هەمەلایەنە، كە لە چارەسەركردنی قەیرانی یٔابورییەوە دەستپێبكات، هەتا دەگاتە چارەسەری ریشەیی كێشەی حیزبەكان.. لەسەر بنەمای هاوسەنگی‌و دادپەروەری‌و.. بەهێزكردنی حكومەت، بە كەسانی تەكنۆكرات، پسپۆڕ، راوێژكاری هەرە شارەزا.
مەخابن، یٔەو كێشە یٔابوری، سیاسی، پەیوەندی لایەنەكان، گەندەڵی‌و فرە لەشكری..تاد لەناو پەرلەمانیشدا بەردەوام رەنگی خراپی داوەتەوە. هەموو یٔەو كێشانە، بەربەستن لەبەردەم كاراكردنی پەرلەمان چاودێری حكومەت بكات. پەرلەمانێكیش نەتوانێ‌ چاودێری حكومەت بكات، پەرلەمانەكە لاواز دەبێ‌‌و حكومەتەكەش، لەناو كێشەكانیدا نوقم دەبێ‌.
تكایە، پشتی تەواو بە پشكی حكومەت مەبەستن. مادام لەم عێراقەدا حكومەتێكی دیموكراسی نییە‌و لە ساڵانی یٔایندەش نابێ‌، هەڵبەتە دەستوریش سەروەر نابێ‌، كەواتا: دڵنیابن، رێكەوتنی نوێش، تا سەر بڕ ناكات. گریمان بەشێوەیەكی كاتیی بۆ یٔەم مانگەو دوای یٔەمەش، بەشێوەیەكی كاتیی بۆ چەند مانگێكی تریش كێشەی موچە چارەسەر كرا، ژێرخانی یٔابوری كوردستان وا شێواو بێت‌و دۆخی سیاسیشی بەم چەشنە بمێنێتەوە، لەم عێراقەو لەم یٔیقلیمەدا، هەمیشە مەترسیە یٔابوری‌و سیاسیەكانمان لەسەرە. بۆیە دەستەبەری راستەقینە، تەنهاو تەنها گۆڕینی سیاسەتی یٔابوری‌و گۆڕانكاری سیستەكی حوكمڕانی‌و پەرلەمانێكی كارای چاودێری راستەقینەی حكومەتە. كە یٔێستا هیچی یٔەوانە، نەك نابینرێن، بەڵكو خەریكە بارێكی بابەتی لە چارەسەركردن نەهاتوو دێتە یٔاراوە. لێكدانەوەی دەستەواژەی باری بابەتیش، واتا: حكومەت قەیرانەكانی پێ‌ چارەسەر نەكرێ‌‌و خەڵكیش چیكە بەرگەی قەیران‌و سیاسەتە هەڵەكانی حكومەت، نەگرێ‌. كە بەداخەوە، سەرەتاكانی دیاردەی باری بابەتی، چ سەبارەت بە حكومەت‌و چ بێدەربەستی ناو خەڵك، دەركەوتووە. بۆیە لەبەرامبەر یٔەم دۆخەدا، یٔەگەر:
– ریزی هێزەكانی كوردستان‌و پەرلەمان‌و حكومەت تۆكمە نەكرێ‌.
– دیاردە دزێوەكان چارەسەری ریشەیی نەكەن. بە دادگایی كردنی گەندەڵكارانیشەوە.
– سیستەم پێش نەخەن‌و یاسا سەروەر نەكرێ‌..
– دەستور نەنوسرێ‌‌و حكومەتی توانامەند دانەمەزرێ‌..
بەدڵنیاییەوە، نەك لەكوردستاندا، بەڵكو لە بەغدادیشدا، حكومەتی هەرێم پێگەی لاوازو لەسەر یٔاستی دونیاشدا، متمانە لەدەست دەدات. لە ناوخۆشدا، یٔەگەر خەباتی مەدەنی فراوان سەرهەڵنەدات، لە هەڵبژاردندا، لایەنەكان باجەكەی بەقورسی دەدەن.
یٔەگەر یٔێستا، حیزبەكان‌و پەرلەمان‌و حكومەتی كوردستان وەخۆیان نەكەوون، رەنگە، دۆخی یٔەوتۆ بێتەپێشەوە، یٔەم هەلەش لەدەست بدەن.
بایٔەوەش بڵێین، یٔەم كێشانە، تەنها، بە هێنانەیٔارای لامەركەزی چارەسەر ناكرێ‌، كە باسی لامەركەزیەت، دیسان زەق كراوەتەوە. سەیرەكە لەوەدایە، هەموو لایەك دەڵێن: لەساڵی (2009)وە، بڕیاری لێدراوە. هەموو لایەكیش دەڵێن: یەكەمین جار یٔێمە بیرمان لێكردۆتەوە. كەواتا: یٔەی بۆ تا یٔێستا، جێبەجێ نەكراوە؟ یٔێستاش نەچوە بچێت، با لامەركەزیەت جێبەجێ بكرێت. بەڵام بەدڵنیاییەوە، دوای لامەركەزیەتیش، كێشە قوڵەكانی یٔابوری‌و سیاسی‌و سیستەمی حوكمڕانی، بە شێوە و شێوازی تر، درێژەیان دەبێ. چونكە ژێرخامان وێرانەو سیستەممان شێواوەو دەستورمان نییەو پەرلەمانێكی كارای چاودێر لاوازە.
لەم كاتەدا مۆتەكەی دوو یٔیدارەیی باس دەكرێتەوە. بێگومان دوو یٔیدارەیی ماڵوێرانییە بۆ هەرێمی كوردستان. بەڵام ناكرێ‌ بەپاساوی مەترسی دوو یٔیدارەییش، دەسەڵاتی پتری پارێزگاكان، دوابخرێ‌.
چارەسەری كێشە گەورەكان، پیاوی گەورەو یٔازایەتی گەورەی دەوێ‌. لەكوردستاندا.. دەرس‌و پەندی گەورەمان هەیە. سەركردەی خاوەن یٔەزمونی زۆرمان هەیە.. (29) ساڵیشە راپەڕین سەركەوتووە.. كیشەو قەیران، هەمیشە رویداوەو بەردەوامیش رودەدات. گرنگ یٔەوەیە، یٔەزمونەكە دەرباز بكرێ‌‌و نەكرێتە قوربانی قوڵكردنی كێشەی لاوەكی. دڵنیام، یٔەمجارە، كێشەی حیزبەكان بتەقێتەوە، یان حكومەت نەتوانێ‌ كێشەی خەڵكەكە چارەسەر بكا، گەل یٔەمجارە لێمان نابورێ‌!!
تێبینی: لە سێ‌ شەوی رابوردودا، تەلەفزیۆنی روداو، سێ‌ بەشی بەرنامەیەكی لەسەر چارەسەركردنی كێشەی حكومەت لە بەرنامەی (روداوی تۆ- هیوا جەمال)دا، لەگەڵ دۆستان: 1-د.دڵشاد عەبدولرەحمان. شوان محەمەد 3-د.هەردی مەهدی.. پێشكەش كرد. د.دڵشاد لە میانی قسەكانیدا وتی: خۆم وەزیر‌و لە لیژنەی نەوت‌و گرێبەستەكانیشدا بوم. سێ‌ ملیار دۆلار شیرینی لە كۆمپانیاكان وەرگیراوەو دراوەتە حیزبەكان، نەدراوەتە حكومەت!

ئابوری

عیراق، هەناردەكردنی نەوت بۆ ئەردەن دەستپێدەكاتەوە

خەڵك- بەشی هەواڵ
ئەمڕۆ پێنج شەممە، هەناردەكردنی نەوتی عیراقی بۆ ئەردەن دەستیپێكردەوە، ئەمەش دواى ڕاگرتنی هەناردەكردن بەهۆی دابەزینی نرخی نەوت لە ئاكامی بڵاوبوونەوەی كۆرۆنا كە سێبەری خۆی بەسەر ئابورییەكانی جیهاندا كێشا.

ئاژانسی (عیون) لە زاری سەرچاوەیەكی ئاگادار لە وەزارەتی وزە و سامانی كانزایی ئەردەنی بڵاویكردەوە”ڕێكەوتنی كۆتایی كراوە لەنێوان هەردوو لایەنی ئەردەنی و عیراقی بۆ دەستپێكردنەوەی هاوردنی نەوت”.

بەگوێرەی زانیارییە ڕۆژنامەوانییەكان، تەنكەرە نەوتهەڵگرەكانی عیراق لە شوێنی باركردن ڕاوەستاون و چاوەڕوانی پڕكردنی تەنكەرەكان دەكەن، تا بۆ ئەردەنی بگوازنەوە.

پێشتر هانی زواتی وەزیری وزە و سامانی كانزایی ئەردەنی ڕایگەیاندبوو، هاوردەكردنی نەوتی عیراقی لەماوەی دوو ڕۆژی داهاتوودا دەستپێدەكاتەوە.

بە وتەی زواتی، بەهۆی دابەزینی نرخی نەوت، هاوردنی نەوتی عیراقی ڕاوەستابوو، لەنێوان هەردوولاشدا ڕێكەوتن لەسەر دواخستنی هاوردەكردن كرابوو.

وەزیری وزە و سامانە كانزاییەكانی ئەردەن دەڵێت”ئەردەن ڕۆژانە 10 هەزار بەرمیل نەوت لە عیراقەوە هاوردە دەكات، ئەمەش لەكاتێكدایە كە لە شانشینی هاشمی 150 هەزار بەرمیل نەوت بەكاردەبرێت، بۆیە ئەو بڕەی لە عیراقەوە هاوردە دەكرێت، بە 7%ی نەوتی هاوردە بۆ ئەردەن دادەنرێت”.

بەردەوام بە لە خوێندنەوە

ئابوری

“ئێران زۆرترین چاپی دراوی خۆی کردووە و زۆرێکی لەسلێمانى و هەرێمی کوردستان ساغکردۆتەوە”

خەڵک – نزار جەزا

 

بەهۆی دابەزینی بەهای تمەنی ئێرانی، بەشێک لەهاوڵاتییان  لەهەرێمی کوردستان ڕوویان لەکڕینی دراوی ئێرانی کردووە، پسپۆڕێکی دارایی و ژمێریاریش پێی وایە،ئێران زۆرترین چاپی دراوی خۆی کردووە و زۆرێکی لە هەرێمی کوردستان  و بەتایبەت لەسلێمانى ساغکردۆتەوە. پێداگیری لەئەوەشکرد، کە ئەم ئاڵوگۆڕە بۆ هاوڵاتییانی هەرێمی کوردستان کارێکی باش نییە و زیانی زۆری لێ دەکەن، چونکە ئێران وڵاتێکی سەقامگیر نییە.

 

نەبەرد کەریم، پسپۆڕی دارایی و ژمێریاری بە(خەڵک)ی ڕاگەیاند، ئاڵوگۆڕی دراو لەجیهاندا کارێکی ئاساییە، بەڵام ئەوەی گرنگە ڕێژەی ئاڵوگۆڕەکەیە، کە ئایا تا چەندێک دەبێتە هۆی کەمبوونەوەى بەهای دراوی ناوخۆی وڵاتەکە.

 

ئاماژەى بەئەوەشدا، دراوی ئێران بەراورد دراوی وڵاتانی دیکە تاکە دراوە، کە لەم چەند ساڵەى ڕابردوودا بەو شێوە زۆرە بەهاکەی لەدەستبدات و توووشی داڕمان بێت، تەنانەت لەمێژووی ئێرانیشدا نەبووە، کە لەماوەى مانگێکدا لەسەدا ٢٠ی بەهای دراوەکەی لەدەستبدات.

 

ناوبراو کە مامۆستای زانکۆشە، لەگەڵئەوەدا نییە، کە هاوڵاتییان بەم شێوە زۆرەی ئێستا ڕووبکەنە ئاڵوگۆڕی دراوی ئێرانی، چونکە ئێران وڵاتێکی ناسەقامیگرە و بەردەوام لەبەردەم گۆڕانکاریدایە، بەڵام ئەگەر هاوڵاتییەک لەهەرێمی کوردستان یۆرۆ یان دۆلار یان زێڕ بکڕێت کەمترین کات زیانی بەردەکەوێت، لەبەرئەوەی ئەو وڵاتانە سەقامگیری تیایە.

 

زیاتر ڕوونیکردەوە،  ئەگەر لەهەڵبژاردنی داهاتووی ئەمریکادا دووبارە ترامپ سەرکەوێت، ئەوا ئێران تووشی داڕمانێکی دیکە دەبێت، ئەوکاتەش هاوڵاتی توشی زیانێکی زۆر دەبێت.

 

وتیشی:” ئێران لەئێستادا زۆرترین چاپی دراوی خۆی دەکات و زۆرترین دراوی خۆی لەهەرێمی کوردستان و بەتایبەت لەسلێمانى ساغکردۆتەوە و لەبەرامبەردا دۆلار یان دراوی دیکەی وەرگرتووە”.

 

ئەوەشی خستەڕوو، هاوڵاتییان بەدوو شێواز تمەن دەکڕن و هەڵیدەگرن، یەکەم، چاوەڕێدەکەن کە پەیوەندی نێوان ئەمریکا و ئێران باشتر ببێتەوە و بەهای تمەن بەرزببێتەوە، دواتر تمەنەکە بفرۆشێتەوە. دووەم بەمەبەستی بازرگانى و پیشەسازی دەیکڕن، هەتا دراوی ئەو وڵاتانەى هەرێمی کوردستان بازرگانییان لەگەڵ دەکات بەهاکەی دابەزێت، هێندەش هەرێمی کوردستان قازانج دەکات، بۆ نمونە بازرگانانی کورد دەتوانن بەکەمترین پارە زۆرترین کاڵا بکڕن.

 

باسی لەئەوەشکرد، ئێستا لەئێران باس لەوە دەکرێت کە سفرەکانی سەر دراوی ئێرانی لابەرن، ئەمەش ئەو هاوڵاتییانەى هەرێم کە دراوی ئێرانییان بۆ قازانج کڕیوە شۆک دەکات و تووشی کێشەى گۆڕینەوەی ئەو تمەنە دەبنەوە و گرەنتی نییە کە ئێران دووبارە ئەم دراوی ئێرانی لە هەرێمی کوردستان وەربگرێتەوە.

 

ئاماژەى بەئەوەشدا، تاکو ئیستا ئاماژەکان بۆئەوەن کە ئەگەر هاوڵاتییان زیاتر دراوی ئێرانی بکڕن، ئەگەری زیانیان زۆرە، بەڵام ئەگەر گۆڕانکارییەکی چاوەڕواننەکراو بێتە پێشەوە ڕەنگە قازانج بکەن.

 

دەشڵێت: بازاڕی ئاڵوگۆڕی دراو بازاڕێکی ئازادە، بۆیە پێویستە هاوڵاتی هۆشیاربێت و بزانێت چۆن مامەڵەبکات.

 

لەئێستادا بەهای ١٠٠ دۆلاری ئەمریکی بەکاش یەکسانە بە دوو ملیۆن و ٢٣٥ هەزار تومەن، بەڵام بە حەواڵە بەهاکەی دوو ملیۆن و ٤٣٠ هەزار تومەنە.

بەردەوام بە لە خوێندنەوە

ئابوری

بەهۆی هاککردنی کەسایەتییەکان پشکەکانی تویتەر لەسەدا ٤ دابەزی

خەڵک – بەشی هەواڵ

 

درەنگانی شەوی ڕابردوو ژمارەیەک ئەکاونتی کەسایەتییە جیهانییەکان لەتۆڕی کۆمەڵایەتى تویتەر لەلایەن هاککەرانەوە کرانە ئامانج، کە بووە هۆی دابەزینی لەسەدا ٤ی پشکەکانی کۆمپانیای تویتەر.

 

بەئامانجی بەبەهاکردنی دراوی بیتکۆین، ئەکاونتی ژمارەیەک کەسایەتی جیهان لەتۆڕی کۆمەڵایەتی تویتەر هاک کران، کە بەشێکیان بریتی بوون لە

(Billionaires Elon Musk, Jeff Bezos and Bill Gates  Barack Obama, Joe Biden and Kanye West).

 

پاش هاککردنی ئەو ئەکاونتانە، بابەتێکیان تێدا بڵاوکرایەوە، کە تێیدا ئەدرەسێک نوسراوە و داوا کراوە، کە هەر کەسێک چەندێک دراوی بیتکۆین بۆ ئەدرەسەکە بنێرێت، ئەوا لەبەرامبەردا دوو هێندەى بۆ دەنێرنەوە.

 

پاش ئەوەی هەواڵی هاککردنی بەشێک لەئەکاونتەکانی تویتەر بڵاوبۆوە،  پشكی تویته‌ر به‌ ڕێژه‌ی لەسەدا چوار دابەزی.

 

هاککەران لەم هەنگاوەیاندا هەوڵایانداوە ئەو ئەکاونتانە بەئامانجبگرن، کە ڤێریفایان وایە.

 

بیتكوین ( bitcoin ) دراوێكى نادیاره‌، لە ناو تۆڕەکانی ئینتەرنێتدا مامەڵەی پێوەدەکرێت و بوونێکی فیزیکی نییە، و هیچ وڵاتێک خاوەندارێتی ناکات.

بەردەوام بە لە خوێندنەوە

کوردستان