ئێمە لە تۆرە کۆمەڵایەتیەکان

عێراق

سەرۆككۆمار پێشوازی لە سەرۆكی بەرەی توركمانی كرد

خەڵك – بەشی هەواڵ

سەرۆككۆماری عیراق ڕایدەگەیەنێت، یەكخستنی هەوڵەكانی نێوان پێكهاتە سیاسییەكان بۆ یەكلایكردنەوەی دۆسیەی پێكهێنانی حكومەتی نوێ‌ كە تەواوی مافی پێكهاتەكانی عیراق دەستەبەر بكاتكارێكی گرنگە و دەشڵێت ،”پێویستە كادری بە توانا و پاك كاندید بكرێن بۆ پێكهێنانی حكومەت”.

نوسینگەی ڕاگەیاندنی سەرۆكایەتی كۆمار لە ڕاگەیەنراوێكدا، بڵاویكردەوە، ساڵح ئەمرۆ یەكشەممە 26-4-2020 د. بەرهەم ساڵح ، لە كۆشكی سەلام لە بەغدا پێشوازی لە ئەرشەد ساڵحی، سەرۆكی بەرەی توركمانی و سەرۆكی لیژنەی مافەكانی مرۆڤ لە پەڕلەمان و شاندێكی یاوەری كرد.

لە میانی ئەو دیدارەدا جەختیكردەوە، لەگرنگی یەكخستنی هەوڵەكانی نێوان پێكهاتە سیاسییەكان بۆ یەكلایكردنەوەی دۆسیەی پێكهێنانی حكومەتی نوێ‌، كە تەواوی مافی پێكهاتەكانی عیراق دەستەبەر بكات و داواكارییە رەواكانیان بۆ جێبەجێكردنی ئەو چاكسازیانەی بەڵێن دراون بهێنێتە دی.

ئاماژەی بۆ ئەوەشكردووە، كە كاندیدكردنی كادری بە توانا و پاك پێویستە تا بتوانێت جومگەكانی دەوڵەت بەو پەڕی توانا و بەرپرسیارییەتییەوە بەڕێوە ببات.

لە ڕاگەیەنراوەكەدا هاتووە، شاندی توركمانی ڕایانگەیاندووە، سوورن لە سەر بەشداریكردنی كارا لە بنیادنانی دەوڵەت و پێشخستنی، هەروەها پابەندن بە پشتیوانیكردنی ئەو هەوڵانەی، كە دەنرێت بۆ یەكخستنی ڕێزەكان و هەڵوێست لە پێناو پتەوكردنی دۆخی نیشتمانی و هێنانەدی بەرژەوەندی باڵای نیشتمانی.

عێراق

كازمی بۆ وەزارەتی ناوخۆ: ڕێز لە مافەكانی مرۆڤ بگرن

خەڵك – بەشی هەواڵ

سەرۆك وەزیرانی عیراق كە فەرماندەی گشتیی هێزە چەكدارەكانیشە سەردانی وەزارەتی ناوخۆی كرد و چەند ڕاسپاردەیەكی دەركرد.

لە سەردانەكەیدا مستەفا كازمی، فەرماندەی گشتیی هێزە چەكدارەكانی عیراق ڕایگەیاند: پیاوانی وەزارەتی ناوخۆ، نوێنەرایەتیی یاسا دەكەن، دەستدرێژیكردنەسەریان، مانای ئەوەیە دەستدرێژی كراوەتە سەر دەوڵەت.

مستەفا كازمی ڕاشیگەیاند: هێشتا هەلی ڕاستكردنەوەی هەڵەكان ماوە و دەكرێت هەڵەكان لەپێناو هەستانەوە ڕاستبكرێنەوە.

فەرماندەی گشتیی هێزە چەكدارەكانی عیراق دووپاتیشیكرەوە: ڕێگە بە گوشاری سیاسی لە حزب و كەسایەتییەكانەوە نادەن و بە كارمەندانی ناوخۆی ڕاگەیاند: ئەركیان پاراستنی هەمووانە بەبێ دەستتێوەردان لە كاروبارەكانیان.

مستەفا كازمی وەزارەتی ناوخۆی بۆ پاراستنی دۆخی هەڵبژاردنەكانی داهاتوو ڕاسپارد و داواشی لێكردن ڕێز لە مافەكانی مرۆڤ بگرن و پردی متمانە لەنێوان خۆیان و هاووڵاتیاندا دروست بكەن.

بەردەوام بە لە خوێندنەوە

عێراق

وێنە.. پەلامارێك بۆ سەر ناوچەی سەوزی بەغدا شكستی پێهێنرا

خەڵك – بەشی هەواڵ

شانەی ئەمنی‌ عیراق ئاشكرایكرد: لەسەر ڕێگەی خێرانی محەمەد قاسم لە باشووری بەغدا دەستیان بەسەر 7 گوللە كاتیۆشادا گرتووە كە ئامادەكرابوون ئاڕاستەی ناوچەی سەوزی بەغدا بكرێن.

شانەی ئەمنی‌ عیراق ئاماژەی بەوەشكردووە: هەر ئەمڕۆ گوللە كاتیۆشایەك لەناوچەی دۆرەوە ئاڕاستەی ناوچەی سەوز كراوە، بەڵام بەبێ هیچ زیانێكی مرۆیی كەوتووەتەخوارەوە و هیچ زیانێكی نەبووە. بەپێی زانیاریی میدیاكان دوای ئاڕاستەكردنی گوللە كاتیۆشاكە دەنگی تەقە بیستراوە و زەنگی ئاگادار كردنەوە لەباڵیۆزخانەكان لێدراوە.

لەسەرەتای ئەمساڵەوە بەتایبەت لەشەواندا گروپە چەكدارەكان لەدەوروبەری بەغداوە گوللە كاتیۆشا ئاڕاستەی ناوچەی سەوز و بەتایبەت باڵیۆزخانەی ئەمریكا دەكەن.

هاوكات بەردەوام هێزە ئەمنییەكان لەدەوروبەری بەغدا ئۆپراسیۆن بۆ دۆزینەوەی شوێنی ئاڕاستەكردن و دەستگیركردنی ئەنجامدەران ئەنجامدەدەن.

بەردەوام بە لە خوێندنەوە

عێراق

وێنە.. مستەفا كازمی چووە ناو خۆپیشاندانی دەرچووانی زانكۆ و پەیمانگاكان

خەڵك – بەشی هەواڵ

سەرۆك وەزیرانی عیراق بۆ یەكەمجار چووە ناو خۆپیشاندەران و بەڵێنی پێدان داواكارییە ڕەواكانیان جێبەجێ بكات.

ئەمڕۆ چوارشەممە خۆپیشاندانی بەشێك لە دەرچووانی زانكۆ و پەیمانگاكان لە بەغدا بەڕێوەچوو، مستەفا كازمی سەرۆك وەزیرانی عیراقیش چووە ناوخۆپیشاندەران.

كازمی گوێی لە داواكاری خۆپیشاندەران گرت و بەڵێنیدا داواكارییە رەواكانیان جێبەجێ بكات و لەهەمان كات باسی لەوەشكرد، حكومەت دوچاری كۆمەڵێك كێشەی كەڵەكەبوو بووە بەهۆی خراپیی بەڕێوەبردن و خراپ مامەڵەكردن لە ساڵانی ڕابردوودا.

سەرۆك وەزیرانی عیراق ئاماژەی بەوەشكرد، ئەو هەنگاوانەی لە ئێستادا حكومەت گرتوویەتەبەر دژ بە گەندەڵی و ڕێككردنەوەی شێوازی بەڕێوەبردن، كاریگەرییەكی ئەرێنی دەبێت بۆ چارەسەركردنی كێشەكان.

بەردەوام بە لە خوێندنەوە

کوردستان