ئێمە لە تۆرە کۆمەڵایەتیەکان

جیهان

ئەمریكا هەڕەشە لە حزبی كۆمۆنیستی چینی دەكات

خەڵك- بەشی هەواڵ
وەزیری دەرەوەی ئەمریكا، بەرپرسیارێتی شاردنەوەی زانیارییەكانی تایبەت بە بڵاوبوونەوەی ڤایرۆسی كۆرۆنا دەداتە پاڵ چین و دەڵێت، وڵاتەكەی گومانی هەیە لە سەلامەتی تاقیگەی ڤایرۆسەكان لە چین.

مایك پۆمپیۆ وەزیری دەرەوەی ئەمریكا لە لێدوانێكيدا بۆ كەناڵی (فۆكس نیوز) ڕایگەیاند”بەهۆی هەڵسوكەوتەكانی چین لەڕووی بڵاوبوونەوەی ڤایرۆسی كۆرۆنا، ژمارەیەكی زۆر گیانیانلەدەستدا، وێڕای زیانە ئابورییەكان كە ناكرێت مەزەندە بكرێن”.

بە بۆچوونی وەزیری دەرەوەی ئەمریكا”لایەنی چینی لە قۆناغەكانی سەرەتاوە، زانیارییەكانی لەبارەی بڵاوبوونەوەی نەخۆشی كۆرۆناوە شاردەوە”.

سەبارەت بە پەیوەندی وڵاتەكەشی لەگەڵ حزبی كۆمۆنیستی چینی، پۆمپیۆ وتی:”پەیوەندییەكان ڕوون نیین، تائێستا زۆرێك لەبارەیەوە نازانین”.

بە وتەی مایك پۆمپیۆ وەزیری دەرەوەی ئەمریكا”حزبی كۆمۆنیستی چینی و ڕێكخراوی تەندروستی جیهانی، ئەوەی پێویست بوو بیكەن نەیانكرد لەكاتی سەرهەڵدانی پەتاكە لەو وڵاتە”.

پۆمپیۆ دەڵێت”حزبی كۆمۆنیستی چینی دەبێت باجی هەڵسوكەوتەكانی بدات، لانی كەم ئەوەی بەسەر ئەمریكایدا هێنا”.

جیهان

لوبنان؛ ژمارەی كوژراوانی تەقینەوەكە گەیشتە 154 كەس

خەڵك – بەشی هەواڵ
ژمارەی كوژراوانی تەقینەوەكەی بەیروتی پایتەختی لوبنان بەزربووەوە و باری تەندروستی 120 برینداریش ناجێگیرە.

حەمەد حەسەن وەزیری تەندروستی لوبنان ڕایگەیاند بەپێی دوایین ئامار ژمارەی قوربانییانی تەقینەوەكەی بەندەری بەیروت بەرزبووەتەوە بۆ 154 كوژراو و پێنج هەزار بریندار.

ڕوونیشیكردەوە كە برینی زۆربەی برینداربووانی تەقینەوەكە، سەختە و رەوشی 120شیان ناجێگیرە.

ڕۆژی سێشەممەی ڕابردوو تەقینەوەیەكی بەهێز لە بەندەری بەیروت ڕووی دا كە جگە لە زیانێكی زۆری گیانی، زیانێكی زۆری ماددیشی لێكەوتەوە كە بە نزیكەی 15 ملیار دۆلار مەزەندە دەكرێت.

بەردەوام بە لە خوێندنەوە

جیهان

زیاتر لە 260 هەزار كەسی دیكە تووشی كۆرۆنا بوون

خەڵك – بەشی هەواڵ
ژمارەی تووشبووانی كۆرۆنا لە جیهاندا زۆر بە خێرایی بەرزدەبێتەوە و لە ماوەی كەمتر لە دوو ڕۆژیشدا زیاتر لە 260 هەزار كەسی دیكە تووشی پەتاكە بوون.

بە پێی نوێترین ئامار، تاوەكو بەیانی ئەمڕۆ هەینی ژمارەی تووشبووانی كۆرۆنا لە جیهاندا گەیشتووەتەوە 19 ملیۆن و 266 هەزار و 340 كەس.

ئەویش دوای ئەوەی شەوی چوار شەممە تووشبووانی پەتاكە لە جیهاندا گەیشتە 19 ملیۆن.

ئامارەكان دەریدەخەن كە 717 هەزار و 792 كەسیش بە هۆی كۆرۆناوە گیانیان لە دەست داوە و تا ئێستا 12 ملیۆن و 367 هەزاریش چاكبوونەتەوە.

بەردەوام بە لە خوێندنەوە

جیهان

پۆمپیۆ: نوێنەری تایبەتی ئەمریكا بۆ كاروباری ئێران دەستلەكاردەكێشێتەوە

خەڵك – بەشی هەواڵ

وەزیری دەرەوەی ئەمریكا ڕایدەگەیەنێت، نوێنەری تایبەتی وڵاتەكەی بۆ كاروباری ئێران بڕیاریداوە دەستلەكاربكێشێتەوە.

مایك پۆمپیۆ، وەزیری دەرەوەی ئەمریكا ڕایگەیاند، برایان هۆك، نوێنەری تایبەتی وڵاتەكەی بۆ كاروباری ئێران بەنیازە واز لە پۆستەكەی بهێنێت و ئیلیۆت ئەبرام، نوێنەری تایبەتی ئەمریكا بۆ كاروباری ڤەنزوێلا ئەركەكەی دەگرێتە ئەستۆ.

وەزیری دەرەوەی ئەمریكا هیچ ئاماژەیەكی بە هۆكاری وازهێنانەكەی برایان هۆك نەكردووە.

بڕیاری برایان هۆك بۆ وازهێنان لەكاتێكدایە كە ئەنجومەنی ئاسایشی نێودەوڵەتی ئامادەكاری دەكات بۆ ئەوەی هەفتەی داهاتوو دەنگ لەسەر پڕۆژە یاسایەكی ئەمریكا بدات بۆ درێژكردنەوەی گەمارۆی چەك لەسەر ئێران.

جێی ئاماژەیە، لە چوار ساڵی كاركردنی وەكو نێردەی تایبەتی ئەمریكا، برایان هۆك ببووە ڕووخساری سەپاندنی سزاكانی ئەمریكا بەسەر ئێراندا.

بەردەوام بە لە خوێندنەوە

کوردستان