ئێمە لە تۆرە کۆمەڵایەتیەکان

کوردستان

گروپێك لەناو گۆڕان جیابونەوەی خۆیان ڕاگەیاند

خەڵك – بەشی هەواڵ
گروپێك لەناو بزوتنەوەی گۆڕان ڕایدەگەیەنن، ئاڕاستەی پرۆگۆڕان هەڵوەشایەوە و لە شوێنی ئەو ڕەوتی ئایندەی نیشتمان (ڕەوا) دەستی بەكاركرد ، چیتر لەناو گۆڕاندا كار ناكات و پشت بە پەڕلەمانتارە ئۆپزسیۆنەكانی ناو پەڕلەمان و كەسایەتی و ڕۆشنبیران دەبەستێت.

ڕەوتی ئایندەی نیشتمان (ڕەوا) لە ڕاگەیەندراوێكی فەرمیدا، كە وێنەیەكی دەست (خەڵك) كەوتووە ڕایگەیاندووە، ئاڕاستەی پڕۆ گۆڕان كە تەمەنی نزیكەی ساڵێك دەبێت خۆی هەڵوەشاندەوە و چیتر هیوای بە چاكسازی لەنێو بزوتنەوەكە نەماوە.

ڕاشیانگەیاندووە، پرۆگۆڕان بەشێك نەبووە لەوەی لە ناو گۆڕاندا دەگوزەرا و بەشێكیش نین لەوەی دەگوزەرێت ، هاوكات لە ئاكامی ئەو ڕووداو و گۆڕانكاریانە پرۆگۆڕان گەیشتۆتە باوەڕی تەواو كە پرسەكانی چاكسازی و گۆڕانكاری ناو گۆڕان كارێكی مەحاڵە و هەر ئومێدێك لەو بوارانەدا وەك ڕاكردن بەدوای سەرابی بیاباندا وایە.

دەقی راگەیەندراوەكە:
جەماوەری خۆڕاگری كوردستان
تێكۆشەرانی گۆڕانكاری و چاكسازی
پاش لادانی دەسەڵاتدارانی گۆڕان لە پرەنسیپەكانی چاكسازی و گۆرانكاری و هەنگاوە هەمەجۆرەكانیان بۆ پێشێلكردنی ژیانی رێكخراوەیی یٔاسودە و دەستەجەمعی ناو بزوتنەوەكە كۆمەڵێك لە هەڵسوراوان لە دەرەوەی وڵات لە مانگی یٔۆكتۆبەری 2018 دەستپێشخەری دامەزراندنی یٔاراستەیەكیان بە ناوی پرۆژەی چاكسازی ناو گۆڕان، ناسراو بە (پرۆگۆڕان)، كرد، خاڵە بنەرەتیەكانی پرۆژەكە بۆ راستكردنەوەی دۆخی ناوخۆی گۆڕان بوو بە رێگەی پێرەوكردنی بریاری دەستەجەمعی و پێرەوكردنی برگە گرنگەكانی دەستوری گۆڕان.
بۆ یٔەو مەبەستە پرۆگۆڕان پرۆژە و یاداشتی یٔاراستەی بازنەكانی دەسەڵاتی گۆڕان كرد، مەخابن نەك هەر هیچ وەڵامێكیان نەبوو هەڵسان بە هەڵمەتێكی ناشرینی دوور لە رەوشت و نەریتی گۆرانخوازان بۆ ناوزراندن و بەرەنگاربونەوەی یٔەو دەستە هەڵسوراوە و یٔاراستەی پرۆگۆڕان.
لە بەرامبەر یٔەو هەڵمەتدا پرۆگۆڕان بە سەبرێكی بێیٔەندازە و دیدگایەكی ورد و بەرپرسانە بەردەوام بوو لە قەناعەت هێنان بە دەسەڵاتدارانی گۆڕان كە یٔەو سیاسەت و كارانەی دەیانكەن لە خزمەتی پرسەكانی چاكسازی و گۆڕانكاریدا نین و لە گەڵ پرەنسیپەكانی ڕەوانشادیش نەوشیروان مستەفا یەك ناگرنەوە.
مەخابن جارێكی تر بەردەوامبون لە كاری نادەستوری و میزاجی، وەك سزادان و دەرپەڕاندن و دەركردنی هەڵسوڕاوە دڵسۆزەكان و لە یٔاستی ناوخۆی گۆڕانیش كەسانی بێ توانا و گەندەڵ و لادەریان كردە پێشەنگی كار و كردار و هەڵوێستەكانیان، هاوتەریب لە گەڵ یٔەم دۆخەدا تا دەهات دەیان هەزار دەنگدەری گۆڕان و جەماوەرەكەی بێیٔومێد دەبون لە دەسەڵاتە خۆسەپێنەرەكە بە سەر موقەدەراتی بزوتنەوەكەدا. لە لایەكی تریشەوە دیاردەكانی دەسەڵاتی سێبەر لە لایەن كوڕەكانی رەوانشاد بوە واقیعێكی تفت و تاڵ و نەخوازراو، لەو ساتە وەختانەدا یٔەم دیاردەیەش هۆكارێكی گرنگی تر بو بۆ داكشانی متمانە و یٔومێدی جەماوەر بە بزوتنەوەكە.
پرۆگۆڕان لە ماوەی زیاتر لە ساڵێك چی پێكرابێت بۆ تۆكمەكردنی پەیوەندیەكانی لە گەڵ كەسایەتی و گروپ و هەڵسوڕاوە ناڕازیەكان درێغی نەكردوە، یٔەمەش بەمەبەستی داڕشتنی دیدگایەكی هاوبەش بۆ یٔایندەی پرسەكانی چاكسازی و گۆڕانكاری لە ژیانی سیاسی و حوكمرانی و یٔابوری و كۆمەڵایەتی كۆمەڵگای كوردستان، خۆشبەختانە لەو بوارەدا پێشكەوتنی بەرچاو بەدەستهێنراون.
لە ساتەوەختی گفتوگۆكان بۆ بەشدرایبونی گۆڕان لە كابینەی نۆدا پرۆگۆڕان ڕاشكاوانە ڕایگەیاند ،لە گەڵ بەشداری گۆڕان لە حكومەتدا نین، جەختیش كرایەوە گەر هەر بەشدار دەبن هاوسەنگی و پاراستنی سەربەخۆیی بزوتنەوەكە و جێگیركردنی پرسە بنەرەتیە گرنگەكانی گۆڕان لە كارنامەی حكومەت پێویستن بۆ گەڕانەوەی قورسایی گۆڕان و بەدەستهێنانەوەی متمانەی جەماوەرەكەی.
نزیكەی ساڵێكە گۆڕان بەشدارە لە حكومەت و تا یٔەم چركەیەش هەنگاو و كارەكانی كابینەی نۆ لە بوارەكانی چاكسازیدا لە هەنگاو و یٔیجرایٔاتی لابەلا تێنەپەریون، هاوكاتیش پێگەی نوێنەرانی گۆڕان گەمارۆدراو و لاوازە و رەنگدانەوەی یٔاوات و خەونەكانی جەماوەری گۆڕان نین. بەناو دوا یاسای چاكسازی كابینەكە لە یٔیجرایٔاتی وەزیفی و دارایی زیاتر نیە و بوارەكانی پێڕەوكردنی دادپەروەری كۆمەڵایەتی و شەفافیەت لە داهات و خەرجیات بەهەند وەرنەگیراون، هاوكاتیش یەكەم هەنگاوی بنەڕەتی بۆ چاكسازی لە پارەی خانەنشین و موچەوە دەست پێناكات بەڵكو لە سەروەری یاسا و جیاكردنەوەی دەسەڵاتەكان و سەربەخۆیی سیستەمی داد، یٔەو چەمكانەی غیابی كوشندەیان لە حوكمرانی خۆماڵیدا هەن.
دوای یٔەوەی سەرانی گۆڕان خەمسارد بون و یٔامادەش نەبون گوێ لە هەوڵی دڵسۆزانەی یٔەو یٔاراستە چاكسازیەی ناو ماڵی گۆڕان بگرن و پڕۆژە و هەوڵەكانمانیان بۆ چاكسازی رەتكردەوە و بەهەند وەرنەگرت، لە گەڵ یٔەوەشدا گۆڕانیان توشی رۆچونی زیاتر كرد و لە خواستی جەماوەریش دابراند.
لە كاتێكدا رایدەگەیەنین پرۆگۆڕان بەشێك نەبوە لەوەی لە ناو گۆڕان دا دەگوزەرا و بەشێكیش نین لەوەی دەگوزەرێت، هاوكات لە یٔاكامی یٔەو ڕوداو و گۆڕانكاریانە پرۆگۆڕان گەیشتۆتە باوەڕی تەواو كە پرسەكانی چاكسازی و گۆڕانكاری ناو گۆڕان كارێكی مەحاڵە و هەر یٔومێدێك لەو بوارانەدا وەك ڕاكردن بەدوای سەرابی بیاباندا وایە.
بۆیە ڕایدەگەیەنین لەمەودوا كاری سەرەكیمان لە گەڵ هێز و گروپەكان لە وڵات و دەرەوە و پەرلەمانتارە یٔۆپزسیۆنەكانی ناو پەرڵەمان و كەسایەتی و رۆشنبیرە دڵسۆزەكان دەبێت بۆ سازدانی بزاڤێكی جەماوەری هەمەرەنگ كە بەو رێگا و شیوازە گونجاوانەی بەپێویستی دەزانن كار بۆ یٔایندەی نەتەوە و نیشتمان بكات، یٔایندەیەك لە سەر بنەماكانی سیستەمێكی دیموكراسی دور لە هەژمون و باڵادەستی حزبی و بنەماڵەیی بێت و پێڕەوی یاسا و دادپەروەری كۆمەڵایەتی و شەفافیەت لە داهات و خەرجیات و سازدانی پەیوەندی نیشتمانی هاوسەنگ لە گەڵ حكومەتی عێراق بكات و رەچاوی جدی بەرژەوەندیە باڵاكانی نەتەوەی كورد لە كوردستانی گەورەش بكات.
گونجاو لە گەڵ یٔەم دیدگا چروپڕە بە پێویستمان زانی یٔاراستەی پرۆگۆڕان هەڵبوەشێتەوە و لە رەوتی یٔایندەی نیشتمان ( رەوا ) بەردەوام بین.
رەوا بەپێویستی دەزانێت جەخت بكاتەوە لەوەی هەر سێ حزبی بەشدار لە حكومەتدا ،بەشدارو بەرپرسیاری سەرەكین لەو دۆخە یٔاڵۆز و سەختەی ڕوبەروی میللەتەكەمان بۆتەوە، سەركەوتوش نەبون لە سازدانی پەیامێكی نەتەوەیی و نیشتمانی جدی و دروستی یەكگرتوو لە پەیوەندی لە گەڵ حكومەتی عێراق، لە یٔاكامدا میللەت باجێكی گەورەی یٔەم شكستانەی حكومەتی هەرێم داوە و دەیدات.
لێرەدا سەری نەوازش بۆ شەهیدانی كورد و كوردستان دادەنەوێنین،
بەڵێن بە میللەتەكەمان دەدەین بەشێكین لەوان و بۆ یٔەوانیش و بەیەكەوە دەست لە ناودەست بەرەو یٔایندەیەكی گەش هەنگاو دەنێین.
رەوتی یٔایندەی نیشتمان ( رەوا )
١١ مایس ٢٠٢٠

کوردستان

هەپەگە؛لە هەفتانین و خواكورك و دێرسیم چالاكییان ئەنجامداوە و سێ سەرباز كوژرا

خەڵك – بەشی هەواڵ

ناوەندی ڕاگەیاندنی هێزەكانی پاراستنی گەل- هەپەگە ڕایدەگەیەنێت، لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامدا.

ئەمڕۆ ناوەندی ڕاگەیاندنی هێزەكانی پاراستنی گەل-هەپەگە لە ڕاگەیەنراوێكدا بڵاویكردەوە، لە دوو ڕۆژی ڕابردوودا لە هەفتانین خواكورك و دێرسیم لەگەڵ گەریلاكانی یەژاستار دژی سوپای توركیا چالاكییان ئەنجامداوە و سێ سەرباز كوژرا.

 

دەقی ڕاگەیەنراوەكەی هەپەگە :
هەفتانین
گەریلاكانی یەژاستار لە چوارچێوەی هەنگاوی شۆڕشگێریی جەنگی هەفتانین، ڕۆژی ١٥ی ئەم مانگە كاتژمێر ٠٣:٥٠ خولەكی دوانیوەڕۆ، دژی سوپای تورك لە گردی شەهیدان چالاكیی نیشانشكێنیان ئەنجامدا، لەو چالاكییەدا سەربازێك كوژرا.

خواكورك
ڕۆژی ١٦ی ئەم مانگە كاتژمێر ٠٤:٠٠ی بەرەبەیان، هێزەكانمان لە چوارچێوەی هەنگاوی شۆڕشگێریی شەهید باگەڕ و شەهید ڕۆنیا-دا، لە گردی شەهید دەروێش دژی سوپای داگیركەری تورك چالاكییان ئەنجامدا، لە چالاكییەكەدا مۆڵگە و حەشارگەی دووژمن كرانە ئامانج، بەڵام ژمارەی كوژراو بریندارەكان ڕوون نەبووەتەوە.

دێرسیم
سوپای داگیركەری تورك لە نزیك گوندی چاكماكلی لە ناوچەی خۆزاتی دێرسیم بارەگایەك دروست دەكات، گەریلاكانی یەژاستار ڕۆژی ١٤ی ئەم مانگە كاتژمێر ٠٨:٠٠ی بەیانی دژی پاسەوانانی بارەگاكە چالاكییان ئەنجامدا، لەم چالاكییەدا دوو سەربازی دووژمن كوژران و دووی دیكەش برینداربوون، یەكینەكەمان بە سەلامەت گەڕایەوە شوێنی خۆی.

هێرشی ئاسمانیی
فڕۆكە جەنگییەكانی سوپای داگیركەری تورك، ڕۆژی ١٤ی ئەم مانگە كاتژمێر ٠١:٠٠ی بەرەبەیان ناوچەی خانتوری هەفتانین، ڕۆژی ١٥ی ئەم مانگە كاتژمێر ٠٥:٠٠ی ئێوارە ناوچەی بەكتۆریا و هەروەها ڕۆژی ١٥ی ئەم مانگەش كاتژمێر ١٠:٣٠ خولەكی شەو گردی ئامێدی لە ناوچەی ئامێدی سەربە دهۆك-یان بۆردوومانكرد.

بەردەوام بە لە خوێندنەوە

کوردستان

هەولێر؛دزێك دەستگیركرا كە ماددەی هۆشبەریشی بەكارهێناوە

خەڵك – بەشی هەواڵ
بەڕێوەبەرایەتیی پۆلیسی پارێزگای هەولێر ڕایدەگەیەنێت ، دوای كۆكردنەوەی زانیاری و بەدواداچوون كەسێكیان دەستگیركرد ، كە تۆمەتبارە بە دزینی 2 ماتۆڕسكیل، دەشڵێت،”لە ماڵەكەیدا دەست بەسەر ماددەی هۆشبەر و كەرەستەكانی بەكارهێنانی و جلوبەرگی سەربازی بە پلەی عەمید گیرا”.

بەڕێوەبەرایەتیی پۆلیسی پارێزگای هەولێر لە ڕاگەیەنراوێكدا ، كە وێنەیەكی دەست (خەڵك) كەوتووە ڕایگەیاندووە، تیمەكانمان دوای كۆكردنەوەی زانیاری و بەدواداچوون، لە ماوەی كاتژمێرێكدا لە گەڕەكی پۆلیسان كەسێكیان بە ناوی (س.ع) بە تۆمەتی دزینی 2 ماتۆڕسكیل دەستگیر كرد.

ڕاشیگەیاندووە، لە ماڵەكەیدا ماددەی هۆشبەر و كەرەستەی بەكارهێنانی ماددە هۆشبەرەكان و دەمانچەیەك و 2 ماتۆڕسكیلەكە و كۆمەڵێك فیشەك و هەندێك (جلوبەرگی سەربازی بە پلەی عەمید) دەستیان بەسەردا گیرا.

ئاماژە بۆ ئەوەشكراوە، تۆمەتباری ناوبراو بەپێی ماددە (446) لە یاسای سزادان بەند كرا و دۆسیەیەكی دیكەی سەربەخۆش لەسەر تۆمەتبار كرایەوە بەپێی ماددە (14)ی هۆشبەرەكان، لەبەر ئەوەی ماددەی هۆشبەری بەكارهێنابوو.

بەردەوام بە لە خوێندنەوە

کوردستان

تەقینەوەیەك لە كەركوك ڕویدا

 

خەڵك- بەشی هەواڵ

تەقینەوەیەك لە كەركوك ڕویدا و سەرچاوەیەكی ئەمنیش دەڵێت، ڕووداوەكە جگە لە زیانی ماددی، قوربانی لێنەكەوتۆتەوە.

دوانیوەڕۆی ئەمڕۆ پێنج شەممە، سەرچاوەیەكی ئەمنی لە شاری كەركوك ڕایگەیاند”تەقیتەوەیەك لە ناوەڕاستی شاری كەركوك و لە نزیك كۆلێژی یاساوە ڕویدا”.

بەوتەی سەرچاوەكە”تەقینەوەكە بەهۆی كەوتنەخوارەوەی گوللـەیەكی هاوەنەوە بووە لە نزیك كۆلێژی یاسا لە ناوەڕاستی كەركوك”، ڕەتیشكردەوە جگە لە زیانی ماددەی، ڕووداوەكە هیچ قوربانییەكی لێكەوتبێتەوە.

پێشتر سەرچاوەكان لە شاری كەركوك، ئاماژەیان بە تەقینەوەیەك كرد لە نزیك كۆلێژی یاسا لە شارەكە، بەبێ‌ ئەوەی زانیاریی لەبارەی سروشتی تەقینەوەكەوە بخەنەڕوو.

بەردەوام بە لە خوێندنەوە

کوردستان