ئێمە لە تۆرە کۆمەڵایەتیەکان

ئابوری

“ئاوی خواردنەوە نەما”
ئێران ئاوی شارێكی هەرێمی كوردستانی گرتەوە

وەزارەتی كشتوكاڵ و سەرچاوەكانی ئاوی‌ هەرێمی‌ كوردستان ئاشكرای دەكات، كە كۆماری ئیسلامی ئێران ئاوی زێی بچوكی گرتووەتەوە و بەهۆیەوە كێشەی بۆ ئاوی خواردنەوەی شاری قەڵادزێ دروست كردووە و دەشڵێت: “تا ئێستا ئاوی خواردنەوە دابەش نەكراوە”.

خەڵك- بەشی هەواڵ

وەزارەتی كشتوكاڵ و سەرچاوەكانی ئاوی‌ هەرێمی‌ كوردستان ئاشكرای دەكات، كە كۆماری ئیسلامی ئێران ئاوی زێی بچوكی گرتووەتەوە و بەهۆیەوە كێشەی بۆ ئاوی خواردنەوەی شاری قەڵادزێ دروست كردووە و دەشڵێت: “تا ئێستا ئاوی خواردنەوە دابەش نەكراوە”.

بەڕێوەبەرایەتی گشتی بەنداو و كۆگاكانی ئاو لە وەزارەتی كشتوكاڵی هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ئاماژەی بەوەكردووە، “بەیانی ئەمڕۆ شەممە 2018/6/2، كۆماری ئیسلامی ئێران ئاوی زێی بچوكی گرتووەتەوە و تاوەكو ئێستاش بەردەوامە و بەهۆیەوە كێشە بۆ ئاوی خواردنەوەی شاری قەڵادزێ دروستبووە و ئاوی خواردنەوە دابەش نەكراوە”.

ڕاشیگەیاندووە، گرتنەوەی ئاوی زێی بچووك لەكاتێكدایە 1-6 كاتی بەردانەوەی ئاوە نەوەك گرتنەوەی، هەرێمی كوردستانیش لەو بەروارە ئاو بۆ خواروو و ناوەڕاستی عیراق بەردەداتەوە، بەڵام بەداخەوە كۆماری ئیسلامی ئێران لە جیاتی بەردانەوەی ئاو، هەڵساوە بە گرتنەوەی و ئەمەش بۆ دووەم جارە ئاو دەگرێتەوە.

وەزارەتی كشتوكاڵ ئاشكراشی كردووە، لەگەڵ دروست بوونی كێشەكە رێباز حەملان، وەزیری كشتوكاڵ و سەرچاوەكانی ئاو بە وەكالەت لەگەڵ قوباد تاڵەبانی، جێگری سەرۆك وەزیرانی حكومەتی هەرێم و سەركونسوڵی كۆماری ئیسلامی ئێران لە هەولێر و لایەنە پەیوەندارەكان لە پەیوەندی بەردەوامدایە بۆ چارەسەركردنی كێشەكە.

بەڕێوەبەری گشتی بەنداو و كۆگاكانی ئاو لە وەزارەتی كشتوكاڵ و سەرچاوەكانی ئاو جەختیشی كردۆتەوە، لە پەیوەندیدان لەگەڵ وەزارەتی سەرچاوەكانی ئاو لە حكومەتی عیراقی فیدراڵ.

ئابوری

خوێندنی باڵا هەلی گواستنەوەی ڕاژەی 80 فەرمانبەر ڕادەگەیەنێت

خەڵك- بەشی هەواڵ

وەزارەتی خوێندنی باڵا و توێژینەوەی زانستی ئاگاداری فەرمانبەران دەكات، كە سەرۆكایەتی زانكۆی پۆلیتەكنیكی دهۆك پێویستی بە گواستنەوەی ڕاژەی (٨٠) فەرمانبەر هەیە.

وەزارەتی خوێندنی باڵا و توێژینەوەی زانستی هەرێم لە ڕاگەیەنراوێكدا ئاماژەی بەوەكردووە، سەرۆكایەتی پۆلیتەكنیكی دهۆك پێویستی بە گواستنەوەی ڕاژەی (٨٠) فەرمانبەر هەیە، بۆیە هەر فەرمانبەرێك مەرجەكانی تێدایە دەتوانێت لە كاتی دیاریكراودا سەردانی تۆماری سەرۆكایەتی زانكۆی پۆلیتەكنیكی دهۆك بكات .

ئاماژەی بەوەشكردووە، پیویسته داواكار پێشتر لە یەكێك لە فەرمانگەكانی حكومەتی هەرێم دامەزرابێت، واته ئەمە هەلی گواستنەوەی ڕاژەیە نەك دامەزراندن و ئەم گواستنەوەیه لە سەر بنەمای شارەزایی و لێهاتویی و كێبركێ كردن دەبێت.

جەختیشی كردۆتەوە، دواكات بۆ پێشكەشكردنی (cv) و پوختەی ڕاژە كۆتایی دەوامی ڕۆژی یەك شەممە ڕێكەوتی (25/12/2018 ) دەبێت.

بەردەوام بە لە خوێندنەوە

ئابوری

سبەینێ‌ و دوو سبەی مووچەی ئەم شوێنانە دابەش دەكرێت

خەڵك- بەشی هەواڵ
وەزارەتی دارایی دابەشكردنی مووچەی چەند فەرمانبەرانی وەزارەتێك و چەند توێژێك ڕادەگەیەنێت.

سەرچاوەیەك لە گەنجینەی سلێمانی بۆ (خەڵك) وتی، “سبەینێ‌ چوار شەممە 12-12-2018 مووچەی وەزارەتی كاروباری شەهیدان و ئەنفالكراوان دابەش دەكرێت و لەگەڵیشیدا مووچەی كەسوكای شەهیدان و ئەنفالكراوان و زیندانیە سیاسیەكان خەرج دەكرێت”.

ئاشكراشی كرد، ڕۆژی پێنج شەممە 13-12-2018 مووچەی وەزارەتی خوێندنی باڵا و توێژینەوەی زانستی خەرج دەكرێت.

وتیشی، “ڕۆژانە گەنجینەكان ژمێریاری وەزارەتە و فەرمانگەكان لە پێدانی مووچە ئاگادار دەكەنەوە”.

ڕۆژی چوار شەممەی ڕابردوو، 5ی كانونی یەكەم، دابەشكردنی مووچەی مانگی ئەیلول بە وەزارەتی پێشمەرگە و لیواكان دەستی پێكرد و تا ئێستا جگە لە هێزەكانی پێشمەرگە هەر سێ‌ وەزارەتی پەروەردە و تەندروستی و دارایی مووچەیان پێ‌ دراوە.

بەردەوام بە لە خوێندنەوە

ئابوری

كاتی هەڵوەشاندنەوە و گێڕانەوەی پاشەكەوت ڕاگەیەنرا
وەزارەتی دارایی دەقی قسەكانی ڕێباز حەملانی لەسەر مووچە بڵاوكردەوە

خەڵك- بەشی هەواڵ
وەزارەتی دارایی و ئابووری حكومەتی هەرێم دەقی قسەكانی ڕێباز حەملان، وەزیری دارایی دەربارەی پاشەكەوت نەكردنی سێ‌ مووچەی كۆتایی ئەمساڵ و دابەشكردنی مووچە لە كاتی خۆیدا بڵاوكردەوە.

ڕێباز حەملان، وەزیری دارایی و ئابوری حكومەتی هەرێمی كوردستان لە كۆنگرە ڕۆژنامەوانیەكەدا ئاماژەی بەوەكردووە، دەنگۆی ئەوە بڵاوبۆتەوە، كە مووچەی مانگەكانی 10 و 11 و 12ی ئەمساڵ پاشەكەوت دەكرێت، بەڵام ئێمە بە ڕاوێژ لەگەڵ نێچیرڤان بارزانی، سەرۆك وەزیران، كە لە ڕابردووشدا باسی كردبوو، ئێمە وەكو حكومەت هەموو 30 ڕۆژ جارێك مووچە دابەش دەكەین.

جەختیشی كردەوە، كە بەهەمان شێوە بەردەوام دەبین و 30 ڕۆژ جارێك مووچە دابەش دەكەین و ئەو سێ‌ مانگە پاشەكەوت ناكرێت.

ئاشكراشی كرد، كە پەیوەندییەكانی هەرێم و بەغدا بەرەوپێش چووە و لێكنزیكبوونەوەیەكی باش هەیە لەسەر پشكی هەرێم لە بودجە، بۆیە گەشبینن لەسەر ئەوەی بەشێكی زۆری مووچە چارەسەر ببێت، ئەگەر 100%یش چارەسەر نەبێت.

دەربارەی پێدانەوەی پاشەكەوتی مووچە وتی، “پاشەكەوتی مووچە لە پڕۆژە چاكسازیەكەی بەردەم پەرلەمان چارەسەر كراوە و ئاماژە بە پێدانەوەی پاشەكەوت و مافی فەرمانبەران كراوە، چونكە بە دەرچوونی یاساكە پاشەكەوت نامێنێت و پاشكەوتی ڕابردووش بەپێی میكانیزمی یاساكە دەدرێتەوە بە فەرمانبەران”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین