ئێمە لە تۆرە کۆمەڵایەتیەکان

عێراق

نخێب پاكدەكرێتەوە
سوپا و حەشدی شەعبی ئۆپەراسیۆنێكی گەورە ئەنجام دەدەن

خەڵك- بەشی هەواڵ
هێزەكانی فەرماندەیی ئۆپەراسیۆنەكانی ئەنباری سەر بە حەشدی شەعبی و هێزەكانی فیرقەی یەكی لیوای 54ی سوپا، دەگەنە ناوچەی 160 كیلۆ لەڕێگەی  نێودەوڵەتی و لەوێوە بەرەو نخێب لە چوارچێوەی ئەو ئامانجەی بۆیان دیاریی كراوە، بەڕێدەكەون.

بەپێی بەیاننامەیەك كە لەلایەن قاسم موسڵیح فەرماندەی ئۆپەراسیۆنەكانی ئەنباری حەشدی شەعبی بڵاوكرایەوە “لە چوارچێوەی ئۆپەراسیۆنی هەڵۆكانی بیابان و بە هەماهەنگی لەگەڵ هێزەكانی حەشدی عەشایەری و سوپا و ئاژانسەكانی هەواڵگری، هێزێكی حەشدی سەر بە فەرماندەیی ئۆپەراسیۆنەكانی ئەنبار و لیوای 53ی سەر بە فیرقەی یەك، گەیشتنە ئامانجە گرنگەكانیان”.

بە وتەی موسڵیح”سنوری ناوچەی بیابانی باكووری نخێب بە ئامانجی سەرەكی فەرماندەیی ئۆپەراسیۆنەكانی ئەنبار دادەنرێت و فەراهەمكردنی ئاسایش لەو ناوچەیەدا پێویستە بۆ هەردوو پارێزگەی ئەنبار و كەربەلا”.

ئەو فەرماندەیەی حەشدی شەعبی دەڵێت”ئۆپەراسیۆنی هەڵۆكانی بیابان، چۆتە هەندێك ناوچەوە كە پێشتر هێزە ئەمنییەكان و حەشدی شەعبی نەچوونەتە ناوییەوە، ئەمەش وادەكات كۆتایی بە بوونی شانە تیرۆریستییەكان بهێنرێت”.

ماوەی چەند ڕۆژێكە ڕێكخراوی داعش لەڕێی شانە نوستووەكانییەوە لە چەند ناوچەیەكی عیراقدا دەستیكردۆتەوە بە جموجۆڵ و چالاكی، ئەمەش وایكردووە هێزە ئەمنییەكانی عیراق زیاتر چاوكراوەبن و هێرش و هەڵمەتی دەستپێخستن لەو ناوچانەدا ئەنجام بدەن كە گومان دەكرێت شانە نوستووەكانی رێكخراوەكەیان تێدا بێت.

عێراق

وەزارەتی دارایی عیراق؛ هەرێم بە هەڵە وەڵامی وەزیری دارایی داوەتەوە

خەڵك – بەشی هەواڵ

وەزارەتی دارایی عیراق ڕایدەگەیەنێت ، بەسەر سوڕمانەوە بەیاننامەكەی حكومەتی هەرێمی كوردستانیان بینیوە و دەبووە گوێیان‌ لەدیدارە فەرمییەكەی وەزیری داراییان بگرتایە، نەك وەڵامی كۆپی تەزویری دیدارەكە بدەنەوە.

وەزارەتی دارایی حكومەتی عیراق لە ڕاگەیەنراوێكدا وەڵامی ڕاگەیەنراوەكەی وەزارەتی دارایی هەرێمیان دایەوە و ڕایگەیاندووە، بەسەر سوڕمانەوە سەیری ڕاگەیەنراوەكەی حكومەتی هەرێمی كوردستانیان كردووە، كە دەربارەی دیدارێكی وەزیری دارایی عیراق لەگەڵ رۆژنامەی (فاینانشاڵ تایمز) ی لەندەنی.

ڕاشیگەیاندووە، دەبوو حكومەتی هەرێمی كوردستان گوێ‌ لەدیدارە فەرمییەكەی وەزیری دارایی عیراقیان بگرتایە نەك وەڵامی كۆپی تەزویری دیدارەكە بدەنەوە.

بەردەوام بە لە خوێندنەوە

عێراق

عیراق؛ ئاماری توشبوون بە كۆرۆنای بڵاوكردەوە

خەڵك- بەشی هەواڵ

وەزارەتی تەندروستی عیراق ئاشكرای دەكات، 4593 حاڵەتی نوێی تووشبوون بە ڤایرۆسی كۆرۆنا تۆماركراوە و 4505 كەسیش چاكبوونەتەوە و 68 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 20 هەزار و 662 پشكنینی تایبەت بە كۆرۆنا ئەنجام دراوە و دەركەوتووە 4593 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 191 و هەولێر 250 و كەركوك 131 و دهۆك 265 حاڵەت تۆماركراوە.

ڕوونیشی كردۆتەوە ، كە 4505 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 101 و هەولێر 194 و دهۆك 226 و كەركوك 111 كەس چاكبوونەوە.

ڕاشیگەیاندووە، 68 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 8867 كەس.

بەردەوام بە لە خوێندنەوە

عێراق

وەزیری دەرەوەی ئەمریكا: باڵیۆزخانەكەمان لە بەغدا دادەخەین

خەڵك- بەشی هەواڵ
سەرچاوەیەك لە نوسینگەی بەرهەم ساڵح سەرۆك كۆماری عیراق ڕایدەگەیەنێت، مایك پۆمپیۆ وەزیری دەرەوەی ئەمریكا بە سەرۆك كۆماری ڕایگەیاندووە، واشنتن باڵیۆزخانەكەی لە بەغدا دادەخات گەر هێرشە مووشەكییەكان ڕانەگیرێن، ئەمەش لەكاتێكدایە كە دەستی حەشدی شەعبی خۆی لە بۆردومانكردنی باڵیۆزخانەكە بە مووشەك، بێ‌ بەری كرد.

ئەمڕۆ هەینی، سەرچاوەیەك لە نوسینگەی سەرۆك كۆماری عیراق بە میدیاكانی عیراقی ڕاگەیاند”پۆمپیۆ لە پەیوەندییەكی تەلەفۆنیدا بە سەرۆك بەرهەمی ڕاگەیاندووە، وڵاتەكەی بەنیازە لەماوەیەكی كورتدا باڵیۆزخانەكەی لە بەغدا دابخات، گەر بەئامانجگرتنی باڵیۆزخانەكە بە مووشەك بەمێشوەی ئێستا بەردەوام بێت و ڕانەگیرێت”.

بە وتەی سەرچاوەكە”پۆمپیۆ بە سەرۆكی عیراقی وتووە، بڕیارەكه بۆ سەرۆك دۆناڵد ترەمپ دەگەڕێتەوە، چونكە ئەو نایەوێت بچێتە كێبڕكێی هەڵبژاردنەوە، لەكاتێكدا باڵیۆزخانەی وڵاتەكەی لە بەغدا ڕووبەڕووی بۆردومان و هەڕەشەی بەردەوام دەبێتەوە”.

بەردەوام بە لە خوێندنەوە

کوردستان