ئێمە لە تۆرە کۆمەڵایەتیەکان

کوردستان

كۆلێجێكی زانكۆی سلێمانی “سیستەمی ئەلیكترۆنی” خوێندن ڕەتدەكاتەوە

خەڵك- بەشی هەواڵ

نوێنەرایەتی گشتی خوێندكارانی كۆلێجی زانستە ئەندازیارییە كشتوكاڵییەكانی زانكۆی سلێمانی، خوێندن بە سیستەمی ئەلیكترۆنی ڕەتدەكەنەوە و داوا لە ڕاگرایەتی كۆلێجەكەیان دەكەن ئەم شێوازی خوێندنە “هەڵپەسێرن و بایكۆت”ـی بكەن.

پاش ڕاگرتنی خوێندن بەهۆی كۆرۆنا ڤایرۆسەوە، وەزارەتی خوێندنی باڵا و توێژینەوەی زانستیی هەرێم بڕیاریدا لە 2ی ئایارەوە دەست بە خوێندنی ئەلیكترۆنی (بەشێوەی پاڵپشتیكار) بكرێت، بەڵام ئەم بڕیارە كاردانەوەی بەدوای خۆیدا هێناوە.

نوێنەرایەتی گشتی خوێندكارانی كۆلێجی زانستە ئەندازیارییە كشتوكاڵییەكان لە یاداشتێكدا، كە بۆ راگرایەتیی كۆلێجەكەیان ناردووە، دەڵێن: “بەهەموو شێوەیەك ئەم سیستەمەمان پێ قبوڵ نییە و ڕەتی دەكەینەوە”. ئەوان لە یاداشتەكەدا، بە چەند خاڵێك ئاماژەیان بە هۆكارەكانی ئەو هەڵوێستەیان كردووە و داوایان كردووە ئەو سیستەمە بایكۆت بكرێت.

یەكێك لەو هۆكارانەی نوێنەرانی خوێندكاران ئاماژەیان پێكردووە “لایەنی ئابووریی”ـە. ئەوان دەڵێن: “ڕەنگە خوێندكارێكی زۆر هەبن، نەتوانن پێداویستییەكانی خوێندنی ئەلیكترۆنی دابین بكەن”.

لە یاداشتەكەدا داوا لە ڕاگرایەتیی كۆلێج كراوە پێداچوونەوە بەم سیستەمەدا بكەن و دەشڵێن: “ڕەچاوی ئەو خاڵانە بكەن پێش ئەوەی خوێندكار ناچاربێت لە بێكەڵكی ئەم سیستەمەدا بایكۆتی وانەكان بكات، ئەمەیش قسەی زۆرێك لە خوێندكارانە”.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان