ئێمە لە تۆرە کۆمەڵایەتیەکان

کوردستان

وردەكاری كۆبوونەوەی نێوان یەكێتی و یەكگرتوو بڵاوكرایەوە

خەڵك- بەشی هەواڵ
شاندێكی باڵای یەكێتی و یەكگرتووی ئیسلامی كۆبوونەوە و ئەمینداری یەكگرتووش دەڵێت: “جەخت لەسەر داخوازییە ڕەواكانی هاووڵاتیانی هەرێمی كوردستان بە گشتی و مووچەخۆران بەتایبەتی كرا”.

نووسینگەی ئەمینداری گشتی یەكگرتووی ئیسلامی كوردستان بڵاویكردەوە، “لەسەر داوای یەكێتی نیشتیمانی كوردستان دوا نیوەڕۆی ئەمڕۆ سێ شەممە 12ی ئایاری 2020، لە شاری سلێمانی، سەڵاحەدین محەمەد بەهائەدین، ئەمینداری گشتی یەكگرتوو بە ئامادەبوونی ژمارەیەك لە ئەندامانی ئەنجوومەنی جێبەجێكردن و سەركردایەتی پێشوازیان لە ژمارەیەك لە ئەندامانی مەكتەبی سیاسی و سەركردایەتی یەكێتی بە سەرۆكایەتی قادر عەزیز كرد”.

بەپێی ڕاگەیەنراوەكە، “لە دیدارێكدا گفتوگۆ دەربارەی بارودۆخی سیاسی هەرێمی كوردستان و عیراق و ناوچەكە و دوایین گۆڕانكارییەكان كرا و جەخت لەسەر داخوازییە ڕەواكانی هاووڵاتیانی هەرێمی كوردستان بە گشتی و مووچەخۆران بەتایبەتی كرا”.

ئاماژە بەوەشكراوە، پێویستە لایەنە بەشداربووەكانی حكومەتی هەرێمی كوردستان پابەندی بەڵێنەكانیان بن، كە پێشتر بە هاووڵاتیانی هەرێمی كوردستانیان داوە.

لای خۆشیانەوە لە كۆنگرەیەكی ڕۆژنامەوانیدا د. سۆران جەمال تاهیر، لێپرسراوی پەیوەندییەكانی یەكێتی ڕایگەیاند، ئاماەین بۆ گفتوگۆ لەگەڵ لایەنەكان و پەیوەندییەكانی خۆمان لەگەڵ لایەنەكان پتەوتر دەكەین.

وتیشی، “بژیوی هاووڵاتییان لە كارنامەی كۆبوونەوەكانی ئێمەدایە و لە هەوڵەكانماندا بەردەوام دەبین هەتا مووچە پاشەكەوت نەكرێت و دابەشبكرێت”.

کوردستان

تووشبوون بە كۆرۆنا لە ڕۆژێكدا 400 كەسی تێپەڕاند

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 404 حاڵەتی تووشبوون بە كۆرۆنا تۆماركراوە و 11 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٢٢٩٦ پشكنین ئەنجام دراوە و دەركەوتووە لە هەولیر ٢١٨ كەس و سلێمانی 35 كەس و لە گەرمیان ٢٩ كەس و دهۆك 101 و هەڵەبجە 21 كەس تووشی كۆرۆنا بوون.

ئاشكراشی كردووە، كە ١٦٠ كەس چاكبوونەوە و 11 كەسیش گیانیان لەدەستداوە.

بەردەوام بە لە خوێندنەوە

کوردستان

سبەینێ‌ لە سلێمانی گەڕەكێك بێ‌ كارەبا دەبێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ئاگاداری هاووڵاتیانی دانیشتووی گەڕەكی بەختیاری دەكات، كە سبەینێ‌ بەهۆی بەستنی پێوەری زیرەكەوە بێ‌ كارەبا دەبن.

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە، ئاگاداری دانیشتوانی گەڕەكی (بەختیاری) نزیك بەڕێوەبەرایەتی گشتی شارەوانیەكان، فیدەری (۱۹) دەكەین، سبەینێ پێنج شە‌ممە (6/8/2020) پێوەری زیرەكی كارەبایان بۆ دەبەسترێت.

دەشڵێت: “سبەینێ لە كاتژمێر (7 ی بەیانی بۆ 12ی نیوەڕۆ) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

جەختیشی كردۆتەوە، بەستنی پێوەرەكە بێ بەرامبەر و هیچ بڕە پارەیەك لە هاووڵاتی وەرناگیرێت و خەرجییەكەی لەسەر حكومەتە.

ڕوونیشی كردۆتەوە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

کوردستان

لە نزیك پردی كۆبانێ‌ ئۆتۆمبێلێك ئاگری گرت

خەڵك- بەشی هەواڵ
هاتووچۆی سلێمانی ڕایدەگەیەنێت، كە لە نزیك پردی كۆبانێ‌ ئۆتۆمبێلێك لە جۆری تایبەت ئاگری گرتووە، بەڵام زیانی گیانی نەبووە.

بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، ئێوارەی ئەمڕۆ چوار شەممە ئۆتۆمبێلێك لەجۆری شۆفرلێت بلایزەر، لەسەر شەقامی بازنەیی مەلیك مەحمود نزیك پردی كۆبانێ ئاگری گرت و سووتا.

ڕاشیگەیاندووە، زیانی گیان بەدواوە نەبووە، تەنها زەرەری ماددی بەر ئۆتۆمبێلەكە كەوتووە.

بەردەوام بە لە خوێندنەوە

کوردستان