ئێمە لە تۆرە کۆمەڵایەتیەکان

کوردستان

پەیوەندی بە سۆران عومەرەوە هەیە
مەلا بەختیار نەمایەك بۆ مەسرور بارزانی دەنێرێت

 

خەڵك- بەشی هەواڵ
مەلا بەختیار لەبارەی هەڵگرتنی پارێزبەندی لەسەر سۆران عومەر پەرلەمانتاری كۆمەڵی ئیسلامی نامەیەك بۆ مەسرور بارزانی سەرۆكی حكومەتی هەرێم دەنێرێت و دەڵێت، ئەو نە لەڕووی ئایدۆلۆژیی و نە لە هیچ ڕوویەكەوە لەگەڵ سۆران عومەردا یەكدەگرێتەوە، بەڵام پێیوایە هەڵگرتنی پارێزبەندی لەسەر ئەو پەرلەمانتارە دەبێتە كارێكی ناشایستە.

مەلا بەختیار بەرپرسی دەستەی كارگێڕی مەكتەبی سیاسی یەكێتیی نیشتمانی كوردستان لە نامەیەكی كراوەدا بۆ مەسرور بارزانی سەرۆكی حكومەتی هەرێمی كوردستان ڕایگەیاندووە”وا بڵاودەكرێتەوە گوایە، جەنابت دوای لابردنی پارێزبەندی لەسەر بەڕێز (سۆران عومەر) بیدەنە دادگا. پێمخۆشە، بەم نامە ئاواڵەیە، كە یەكەمین نامەشمە لەژیانمدا بۆ جەنابتی بنوسم، داوا بكەم، تكایە، با حكومەت‌و كابینەكەتان، كاری وا نەكەن. ئەم كارە، دەبێتە پێشینەیەكی ناشایستە بۆ سەرۆك وەزیران‌و حكومەت، بەرامبەر بە پەرلەمان‌و پەرلەمانتاران!”.

هەر لە نامەكەدا هاتووە”بەندە، نە لە رووی ئایدیۆلۆژیەوەو نە لە رووی سیاسیەوە بەڕێز (سۆران)م قبوڵ نەبوەو نییە. بەڵام لە دوائاكامدا، ناوبراو پەرلەمانتارەو متمانەی بەشێكی دەنگدەری وەرگرتووە. ئەگەر، جەنابت‌و حكومەت، یان هەر كاربەدەستێكی تر، رەخنەكانی بەڕێز “سۆران” بە تومەت دەزانن، تەواو مافی خۆتانە، لە دادگادا شكاتی لێبكەن. دادگا چی بڕیار دەدات، ئەوكاتە با پەرلەمان بڕیاری خۆی بدات”.

بەرپرسی دەستەی كارگێڕی مەكتەبی سیاسی یەكێتی، تكای وایە، بڕیاری لابردنی پارێزبەندی لەسەر سۆران عومەر واز لێبهێنن، چونكە دڵنیایە، رەنگدانەوەی خراپی لێدەكەوێتەوە، و “داوا دەكات سەرۆكی حكومەت دوا هەوڵی خۆی بخەنەكار، كێشەی موچەو بودجە چارەسەر بكرێ‌.. شەفافیەت زیاتر بكرێ‌.. دژایەتی گەندەڵی بكرێ‌، لە زاخۆوە بۆ خانەقین.. دزینی نەوتی قاچاخ رابگرن.. ئەم هەنگاوانە، باشترین وەڵامی هەر رەخنە یان تومەتێكە بۆ جەنابت، یان كابینەكەتان هەڵببەسترێ”.

 

کوردستان

وێنە.. لە شارەزوور ژمارەیەك گەنجی خۆبەخش بەشێك لە هێما شكاوەكانی هاتوچۆی سنوورەكە و نوێدەكەنەوە

خەڵك – یەحیا حبیب

ئەمشەو دووشەممە، ژمارەیەك لە گەنجانی شارۆچكەی شارەزوور هەستان بە چاككردنی بەشێك لە هێما شكاوەكانی هاتوچۆی سنوورەكە و نوێكردنەوە و دانانی لەزگەی درەوشاوەی هاتوچۆ بۆ هێماكان.

كاروان كەریم، یەكێكە لەو گەنجە خۆبەخشانە و بە (تۆڕی میدیایی خەڵك)ی ڕایگەیاند، “ئێمە لە سۆنگەی بەرپرسیارێتیمانەوە لەگەڵ ستافێك لە گەنجی ماندوو نەناسی سنوورەكە هەڵدەستین بە چاكردنەوەی ئەو هێمای هاتوچۆیانەی كە شكاون بە هەر هۆكارێك یان خراپ بوون، لەگەڵ ئەوەشدا لەزگەی درەوشاوەی شەو لەو هێمایانە دەدەین كە شۆفێر پێویستە ئاگاداری بێت لە پێشییەوە چی هەیە “.

ئەو گەنجە خۆبەخشە وتیشی، “ڕێگای شارەزوور، دەربەندیخان و ئیدارەی گەرمیان و مەرزی پەروێزخان و سەیدسادق و پێنجوێن و پارێزگای هەڵەبجە پێكەوە دەبەستێت، بۆیە زۆرینەی شۆفێرەكان دەكرێت نوێ بن وە شارەزار ڕێگا نەبن”.

كاروان كەریم ئاماژەی بەوەشكرد، “چاككردنی هێماكان و نوێكرنەوەی لەزگەی هاتوچۆ سوودێكی باشی دەبێت بەتایبەت لە شەواندا، چونكە هێماكانی هاتوچۆ لەگەڵ شۆفێراندا دەدوێت و بەمەش ڕووداوی نەخوازراوی هاتوچۆ لە ناوچەكە زۆر كەمتر دەكات”.

 

بەردەوام بە لە خوێندنەوە

کوردستان

قەڵادزێ.. بەهۆی دەمەقاڵێوە دوو كەس بریندار بوون

خەڵك – بەشی هەواڵ

بەڕێوەبەرایەتی پۆلیسی ڕاپەڕین ڕایدەگەیەنێت: ئەمڕۆ دوو بریندار گەیەنرانە نەخۆشخانەی قەڵادزی كە شوێنی فیشەك و چەقۆ بەسەر جەستەیانەوە بووە.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ڕایگەیاند: ئێوارەی ئەمڕۆ دوو بریندار گەیەنرانە نەخۆشخانە كە یەكێك لە بریندارەكان بەناوی ( ع . ح . م ) لەدایك بووی ساڵی 1997 پیشەی كاسب، دانیشتووی قەڵادزێ گەڕەكی كارەبا شوێنەواری دوو فیشەك بە هەردوو قاچییەوە هەیە و بریندارەكەی تریش شوێنەواری چەقۆ بەسەر جەستەیەوە هەیە.

پۆلیسی ڕاپەڕین ڕوونیشیكردووەتەوە، بەوتەی یەكێك لە بریندارەكان بەهۆی دەمەقاڵێ شەڕ لەنێوان ئەوان و چەند گەنجێكی تر دروستبووە و دواتر ئاڵۆزی كەوتووەتە نێوانیان و چەكی جۆری دەمانچە و چەقۆ بەكار هاتووە.

بەڕێوەبەرایەتی پۆلیسی ڕاپەڕین ئاشكراشیكردووە، دۆسیەی لێكۆڵینەوە بە ماددەكانی 405 /31 لە یاسایی سزادانی عیراقی و ماددەی 413 لە یاسای سزادانی عیراقی ڕێكخراوە و لێكۆڵینەوەش بەردەوامە.

بەڕێوەبەرایەتی پۆلیسی ڕاپەڕین ئاماژەی بەوەشداوە، بە بڕیاری دادوەر 3 كەس لە هەردوو لایەن ڕاگیركران و دوای ڕووداوەكەش مەفرەزەكانیان لە نووسینگەی نەهێشتنی تاوانی پشدەر و پۆلیسی فریاكەوتنی پشدەر گەیشتوونەتە شوێنی مەبەست و دەستبەجێ ڕووداوەكەیان كۆنتڕۆڵكردووە و دەستیش گیراوە بەسەر چەكی بەكارهاتوو و چەقۆكەدا.

بەردەوام بە لە خوێندنەوە

کوردستان

فەرهاد پیرباڵ دامەزرایەوە

خەڵك – بەشی هەواڵ

بە فەرمانی مەسرور بارزانی سەرۆكی حكومەتی هەرێم فەرهاد پیرباڵ وەك مامۆستای زانكۆی سەلاحەدین دامەزرایەوە.

د. فەرهاد پیرباڵ مامۆستای زانكۆ ماوەی زیاتر لە ساڵ و نیوێكە لە كارەكەی دوورخراوەتەوە، ئەمڕۆش بە فەرمانی ژمارە (1354) لە 28/7/2020 كە واژۆی د. ئومێد سەباح سەرۆكی دیوانی ئەنجومەنی وەزیرانی هەرێمی لەسەرە ئاماژە بەوەكراوە لەسەر فەرمانی سەرۆكی ئەنجومەنی وەزیران بڕیاریانداوە بە دامەزراندنەوەی (د.فەرهاد پیرباڵ عومەر) بەناونیشانی (مامۆستا) بە شێوەی هەمیشەیی) لەسەر میلاكی وەزارەتی خوێندنی باڵا و توێژینەوەی زانستی / زانكۆی سەڵاحەدین / كۆلیژی پەرەوەردە. بەمووچە و دەرماڵەی شایستە لە ڕێكەوتی دەستبەكاربوونی.

د. فەرهاد پیرباڵ لە بارەی دووبارە دامەزراندنەوەی لە لاپەڕەی فەڕمی خۆی لە تۆڕی كۆمەڵایەتی فەیسبوك دەڵێت:”ٳنشا‌ءاللە دەچمەوە خزمەتی قوتابیەكانم، سوپاسی هەمووان دەكەم،، تكایە بگات بەدەستی سەرۆك زانكۆی سەلاحەددین دكتۆر جەوهەر: لە بڕیارەكە نووسراوە “دامەزراندنەوە”. ئەمەش واتە دیارە من پێشتر فەسڵكرابووم و ساڵێك و 8 مانگە یەك فلس مووچەی زانكۆشم وەرنەگرتووە.. ئێستا بەم بڕیارەی سەرۆك حكوومەت، سەرلەنوێ، وەك ئەوەی تازە لە پاریس هاتبوومەوە لە 1994 دامەزرام لە زانكۆ.”.

بەردەوام بە لە خوێندنەوە

کوردستان