ئێمە لە تۆرە کۆمەڵایەتیەکان

کوردستان

وەزارەتی ناوخۆی‌ هەرێم قەدەغەی هاتوچۆی‌ نێوان شارەكانی درێژكردەوە

خەڵك – بەشی هەواڵ

وەزارەتی ناوخۆی‌ هەرێمی‌ كوردستان بڕیاریدا كە قەدەغەی هاتوچۆ لە نێوان پارێزگاكانی هەولێر و سلێمانی و دهۆك و هەڵەبجە و ئیدارە سەربەخۆكانی گەرمیان و ڕاپەڕین لە 11 مانگ بۆ 18/5/2020 درێژبكرێتەوە.

ئەمشەو وەزارەتی‌ ناوخۆی‌ هەرێمی‌ كوردستان ژمارەیەك بڕیاری‌ نوێی‌ بۆ ڕێگریكردن لە بڵاوبوونەوەی‌ ڤایرۆسی‌ كۆرۆنای‌ نوێ دەركرد و بڕیاریدا قەدەغەی‌ هاتوچۆ لەنێوان پارێزگاكانی‌ هەولێر، سلێمانی‌، دهۆك، هەڵەبجە و ئیدارە سەربەخۆكانی‌ ڕاپەڕین و گەرمیان لە 11/5/2020 تا 18/5/2020 بەردەوام بێت.

وەزارەتی ناوخۆ بڕیاریشیداوە، كە قەدەغەی‌ هاتووچۆ لەنێوان هەرێم و پارێزگاكانی‌ عیراق بەردەوام دەبێت و ئەو هاووڵاتیانەی‌ دانیشتووی‌ هەرێمن و لە پارێزگاكانی‌ عیراق گیریان خواردووە، ڕێگایان پێدەدرێت بگەڕێنەوە بەمەرجێك پشكنینی‌ ڤایرۆسی‌ كۆرۆنایان بۆ بكرێت و تا دەرچوونی‌ ئەنجامەكەی‌ كەرەنتین بكرێن.

سەبارەت بەو هاووڵاتیانەی فەرمانبەرن و لە پارێزگاكانی (موسڵ و كەركوك و دیالە)ن، وەزارەتی ناوخۆ ئاماژە بەوە دەدات، ئاسانكاری دەكرێت بۆ ئەو هاووڵاتیانەی كە فەرمانبەری حكومین لە پارێزگاكانی (موسڵ، كەركووك و دیالە) كە هاوسنوورن لەگەڵ هەرێمی كوردستان و نیشتەجێی هەرێمی كوردستانن و بە پێچەوانەوە بە مەبەستی هاتووچۆكردنی ڕۆژانەیان لەنێوان شوێنی كاركردن و نیشتەجێبوونیان بە ڕەچاوكردنی رێنماییە تەندروستییەكان، بە مەرجێك هەفتانە پشكنینی كۆرۆنا لەو پارێزگایە كە لێی فەرمانبەرن ئەنجام بدەن و ناسنامەی كاركردنی لە فەرمانگە حكومییەكان هەڵگرن.
وەزارەتی‌ ناوخۆ بڕیاریشیداوە دەسەڵات بدرێت بە پارێزگار و سەرپەرشتیاری‌ ئیدارە سەربەخۆكان بۆ ڕێگەپێدان بە كردنەوەی‌ شوێنی‌ خزمەتگوزاری‌ بەپێی‌ مەرج و ڕێنماییە تەندروستییەكان.

بەگوێرەی‌ یەكێك لە بڕیارەكانی‌ وەزارەتی‌ ناوخۆ، دەروازە سنوورییەكان و هەردوو فڕۆكەخانەی‌ نێودەوڵەتی‌ هەولێر و سلێمانی‌ بە ڕووی‌ گەشتیارن بە داخراوی‌ دەمێننەوە و هیچ كەسێك بەبێ‌ ڕەزامەندی‌ وەزیری‌ ناوخۆ ڕێگەی‌ پێنادرێت بگەڕێتەوە هەرێم.

 

کوردستان

سبەینێ‌ لە سلێمانی گەڕەكێك بێ‌ كارەبا دەبێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ئاگاداری هاووڵاتیانی دانیشتووی گەڕەكی بەختیاری دەكات، كە سبەینێ‌ بەهۆی بەستنی پێوەری زیرەكەوە بێ‌ كارەبا دەبن.

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە، ئاگاداری دانیشتوانی گەڕەكی (بەختیاری) نزیك بەڕێوەبەرایەتی گشتی شارەوانیەكان، فیدەری (۱۹) دەكەین، سبەینێ پێنج شە‌ممە (6/8/2020) پێوەری زیرەكی كارەبایان بۆ دەبەسترێت.

دەشڵێت: “سبەینێ لە كاتژمێر (7 ی بەیانی بۆ 12ی نیوەڕۆ) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

جەختیشی كردۆتەوە، بەستنی پێوەرەكە بێ بەرامبەر و هیچ بڕە پارەیەك لە هاووڵاتی وەرناگیرێت و خەرجییەكەی لەسەر حكومەتە.

ڕوونیشی كردۆتەوە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

کوردستان

لە نزیك پردی كۆبانێ‌ ئۆتۆمبێلێك ئاگری گرت

خەڵك- بەشی هەواڵ
هاتووچۆی سلێمانی ڕایدەگەیەنێت، كە لە نزیك پردی كۆبانێ‌ ئۆتۆمبێلێك لە جۆری تایبەت ئاگری گرتووە، بەڵام زیانی گیانی نەبووە.

بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، ئێوارەی ئەمڕۆ چوار شەممە ئۆتۆمبێلێك لەجۆری شۆفرلێت بلایزەر، لەسەر شەقامی بازنەیی مەلیك مەحمود نزیك پردی كۆبانێ ئاگری گرت و سووتا.

ڕاشیگەیاندووە، زیانی گیان بەدواوە نەبووە، تەنها زەرەری ماددی بەر ئۆتۆمبێلەكە كەوتووە.

بەردەوام بە لە خوێندنەوە

کوردستان

تووشبوانی كۆرۆنا زیادیان كردووە
پارێزگایەكی هەرێم ئاماژە بە سەپاندنەوەی قەدەغەكردنی هاتووچۆ دەكات

خەڵك- بەشی هەواڵ
پارێزگاری دهۆك ڕایدەگەیەنێت، پارێزگاكەیان پەنادەباتەوە بەر قەدەغەكردنی هاتووچۆ، گەر ژمارەی تووشبوانی كۆرۆنا ڕوو لە زیادبوون بكەن.

عەلی تەتەر، پارێزگاری دهۆك لە میانی سەردانێكیدا بۆ هەردوو قەزای ئاكرێ‌ و بەردەڕەش لە كۆنفرانسێكی ڕۆژنامەوانیدا داوای لە هاووڵاتیان كرد “پابەندبن بە ڕێنماییە تەندروستییەكان و بڕیارە حكومییەكان بۆ بەرگرتن لە بڵاوبوونەوەی زیاتری ڤایرۆسی كۆرۆنا”.

عەلی تەتەر، هۆشداریدا لەبارەی”گرتنەبەری سزای توند دژ بەوانەی سەرپێچی ڕێنماییەكان دەكەن”.

پارێزگاری دهۆك دەڵێت: “ئیدارەی پارێزگەكە پەنادەباتەوە بەر قەدەغەكردنی هاتووچۆ بۆ ماوەیەكی دیاریكراو، گەر ژمارەی تووشبوانی ڤایرۆسی كۆرۆنا ڕوو لە زیادبوون بكات”.

تائێستا ژمارەی ئەوانەی لە پارێزگەی دهۆك تووشی ڤایرۆسی كۆرۆنا بوون گەیشتۆتە 801 كەس و لەو نێوەندەشدا 6 كەس گیانیانلەدەستداوە و 376 كەسی تر چاكبوونەتەوە.

كۆی گشتی ژمارەی تووشبوان بە ڤایرۆسی كۆرۆنا لە هەرێمی كوردستان گەیشتۆتە 15173 كەس كە 586 كەسیان گیانیانلەدەستداوە و 9551 كەسی تر نەخۆشییەكەیان پەڕاندووە و چاكبوونەتەوە، 5036 كەسی تر تائێستا لە نەخۆشخانەدان و چارەسەر وەردەگرن.

بەردەوام بە لە خوێندنەوە

کوردستان