ئێمە لە تۆرە کۆمەڵایەتیەکان

کوردستان

وێنە.. لەدەشتی مەخمور و چیای قەرەچوغ ئاگرێكی گەورە كەوتووەتەوە


خەڵك – بەشی هەواڵ

ئێوارەی ئەمڕۆ لەدەشتی مەخمور و چیای قەرەچوغ ئاگرێكی گەورە كەوتووەتەوە و بەهۆیەوە سەدان دۆنم دەغڵودان و پوش و پاوانی جوتیاران سووتاوە و بەهۆی بوونی تیرۆریستانی داعش لەناوچەكەش تیمەكانی بەرگری شارستانی ناتوانن بچنە ناوچەكە و ئاگرەكە كۆنتڕۆڵ بكەن.

بەپێی زانیارییەكانی (تۆڕی میدیایی خەڵك) لەئێستادا ئاگر لە دەغڵودان و پوش و پاوانی گوندەكانی (پیرداود، سوان، گەڕەسۆر، تاڵانیان) كەوتووەتەوە، بەهۆی ئەوەشی ناوچەكە چەكدارانی داعشی لێیە، هەتا ئێستا تیمەكانی ئاگركوژێنەوە نەچوونەتە ناوچەكە بۆ كوژاندنەوە و كۆنتڕۆڵكردنی ئاگرەكە”

هەر دوانیوەڕۆی ئەمڕۆ، چەكدارانی داعش ئاگریان لە دەغڵودانی جوتیارانی گوندی چوارگۆمانی سنووری شارۆچكەی مەخمور بەرداوە و نزیكەی چوار سەد دۆنم پوش و پاوان و پەنجا دۆنم جۆی جوتیارێك سووتا و جوتیارانی ناوچەكە خۆیان هەوڵی كوژانەوەی ئاگرەكەیاندا.

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان

خشتەی تاقیكردنەوەكانی 12ی ئامادەیی و خوێندنی ئیسلامی و پیشەیی بڵاوكرایەوە


خەڵك – بەشی هەواڵ

وەزارەتی پەروەردەی حكومەتی هەرێمی كوردستان خشتەی تاقیكردنەوەكانی پۆلی 12ى ئامادەیی بۆ هەردوو قۆناغی زانستی و وێژەیی و خوێندنی ئیسلامی و پیشەیی بڵاوكردەوە، بە گوێرەی خشتەكەش تاقیكردنەوە وەزارییەكان شەممەی داهاتوو 11ی تەمووز دەستپێدەكەن و 5ی ئاب كۆتا تاقیكردنەوە دەكرێت.

وەزارەتی پەروەردەی هەرێمی كوردستان لە ڕاگەیەنراوێكدا ئەوەیخستەڕوو، خولی یەكەمی تاقیكردنەوەكانی پۆلی 12ی ئامادەی بۆ هەردوو بەشی زانستی و پیشەیی و هەروەها خوێندنی ئیسلامی و پیشەیی لە ڕۆژی شەممەی داهاتوو 11ی تەمووز دەستپێدەكات و ڕۆژی 5ی ئاب تاقیكردنەوەكان كۆتایی پێدێت.

 

 

بەردەوام بە لە خوێندنەوە

کوردستان

ژووی ئۆپراسیۆنەكانی كەركوك ڕۆژانی یەك شەممە و دوو شەممەی كردە پشوو


خەڵك – بەشی هەواڵ
ژووری ئۆپراسیۆنەكانی كەركوك چەند بڕیارێكی نوێی دەركرد كە دەوامی فەرمانگە حكومییەكان بۆ 25% كەمكرایەوە و ڕۆژانی یەك شەممە و دوو شەممەشی كردە پشوو.

ژووری ئۆپراسیۆنەكانی كەركوك لەڕاگەیەنراوێكدا ڕایگەیاند: دوای تاووتوێكردنی دۆخی پارێزگاكە بڕیاردرا كە قەدەغەی هاتوچۆ لە كاتژمێر 5ی بەیانییەوە بۆ 4ی ئێوارە هەڵگیرێت.

ژووری ئۆپراسیۆنەكانی كەركوك ڕوونیشیكردووەتەوە: دەوامی فەرمانگەكان بۆ 25% فەرمانبەرانی كەمكرایەوە و ڕۆژانی یەك شەممە و دوو شەممە لە ڕۆژانی هەفتە كرایە پشوو.

هەروەها ئەوەشخراوەتەڕوو: دەروازەكانی شار بەداخراوی دەمێننەوە.

بەردەوام بە لە خوێندنەوە

کوردستان