ئێمە لە تۆرە کۆمەڵایەتیەکان

ژینگە

ڕاوچيیەك دەستگیركرا و دووانیش هەڵاتن

خەڵك- بەشی هەواڵ

بەڕێوەبەرایەتی پۆلیسی دارستان و ژینگەی ڕاپەڕین ئاشكرای دەكات، كە هێزەكانیان توانیویانە كەسێك كە خەریكی ڕاوی ماسی بووە دەستگیری بكەن، بەڵام دوو ڕاوچی دیكە هەلاتوونز

بەڕێوەبەرایەتی پۆلیسی دارستان و ژینگەی ڕاپەڕین لە ڕاگەیەنراوێكدا ئاماژەی بەوەكردووە، لە درێژەی كار و چالاكیەكان ئەمڕۆ مەفرەزەیەكیان دەركرد بۆ سنوری ( كانیە پورەخاسی) و لە ئەنجامی گەڕان و پشكنینی ئەو ناوچەیە توانیان ڕاوچییەك دەستگیر بكەن، خەریكی ڕاوی نایاسایی بوو لەگەڵ دەست گرتن بەسەر یەك شەداو دا.

ڕاشیگەیاندووە، بەڵام (٢) ڕاوچی ترش بە ماتۆڕسكیل ھەڵاتن و دەستبەجێ پەڕاوی لێكۆڵێنەوەیان بۆ كرایەوە و دادوەری لێ ئاگادار كرایەوە .

ئاماژەی بەوەشكردووە، ھەر لە ھەمان ڕۆژ و دوای چەند كاتژمێرێكی تر ھەر لە ئەنجامی گەڕان و پشكنینی ئەو ناوچەیە توانیان (١) تۆڕیش ھەڵبگرنەوە، كە لە لایەن ڕاوچیانەوە دانرابوو.

بەڕێوەبەرایەتی پۆلیسی دارستان و ژینگەی ڕاپەڕین، تكا لە ھاووڵاتیان دەكات، “لەو ماوەی وەرزی قەدەغەكردنی ڕاوی ماسیە پابەندی ڕێنماییەكان بن بۆ ئەوەی كەس تووشی سزای یاسایی نەبن”.

ژینگە

كەشناسی: پلەكانی گەرما بەرز دەبنەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ یەك شەممە ئاسمان ساماڵ دەبێت.

هەر بەپێی پێشبینییەكان، سبەینێ دوو شەممە، ئاسمان ساماڵ دەبێت و پلەكانی گەرماش بەرز دەبنەوە.

بەردەوام بە لە خوێندنەوە

ژینگە

“لە هەرێم كەشوهەوای هاوین كۆتایی دێت”

خەڵك- بەشی هەواڵ
شارەزایەكی كەشناسی عیراقی ئاشكرای دەكات، كە گەرما كۆتایی هات و پاییزی ئەمساڵ باراناوی دەبێت و دەشڵێت: ” هەرێم كەشوهەوای هاوینە كۆتایی دێت”.

سادق عەتیە، شارەزای كەشناسی عیراقی لە هەژماری خۆی لە فەیسبووك ڕوونی كردۆتەوە، پلەكانی گەرما بەشێوەیەكی بەرچاو ڕوویان لە دابەزین كردووە و لە 6ی ئەم مانگەشەوە لە ناوچەكانی هەرێمی كوردستان زیاتر دادەبەزن و لەنێوان 34 بۆ 38 پلە دەبن و لە ناوچەكانی باشووری وڵاتیش بۆ 45 پلە دادەبەزن.

ڕاشیگەیاندووە، كە هەردوو ناوچەكانی هەرێم و ڕۆژئاوای عیراق لە هەفتەی دووەمی مانگی ئاب (8)ەوە ماڵئاوایی لە وەرزی هاوین دەكەن، بەڵام ناوچەكانی ناوەڕاستی وڵات لە هەفتەی سێیەمەوە و ناوچەكانی باشووریش لە هەفتەی چوارەم و سەرەتای مانگی ئەیلول (9)وە ماڵئاوایی لە هاوین دەكەن.

ئاشكراشی كردووە، كە وەرزی پاییزی ئەمساڵ وەرزێكی شێدار و باراناوی دەبێت و پلەكانی گەرما نزم دەبن.

بەردەوام بە لە خوێندنەوە

ژینگە

دوو بوومەلەرزە هەرێمی كوردستانی هەژاند

خەڵك- بەشی هەواڵ
پێشنیوەڕۆی ئەمڕۆ دوو بوومەلەرزە بە گوڕی جیاواز ناوچەكانی ئیدارەی گەرمیان و كەلار و چەند ناوچەیەكی دیكەی هەژاند.

محەمەد كەمال، كە لە كەلار و شارەزای بواری كەشناسی و بوومەلەرزەزانی بۆ (خەڵك) ڕایگەیاند، پێشنیوەڕۆی ئەمڕۆ شەممە دوو بوومەلەرزە بە گوڕی جیاواز ناوچەكانی ئیدارەی گەرمیان و كەلار و چەند ناوچەیەكی دیكەی هەژاند.

ڕاشیگەیاند، كە بوومەلەرزەی یەكەمیان لە كاتژمێر 11:38 ی پێش نیوەڕۆ بە گوڕی 3.7 پله به پێوەری ڕێختەر لە قوڵایی 10 كیلۆمەتر  و دوومیان كاتژمێر 11:43 ی پێش نیوەڕۆ بە گوڕی 2.9 پله به پێوەری ڕێختەر لە قوڵایی 10 كیلۆمەتر ڕوویدا.

هەروەها بەڕێوەبەرایەتی گشتی كەشناسی و بوومەلەرزەزانی هەرێم هەواڵی ڕوودانی دوو بوومەلەرزەكەی پشتڕاست كردەوە و ئاشكرای كردووە، “چەقەكەی شاری (كرمانشان)ە بە دووری 32 كم لە خانەقین و 36 كم لە كفری دوورە بەقوڵایی 10 كم، و هاووڵاتیان هەستیان پێكردووە، سوپاس بۆ خودا هیچ زیانێكی نەبووە”.

هاوكات چەندین هاووڵاتی لە سنووری گەرمیان و خانەقین و چەمچەماڵ و دەبەندیخان لە تۆڕە كۆمەڵایەتییەكان بڵاویانكردۆتەوە، كە هەستیان بە بوومەلەرزەكە كردووە.

بەردەوام بە لە خوێندنەوە

کوردستان