ئێمە لە تۆرە کۆمەڵایەتیەکان

کوردستان

كۆرۆنا، كێشە بۆ ئەنجامدانی كۆنگرەی دوو حزب دروست دەكات

خەڵك-بەشی هەواڵ

 

بڕیارە ئەمساڵ پارتی كۆنگرەی چواردەهەم ببەستێت و ئەندامێكی مەكتەبی سیاسی حزبەكەش ئاشكرایدەكات، هەنگاوی باش نراون بۆ ئەنجامدانی كۆنگرە، بەڵام لەبەر ڕەوشی كوردستان و كۆرۆنا ناتوانین كاتەكەی دیاری بكەین، هاوكات كۆمەڵی ئیسلامیش چەندین كۆنفڕانسی مەڵبەندەكانیان ئەنجامداوە بەڵام بەهۆی كۆرۆناوە لە ئێستادا سەرجەم كارەكانیان ڕاگرتووە.

جەعفەر ئیمینكی ئەندامی مەكتەبی سیاسی پارتی بە میدیای فەرمی حزبەكەی ڕاگەیاند، كۆنگرە پێویستییەكی ڕێكخراوەییە و هەنگاوی باش نراون بۆ ئەنجامدانی كۆنگرە تاكو ئەمساڵ بەڕێوەبچێت، پلان و پێشنیازی باشیش ئامادە كراون، ئەوەی ماوەتەوە كاتی گونجاوە بۆ بەڕێوەبردنی كۆنگرەكە.

وتیشی”لەبەر ئەو ڕەوشەی ئێستا كوردستان پێیدا تێدەپەڕێت بەهۆی بڵاوبوونەوەی ڤایرۆسی كۆرۆنا، ناتوانم بڵێم لە فڵانە ڕۆژ كۆنگرە دەكەین، بەڵام پارتی جددییە و ئەمساڵ كۆنگرە ئەنجام دەدرێت”.

لەبارەی شێوازی بەشداری ئەندامان كۆنگرە، ناوبراو ئاشكرایكرد، دیار نییە لەسەر چ بنەمایەك ئەندامانی كۆنگرە دیاری دەكرێن، بەڵام وەك كۆنگرەكانی پێشووی حزب هەندێكی بە هەڵبژاردن و بە تەزكییەش بووە، بەڵام بێگومان پشكی شێری ئەندامان بە هەڵبژاردن دیاری دەكرێن، لەوانەیە ئەمە دووبارە ببێتەوە و لەوانەشە شێوازی دیكە جێبەجێ بكرێت.

لای خۆشییەوە هاوژین عومەر سەرۆكی لیژنەی باڵای ئامادەكاریی كۆنگرەی چوارەمی كۆمەڵی ئیسلامی بە (خەڵك)ی ڕاگەیاند، لە 9 مەڵبەندی كۆمەڵ كۆنفڕانسمان ئەنجامدا و تەنها 3 مەڵبەندمان مابوو، بەڵام دوای ئەوەی زانیمان حاڵەتەكە خراپە و دوای دەركردنی ڕێنماییەكان لەلایەن لایەنە پەیوەندیدارەكانی تەندروستی بە ڕاوێژ لەگەڵ حزب و بە فەرمانی مامۆستا عەلی باپیر كۆنفڕانسەكانمان دواخست بۆ كاتێكی نادیار.
وتیشی”هەركاتێك زانیمان حكومەت ڕێگا بە دروستبوونەوەی كۆڕو كۆبوونەوەكان دەدات و دۆخەكە ئاسایی بووەوە، ئەوكات ئێمەش دەستپێدەكەینەوە و تا ئێستاش هیچ وادەیەكمان دیاری نەكردووە بۆ ئەنجامدانی كۆنگرە، بەڵام دوای ئەنجامدانی كۆنفڕانسەكان كۆنگرە دەكرێت”.

کوردستان

تووشبوون بە كۆرۆنا لە ڕۆژێكدا 400 كەسی تێپەڕاند

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 404 حاڵەتی تووشبوون بە كۆرۆنا تۆماركراوە و 11 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٢٢٩٦ پشكنین ئەنجام دراوە و دەركەوتووە لە هەولیر ٢١٨ كەس و سلێمانی 35 كەس و لە گەرمیان ٢٩ كەس و دهۆك 101 و هەڵەبجە 21 كەس تووشی كۆرۆنا بوون.

ئاشكراشی كردووە، كە ١٦٠ كەس چاكبوونەوە و 11 كەسیش گیانیان لەدەستداوە.

بەردەوام بە لە خوێندنەوە

کوردستان

سبەینێ‌ لە سلێمانی گەڕەكێك بێ‌ كارەبا دەبێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ئاگاداری هاووڵاتیانی دانیشتووی گەڕەكی بەختیاری دەكات، كە سبەینێ‌ بەهۆی بەستنی پێوەری زیرەكەوە بێ‌ كارەبا دەبن.

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە، ئاگاداری دانیشتوانی گەڕەكی (بەختیاری) نزیك بەڕێوەبەرایەتی گشتی شارەوانیەكان، فیدەری (۱۹) دەكەین، سبەینێ پێنج شە‌ممە (6/8/2020) پێوەری زیرەكی كارەبایان بۆ دەبەسترێت.

دەشڵێت: “سبەینێ لە كاتژمێر (7 ی بەیانی بۆ 12ی نیوەڕۆ) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

جەختیشی كردۆتەوە، بەستنی پێوەرەكە بێ بەرامبەر و هیچ بڕە پارەیەك لە هاووڵاتی وەرناگیرێت و خەرجییەكەی لەسەر حكومەتە.

ڕوونیشی كردۆتەوە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

کوردستان

لە نزیك پردی كۆبانێ‌ ئۆتۆمبێلێك ئاگری گرت

خەڵك- بەشی هەواڵ
هاتووچۆی سلێمانی ڕایدەگەیەنێت، كە لە نزیك پردی كۆبانێ‌ ئۆتۆمبێلێك لە جۆری تایبەت ئاگری گرتووە، بەڵام زیانی گیانی نەبووە.

بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، ئێوارەی ئەمڕۆ چوار شەممە ئۆتۆمبێلێك لەجۆری شۆفرلێت بلایزەر، لەسەر شەقامی بازنەیی مەلیك مەحمود نزیك پردی كۆبانێ ئاگری گرت و سووتا.

ڕاشیگەیاندووە، زیانی گیان بەدواوە نەبووە، تەنها زەرەری ماددی بەر ئۆتۆمبێلەكە كەوتووە.

بەردەوام بە لە خوێندنەوە

کوردستان