ئێمە لە تۆرە کۆمەڵایەتیەکان

عێراق

هەرێم دەبێت كارتی فشار بەكاربهێنێت
وەفدەكەی حكومەتی هەرێم بۆ بەغدا بەپێی ئەتەكێتی دیبلۆماسی نەبوو

خەڵك-بەشی هەواڵ

ئەندامێكی لیژنەی دارایی لە پەڕلەمانی عیراق ڕایدەگەیەنێت، بڕینی بەشە بودجەی هەرێمی كوردستان لەلایەن حكومەتی فیدڕاڵەوە بابەتێكی سیاسییە نەك یاسایی.

جەمال كۆچەر ئەندامی لیژنەی دارایی لە پەڕلەمانی عیراق بە ئانادۆڵی ڕاگەیاند، عیراق بۆ بڕینی بەشە بودجەی هەرێمی كوردستان پشت دەبەستێت بە یاسای ئیدارەی مالی نوێ و یاسای بودجە، بەڵام بەپێی ئەم یاسایە عیراق بۆی نییە لەئێستادا بەشە بودجەی هەرێم ببڕێت.

وتیشی” بڕینی بودجەكە، بابەتێكی سیاسییە، چونكە لەئێستادا هەڵوێستی لایەنە شیعیەكان بەهێز نییە و چەندین خۆپیشاندان لە ناوچە شیعە نشینەكان دروست بووە و لایەنەكانی شیعە دەیانەوێت كێشە بۆ كورد و سوننەش دروست بكەن”.

ئاشكراشیكرد، دەبوایە سەرۆكی هەرێم یان سەرۆكی حكومەتی هەرێمی كوردستان سەردانی بەغدایان بكردایە، چونكە بەشە بودجەی هەرێم بە بڕیاری سەرۆكی ئەنجومەنی وەزیران بڕدراوە و بەپێی ئەتەكێتی دیبلۆماسی دەبوایە شاندەكە لەسەر ئاستێكی بەرزتر بوایە، بەتایبەتیش بۆ بابەتێكی لەو جۆرە كە پەیوەستە بە ژیانی خەڵكی هەرێمی كوردستانەوە.

ڕوونیشیكردەوە، هەرێمی كوردستان كارتی فشاری لەبەردەستدایە بە تایبەت كارتی سیاسی كە ئێستا عیراق لە سەرووبەندی پێكهێنانی حكومەتێكی نوێدایە و دەبێت كورد بابەتی بودجە بكات بە كارتێكی فشار بۆ بەشداریكردن لە حكومەتی نوێی عیراق.

جەختی لەوەش كردەوە، حكومەتی هەرێم دەتوانێت بابەتەكانی ئاو و كارەبا و غازی سروشتی وەك كارتی فشار لە بەرامبەر بەغدا سوودی لێ ببینێت، چونكە لەو بابەتانەدا عیراق پێویستی بە هەرێمی كوردستان هەیە.

عێراق

سەرۆك كۆمار لەگەڵ وەزیری گواستنەوە كۆدەبێتەوە

خەڵك- بەشی هەواڵ
سەرۆك كۆماری عیراق پێشوازی لە وەزیری گواستنەوەی حكومەتی فیدڕاڵی دەكات و دەڵێت: “دەبێت پشت بە پێوەرە نێودەوڵەتییەكان ببەسترێت بۆ دابینكردنی باشترین خزمەتگوزاری بۆ هاووڵاتیان”.

بەپێی ڕاگەیەنراوێكی نووسینگەی سەرۆكایەتی كۆماری عیراق، ئەمڕۆ شەممە ٢٠٢٠/٨/٨ لە بەغدا، بەرهەم ساڵح پێشوازیكرد لە ناسر حسێن شەبەلی، وەزیری گواستنەوە.

سەرۆك كۆمار جەختی لەپێویستی خستنەگەڕی هەوڵەكان كردەوە بۆ پشتیوانیكردنی ئەو هەنگاوانەی، كە عیراق دەینێت بۆ كرانەوەی بە ڕووی جیهان، لە چوارچێوەی پێشخستنی كەرتە جیاوازەكانی گواستنەوە بەو پێیەی ڕایەڵەیەكی بەیەكگەیاندنی گرنگە لە نێوان كیشوەر و وڵاتان.

بەرهەم ساڵح وتیشی، “دەبێت پشت بە پێوەرە نێودەوڵەتییەكان ببەسترێت بۆ دابینكردنی باشترین خزمەتگوزاری بۆ هاووڵاتیان”.

لەلای خۆیەوە وەزیر گواستنەوە ڕوونكردنەوەیەكی تەواوی خستە بەردەم سەرۆك كۆمار، سەبارەت بە كاروانی كارەكانی وەزارەت و پلانەكانی بە ئومێدی جێبەجێكردنیان بۆ چالاككردنی ئاستی كارەكان و باشتركردنی خزمەتگوزارییەكان بۆ ئەوەی وێنەی عیراق لە بەردەم جیهاندا پرشنگدار بێت.

بەردەوام بە لە خوێندنەوە

عێراق

دانوستانەکانی هەرێم و بەغداد دەستپێدەکەنەوە

خەڵک – بەشی هەواڵ

 سەرۆكی فراكسیۆنی پارتی لە پەرلەمانی عیراق رایگەیاند، بڕیارە ئەم ھەفتەیە شاندی ھەرێمی كوردستان بۆ گفتوگۆكردن سەبارەت بە شایستە داراییەكانی ھەرێمی كوردستان سەردانی بەغدا بكەن و، لێكنزیكبوونەوەی باشیش ھەیە. سەركردەیەكی سوننەكانیش دەڵێت، چاوەڕێ دەكرێت ھەردوولا بگەنە رێككەوتن، چونكە رێككەوتنی ھەردوو حكوومەت، دەبێتە ھۆی سەقامگیری لە عیراقدا بە شێوەیەكی گشتی.

د. ڤیان سەبری، سەرۆكی فراكسیۆنی پارتی لە پەرلەمانی عێراق، بۆ ماڵپەڕی فەرمی حزبەکەی وتی: “بڕیارە ئەم ھەفتەیە شاندی حكومەتی ھەرێمی كوردستان سەردانی بەغدا بكات، چونكە بەردەوامبوونی دانوستان پێویستە و رێككەوتننامەش پێویستە بەپێی دەستوور بكرێت و بۆ سەقامگیریی ھەردوو حكومەت بێت، بۆیە گەر بگەنە رێككەوتن، دۆخەكەش سەقامگیر دەبێت”.

سەبری وتیشی: “لێكنزیكبوونەوەی باش ھەیە و تەنھا ھەندێك وردەكاری ماون، كە رەنگە ئەوانیش لەم چەند رۆژەدا یەكلا بكرێنەوە و بگەنە رێككەوتن”.

لای خۆشیەوە، د. عەلا مەكی، سەركردەی سوننەكان، رایگەیاند: “عێراق پێویستی بە سەقامگیری ھەیە بۆ ئەوەی بچێتە قۆناغێكی دیكە، تا گۆڕانكارییەكانی ناوچەكە كاریگەرییان لەسەر نەبێت و بتوانێت سەقامگیری دروست بكات، بۆیە پێویستە دانوستانەكانی نێوان ھەرێم و بەغدا بەردەوام بێت و بگەنە رێككەوتن، ئەمەش لە بەرژەوەندیی ھەموو لایەكە و ھەرێمی كوردستان ناوچەیەكە بۆتە ھۆی سەقامگیری بۆ ھەموو عیراق، هەروەها سەقامگیریی ھەرێم، واتا سەقامگیریی ھەموو عیراق، بۆیە پێویستە حكومەتی عیراق لەگەڵ ھەرێمی كوردستان بگاتە رێككەوتن”.

مەكی، وتیشی: “پێویستە دانوستانەكان دوانەكەون و پەلەیان لێ بكرێت، چونكە رێككەوتنی ھەرێم و بەغدا دەبێتە ھۆی سەقامگیریی عیراق بە گشتی، بۆیە پێشبینی دەكەم ئەمجارە ھەردوولا بگەنە رێككەوتن، چونكە بوونی كێشە لە نێوان ھەردوولا، دەبێتە ھۆی ناسەقامگیریی دۆخی عیراق”.

بەردەوام بە لە خوێندنەوە

عێراق

20ی ئەم مانگە كازمی سەردانی ئەمریكا دەكات

خەڵك-بەشی هەواڵ

 

كۆشكی سپی ئاشكرایدەكات، 20 ئەم مانگە دیاری كراوە بۆ سەردانەكەی موستەفا كازمی بۆ ئەمریكا.

كۆشكی سپی لە ڕاگەیەنراوێكدا ئاماژە بۆ ئەوە دەكات، مستەفا كازمی سەرۆك وەزیرانی عیراق لە 20ی ئەم مانگە سەردانی ئەمریكا دەكات و هەریەك لە پرسەكانی ئاسایش و وزە و ئابووری و ڤایرۆسی كۆرۆنا لەگەڵ بەرپرسانی ئەمریكا تاوتوێ دەكات.

ئەمەش لەكاتێكدایە، لە ڕاگەیەنراوەكەی كۆشكی سپیدا باسی كشانەوەی هێزەكانی ئەمریكا لە عیراق نەكراوە، لەكاتێكدا گفتوگۆكان بۆ ئەو مەبەستە ڕێكخراوە و پێش دوو مانگ گەڕی یەكەمی گفگۆكان لە عیراق ئەنجام دران.

بەردەوام بە لە خوێندنەوە

کوردستان