ئێمە لە تۆرە کۆمەڵایەتیەکان

کوردستان

پەڕلەمانی كوردستان؛ حكومەتی هەرێم وەك یەك تیم ڕووبەڕووی هەموو قەیرانەكان دەبنەوە

خەڵك – بەشی هەواڵ

پەڕلەمانی كوردستان ڕایدەگەیەنێت، پشتیوانی گرتنەبەری سیاسەتی لێكتێگەیشتن و ڕێككەوتنن لەگەڵ حكومەتی عیراقی فیدراڵ و ڕێگەی گفتوگۆو دیالۆگ بۆ چارەسەركرنی ئەم كێشانەو وەرگرتنی شایستە داراییەكان بەپێویست دەزانن، دەشڵێت،”حكومەتی هەرێم وەك یەك تیم ڕووبەڕووی هەموو قەیران و ناحۆشییەكان دەبینەوە”.

پەڕلەمانی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، سەعات ١١ی پێشنیوەڕۆی ئەمڕۆ یەكشەمە ٢٦/٤/٢٠٢٠، دەستەی سەرۆكایەتیی پەڕلەمانی كوردستان بە سەرۆكایەتی جیگری سەرۆكی پەڕلەمان و ئامادەبوونی سكرتێری پەڕلەمان و سەرۆكی سەرجەم فراكسیۆنەكانی پەڕلەمانی كوردستان، پێشوازییان لەشاندی دانوستانكاری حكومەتی هەرێمی كوردستان لەگەڵ بەغدا بەسەرۆكایەتیی ئاوات شێخ جەناب، وەزیری داراییی حكومەتی هەرێمی كوردستان كرد.

لەڕاگەیەنراوەكەدا هاتووە، شاندی دانوستانكار كۆكبوون لەسەر ئەوەی، كە بابەتی بودجەی هەرێمی كوردستان بەسیاسی كراوە و هەوڵێكە بۆ بڕینی قووتی خەڵكی كوردستان، چونكە هەرێمی كوردستان نیەت پاكی و هەموو هاوئاهەنگییەكی بۆ ئەم مەبەستە لەچوارچێوەی دەستوورو یاسا خستووەتەڕوو.

پەرلەمانی كوردستان و شاندی دانوستانكاری حكومەتی هەرێم لەگەڵ بەغدا كۆبوونەوە:

سەعات ١١ی پێشنیوەڕۆی ئەمڕۆ یەكشەمە ٢٦/٤/٢٠٢٠، دەستەی سەرۆكایەتیی پەرلەمانی كوردستان بەسەرۆكایەتی هێمن هەورامی جیگری سەرۆكی پەرلەمان و ئامادەبوونی منی نبی قەهوەچی سكرتێری پەرلەمان و سەرۆكی سەرجەم فراكسیۆنەكانی پەرلەمانی كوردستان، پێشوازییان لەشاندی دانوستانكاری حكومەتی هەرێمی كوردستان لەگەڵ بەغدا بەسەرۆكایەتیی ئاوات شێخ جەناب وەزیری داراییی حكومەتی هەرێمی كوردستان كرد.
لەكۆبوونەوەیەكدا كە لەتەلاری پەرلەمان بەڕێوەچوو، هێمن هەورامی جێگری سەرۆكی پەرلەمانی كوردستان وێڕای بەخێرهێنانی شاندی حكومەتی هەرێـمی كوردستان، سوپاس و ستایشی پەرلەمانی كوردستانی بەسەرۆك و جێگری سەرۆكی حكومەتی هەرێمی كوردستان و ژووری ئۆپەراسیۆنەكانی بەرەنگاربوونەوەی ڤایرۆسی كۆرۆناو سەرجەم تیمەكانی تەندروستی و پۆلیس و ئاسایش و پێشمەرگەو سەرجەم تیمە خزمەتگوزارییەكان گەیاند كە لەماوەی رابردوودا لەچوارچێوەی ئەو توانا ئیدارییە سنووردارانەی كەهەیانبووە توانیان زۆر لەخۆبووردووانە رووبەڕووی پەتای ڤایرۆسی كۆرۆنا ببنەوە، كەهاوكات كۆمەڵێك لێكەوتەی نەرێنیی بۆ هەرێمی كوردستان دروستكرد، هەروەها دەستخۆشیی لەشاندی حكومەتی هەرێمی كوردستان كرد لەو سەردانەیان بۆ بەغداو كۆبوونەوەیان لەگەڵ حكومەتی عێراقیی فیدراڵ لەسەر پرسی بودجەو نەوت و غازو كارەبا، لەمبارەیەوە هێمن هەورامی جێگری سەرۆكی پەرلەمانی كوردستان بەشاندی حكومەتی هەرێمی ڕاگەیاند: “وەكو پەرلەمانی كوردستان پشتیوانی گرتنەبەری سیاسەتی لێكتێگەیشتن و رێككەوتنن لەگەڵ حكومەتی عێراقی فیدراڵ و رێگەی گفتوگۆو دیالۆگ بۆ چارەسەركرنی ئەم كێشانەو وەرگرتنی شایستە داراییەكان بەپێویست دەزانن”.
هەر لەكۆبوونەوەكەدا باس لەپرۆسەی جێبەجێكردنی یاسای چاكسازی و پەلەكردن لەئەنجامدانی كراو پەرلەمانیش وەك ئەركی یاسایی خۆی چاودێرو بەدوادواچوون بۆ پرۆسەكە دەكات.
لای خۆیانەوە شاندی حكومەتی هەرێمی كوردستان تیشكیان خستەسەر لێكەوتە نەرێنییەكانی سەرهەڵدانی ڤایرۆسی كۆڕۆناو دابەزینی نرخی نەوت كە بەهۆیەوە هەرێمی كوردستان تووشی قەیرانی دارایی بۆتەوە.
ئاوات شێخ جەناب وەزیری داراییی حكومەتی هەرێمی كوردستان باسی لەسەردانی شاندی حكومەتی هەرێم كرد بۆ بەغداو رایگەیاند: “بەگوێرەی رێككەوتنی نێوان هەرێم و بەغدا لەمانگی ١٢ی ٢٠١٩ لەسەر بودجەی ساڵی 2020، هەرێمی كوردستان ئامادەیە هەموو نەوتەكەی رادەستی بەغدا بكات، بەمەرجێك حكومەتی عێراق سەرجەم شایستە داراییەكانی هەرێم رەوانە بكات، ئەوەشیان بەشاندی دانوستانكاری بەغدا راگەیاندووە”.
هەروەها باسی لە هەوڵەكانی شاندی دانوستانكار كرد بۆ ناردنی بەشە بودجەی هەرێمی كوردستان لەلایەن حكومەتی بەغداوە كە لە ١٦ی ئەم مانگە بەبڕیارێك لەلایەن ئەمیندارێتیی گشتیی ئەنجوومەنی وەزیران ڕاگیرابوو، لەوبارەیەوە وەزیری دارایی ئاماژەی بەوەدا كە نووسراوێكی فەرمییان گەیاندووەتە سەرۆكوەزیرانی عێراقی فیدراڵ بۆئەوەی رەزامەندی بدەن لەسەر ناردنی بودجەو شایستە داراییەكانی هەرێمی كوردستان و هیوای خواست كە بەشێوەیەكی ئەرێنی وەڵامی داواكاریی هەرێمی كوردستان بدرێتەوە.
هاوكات شاندی دانوستانكار كۆكبوون لەسەر ئەوەی كەبابەتی بودجەی هەرێمی كوردستان بەسیاسی كراوەو هەوڵێكە بۆ بڕینی قووتی خەڵكی كوردستان، چونكە هەرێمی كوردستان نیەت پاكی و هەموو هاوئاهەنگییەكی بۆ ئەم مەبەستە لەچوارچێوەی دەستوورو یاسا خستووەتەڕوو.
پاشان لەلایەن سەرۆكی فراكسیۆنەكانی پەرلەمانی كوردستان كۆمەڵێك پرسیار ئاراستەی شاندی حكومەتی هەرێمی كوردستان كرا سەبارەت بەمووچەی فەرمانبەران و سەرچاوەكانی داهاتی هەرێمی كوردستان كە لەڕێگەیانەوە مووچەی فەرمانبەرانی پێ دابین دەكرێت و لەلایەن سەرۆك و ئەندامانی شاندەكە وەڵامی پێویستییان درایەوە.
لە بەشێكی دیكەی كۆبوونەوەكەدا شاندی دانوستكاری حكومەتی هەرێم بەپەرلەمانیان ڕاگەیاند: “حكومەتی هەرێم وەكو یەك تیم ڕووبەڕووی هەموو قەیران و ناحۆشییەكان دەبینەوەو پێداگیری دەكەین لەهەر شتێك كە سوودبەخش بێت و لە بەرژەوەندییەكانی خەڵكی كوردستاندا بێت ئەنجامی دەدەین”.

کوردستان

ژووری ئۆپراسیۆنەكانی هەولێر: 156 شوێنی سەرپێچیكار داخران

خەڵك – بەشی هەواڵ

لەبەرامبەر سەرپێچیكردن و جێبەجێنەكردنی ڕێنماییەكان ژووری ئۆپراسیۆنەكانی هەولێر ژمارەیەكی زۆر شوێنكاری داخست.

ژووری ئۆپراسیۆنەكانی هەولێر لە ڕاگەیەنراوێكدا ڕایگەیاند: لە ژێر ڕۆشنایی بڕیارەكانی ژووری ئۆپراسیۆنی پارێزگای هەولێر بۆ بەرەنگاربوونەوەی ڤایرۆسی كۆرۆنا و لە چوارچێوەی بەدواداچوون و پشكنین بۆ شوێنەكان لەلایەن لیژنەكانی چاودێری و تەندروستیییەوە، لەماوەی دوو ڕۆژی ڕابردوودا، بەهۆی پابەند نەبوون بە ڕێنماییە تەندروستییەكان و ڕێكارەكانی خۆپارێزی لە كۆرۆنا، لەسنووری هەر (10) قائیمقامیەتەكەی پارێزگای هەولێر (156) شوێن داخران.

دەقی ڕاگەیەندراوەكە:

لە ژێر رۆشنایی بڕیارەكانی ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی كۆرۆنا و لە چوارچێوەی بەدواداچوون و پشكنین بۆ شوێنەكان لەلایەن لێژنەكانی چاودێری و تەندروستیییەوە، لەماوەی دوو رۆژی رابردوودا، بەهۆی پابەند نەبوون بە رێنماییە تەندروستییەكان و رێكارەكانی خۆپارێزی لە كۆرۆنا، لەسنووری هەر (10) قایمقامیەتەكەی پارێزگای هەولێر (156) شوێن داخران.

ژووری ئۆپەراسیۆنی پارێزگای هەولێر لە رێگەی لێژنەكانی چاودێری و تەندروستیی بەردەوامە لە بەدواداچوون و پشكنینی شوێنەكان و چاودێریكردنییان، هەر شوێنك پابەند نەبێت بە رێكارەكانی خۆپارێزی رووبەڕووی سزا و داخستن دەبێتەوە، بۆیە داواكارین لە هاوڵاتییانی سنووری پارێزگای هەولێر و سەرجەم دوكان و بازاڕ و هەموو ئەو شوێنانەشی كە بۆ خزمەتی هاووڵاتیان كراوەن، لەم دوخە مەترسیدارەی كۆرۆنا پابەندی رینماییە تەندروستییەكان بن و بەپێی رێكارەكانی خۆپارێزی لە كۆرۆنا و لەپێناو پاراستنی ئاسایشی تەندروستیی و سەلامەتی گشتیی شارەكەمان (دەمامك) ببەستن، بۆ ئەوەی رووبەڕووی سزادان و داخستن نەبنەوە.

ژووری ئۆپەراسیۆنی پارێزگای هەولێر

7/8/2020

بەردەوام بە لە خوێندنەوە

کوردستان

“‎بێ‌ ڕێككەوتن كازمی پارە بۆ هەرێم دەنێرێت”

خەڵك – بەشی هەواڵ

ڕاوێژكارێكی پێشووی سەرۆك كۆماری عیراق ڕایدەگەیەنێت: مستەفا كازمی سەرۆك وەزیرانی عیراق بەبێ‌ ڕێككەوتن پارە بۆ هەرێم دەنێرێت.

سالار مەحود ڕاوێژكاری پێشووی سەرۆك كۆماری عیراق لە نووسینێكیدا ڕایگەیاندووە:”بێ ڕێككەوتن كازمی پارە بۆ هەرێم دەنێرێ “لەهەڵبژاردنی داهاتوو لایەنەكان كورسیان كەم دەكات” بەبێ ڕێكەوتن لەگەڵ هەرێم كازمی ڕێژەیەك پارە بۆ كوردستان دەنێرێت بەناوی پێدانی مووچەوە. چونكە بۆ هەڵبژارنی داهاتوو نیازی دروستكردنی لیستی سەرتاسەری هەیە لە عیراق و كوردستان”.

سالار مەحمود دەشڵێت:” كازمی دەیەوێت بە ڕای گشتی كوردستان و مووچە خۆران بڵێ بەبێ ڕێككەوتن لەگەڵ لایەنە پێكهێنەرەكانی حكومەتی هەرێم هاوكاریتان دەكەم. كوردستان تەنیا بۆ پارە چاوی لەبەغدایە و دۆسیە ستراتیژییەكان فەرامۆش كراون”.

ئەو ڕاوێژكارەی پێشووی سەرۆك كۆماری عیراق ئاشكراشیكردووە:”سەرەتا بە هاندانی ئەمریكا هەر زوو لەكوردستانەوە پشتیوانی بێ مەرج بۆ كازمی ڕاگەیەنرا. ئەگەر كازمی لەسەر ئاستی گشتی توانی چاكسازی بكات و هاوتەریبیش ئیستحقاقی دەستوری كوردستان، ئەوا دەشێ دەستخۆشی لێ بكرێت. بەڵام نابێ پەلە بكرێت لە بڕیاردان لە ئەجنداو نیازی داهاتووی مستەفا”.

ئەوەشیخستووەتەڕوو:” كازمی لە كارنامەكەیدا هەڵبژاردنی پێشوەخت هەبوو، پەرلەمانیش دەنگی بەو كارنامەیە داوە و داخوازییەكی گشتی بووە، بۆیە دیاریكردنی ڕۆژی هەڵبژاردن لەلایەن حكومەتەوە ئاسایی و یاساییە، ئەمەش بەهەماهەنگی لەگەڵ دەسەڵاتەكانی تر”.

سالار مەحمود ئاماژەی بەوەشداوە:”لەهەڵبژاردنی داهاتوو هەموو لایەنەكانی ئێستا كورسی كەم دەكەن و دابەشبوونی زۆرتر دروست دەبێت بەپێی یاسا نوێكە. نەوەیەكی نوێی سیاسی و چینێكی سیاسی نوێ لە عیراق سەرهەڵدەدەن. نەوە كۆنەكەش پاشەكشە دەكەن”.

بەردەوام بە لە خوێندنەوە

کوردستان

ڤیدیۆ.. پۆلیسی سلێمانی ئەو تۆمەتبارەى دەستگیركرد كە لە شاری بەغدا سوكایەتی بە گەنجێك كردبوو

خەڵك – بەشی هەواڵ

بەڕێوەبەری‌ پۆلیسی‌ پارێزگای‌ سلێمانی‌ دەستگیركردنی‌ یەكێك لەو كەسانەی‌ ڕاگەیاند كە چەند ڕۆژێك لەمەوبەر لەشاری‌ بەغدا سوكایەتییان بەمێردمنداڵێك كردبوو.

عەمیدی‌ مافپەروەر ئاسۆ شێخ تەها بەڕێوەبەری‌ پۆلیسی‌ پارێزگای‌ سلێمانی‌،‌ لە كۆنگرەیەكی‌ ڕۆژنامەوانیدا ئەمڕۆ هەینی 7/8/2020 ڕایگەیاند:”پاش بڵاوبوونەوەی‌ گرتەیەكی‌ ڤیدیۆیی كە لەشاری‌ بەغدا چەند كەسێك لەدەزگا ئەمنییەكان سوكایەتی‌ بەمێردمنداڵێك دەكەن، دواتر بەرێز مستەفا كازمی‌، سەرۆك وەزیرانی‌ عیراق فەرمانی‌ دەستگیركردنی‌ بۆ ئەو كەسانە دەركرد، زۆربەی‌ ئەو كەسانە دەستگیركراون‌ و لەبەغدا بەندكراون”.

بەڕێوەبەری‌ پۆلیسی‌ پارێزگای‌ سلێمانی ‌وتیشی:”دوێنێ لیوا بەختیار بابان، بەڕێوەبەری‌ گشتی‌ پۆلیسی‌ هەرێم‌ و لیوا كاكە ڕەش، نوێنەری‌ وەزارەتی‌ ناوخۆی‌ حكومەتی‌ هەرێم لەبەغدا پەیوەندییان پێوەكردم‌ و كە گومان دەكەن یەكێك لەو كەسانە هەڵهاتبێت بۆ هەرێمی‌ كوردستان”‌.

عەمیدی‌ مافپەروەر ئاسۆ شێخ تەها وتیشی‌:”‌ئێمەش لێكۆڵینەوەكانمان دەستپێكرد بۆ دەستكەوتنی‌ سەرەداوێك‌ و دۆزینەوەی‌ ئەو كەسە، خۆشبەختانە ئێوارەی‌ ئەمڕۆ توانیمان ئەو كەسە لەناو شاری‌ سلێمانی‌ دەستگیر بكەین”.

بەڕێوەبەری‌ پۆلیسی‌ پارێزگای‌ سلێمانی ئاماژەی‌ بۆ ئەوەشكرد:”دوای‌ كۆتاییهاتنی‌ ڕێكارە یاساییەكان كەسەكە ڕادەستی‌ نوێنەری‌ بەڕێوەبەرایەتی‌ پۆلیسی‌‌ بەغدا دەكرێتەوە كە ئێستا لەشاری‌ سلێمانییە‌، لەبەرئەوەی‌ دۆسیەی‌ لێكۆڵینەوەكەی‌‌ لەبەغدایە”.

 

پۆلیسی سلێمانی ئەو تۆمەتبارەی دەستگیركرد كە لە شاری بەغدا سوكایەتی بە گەنجێك كرد

مه‌فره‌زه‌كانی‌ به‌ڕێوه‌به‌رایه‌تی‌ پۆلیسی‌ پارێزگای‌ سلێمانی‌ یه‌كێك له‌و كه‌سانه لەشاری سلێمانی ده‌ستگیرده‌كه‌ن كه‌ سوكایه‌تییان‌ به‌مێردمنداڵه‌كه‌ی‌ به‌غدا كردبوبه‌ڕێز عه‌میدی‌ مافپه‌روه‌ر ئاسۆ شێخ ته‌ها، به‌ڕێوه‌به‌ری‌ پۆلیسی‌ پارێزگای‌ سلێمانی‌ ده‌ستگیركردنی‌ یه‌كێك له‌و كه‌سانه‌ی‌ ڕاگه‌یاند كه‌ چه‌ند ڕۆژێك له‌مه‌وبه‌ر له‌شاری‌ به‌غدا سوكایه‌تییان به‌مێردمنداڵێك كردبو.ئه‌مڕۆ 2020/8/7، به‌ڕێز عه‌میدی‌ مافپه‌روه‌ر ئاسۆ شێخ ته‌ها،‌ له‌كۆنگره‌یه‌كی‌ رۆژنامه‌وانیدا ڕایگه‌یاند، پاش بڵاوبه‌نه‌وه‌ی‌ گرته‌یه‌كی‌ ڤیدیۆیی كه‌ له‌شاری‌ به‌غدا چه‌ند كه‌سێك له‌ده‌زگا ئه‌منییه‌كان سوكایه‌تی‌ به‌مێردمنداڵێك ده‌كه‌ن، دواتر به‌رێز مسته‌فا كازمی‌، سه‌رۆك وه‌زیرانی‌ عێراق فه‌رمانی‌ ده‌ستگیركردنی‌ بۆ ئه‌و كه‌سانه‌ ده‌ركرد، زۆربه‌ی‌ ئه‌و كه‌سانه‌ ده‌ستگیركراون‌و له‌به‌غدا به‌ندكراون.دوێنێ هه‌ردو به‌ڕێزان لیوا به‌ختیار بابان، به‌ڕێوه‌به‌ری‌ گشتی‌ پۆلیسی‌ هه‌رێم‌و لیوا كاكه‌ ڕه‌ش، نوێنه‌ری‌ وه‌زاره‌تی‌ ناوخۆی‌ حكومه‌تی‌ هه‌رێم له‌به‌غدا په‌یوه‌ندییان پێوه‌كردم‌و كه‌ گومان ده‌كه‌ن یه‌كێك له‌و كه‌سانه‌ هه‌ڵهاتبێت بۆ هه‌رێمی‌ كوردستان‌.وتیشی‌، ‌ئێمه‌ش لێكۆڵینه‌وه‌كانمان ده‌ستپێكرد بۆ ده‌ستكه‌وتنی‌ سه‌ره‌داوێك‌و دۆزینه‌وه‌ی‌ ئه‌و كه‌سه‌، خۆشبه‌ختانه‌ ئێواره‌ی‌ ئه‌مرۆ توانیمان ئه‌و كه‌سه‌ له‌ناو شاری‌ سلێمانی‌ ده‌ستگیر بكه‌ین.ئاماژه‌ی‌ بۆ ئه‌وه‌شكرد كه‌ دوای‌ كۆتاییهاتنی‌ ڕێكاره‌ یاساییه‌كان كه‌سه‌كه‌ ڕاده‌ستی‌ نوێنه‌ری‌ به‌رێوه‌به‌رایه‌تی‌ پۆلیسی‌‌ به‌غدا ده‌كرێته‌وه كه‌ ئێستا له‌شاری‌ سلێمانییه‌‌، له‌به‌رئه‌وه‌ی‌ دۆسیه‌ی‌ لێكۆڵینه‌وه‌كه‌ی‌‌ له‌به‌غدایه‌.به‌ڕێوه‌به‌رایه‌تی‌ پۆلیسی‌ پارێزگای‌ سلێمانی – ڕاگه‌یاندن‌و په‌یوه‌ندییه‌كان

Posted by ‎Sulaymanya police پۆلیسی سلێمانی‎ on Friday, August 7, 2020

بەردەوام بە لە خوێندنەوە

کوردستان