ئێمە لە تۆرە کۆمەڵایەتیەکان

کوردستان

مەلا بەختیار؛لابردنی پارێزبەندی لەسەر سۆران عومەر لێكەوتەكانی خراپ دەبێت

خەڵك – بەشی هەواڵ

ئەندامی ئەنجومەنی باڵای سیاسی و بەرژەوەندی یەكێتی نیشتمانی كوردستان ڕایدەگەیەنێت، لابردنی پارێزبەندی لەسەر سۆران عومەر لێكەوتەكانی خراپ دەبێت هەروەكو چۆن، كاتی خۆی دەركردنی سەرۆكی پەڕلەمان ‌و لیستی گۆڕان، لێكەوتەی خراپیان لێكەوتەوە و دەشڵێت،”دیارە، برینی كێشەكان قوڵترە لە ڕێزی سیاسی”.

مەلا بەختیار، ئەندامی ئەنجومەنی باڵای سیاسی و بەرژەوەندی یەكێتی نیشتمانی كوردستان لە هەژماری تایبەتی خۆی ڕایگەیاندووە، یەكەمین جارم بوو، نامەیەك بۆ سەرۆكوەزیران بنوسم تەنانەت لە سەردەمی سەرۆكوەزیرەكانی یەكێتیشدا، نامەم ئاڕاستە نەكردوون هەرگیزیش، داوای هیچ داخوازییەكی شەخسیشم لە كەسیان نەكردووە.
دەشڵێت،” چاوەڕوان بوم لەپای ئەو هەموو ڕێزەی بەرامبەر تێكڕای لایەنە سیاسیەكان، لە پەیوەندی سیاسیدا هەمە، سەرەڕای ناكۆكی ئایدیۆلۆژی ‌و سیاسیم لەگەڵیاندا، رێز لە داواكەم بگیرێ، بەڵام بەداخەوە وا دیارە، برینی كێشەكان قوڵترە لە ڕێزی سیاسی”.

ڕاشگەیاندووە، دیارە، سەرۆكی حكومەت، مافی خۆیەتی بەرگری لە خۆی بكات بەڵام ئەم كیشەیەی “سۆران عومەر ” لەو باوەڕەدام، رێگەی تری بۆ بگیریاتە بەر، كاریگەرتر دەبوو نەك هەڵگرتنی پارێزبەندی.
بەداخەوە
پارێزبەندی لە سۆران عومەر هەڵگیرا، بەڵام..!!
(4/5/2020) نامەیەكی ئاواڵەم بۆ بەرێز سەرۆكی حكومەت نوسی، ئەو بڕیارە سەبارەت بە لابردنی پارێزبەندی لەسەر كاكە سۆران عومەر جێبەجێ نەكات‌ و، باشترە رووبەڕووی دادگای بكاتەوە. ئەمڕۆ، بڕیارەكە بەداخەوە لە پەرلەماندا بە (57) دەنگ‌و بێ‌ ئامادەبونی سەرۆكی پەرلەمان‌و بەرهەڵستی فراكسیۆنەكانی گۆڕان‌و لایەنە ئیسلامیەكان‌و نەوەی نوێ‌‌و یەكێتی، پەسەند كرا.
ئەیبینین كە لێكەوتەكانی خراپ دەبێ‌. هەروەكو چۆن، كاتی خۆی دەركردنی سەرۆكی پەرلەمان‌و لیستی گۆڕان، لێكەوتەی خراپیان لێكەوتەوە. بۆیە بە گرنگی دەزانم، لەمەڕ هەردوو روداوەكە راو بۆچونی خۆم دەرببڕم.
كاتی خۆی، كاتێك ئەنجومەنی سەركردایەتی پارتی، پێش دەركردنی سەرۆك‌و فراكسیۆنی گۆڕان، بەیاننامەیەكیان دەركرد، لە كۆبونەوەی رەسمیدا بە شادڕەوان نەوشیروان مستەفام گوت: كێشەی نێوان خۆتان‌و پارتی چارەسەر بكەن، ئەگینا پارتی بڕیاری توند دژتان دەدات. كاكە عومەری سەید عەلی پرسی: ئەگەر پارتی ئێمە دەربكات، ئێوە چی دەكەن؟ وەڵامم دایەوە: ئێمە دژی دەركردنتان دەبین. بەڵام دۆخی پەرلەمان‌و حكومەتی هەرێمیش تێكنادەین. مەخابن قسەكەیان بەهەند وەرنەگرم، هەتا قەوما. كاتێك روداوەكەش رویدا، لەناو یەكێتیدا، كەس بەئەندازەی من، بەرگرییان لە سەرۆكی پەرلەمان‌و فراكسیۆنە دەركراوەكەیان نەكرد، وەفدی یەكێتی‌و پارتی‌و جەنابی مەسعود بارزانی شایەتن، بەندە، لە كۆبونەوە هاوبەشەكاندا، چەند سوور بووم لەسەر چارەسەركردنی ئەو كێشەیە. مەخابن، گۆڕان نەك تەقدیری ئەم هەڵوێستەیان نەكرد، بەڵكو پێشتر تەقدیری ئەو هەڵوێستەشیان نەكرد لە 17/ی شوباتدا، یەكەمین كەس بوم لە مەكتەبی سیاسی یەكێتی هەڵوێستم هەبوو، رێگە نەدەین پارتی، بە هێز هەڵبكوتێتە سەر بارەگای گۆڕان. نەك تەقدیری ئەم هەڵوێستەشیان نەكرد، بەڵكو تا ئێستاش، بەشێكی پروپاگەندەی هەڵسوڕاوانیان، دژم بەردەوامە. بەڵام رۆژگار وەرچەرخاو سەرەنجام گۆڕان، لەگەڵ پارتی رێكەوتن‌و بەمجارەوە، دوو جاریشە بەشداری حكومەت دەكەن. كەوابێ‌: كیشەكانی پێش‌و پاش 17/ی شوبات، لەكاتێكدا دۆخی ئابوری‌و سیاسی كوردستان زۆر لە ئێستا باشتریش بوو، لە رێڕەوی چارەسەر دەركرابون.. بەڵام لە دوائاكامدا، هەر رێگەی چارەسەر گیرایە بەر. سیاسەتی موزایدە نەیخوارد!
ئەم كیشەیەی كاكە “سۆران”یش، لەو باوەڕەدام، رێگەی تری بۆ بگیریاتە بەر، كاریگەرتر دەبوو. نەك هەڵگرتنی پارێزبەندی.
دیارە، سەرۆكی حكومەت، مافی خۆیەتی بەرگری لە خۆی بكات.. ئەگەر دەریشكەوت، تومەتەكانی كاكە سۆران هەڵبەستراوون، یان بەهەڵە چووە، بێگومان، دادگا بڕیاری پێویست دەدات.. واش پێشبینی دەكەم، ئەوكاتە كاكە مەسرور، لە كەیسەكە خۆشبێ‌! لەڕاستیدا، كاتێك كاكە “سۆران” لە كۆنگرە رۆژنامەگەریەكەیدا، جەختی كردەوە كە لە “ویكیلیكس” هەواڵی گەندەڵیەكانی وەرگرتووە، لای خۆم وتم: پەلەی كردووە لە بڵاوكردنەوەی تومەتەكان! چونكە بەپێی بڵاوكراوەی “ویكیلیكس” بێ‌، لە سەرۆك كۆمارەوە هەتا دەگاتە سەرۆك وەزیرانی عێراق‌و بەرپرسە باڵاكانی تر.. هەموو گەندەڵن. بەڵام تاكو ئێستا، كۆمسیۆنی دژایەتی گەندەڵی لەعێراقدا، زۆربەی ناوە ناودارەكانی نەداوەتە دادگا.
لەكۆتاییشدا دەمەوێ‌ بڵێم: یەكەمین جارم بوو، نامەیەك بۆ سەرۆك وەزیران بنوسم. تەنانەت لە سەردەمی سەرۆكوەزیرەكانی یەكێتیشدا، نامەم ئاڕاستە نەكردوون.. هەرگیزیش، داوای هیچ داخوازییەكی شەخسیشم لە كەسیان نەكردووە. واش چاوەڕوان بوم لەپای ئەو هەموو رێزەی بەرامبەر تێكڕای لایەنە سیاسیەكان، لە پەیوەندی سیاسیدا هەمە، سەرەڕای ناكۆكی ئایدیۆلۆژی‌و سیاسیم لەگەڵیاندا، رێز لە داواكەم بگیرێ‌.. بەڵام بەداخەوە وا دیارە، برینی كێشەكان قوڵترە لە رێزی سیاسی.
تازە، پارێزبەندیەكەی سەر كاكە سۆران لابرا. بەهیوام، هیچ نەبێ‌ وەكو تاقیكردنەوەیەكی تاڵ، ئەم بڕیارە، دوا بڕیار بێت لەمبارەوە. هێشتا، رێڕەوی دادگا لەبەردەم سۆراندا ماوە. با بزانین، دوائەنجام بەكوێ‌ دەگات. ئومێدەواریشم، ئەم كێشەیە لە پەرلەمانی كوردستان‌و عێراقدا، نەبێتە مایەی قڵیشی زیاتری نێوان لایەنە سیاسیەكان. چونكە دۆخەكە، مەترسیدارە. سەرۆك وەزیرانی تازە بۆ عێراق دانراوە. كێشەی موچەو گوزەرانیش، لە كوردستاندا، جۆشی ناڕەزایی دەخوات.. ئەم كێشەیەی لابردنی پارێزبەندی، پێویستە تەنها لە خانەی یاساییدا مامەڵەی لەگەڵدا بكرێ‌.. نەك راكێشرێتە ناو پرۆسەی سیاسی. لەگەڵ رێزو پەرۆشیم بۆ چارەسەركردنی كێشەكان، لە پێشەوەدا، كێشەی موچەو ریشەكێشكردنی گەندەڵی..
لەكۆتاییشدا، دوای دوا بڕیاری دادگا لەسەر كێشەكە، لە دێڕە شیعرێكی پیرەمێرد جوانترم پێ ناوترێ‌ كە دەفەرموێ‌:
دەبێ‌ بەخشندە ملكەچ كا لە ئاستی موچەخۆری خۆی
سوراحی سەر فرودێنێ‌ لە بۆ پیاڵە كە تێكا بۆی

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان