ئێمە لە تۆرە کۆمەڵایەتیەکان

کوردستان

سبەینێ دەوامی سەرجەم بەڕێوەبەرایەتییەكان دەستپێدەكاتەوە

 

خەڵك- بەشی هەواڵ
بەپێی بڕیاری ئەنجوومەنی وەزیرانی هەرێمی كوردستان، لە سبەینێوە دەوامی سەرجەم فەرمانگە و بەڕێوەبەرایەتییەكان دەستپێدەكاتەوە.

بەمەبەستی رێكخستنی دەوامی فەرمانبەرانی سنوری بەڕێوەبەریەتی گشتی كارەبای سلێمانی، كه ‌بڕیارە سبەینێ دوو شەممە 11/5/2020 لەسەر فەرمانی حكومەتی هەرێم دەستپێبكاتەوە، بەڕێوەبەری گشتی گشتی كارەبای سلێمانی لەگەڵ بەڕێوەبەرەكانی دابەشكردنی كارەبا و بەرهەمهێنان و كۆنتڕۆڵ و گەیاندنی كارەبا و كارگێری و ژمێریاری و لێپرسراوی بەشەكان كۆبووەوە.

ئەندازیار سالار حیسامەدین، بەڕێوەبەری گشتی كارەبای سلێمانی لە دیوانی بەڕێوەبەرایەتی گشتی، بە ئامادەبوونی هەریەك لە بەڕێوەبەرەكانی دابەشكردنی كارەبای سلێمانی و دوكان و چەمچەماڵ و شارەزوو و ڕانیە و بەڕێوەبەری بەرهەمهێنانی كارەبای سلێمانی، بەڕێوەبەری كۆنتڕۆڵی كارەبا، بەڕێوەبەری گەیاندنی كارەبای سلێمانی، بەڕێوەبەری گواستنەوەی وزەی كارەبای سلێمانی، بەڕێوەبەری كارگێری و بەڕێوەبەری ژمێریاری، لەگەڵ لێپرسراوی بەشەكانی ناو بەڕێوەبەرایەتی گشتی كۆبووەوە، بەمەبەستی ڕێكخستنی دەوامی فەرامانبەران و ڕاییكردنی كاروباری هاووڵاتیان.

بەپێی ڕاگەیەنراوی بەڕێوەبەرایەتییەكە، سەرەتای كۆبوونەوەكە بەڕێوەبەری گشتی دووبارە دەستخۆشی لە فەرمانبەرە ئێشكگرەكان كردن كە لەكاتی كەرەتینەوە و قەدەغەی هاتووچۆدا دەوامیان كردوە، پاشان تیشكی خستە سەر بڕیار و ڕاسپاردەكانی حكومەتی هەرێم بۆ دەستپێكردنەوەی دەوامی فەرامانبەران و ڕاییكردنی مامەڵەی هاووڵاتیان.

لای خۆشیەوە سەرۆكایەتی شارەوانی سلێمانی لە ڕاگەیەنراوێكدا ئاماژەی بەوەداوە، بەمەبەستی پێشوازی كرن و ڕاییكرنی مامەڵەی هاووڵاتییان، سەرۆكایەتی شارەوانی سلێمانی ئامادەكاریی بۆ دەستپێكردنەوەی دەوامی فەرمانبەرانی شارەوانی و بەڕێوەبەرایەتییەكانی دەكات.

ئاشكراشی كردووە، ئەمڕۆ ئەندازیار توانا كەمالن سەرۆكی شارەوانی سلێمانی بە بەشداری جێگری سەرۆك و بەڕێوەبەری بەڕێوەبەرایەتییەكانی سەر بەسەرۆكایەتی شارەوانیی سلێمانیی و لێپرسراوی زۆرێك لە بەش و هۆبەكانی شارەوانی سلێمانی، كۆبوونەوەیەك بۆ دەستپێكردن بە هەنگاوەكانی كردنەوەی دەوامی فەرمانبەران و پێشوازیكردن و ڕاییكردنی مامەڵەی هاووڵاتییان ئەنجامدرا.

هەر بەپێی ڕاگەیەنراوەكە، “سەرۆكی شارەوانی سلێمانی سوپاسی سەرجەم ئەو فەرمانبەر و بەش و هۆبانەی كرد، كە لە ماوەی قەدەغەی هاتووچۆ و گرتنەبەری رێكارەكانی ڕووبەڕووبوونەوەی ڤایرۆسی كۆرۆنا گیان لەسەردەست لە ئەركدابوون بۆ پاراستنی تەندرووستی و بەرژەوەندییەكانی هاووڵاتییان، هەروەها تیشكیشی خستەسەر دەستپێكردنەوەی دەوامی فەرمی فەرمانبەران”.

کوردستان

پزیشكێكی دەرمانساز؛ ڤاكسینێكی دیكەی دژە كۆڕۆنا لە بەریتانیا دەچێتە قۆناغی كۆتایی تاقیكردنەوەوە

خەڵك – بەشی هەواڵ

پزیشكێكی دەرمانساز لە دامەزراوەی كۆنتڕۆڵی جۆریی دەرمان لە هەرێم ڕایدەگەیەنێت ، مانگی داهاتوو ڤاكسینێكی دیكەی دژەكۆڕۆنا لە بەریتانیا، بە بەشداری دە هەزار خۆبەخش، دەچێتە قۆناغی كۆتایی تاقیكردنەوە.

د. عیسا ئال عیسا، پزیشكی دەرمانساز لە دامەزراوەی كۆنتڕۆڵی جۆریی دەرمان لە هەرێم لە هەژماری تایبەتی خۆی ڕایگەیاندووە، لە ماوەی چوار بۆ شەش هەفتەی داهاتوو، ڤاكسینێكی دیكەی دژەكۆڕۆنا لە بەریتانیا، بەناوی ڤاكسینی نۆڤاڤاكس، بە بەشداری دە هەزار خۆبەخش، دەچێتە قۆناغی كۆتایی تاقیكردنەوە وە .

ڕاشیگەیاندووە، بەمەش ئەم جۆرە ڤاكسینە دەبێتە دووەمین ڤاكسین لە بەریتانیا و دەیەمین ڤاكسین لەسەر ئاستی جیهان لە قۆناغی كۆتایی تاقیكردنەوە كلینیكییەكان.

بەردەوام بە لە خوێندنەوە

کوردستان

هەڵەبجە ؛قاوشەكانی نەخۆشخانەی وەفا و بەركەوتووانی چەكی كیمیایی پڕ بوون لە نەخۆش

خەڵك – بەشی هەواڵ

وتەبێژی بەڕێوبەرایەتی گشتی تەندروستی هەڵەبجە ڕایدەگەیەنێت ، بەهۆی بەرزبوونەوەی ژمارەی توشبوون بە ڤایرۆسی كۆرۆنا قاوشەكانی كۆرۆنا لە نەخۆشخانەی وەفا و بەركەوتووانی چەكی كیمیایی پڕ بوون لەنەخۆش.

د. شاناز نەقشبەندی، وتەبێژی بەڕێوبەرایەتی گشتی تەندروستی هەڵەبجە لە ڕاگەیەنراوێكدا ڕایگەیاندووە، بە هۆی پڕبوونی قاوشەكانی كۆرۆنا لە ھەردوو نەخۆشخانەی وەفا و بەركەوتووانی چەكی كیمیایی، بە داوای لێبووردنەوە لە ئێستادا ئەو نەخۆشانەی لە دەرەوەی سنوری ئیدارەی پارێزگای ھەڵەبجەن لەوەرناگیرێن.

ڕاشیگەیاندووە، تەنها ئەو نەخۆشانەی دەرەوەی سنوری هەڵەبجە وەردەگیرێن، كە لە ڕێگەی فۆڕمی ڕەوانەكردنی نەخۆش و بە ئاگاداری بەڕێوەبەرایەتی گشتی تەندرووستی سنوورەكەیان وەردەگیرێن لە سەنتەرەكانی كۆرۆنا لە پارێزگای ھەڵەبجە.

بەردەوام بە لە خوێندنەوە

کوردستان

وەزارەتی خوێندنی باڵا؛ خولەكانی تەواوكاری و فێركاری زمانی ئینگلیزی بە شێوەی ئۆنلاین دەست پێدەكات

خەڵك – بەشی هەواڵ

وەزارەتی خوێندنی باڵاو توێژینەوەی زانستی حكومەتی هەرێم ڕایدەگەیەنێت ، خولەكانی تەواوكاری و فێركاری زمانی ئینگلیزی بە شێوەی ئۆنلاین لەڕۆژی یەكشەممە (٢٠٢٠/١٠/١٨) بە شێوەی ئۆنلاین دەست پێدەكات.

وەزارەتی خوێندنی باڵاو توێژینەوەی زانستی لە ڕاگەیەنراوێكدا بڵاویكردەوە، لەسەر راسپاردەی ئارام محەمەد قادر، وەزیری خوێندنی باڵاو توێژینەوەی زانستی، لیژنەی پێداچونەوە بە مەرج و رێنماییەكانی سەنتەرەكانی زمان، خولەكانی تەواوكاری و فێركاری زمانی ئینگلیزی بە شێوەی ئۆنلاین دەستپێدەكاتەوە.

ڕاشیگەیاندووە، پاش ئەنجامدانی چەندین كۆبونەوە بەسەرپەرشتی سەرۆكی دەزگای سەرپەرشتی و دڵنیایی جۆری و سەرۆكی لیژنەی پێداچونەوە بە مەرج و رێنماییەكانی سەنتەرەكانی زمان، بەمەبەستی دانانی ڕێكاری پێویست بۆ دەستپێكردنەوەی خولەكان بە پاراستنی كوالێتی و رێوشوێنی گونجاو و رەچاوكردنی رێكارە تەندروستیەكان، بڕیاردرا بەدەستپێكردنەوەی خولەكانی تەواوكاری و فێركاری بەشێوەی ئۆنڵاین.

لە ڕاگەیەنراوەكە داهاتووە، رۆژی یەكشەممە 27ی ئەیلولی 2020 ناونوسین لە گشت سەنتەرەكانی فێربونی زمانی ئینگلیزی زانكۆكانی كوردستان بۆ هەردوو خولەكە دەستپێدەكات، تا رۆژی دوو شەممە 5 -10 – 2020 بەردەوام دەبێت، هەروەها دوای پەسەندكردنی ناوەكان لەلایەن وەزارەتەوە لەڕۆژی یەكشەممە 18-10-2020 بە شێوەی ئۆنلاین دەستپێدەكات.

بەردەوام بە لە خوێندنەوە

کوردستان