ئێمە لە تۆرە کۆمەڵایەتیەکان

کوردستان

هاوسەرەكەی سۆران عومەر پەیامێكی بڵاوكردەوە

خەڵك – بەشی هەواڵ

هاوسەری سۆران عومەر پەڕلەمانتارەكەی كۆمەڵی ئیسلامی ڕایدەگەیەنێت، شەقێك لەو پەڕلەمانە هەڵدە، كە حیزب و بنەماڵەی دزو گەندەڵ بەرێوەی دەبەن، تۆ هاوشانی ئەوانە نیت لە گەڵیان دابنیشیت، كە بوونەتە كۆیلە.

شنۆ عەبدوڵا پێنجوێنی، هاوسەری سۆران عومەر پەڕلەمانتاری كۆمەڵی ئیسلامی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، تۆی سۆران عومەر زۆر لەوە گەورەتری ئەوە بەسە بۆ تۆ، كە لەم چەند ڕۆژەدا خەڵكی هەرێمی كوردستان پاڵپشتت بوون، سوپاس بۆ ئەو پەرلەمانتارانەی كە پشتگیریان كردی.

ڕاشیگەیاندووە، شەقێك لەو پەڕلەمانە هەڵدە، كە حیزب و بنەماڵەی دزو گەندەڵ بەڕێوەی دەبەن، تۆ هاوشانی ئەوانە نیت لە گەڵیان دابنیشیت كە بوونەتە كۆیلە.

پەیامێك لە هاوسەرەكەی سۆران عومەرەوە!
شەقێك لەو پەرلەمانە هەڵدە كە حیزب و بنەماڵەی دزو گەندەڵ بەرێوەی دەبەن ، تۆ هاوشانی ئەوانە نیت لە گەڵیان دابنیشیت كە بونەتە كۆیلە.
تۆ زۆر لەوە گەورەتری …ئەوە بەسە بۆ تۆ كە لەم چەند رۆژەدا خەڵكی هەرێمی كوردستان پاڵپشتت بون، سوپاس بۆ ئەو پەرلەمانتارانەی كە پشتگیریان كردی.
مێژووت بۆ خۆت تۆمار كرد و سەربەرزانە لێی دەرچویت.
قوربانی هەڵوێست و جەریئەت و ماندوبونت بم
بژیت وەك چۆن ژیاویت بە سەربەرزی
“شنۆ عەبدوڵا پێنجوێنی”

کوردستان

تووشبوون بە كۆرۆنا لە ڕۆژێكدا 400 كەسی تێپەڕاند

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 404 حاڵەتی تووشبوون بە كۆرۆنا تۆماركراوە و 11 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٢٢٩٦ پشكنین ئەنجام دراوە و دەركەوتووە لە هەولیر ٢١٨ كەس و سلێمانی 35 كەس و لە گەرمیان ٢٩ كەس و دهۆك 101 و هەڵەبجە 21 كەس تووشی كۆرۆنا بوون.

ئاشكراشی كردووە، كە ١٦٠ كەس چاكبوونەوە و 11 كەسیش گیانیان لەدەستداوە.

بەردەوام بە لە خوێندنەوە

کوردستان

سبەینێ‌ لە سلێمانی گەڕەكێك بێ‌ كارەبا دەبێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ئاگاداری هاووڵاتیانی دانیشتووی گەڕەكی بەختیاری دەكات، كە سبەینێ‌ بەهۆی بەستنی پێوەری زیرەكەوە بێ‌ كارەبا دەبن.

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە، ئاگاداری دانیشتوانی گەڕەكی (بەختیاری) نزیك بەڕێوەبەرایەتی گشتی شارەوانیەكان، فیدەری (۱۹) دەكەین، سبەینێ پێنج شە‌ممە (6/8/2020) پێوەری زیرەكی كارەبایان بۆ دەبەسترێت.

دەشڵێت: “سبەینێ لە كاتژمێر (7 ی بەیانی بۆ 12ی نیوەڕۆ) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

جەختیشی كردۆتەوە، بەستنی پێوەرەكە بێ بەرامبەر و هیچ بڕە پارەیەك لە هاووڵاتی وەرناگیرێت و خەرجییەكەی لەسەر حكومەتە.

ڕوونیشی كردۆتەوە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

کوردستان

لە نزیك پردی كۆبانێ‌ ئۆتۆمبێلێك ئاگری گرت

خەڵك- بەشی هەواڵ
هاتووچۆی سلێمانی ڕایدەگەیەنێت، كە لە نزیك پردی كۆبانێ‌ ئۆتۆمبێلێك لە جۆری تایبەت ئاگری گرتووە، بەڵام زیانی گیانی نەبووە.

بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، ئێوارەی ئەمڕۆ چوار شەممە ئۆتۆمبێلێك لەجۆری شۆفرلێت بلایزەر، لەسەر شەقامی بازنەیی مەلیك مەحمود نزیك پردی كۆبانێ ئاگری گرت و سووتا.

ڕاشیگەیاندووە، زیانی گیان بەدواوە نەبووە، تەنها زەرەری ماددی بەر ئۆتۆمبێلەكە كەوتووە.

بەردەوام بە لە خوێندنەوە

کوردستان