ئێمە لە تۆرە کۆمەڵایەتیەکان

کوردستان

د.هێرش سەید سەلیم: دواكەوتنی مووچە هۆكاری ئەوەیە هاووڵاتی ناتوانێت لەماڵەوە دانیشێت و خۆی لە ڤایرۆس بپارێزێت

خەڵك – بەشی هەواڵ

جێگری بەڕێوەبەری گشتیی تەندروستی سلێمانی ڕایدەگەیەنێت: دواكەوتنی مووچە هۆكاری ئەوەیە هاووڵاتی ناتوانێت لەماڵەوە دانیشێت و خۆی لە ڤایرۆس بپارێزێت و بەناچاری خۆی دەخاتە بەرمەترسی بۆ دابین كردنی بژێوی.

د. هێرش سەید سەلیم جێگری بەڕێوەبەری گشتیی تەندروستی سلێمانی، لەگفتوگۆیەكدا بۆ دەنگی ئەمریكا ڕایگەیاند:”لەسلێمانی لەبارێكی سەقامگیری كۆنتڕۆڵكردنی ڤایرۆسی كۆرۆنادابووین، ئەو دەمە ژیان بەتەواوەتی وەستابوو، لەبەرئەوە ئێمە لەبەڕێوبەرایەتی تەندروستی سلێمانی پڕۆژەیەكمان هەبوو بۆ ئاسایی كردنەوەی دۆخەكە بەقۆناغ، لە3 قۆناغدا خۆی دەبینییەوە، بەڵام ئەوەی هاتەدی و ئێستا جێبەجێ دەكرێت لەڕێنماییەكان زۆر بەپەلە و خێرایی جێبەجێكران، ئەوە شێوەیە نەبوو بەڕێوەبەرایەتی تەندروستی سلێمانی داوایكرد”.

جێگری بەڕێوەبەری گشتیی تەندروستی سلێمانی ئاماژەی بەوەشداوە:”شوێنی زۆر كراوەتەوە قەرەباڵغییەكی زۆر هەیە، هەندێك شوێن نەبێت، ئەوانیتر ڕێنماییەكان جێبەجێ‌ ناكەن”.

د. هێرش سەید سەلیم ئەوەشی خستووەتەڕوو:”هاووڵاتی لەسەرێكەوە ناهەقی نییە، حكومەت كەمتەرخەم بووە لەدابینكردنی بژێوی ئەوكەسانەی بژێوییان لەسەر داهاتی ڕۆژانە بووە، جگە لەوە دواكەوتنی مووچە هۆكاری ئەوەیە هاووڵاتی ناتوانێت لەماڵەوە دانیشێت و خۆی لە ڤایرۆس بپارێزێت و بەناچاری خۆی دەخاتە بەرمەترسی بۆ دابین كردنی بژێوی”.

کوردستان

بوومەلەرزە لە شارێكی كوردستان ڕوویدا

خەڵك – بەشی هەواڵ
بوومەلەرزەیەك بە گوڕی 4.2 پلە بە پێوەری ڕێختەر شاری قەسری شیرینی لە پارێزگای كرماشانی ڕۆژهەڵاتی كوردستانی هەژاند.

بوومەلەرزەكە كاتژمێر 11:40 خوولەك و بە قووڵایی 10 كیلۆمەتر لە ئاستی ڕووی زەوی و دووری 19 كیلۆمەتر لە ناوەندی شاری قەسری شیرین ڕوویدا.

تا ئێستا زانیاری دەربارەی ئەگەری كەوتنەوەی زیانی گیانی یان ماددی لە بوومەلەرزەكە ڕانەگەیەندراوە.

بەردەوام بە لە خوێندنەوە

کوردستان

فڕۆكە جەنگییەكانی توركیا چیای گارە بۆردومان دەكەن

خەڵك – بەشی هەواڵ
بۆردومان و هێرشەكانی توركیا بۆ سەر هەرێمی كوردستان بەردەوامە و ئەمڕۆش چیای گارە بۆردومان كرایەوە.

ئەمڕۆ چوار شەممە فڕۆكە جەنگییەكانی توركیا چیای گارەیان لە سنووری پارێزگای دهۆك بۆردومان كرد.

توركیا لە ناوەڕاستی مانگی ڕابردووەوە بە بیانووی بوونی هێزەكانی پەكەكە لەشكركێشییەكی بەرفراوانی لە سنووری هەردوو پارێزگای هەولێر و دهۆك دەستپێكردووە و بە پێی ئەو زانیارییانەی توركیا بە فەرمی بڵاویكردوونەتەوە، تا ئێستا ژمارەی بنكە سەربازییەكانی لە هەرێمی كوردستاندا گەیاندووەتە 37 بنكە و بەردەوامیش ناوچە سنوورییەكان بۆردومان دەكات.

بەردەوام بە لە خوێندنەوە

کوردستان

كۆبوونەوەی شاندی باڵای یەكێتی و یەكگرتوو دەستیپێكرد

خەڵك – بەشی هەواڵ
شاندی باڵای یەكێتیی نیشتمانیی كوردستان و یەكگرتووی ئیسلامی كوردستان لە سلێمانی كۆبوونەوە.

میدیای فەرمی یەكێتی بڵاویكردەوە كە لە كۆبوونەوەكەدا ” پێشهاته‌ سیاسی و ئابوورییه‌كان” تاووتوێ ده‌كرێن.

پێشتریش لاهور شێخ جەنگی هاوسەرۆكی یەكێتی لە سەردانێكیدا بۆ لای سەڵاحەدین بەهادین ئەمینداری گشتی یەكگرتوو باسیان لە چارەسەركردنی دۆخی سیاسی هەرێم و پەیوەندییەكانی نێوان هەولێر و بەغدا كردبوو.

بەردەوام بە لە خوێندنەوە

کوردستان