ئێمە لە تۆرە کۆمەڵایەتیەکان

ژینگە

شەپۆلێكی باران و خۆڵبارین عیراق و هەرێمی كوردستان دەگرێتەوە

خەڵك- بەشی هەواڵ
بەپێی پێشبینییە كەشناسییەكان، شەپۆلێكی باران بارین و خۆڵبارین ناوچەكانی عیراق و هەرێمی كوردستان دەگرێتەوە و پلەكانی گەرماش دادەبەزن.

بەپێی ڕاپۆرتێكی دەستەی گشتی كەشناسی عیراق، لەمشەو و بەرەبەیانی ڕۆژی چوار شەممەوە شەپۆلێكی پەستان نزمی دەریای ناوەڕاست و تۆپەڵە هەوایەكی فێنك و تاڕادەیەك سارد ڕوو لە ناوچەكانی عیراق و هەرێمی كوردستان دەكات و بەهۆیەوە لە زۆربەی ناوچەكان باران دەبارێت، كە لە هەندێك ناوچەی هەرێم و بەتایبەت ناوچە شاخاوییەكان لێزمە باران و هەورە تریشقەی لەگەڵ دەبێت.

هەر بەپێی ڕاپۆرتەكە، بەهۆی شەپۆلەكەوە خێرایی با بۆ سەرووی 30 تاوەكو 40 كیلۆمەتر لە كاتژمێرێكدا زیاد دەكات و دەبێتە هۆی بەرزبوونەوەی تۆز و خۆڵ و پلەكانی گەرماش دادەبەزن.

هەر بەپێی پێشبینییە كەشناسییەكان، درەنگانێكی شەوی چوار شەممە لەسەر پێنج شەممە كۆتایی بە شەپۆلەكە دێت، بەڵام ڕۆژی پێنج شەممە كەش بە فێنكی دەمێنێتەوه لە سەرجەم ناوچەكان.

كەشناسی ئاشكراشی كردووە، ڕۆژی هەینی پلەكانی گەرمی بەرز دەبنەوە و كۆتایی بە كاریگەری تۆپەڵە هەوا فێنكەكە دێت.

ژینگە

پارکی هەواری شار مەترسی فەوتانی لەسەرە و داوای چارەسەری بەپەلەی بۆ دەکرێت

خەڵک – بەشی هەواڵ

ئە‌نجوومە‌نی شارە‌وانی سلێمانی داوا لەوەزیری شارەوانی  و گەشت و گوزار دە‌كات بە‌ھانای پاركی ھە‌واری شارەوە‌ بچن.

 

ئە‌نجوومە‌نی شارە‌وانی سلێمانی، داوادەکەن وە‌زیری شارە‌وانی و گە‌شت و گوزار فریای پاركی ھە‌واری شار بكە‌وێت، چونکە مەترسی ‌سوتان و وشکبوونی لەسەرە.

 

بەڕێوەبەرایەتی هەواری شار لەنوسراوێکی فەرمیدا، ئاماژە بەئەوەدەکەن، کرانەوەی پارکەکە بەم شێوەیەی ئێستا و بەهانایانەوە نەچن، مەترسی فەوتانی پارکەکە دروستدەبێت، بۆیە تکایە بەهانای پارکەکەوە وەرن و چارەسەری گونجاو و بەپەلەی بۆ بدۆزنەوە.

 

بەردەوام بە لە خوێندنەوە

ژینگە

کەشوهەوای ئەمڕۆ و سبەینێی شارەکانی هەرێم

خەڵک – بەشی هەواڵ

 

بەپێی پێشبینییەکانی بەڕێوەبەرایەتی کەشناسی و بوومەلەرزەزانی هەرێم کەشوهەوای ئەمڕۆ و سبەینێی شارەکانی هەرێم بەم جۆرەی خوارەوەیە:

بەردەوام بە لە خوێندنەوە

ژینگە

بەوێنە؛ دار سنەوبەرەكانی ناوچەیەكی دیكەی سلێمانی سووتێنران

خەڵك- بەشی هەواڵ
بەڕێوەبەرایەتی گشتی شارەوانییەكانی سلێمانی ئاشكرای دەكات، كە دار سنەوبەرەكانی تەكیە لە سنووری پارێزگای سلێمانی سووتێنراون.

بەڕێوەبەرایەتی گشتی شارەوانییەكانی سلێمانی لە هەژماری فەرمی خۆی لە فەیسبووك بڵاویكردەوە، “بە داخەوە لەلایەن كەسانی نابەرپرس بەشیكی زۆری دارەكانی لای كارگەی گهچی تەكیە سووتێنرا”.

ئەمە لەكاتێكدایە، كە لە ماوەی ڕابردوودا بەشێك لە دار سنەوبەرەكانی چیای گۆیژە و سەر ڕێگای عەربەت و سەر ڕێگای ڕاپەڕین لە نزیك تاسڵوجە سووتان و لەو بارەیەوە كشتوكاڵی سلێمانی ڕایگەیاند، كە بە مەبەست سووتێنراون و شارەوانی-ش ڕایگەیاند، كە دەستی كەسی لە پشتەوە نیە.

بەردەوام بە لە خوێندنەوە

کوردستان