ئێمە لە تۆرە کۆمەڵایەتیەکان

ئابوری

توركیا ئاوی ڕوباری دیجلە وشك دەكات
بە ڤیدیۆ؛ هاولاتیان بەپێ‌ بەناو ئاوی دیجلەدا دەسوڕێنەوە

خەڵك- بەشی هەواڵ
بەهۆی كەوتنەكاری بەنداوی ئۆلیسۆ-ی توركیا لەسەر ڕوباری دیجلە، ئاوی ڕووبارەكە بەتەواوی كەمدەبێتەوە و بەرەو وشكبوون دەڕوات و هاوڵاتیان بەناو ڕووبارەكەدا بەپێ‌ هاتوچۆ دەكەن و شارەزایەكی بواری وزەش دەڵێت: “هەموو كات داوای دروستكردنی بەنداومان كردووە”.

لە ١/٦/٢٠١٨ بەنداوی ئولیسۆی توركی دەستی بەكاركردن كرد، كە دروست كراوە بۆ گلدانەوەی ئاوی ڕووباری دیجلە، كە یەك لەسەر سێی هاوڵاتیان و زەوی عیراق سودمەند دەبن بەهۆی ئاوی ئەو ڕووبارەوە.

غالب محەمەد، سەرۆكی لیژنەی سامانە سروشتیەكان لە ئەنجومەنی پارێزگای سلێمانی لەڕوونكردنەوەیەكدا ئاماژەی بەوەكردووە، ئەگەر ئەم بەنداوە دەستبەكار بكات ئەوە كارەساتێكی سروشتی گەورە ڕوو لە عیرق دەكات و بەشێكی زۆری سەوزایەكانی عیراق وشك دەبێت و هاوڵاتیەكی زۆریش بێ ئاو دەبن.

دەشڵێت: “هەموو كات باسی ئەوەمان كردوە دەبێت بەنداو درووست بكرێت بۆئەوە ئاوی شرین گلبدەینەوە، بەڵام بەهۆی ئەم گەندڵستانیەی، كە لە هەرێمێ كوردستان و عیراق هەیە فریای دروست كردنی بەنداو ناكەون، چونكە تەنها فریای پارە كۆكردنەوە دەكەون بۆ كۆمپانیاكانیان و بنەماڵەكانیان”.

ئەو ڤیدۆیە ڕووباری دیجلەیە، كە هێندە ئاستی ئاوەكەی كەمە هاڵاتیان بە پێ هاتوچۆی تێدا دەكەن:

 

ئابوری

كاتی هەڵوەشاندنەوە و گێڕانەوەی پاشەكەوت ڕاگەیەنرا
وەزارەتی دارایی دەقی قسەكانی ڕێباز حەملانی لەسەر مووچە بڵاوكردەوە

خەڵك- بەشی هەواڵ
وەزارەتی دارایی و ئابووری حكومەتی هەرێم دەقی قسەكانی ڕێباز حەملان، وەزیری دارایی دەربارەی پاشەكەوت نەكردنی سێ‌ مووچەی كۆتایی ئەمساڵ و دابەشكردنی مووچە لە كاتی خۆیدا بڵاوكردەوە.

ڕێباز حەملان، وەزیری دارایی و ئابوری حكومەتی هەرێمی كوردستان لە كۆنگرە ڕۆژنامەوانیەكەدا ئاماژەی بەوەكردووە، دەنگۆی ئەوە بڵاوبۆتەوە، كە مووچەی مانگەكانی 10 و 11 و 12ی ئەمساڵ پاشەكەوت دەكرێت، بەڵام ئێمە بە ڕاوێژ لەگەڵ نێچیرڤان بارزانی، سەرۆك وەزیران، كە لە ڕابردووشدا باسی كردبوو، ئێمە وەكو حكومەت هەموو 30 ڕۆژ جارێك مووچە دابەش دەكەین.

جەختیشی كردەوە، كە بەهەمان شێوە بەردەوام دەبین و 30 ڕۆژ جارێك مووچە دابەش دەكەین و ئەو سێ‌ مانگە پاشەكەوت ناكرێت.

ئاشكراشی كرد، كە پەیوەندییەكانی هەرێم و بەغدا بەرەوپێش چووە و لێكنزیكبوونەوەیەكی باش هەیە لەسەر پشكی هەرێم لە بودجە، بۆیە گەشبینن لەسەر ئەوەی بەشێكی زۆری مووچە چارەسەر ببێت، ئەگەر 100%یش چارەسەر نەبێت.

دەربارەی پێدانەوەی پاشەكەوتی مووچە وتی، “پاشەكەوتی مووچە لە پڕۆژە چاكسازیەكەی بەردەم پەرلەمان چارەسەر كراوە و ئاماژە بە پێدانەوەی پاشەكەوت و مافی فەرمانبەران كراوە، چونكە بە دەرچوونی یاساكە پاشەكەوت نامێنێت و پاشكەوتی ڕابردووش بەپێی میكانیزمی یاساكە دەدرێتەوە بە فەرمانبەران”.

بەردەوام بە لە خوێندنەوە

ئابوری

لە ساڵی داهاتوودا دابەشكردنی موچە سێ‌ مانگ دوادەكەوێت

خەڵك- بەشی هەواڵ

بەپێی لێدوانی فەرمی وەزیری دارایی و ئابوری حكومەتی هەرێم موچەی هەر سێ‌ مانگی كۆتایی ئەمساڵ پاشەكەوت ناكرێت و مانگانە دابەش دەكرێت و بەو پێیەش تا كۆتایی مانگی ئاداری ئەمساڵ موچەی مانگی یەك دابەش ناكرێت.

ئەمڕۆ سێ‌ شەممە، رێباز حەملان، وەزیری دارایی و ئابوری لە كۆنگرەیەكی رۆژنامەنووسیدا باسی لەوەكرد، هەر سێ‌ موچەی مانگەكانی 10 و 11 و 12، پاشەكەوت ناكرێن.

بەپێی قسەكانی وەزیری دارایی و ئابوری، نوسراوێكیان كردووە بۆ بەغدا و ئەگەر پارەكەی بەغدا بۆ ئەو سێ‌ مانگە بنێردرێت، دەست دەكەن بە دابەشكردنی موچەی ئەو مانگانە.

وتیشی”موچەی مانگانە بەردەوام دەبێت، هەموو 30 رۆژ جارێك”.

بەپێی قسەكانی وەزیری دارایی و ئابوری لە مانگی 1 دا، موچەی مانگی 10، لە مانگی 2 دا، موچەی مانگی 11 و لە مانگی 3شدا موچەی مانگی 12 دابەش دەكرێت و لە مانگی نیسانی داهاتوودا موچەی مانگی 1 دابەش دەكرێت.

بەردەوام بە لە خوێندنەوە

ئابوری

شارەوانی كەلار هەڵمەتی لابردنی زیادەڕۆییەكانی دەستپێكرد

خەڵك- بەشی هەواڵ

سەرۆكایەتی شارەوانی كەلار هاوڵاتیانی سنورەكە ئاگادار دەكاتەوە، كە لە ماوەی هەفتەیەكدا زیادەڕۆییەكانیان لاببەن و بەپێچەوانەوە شارەوانی لایان دەبات و خاوەنەكانیان رووبەڕووی یاسا دەكاتەوە.

بەپێی راگەیەندراوێكی شارەوانی كەلار كە كۆپیەكی بۆ (خەڵك) نێردراوە، نوسراوە”سەرۆكایەتی شارەوانی كەلار ئاگاداری گشت هاوڵاتیان دەكاتەوە ئەوانەی زیادەرۆییان كردوەتە سەر شۆستە و شەقام و باخچەكانی ناو شاری كەلار لە ماوەی یەك هەفتەدا ئەو زیادەرۆییانە لاببەن بە پێچەوانەوە شارەوانی كەلار هەڵدەستێت بەلابردنی و سەرپێچیكار روبەروی یاسا دەبێتەوە.”

دەستپێكردنی ئەو هەڵمەتە دوای ئەوەدێت كە ماوەی چەند رۆژێكە هەڵمەتێك بۆ هەمان مەبەست لە سلێمانی دەستی پێكردوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین