ئێمە لە تۆرە کۆمەڵایەتیەکان

کوردستان

یەكێتی و یەكگرتوو پتەوكردنی پەیوەندییەكانیان دووپاتدەكەنەوە
سەڵاحەدین محەمەد بەهائەدین: لایەنە سیاسییەكان كۆكن لەسەر لامەركەزییەت

خەڵك – بەشی هەواڵ

ئەمینداری گشتی یەكگرتووی ئیسلامی كوردستان ڕایدەگەیەنێت: لایەنە سیاسییەكان كۆكن لەسەر لامەركەزییەت كە لە بەرنامەی حكومەتی هەرێمی كوردستان جێگیركراوە.

وەفدێكی مەكتەبی سیاسی یەكێتیی نیشتمانیی كوردستان بە سەرۆكایەتی قادر عەزیز كارگێری مەكتەبی سیاسی سەردانی بارەگای یەكگرتوی ئیسلامی كوردستانی كرد لەشاری سلێمانی و لەلایەن سەڵاحەدین محەمەد بەهائەدین ئەمینداری گشتی یەكگرتوو پێشوازی لێكرا.

لەكۆبوونەوەیكدا قادر عەزیز جەختی لە گرنگیدانی سەكردایەتی نوێ یەكێتی بە توندوتۆڵكردنی پەیوەندییەكانی هەردوولا و سەرجەم هێز و لایەنە سیاسییەكان كردەوە و وتی:”یەكگرتوو هێزێكی گرنگە لەسەر گۆڕەپانی سیاسی دەبێت ڕێز لە دید و بۆچوونیان بگیرێت”.

قادر عەزیز ئاماژەی بەوەشدا:”لەپێناو بونیادنان و داڕشتنەوەی پەیوەندی دروست و پتەو و هاوچەرخ سەردانەكانمان بۆ لای سەرجەم هێز و لایەنە سیاسییەكان هەرێمی كوردستان و عیراق بەردەوامی دەبێت و لە داهاتوویەكی نزیكدا سەردانی لایەنەكانی تریش دەكەین، هاوكات، باسی لە بژێوی و ژیانی هاووڵاتیان كرد كەبەقوناغێكی سەختدا تێ دەپەڕێت، كەدەبێت یەكێتیی و سەرجەم پارت و لایەنە سیاسییەكان هێز و تواناكانیان یەك خەن بۆ چارەسەركردنی كێشە و دۆسیە هەڵپەسێراوەكانی نێوان هەولێر و بەغدا و بۆ بەدەستهێنان و زامنكردنی مووچە و بودجەی هەرێمی كوردستان”.

لایخۆیەوە، سەڵاحەدین محەمەد بەهائەدین ڕایگەیاند:”یەكگرتووی ئیسلامی پەیوەندییەكانی خۆی لەگەڵ یەكێتیی نیشتمانیی كوردستان پتەوتر دەكات و لە پەرلەمان و لە ئەنجومەنی نوێنەرانیش فڕاكسیۆنەكەیان پەیوەندییەكانی خۆی لەگەڵ فڕاكسیۆنی یەكێتی توندوتۆڵتر دەكات”.

سەڵاحەدین محەمەد بەهائەدین جەختی لەوەشكردەوە، هەموو لایەنەكان دەبێت پێكەوە كار بكەن بۆ چارەسەری كێشەكان و لایەنە سیاسییەكان كۆكن لەسەر لامەركەزیەت كە لە بەرنامەی حكومەتی هەرێمی كوردستان جێگیركراوە و خزمەت بە هەرێمی كوردستان و هاووڵاتیانی سەرجەم شارەكان دەكات.

کوردستان

هەپەگە؛لە هەفتانین و خواكورك و دێرسیم چالاكییان ئەنجامداوە و سێ سەرباز كوژرا

خەڵك – بەشی هەواڵ

ناوەندی ڕاگەیاندنی هێزەكانی پاراستنی گەل- هەپەگە ڕایدەگەیەنێت، لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامدا.

ئەمڕۆ ناوەندی ڕاگەیاندنی هێزەكانی پاراستنی گەل-هەپەگە لە ڕاگەیەنراوێكدا بڵاویكردەوە، لە دوو ڕۆژی ڕابردوودا لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامداوە و سێ سەرباز كوژرا.

 

دەقی ڕاگەیەنراوەكەی هەپەگە :
هەفتانین
گەریلاكانی یەژاستار لە چوارچێوەی هەنگاوی شۆڕشگێریی جەنگی هەفتانین، ڕۆژی ١٥ی ئەم مانگە كاتژمێر ٠٣:٥٠ خولەكی دوانیوەڕۆ، دژی سوپای تورك لە گردی شەهیدان چالاكیی نیشانشكێنیان ئەنجامدا، لەو چالاكییەدا سەربازێك كوژرا.

خواكورك
ڕۆژی ١٦ی ئەم مانگە كاتژمێر ٠٤:٠٠ی بەرەبەیان، هێزەكانمان لە چوارچێوەی هەنگاوی شۆڕشگێریی شەهید باگەڕ و شەهید ڕۆنیا-دا، لە گردی شەهید دەروێش دژی سوپای داگیركەری تورك چالاكییان ئەنجامدا، لە چالاكییەكەدا مۆڵگە و حەشارگەی دووژمن كرانە ئامانج، بەڵام ژمارەی كوژراو بریندارەكان ڕوون نەبووەتەوە.

دێرسیم
سوپای داگیركەری تورك لە نزیك گوندی چاكماكلی لە ناوچەی خۆزاتی دێرسیم بارەگایەك دروست دەكات، گەریلاكانی یەژاستار ڕۆژی ١٤ی ئەم مانگە كاتژمێر ٠٨:٠٠ی بەیانی دژی پاسەوانانی بارەگاكە چالاكییان ئەنجامدا، لەم چالاكییەدا دوو سەربازی دووژمن كوژران و دووی دیكەش برینداربوون، یەكینەكەمان بە سەلامەت گەڕایەوە شوێنی خۆی.

هێرشی ئاسمانیی
فڕۆكە جەنگییەكانی سوپای داگیركەری تورك، ڕۆژی ١٤ی ئەم مانگە كاتژمێر ٠١:٠٠ی بەرەبەیان ناوچەی خانتوری هەفتانین، ڕۆژی ١٥ی ئەم مانگە كاتژمێر ٠٥:٠٠ی ئێوارە ناوچەی بەكتۆریا و هەروەها ڕۆژی ١٥ی ئەم مانگەش كاتژمێر ١٠:٣٠ خولەكی شەو گردی ئامێدی لە ناوچەی ئامێدی سەربە دهۆك-یان بۆردوومانكرد.

بەردەوام بە لە خوێندنەوە

کوردستان

هەولێر؛دزێك دەستگیركرا كە ماددەی هۆشبەریشی بەكارهێناوە

خەڵك – بەشی هەواڵ
بەڕێوەبەرایەتیی پۆلیسی پارێزگای هەولێر ڕایدەگەیەنێت ، دوای كۆكردنەوەی زانیاری و بەدواداچوون كەسێكیان دەستگیركرد ، كە تۆمەتبارە بە دزینی 2 ماتۆڕسكیل، دەشڵێت،”لە ماڵەكەیدا دەست بەسەر ماددەی هۆشبەر و كەرەستەكانی بەكارهێنانی و جلوبەرگی سەربازی بە پلەی عەمید گیرا”.

بەڕێوەبەرایەتیی پۆلیسی پارێزگای هەولێر لە ڕاگەیەنراوێكدا ، كە وێنەیەكی دەست (خەڵك) كەوتووە ڕایگەیاندووە، تیمەكانمان دوای كۆكردنەوەی زانیاری و بەدواداچوون، لە ماوەی كاتژمێرێكدا لە گەڕەكی پۆلیسان كەسێكیان بە ناوی (س.ع) بە تۆمەتی دزینی 2 ماتۆڕسكیل دەستگیر كرد.

ڕاشیگەیاندووە، لە ماڵەكەیدا ماددەی هۆشبەر و كەرەستەی بەكارهێنانی ماددە هۆشبەرەكان و دەمانچەیەك و 2 ماتۆڕسكیلەكە و كۆمەڵێك فیشەك و هەندێك (جلوبەرگی سەربازی بە پلەی عەمید) دەستیان بەسەردا گیرا.

ئاماژە بۆ ئەوەشكراوە، تۆمەتباری ناوبراو بەپێی ماددە (446) لە یاسای سزادان بەند كرا و دۆسیەیەكی دیكەی سەربەخۆش لەسەر تۆمەتبار كرایەوە بەپێی ماددە (14)ی هۆشبەرەكان، لەبەر ئەوەی ماددەی هۆشبەری بەكارهێنابوو.

بەردەوام بە لە خوێندنەوە

کوردستان

تەقینەوەیەك لە كەركوك ڕویدا

 

خەڵك- بەشی هەواڵ

تەقینەوەیەك لە كەركوك ڕویدا و سەرچاوەیەكی ئەمنیش دەڵێت، ڕووداوەكە جگە لە زیانی ماددی، قوربانی لێنەكەوتۆتەوە.

دوانیوەڕۆی ئەمڕۆ پێنج شەممە، سەرچاوەیەكی ئەمنی لە شاری كەركوك ڕایگەیاند”تەقیتەوەیەك لە ناوەڕاستی شاری كەركوك و لە نزیك كۆلێژی یاساوە ڕویدا”.

بەوتەی سەرچاوەكە”تەقینەوەكە بەهۆی كەوتنەخوارەوەی گوللـەیەكی هاوەنەوە بووە لە نزیك كۆلێژی یاسا لە ناوەڕاستی كەركوك”، ڕەتیشكردەوە جگە لە زیانی ماددەی، ڕووداوەكە هیچ قوربانییەكی لێكەوتبێتەوە.

پێشتر سەرچاوەكان لە شاری كەركوك، ئاماژەیان بە تەقینەوەیەك كرد لە نزیك كۆلێژی یاسا لە شارەكە، بەبێ‌ ئەوەی زانیاریی لەبارەی سروشتی تەقینەوەكەوە بخەنەڕوو.

بەردەوام بە لە خوێندنەوە

کوردستان